.:: Download Myanmar Font (WinKalaw New Version) HERE ::.

Sunday, February 27, 2011

Trust or not?

ဟိုတလောက အသိတယောက်က အကူအညီတောင်းပါတယ်။ စင်္ကာပူကို အလုပ် လာရှာဖို့အတွက် Show Money ပြချင်လို့ စင်္ကာပူငွေ ရောင်းပေးပါတဲ့။ အစိမ်းတွေ ပြရင်လည်း ရပါတယ်လို့ ပြောပြပေမယ့် စလုံးငွေပဲ လိုချင်တယ်တဲ့။ ကူညီနိုင်ရင် ကူညီပေးပါဆိုလို့ အဲဒီနေ့က ပေါက်ဈေးအတိုင်း တွက်ချက် သဘောတူပြီး လွှဲပေးမယ်လို့ ပြောလိုက်တယ်။ အိမ်ကို ငွေလွှဲဖို့ မလိုတဲ့အချိန် ဖြစ်ပေမယ့်လည်း ကူညီပေးလိုက်တယ်။

ငွေကို ဘယ်လို လွှဲပေးရမလဲ ဆိုတော့ သူ့အသိတယောက်က စင်္ကာပူကို ခေတ္တခဏ အလည်ရောက်နေတယ်။ အဲဒီတယောက်ဆီ စလုံးငွေကို သွားပို့ပေးရင် ရပြီတဲ့။ အဲဒါဆို စင်္ကာပူဘက်အခြမ်း ကိစ္စက ရှင်းတယ်။ ငွေလက်ခံမယ့်သူရဲ့ ဖုန်းနံပါတ်ကို ယူထားပြီး ဆက်သွယ်လိုက်ရုံပဲ။ ပြီးရင် နှစ်ဦးနှစ်ဘက် အဆင်ပြေမယ့် အချိန်မှာ ငွေလွှဲပေးကြတာပေါ့။ ရန်ကုန်ဘက်အခြမ်းက ဘယ်လို ငွေလက်ခံယူရမလဲ။ သွားပို့မှာလား လာယူရမှာလား။ ရန်ကုန်ဘက်မှာ အိမ်အရောက် ကိုယ်တိုင် သွားပို့ပေးမယ်ဆိုတော့ သွားရလာရ လွယ်ကူတဲ့ ကျွန်တော့်အဖွားအိမ်ကိုပဲ သွားပို့ပေးဖို့ ပြောလိုက်တယ်။ အဲဒီအထိတော့ အားလုံး အဆင်ပြေ အိုခေနေတာပေါ့။

အဆင်မပြေတာတွေက နောက်မှ သိလိုက်ရတယ်။ ငွေသွားပို့တဲ့နေ့မှာ စာချုပ်လုပ်သွားပြီး ငွေလက်ခံ ရယူတဲ့ အိမ်က အဖွားကို လက်မှတ်ထိုးခိုင်းသလို ဦးလေးကိုလည်း အသိသက်သေနေရာမှာ လက်မှတ်ထိုးခိုင်းတယ်။ အဲဒီအထိကတော့ အိမ်က လူကြီးတွေက အိုခေပါတယ်။ ငွေရေးကြေးရေးကိစ္စမှာ စာချုပ်တွေနဲ့ လုပ်တာကို အတိုင်းအတာ တခုအနေနဲ့ လက်ခံပါတယ်။ လိုအပ်သလို လက်မှတ် ထိုးပေးတယ်။ ပြဿနာက စာချုပ်ကို ယူသွားပြီး ပြန်သွားပြီးကာမှ နောက်ပြန်လှည့်လာပြီး အဖွားကို သက်သေအနေနဲ့ ဓါတ်ပုံရိုက်ယူသွားတယ်။ အိမ်က လူကြီးတွေက အဲဒီကိစ္စကို အစာမကြေဖြစ်ပြီး ကျွန်တော့်ဘက်ကို ဖုန်းဆက်ဗုံးကြဲပါလေရော။

အခုကိစ္စမှာ... ဘဝတခု အသစ်စဖို့ ရှိသမျှကို စုဆောင်းပြီး ပျံသန်းဖို့ အရှိန်ယူဆဲကာလမှာ အလိမ်အညာ မုသားအိမ်ထဲ ယောင်မှားဝင်မိမှာ စိုးရိမ်မိလို့... မိုးပြိုခဲ့သည် ရှိသော်ဆိုပြီး ခြေနှစ်ချောင်း မိုးပေါ်ထောင် အိပ်တဲ့ တစ်တီတူးငှက်လိုမျိုး... သံသယကို အခြေခံပြီး မရည်ရွယ်ပဲ လုပ်သွားတဲ့ အမှားလေးက တဘက်လူရဲ့ စေတနာကို ဝေဒနာ ဖြစ်စေခဲ့တယ်။ ကူညီတတ်တယ်၊ ရက်ရောတယ် ဆိုတဲ့ မြန်မာ့လူနေမှုဘဝမှာ ခြေနှစ်ချောင်း မကယ်ကောင်းဘူး ဆိုတဲ့စကားက အလကားပေါ်လာခဲ့ပုံ မပေါ်ပါဘူး။ အကူအညီလိုနေတဲ့ သူကို ကူညီရတာ မင်္ဂလာတပါးပါပဲ။ မလိုတဲ့နေရာမှာ သွားပြီး ကူနေရတာထက် တကယ်လိုနေတဲ့သူကို ကူရတာ ပိုကောင်းတာပေါ့။ ဒါပေ့မယ် ခြေနှစ်ချောင်း မကယ်ကောင်းဘူးဆိုတဲ့ အဲဒီစကားက ဘယ်ကနေ ဘယ်လိုမျိုး ပေါ်လာရတာလဲ။

ကျွန်တော့်ဘက်မှာ အဆင်မပြေတာ အသေးအမွှားလေးတွေလည်း ရှိပါတယ်။ ပုံမှန်မှာဆို မြန်မာပြည်ကို ငွေလွှဲချင်ရင် ပင်နီဇူလားက လွှဲနေကြအေးဂျင့်ကို လွှဲပေးလိုက်ရင် အဆင်ပြေပြီ။ ကိုယ်မအားလို့ ကိုယ်တိုင် မသွားဖြစ်ရင်လည်း ဘဏ်ကနေ ငွေလွှဲပေးလိုက်ရင် အဆင်ပြေတာပဲ။ အခုဟာကျတော့ တမျိုးပါ။ သူ့ဘက် ကိုယ့်ဘက် အားတဲ့အချိန်ကို ညှိယူရတယ်။ ပြီးတော့ ငွေလက်ခံမယ့်သူ တည်းနေတဲ့ နေရာကို ကိုယ်တိုင် အရောက် သွားပေးရတယ်။ ဘဏ်ကနေ လွှဲပေးလို့ရတာမျိုး မဟုတ်ဘူး။ အလုပ်တွေ မအားတဲ့ ကြားကနေ ရုံးဆင်းချိန်မှာ အပြေးတပိုင်း မြို့ထဲသွားရတယ်။ ဖုန်းတွေ ဆက်ရတယ်။ ဆိုလိုချင်တာက အေးဂျင့်ကနေ လွှဲတာလောက် မလွယ်ပါဘူး။ အချိန်ကုန် လူပန်း စိတ်ရှုပ်ရပါတယ်။

အပြန်အလှန် ယုံကြည်မှုဆိုတာ ရင်းနှီးခင်မင်ပါတဲ့ လူရင်းတွေကြားမှာတောင် ရှိခဲပါတယ်။ ယုံရပါတယ် ဆိုတဲ့ လူတွေတောင် ယုံကြည်မှုကို အလွဲသုံးစား လုပ်တတ်သေးတာပဲ။ ဒီလိုနဲ့ပဲ ဖိုးတွမ်တီးဆိုတဲ့ အမှုတွေက ပေါများလွန်းနေတယ်။ ဒါကြောင့် အကျွမ်းတဝင် မရှိသေးတဲ့ လူအဖို့ဆိုရင် အပြန်အလှန် ယုံကြည်မှု ရှိဖို့ဆိုတာ ပိုလို့တောင် ခက်လှပါတယ်။ ဆွေမျိုးသားချင်းတောင် မယုံရဲတဲ့ ခေတ်ကို ရောက်နေပြီလေ။

အဲဒါကြောင့် ခြေနှစ်ချောင်းကို အပေါ်ထောင်ထားတဲ့ တစ်တီတူးလို လူမျိုးရဲ့ သဘောသဘာဝကို ကျွန်တော် နားလည်ဆင်ခြင်မိတဲ့အလျှောက် အခုကိစ္စမှာ အိမ်က ပြောသမျှ ဆူသမျှကို ခေါင်းငုံ့ခံပြီး ရေငုံနှုတ်ပိတ် တိတ်တိတ်လေးပဲ နေလိုက်ပါတယ်။ စေတနာကို ဝေဒနာ ဖြစ်အောင် မလုပ်မိစေလိုတဲ့ ဆန္ဒလေးပဲ ရင်ထဲမှာ ရှိနေခဲ့လို့ ဆင်ခြင်နိုင်အောင် ရေးမှတ်ထားလိုက်ပါတယ်။

Sunday, February 20, 2011

Oh! My Valentine



စင်္ကာပူက သွေးဘဏ်မှာ တတိယအကြိမ်မြောက် စုပေါင်း သွေးလှူဒါန်းပွဲကို လုပ်ဖြစ်ခဲ့တယ်။ ပထမအကြိမ်က သြဂုတ်လ ဂ ရက်နေ့ ၂၀၁၀ ခုနှစ်မှာ လုပ်ခဲ့တာပါ။ သွေးအိတ်ပေါင်း ၇၀ လှူဒါန်းနိုင်ခဲ့တယ်။ ဒုတိယအကြိမ်က နိုဝင်ဘာလ ၂၈ ရက်နေ့ ၂၀၁၀ ခုနှစ်မှာ လုပ်ခဲ့တယ်။ သွေးအိတ်ပေါင်း ၇၆ အိတ် လှူဒါန်းနိုင်ခဲ့တယ်။ အခုတခါကတော့ တတိယအကြိမ်မြောက်ပေါ့။ သွေးလှူရှင် ၉၀ ပတ်ဝန်းကျင် လာရောက် လှူဒါန်းပါတယ်။ ဒါပေမယ့် ဆေးမအောင်တာတို့၊ သွေးပေါင်တက်နေတာတို့၊ သံဓါတ် အားနည်းနေတာတို့ ရှိတဲ့အတွက် ၉၀ တော့ ပြည့်မယ် မထင်ပါဘူး။ သွေးဘဏ်က သွေးအိတ်စာရင်း ပြန်ပို့ပေးတာကို စောင့်ကြည့်ရမှာပေါ့။

Oh! My Valentine..... ဆိုတာကတော့ ဒီနေ့ ဒူးရင်းသီးထဲမှာ သွားကြည့်ခဲ့တဲ့ Wind Orchestra ရဲ့ ပွဲအမည်ခေါင်းစဉ်လေးပါ။ သွေးလှူတဲ့ ရက်နဲ့ တိုက်ဆိုင်လို့ ပို့စ်ခေါင်းစဉ်ကို အဲဒီအတိုင်းပဲ ပေးလိုက်တာပါ။ အထွေအထူး ဘာမှ မရှိပါဘူး။ ဗိုလ်ချုပ်မွေးနေ့မှာ သွေးလှူပွဲ လုပ်ဖြစ်ခဲ့ရင်တော့ အဲဒီလိုအမည် မပေးဖြစ်တာ သေချာပါတယ်လေ။

ဒီနေ့ပွဲကို လာရောက်ကူညီပေးတဲ့ ဘလော့ဂါရီနိုမာန်နဲ့ စီပုံး-မဟူရာမင်းသားကြီး ကောင်ကောင်မိုတို့ကို ကျေးဇူးတင်ပါကြောင်း မှတ်တမ်းတင်အပ်ပါတယ်။

ဖြည့်စွက်ချက်... သွေးလှူဘဏ်က သွေးယူနစ်ပေါင်း ၇၅ ယူနစ် ရရှိတဲ့အကြောင်း အကြောင်းပြန်ပါတယ်။

Friday, February 18, 2011

Chingay 2011 - 02








မှတ်ချက်... လက်ရာကောင်းလို့ အကြိုက်တွေ့လို့ ဓါတ်ပုံတွေ တင်ထားတာမျိုး မဟုတ်ပါ။ အချိန် အားအားရှိ ပင်နီဇူလားမှာ အချိန်ဖြုန်းနေတတ်တဲ့ အသိမိတ်ဆွေတချို့ကို စင်္ကာပူမှာ ဒီလိုမျိုးပွဲတွေ... သွားသင့်လာသင့်တဲ့ နေရာတွေ... ရှိပါတယ် ဆိုတာလေးကို သိစေချင်ယုံလေးပါ။ အချိန်တန်လို့ အိမ်ပြန်တဲ့အခါ စင်္ကာပူဆိုတာ ဘယ်လိုမျိုးလဲ ဆိုတာ သိရအောင် အမြင်မကျဉ်းရလေအောင် ဆိုတဲ့ စေတနာလေးကို အရင်းခံထားပါတယ်။

Wednesday, February 16, 2011

Chingay 2011 - 01








မှတ်ချက်... လက်ရာကောင်းလို့ အကြိုက်တွေ့လို့ ဓါတ်ပုံတွေ တင်ထားတာမျိုး မဟုတ်ပါ။ အချိန် အားအားရှိ ပင်နီဇူလားမှာ အချိန်ဖြုန်းနေတတ်တဲ့ အသိမိတ်ဆွေတချို့ကို စင်္ကာပူမှာ ဒီလိုမျိုးပွဲတွေ... သွားသင့်လာသင့်တဲ့ နေရာတွေ... ရှိပါတယ် ဆိုတာလေးကို သိစေချင်ယုံလေးပါ။ အချိန်တန်လို့ အိမ်ပြန်တဲ့အခါ စင်္ကာပူဆိုတာ ဘယ်လိုမျိုးလဲ ဆိုတာ သိရအောင် အမြင်မကျဉ်းရလေအောင် ဆိုတဲ့ စေတနာလေးကို အရင်းခံထားပါတယ်။

Sunday, February 13, 2011

13 Feb 2011



မနေ့က ဖေဖော်ဝါရီလ ၁၂ ရက်နေ့
နိုင်ငံတဝန်း ကျင်းပကြတယ်
မနက်ဖြန်က ဖေဖော်ဝါရီလ ၁၄ ရက်နေ့
စည်စည်ကားကား မြင်ရအုံးမယ်
ဒီနေ့က ဗိုလ်ချုပ်အောင်ဆန်းမွေးနေ့
ဟိုတကွက် ဒီတကွက်
ခြောက်တီးခြောက်ကပ် လှုပ်လီလှုပ်လဲ့...

ဘာပဲဖြစ်ဖြစ်ပေါ့ နောက်ဆုံးမှာတော့
ဘယ်သူကိုမှ အပြစ်မတင်ချင်
သတိရ အောက်မေ့သူတွေထဲမှာ
ကျွန်တော်တယောက် ပါနေတာကိုပဲ
ဝမ်းနည်းစိတ်နဲ့ ကျေနပ်မိတယ်။

Wednesday, February 9, 2011

Snapshot at CNY 2011


ဝေါစီးနေတဲ့ စီးပွါးလာဘ်လာဘကို ပေးတဲ့ Tsai Shen Yeh


မြေစောင့်နတ် လင်မယား Tu Di Gong နဲ့ Tu Di Po


တစ်ကောင်တည်း မဟုတ်တဲ့ နတ်ကျားမိသားစု...


ဘုံကျောင်းအဝင်ဝက ရွှေသွားအပြည့်နဲ့ ခြူးခြင်္သေ့

Sunday, February 6, 2011

CNY - Rabbit Year

တရုတ်နှစ်သစ်ကူးကို Chinese New Year (CNY) လို့ ပြောသလို Lunar New Year (LNY) လို့လည်း သုံးနှုန်းကြတယ်။ ကလေးဘဝတုန်းကတော့ လူနာဆိုတဲ့ စာလုံးရဲ့အဓိပ္ပါယ်ကို နားမလည်ဘူး။ ဘာကြောင့်များ တရုတ်တွေကို လူနာလို့ ပြောကြတာလဲ... အသားဖြူလို့ လူနာနဲ့များ တူနေသလား ဆိုပြီး အူကြောင်ကြောင် ကလေးအတွေးတွေ တွေးခဲ့ဖူးတာပေ့ါ။ တရုတ်ပြက္ခဒိန်က လကို အခြေပြုပြီး တွက်ချက်ထားတဲ့ ပြက္ခဒိန်ဆိုတာ မသိခဲ့တာ အမှန်ပဲလေ။

တရုတ်ပြက္ခဒိန်အရ ဒီနှစ်ကတော့ ယုန်နှစ်ပါ။ ယုန်တွေက တီထွင်ကြံဆအား ကောင်းတယ်။ လူချစ်လူခင် ပေါများတယ်။ အပေါင်းအသင်းနဲ့ မိသားစုကို ခုံမင်တယ်။ ပဋိပက္ခတွေကို မကြိုက်လို့ ရှောင်လေ့ရှိတယ်။ ပြဿနာနဲ့ ရင်ဆိုင်နေတဲ့ အချိန်မှာတောင် ယုန်တွေဟာ တစ်ဘက်သားကို ငဲ့ညှာတယ် လို့ ပြောကြတာပဲ။ အဲဒီလိုပဲ ယုန်နှစ်က ကျားနှစ်ထက်စာရင် ပိုကောင်းတယ်လို့ ကလေးယူတော့မယ့် စုံတွဲတွေက ယူဆကြတယ်။ ကျားနှစ်ဖွားတွေက အိမ်ထောင်ဘက် ရှာရတာ နည်းနည်းခက်တယ်။ အိမ်ထောင်ဘက်ရဲ့ မွေးနှစ်အကောင်က အကောင်ကြီး ဖြစ်ဖို့ကို သေချာရွေးရတယ်။ အယူသီးတဲ့ မိဘတွေဆိုရင် ကျားနှစ်ဖွားတွေနဲ့ အိမ်ထောင် ချပေးဖို့ တွန့်ဆုတ်တတ်ကြတယ်။

ဘုံကျောင်းအဝင်ဝက ရွှေဆေးပြယ်နေတဲ့ နဂါးနီတိုင်လုံးကြီး...

ဒီနှစ် ယုန်နှစ်မှာ ကံနိမ့်တဲ့ တခြားရာသီခွင်တွေ ရှိပါတယ်။ အဲဒါတွေကတော့ ယုန်နှစ်ကနေ သုံးနှစ်၊ ခြောက်နှစ်၊ ကိုးနှစ် အကွာမှာ ရှိတဲ့ အကောင်တွေဖြစ်တဲ့ ကြွက်၊ ကြက်နဲ့ မြင်း ပေါ့။ မြန်မာမှာ အတာစားတယ် ဆိုတာမျိုးနဲ့ တူမယ်လို့ ထင်ပါတယ်။ ပြဿဒါးနေ့က မကောင်းဘူးလို့ ယူဆသလိုမျိုး ယုန်နှစ်မှာ အဲဒီရာသီဖွားတွေ ကျန်းမာရေး၊ အလုပ်အကိုင်၊ အိမ်ထောင်ရေး ချူခြာပါမယ်တဲ့။ အဲဒီလို ကံနိမ့်နေတဲ့ အကောင်တွေအနေနဲ့ ကံမြင့်အောင် ဘုံကျောင်းမှာ ယတြာချေရပါတယ်။ ကျွန်တော်တို့ အခုနေတဲ့အိမ်မှာက အဲဒီလိုအကောင်တွေ ရှိနေတာနဲ့ ဘုံကျောင်းမှာ ယတြာချေဖို့အတွက် နှစ်ဆန်းလေးရက်နေ့မှာ ထွက်လာခဲ့တယ်။ အဲဒီ နှစ်ဆန်း ၄ ရက်နေ့မှာပဲ ယတြာချေရတာလို့ ထင်မိတယ်။


ယတြာချေဖို့ ကန့်တော့ကြတဲ့ ဘုရားခန်းက ဆင်းတုတွေ...

ဘုံကျောင်းကို ရောက်တော့ ဘုံကျောင်းဝေယျာဝစ္စအဖွဲ့သားတွေက ယတြာချေဖို့အတွက် လိုအပ်တာတွေကို မေးမြန်းပါတယ်။ တရုတ်အမည်၊ ကျား/မ၊ မွေးသက္ကရာဇ်၊ အကောင်၊ နေရပ်တွေကို မေးပြီး အဲဒါတွေကို စာအိတ်အနီလေးပေါ်မှာ ရေးပေးလိုက်တယ်။ ဘုရားခန်းအထဲကို ရောက်တော့ တရုတ်အဖိုးကြီးတစ်ယောက်က ဘုရားကို ဘယ်လောက် လှူရမယ် ဆိုတဲ့ ငွေပမာဏကို တွက်ချက်ပေးပါတယ်။ အများကြီးတော့ မဟုတ်ပါဘူး။ ၂ ဒေါ်လာ ၃ ဒေါ်လာ လောက်ပါပဲ။ အဲဒီငွေကို ပေးလိုက်ရင် အကြွေစေ့တွေ လဲပေးလိုက်ပြီး အနီရောင် စက္ကူအိတ်ထဲကို ထည့်ပေးပါတယ်။ မီးရှို့ဖို့အတွက် ရွှေစက္ကူတွေနဲ့ ဘာမှန်းမသိတဲ့ ရောင်စုံစက္ကူတွေကို အထပ်လိုက် ပေးပါတယ်။ အဲဒါတွေ ယူပြီးရင် ဘုရား ရှိခိုးဖို့ တန်းစီပေတော့။

ဘုံကျောင်းက ပေးတဲ့ မီးရှို့ဖို့အတွက် ရောင်စုံစက္ကူတွေ...

တန်းစီနေတဲ့ လူတွေရဲ့ အရှေ့ဆုံးမှာ တရုတ်မကြီးတစ်ယောက်က အလှည့်ကျ ဆုတောင်းပေးနေတယ်။ ကိုယ့်အလှည့် ရောက်ဖို့ ၁ ယောက် ၂ ယောက် အလိုလောက်ဆိုရင် အမွေးတိုင်ကို မီးညှိထားလိုက်တယ်။ ကိုယ့်အလှည့် ရောက်တဲ့အခါ လက်ထဲက အိတ်အနီလေးကို သူ့ဆီ ပေးလိုက်ရင် သူက တရုတ်လို ဘုရား ရှိခိုး ဆုတောင်းပေးပါတယ်။ ဘာတွေ ဆုတောင်းနေသလဲတော့ မသိပါဘူး။ အိစိကွစိတွေ ရွတ်နေတာပဲ သိတယ်။ ဆုတောင်းတာပြီးရင် အိုးထဲမှာ အမွေးတိုင်တွေ ထွန်းခဲ့ပေါ့။ ပြီးရင် ဘုရားခန်း အပြင်ဘက် ခြံဝင်းထဲထွက်ပြီး စက္ကူမီးရှို့တဲ့ နေရာမှာ ရောင်စုံစက္ကူ အထပ်လိုက်ကြီးကို မီးရှို့ကြတယ်။ ကဲ... အဲဒါ ယတြာ ချေပြီးပြီ။

လုပ်စရာရှိတာ လုပ်ပြီးရင် ကျန်တာတွေကတော့ ဒီနှစ်ကုန်တဲ့အထိ စောင့်ကြည့်ကြတာပေါ့။

Wednesday, February 2, 2011

The red



တရုတ်တွေ သိပ်ကြိုက်ကြတဲ့
အနီရောင်ကို နောက်ခံထားပြီး
သူများတွေပြောတဲ့အတိုင်း လိုက်ပြောလိုက်မယ်
Gong Xi Fa Cai ပါခင်ဗျာ။