.:: Download Myanmar Font (WinKalaw New Version) HERE ::.

Wednesday, September 10, 2008

The power of tears - 1

မဟာတံတိုင်းကြီးနဲ့ ပါတ်သတ်တဲ့ နောက်ထပ် ပုံပြင်ဇာတ်လမ်းလေး တစ်ခုရှိပါတယ်။ အဲဒီဇာတ်လမ်းလေးကို ဟိုးငယ်စဉ် ကလေးဘ၀ကတည်းက အဖွားက ပြောပြလို့ ကြားသိဖူးပါတယ်။ အဖွားကလည်း မြန်မာစကား သိပ်မရ... ကိုယ်တွေကလည်း တရုတ်စကားကို နားမလည်နဲ့ မပြည့်မစုံ နားလည်ခဲ့ရတဲ့ ဇာတ်လမ်းလေးပေါ့။ အခုတော့ မဟာတံတိုင်းနဲ့ ပါတ်သတ်တဲ့အကြောင်းတွေကို အင်တာနက်မှာ ရှာရှာဖွေဖွေ လိုက်ဖတ်ရင်း အဲဒီဇာတ်လမ်းလေးကို ပြန်တွေ့မိတာပါ။ ငယ်ငယ်တုန်းက မရှင်းလင်းခဲ့သမျှ အခုတော့ ရှင်းရှင်းလင်းလင်း သိခဲ့ရပါပြီ။ ပုံပြင်ဇာတ်လမ်း ဆိုတဲ့အတိုင်း မျိုးဆက်တစ်ခုပြီးတစ်ခု အဆင့်ဆင့် လက်ဆင့်ကမ်းခဲ့ရတာဆိုတော့ မူကွဲတွေကတော့ အမျိုးမျိုးရှိနိုင်တာပေါ့။ ဒါကြောင့် ကျွန်တော့်ဇာတ်လမ်းနဲ့ တခြားသူတွေ သိတဲ့ဇာတ်လမ်း ထပ်တူထပ်မျှ မတူတာတွေ ဖြစ်နိုင်ပါတယ်။

လွမ်းမျက်ရည်ဆိုတဲ့ ပုံပြင်လေးဟာ မဟာတံတိုင်းကြီးနဲ့ ပတ်သတ်တဲ့ ပုံပြင်လေးတွေထဲမှာ အတော်လေးကို ကျော်ကြားတဲ့ ပုံပြင်လေးပါပဲ။ အဲဒီပုံပြင်လေးထဲမှာ လွန်ခဲ့တဲ့ နှစ်ပေါင်း ၄၆၀၀ ကျော်တုန်းက တရုတ်ပြည်မှာ ရွှီဟွမ်တီဘုရင် (အ၀ါရောင် အင်ပါယာ)ခေတ်မှာ မဟာတံတိုင်းကြီး ဆောက်လုပ်မှုကြောင့် ကြေကွဲဖွယ် ဘ၀ အဆုံးသတ်ခဲ့ရတဲ့ ချစ်သူနှစ်ဦးအကြောင်းကို ရေးဖွဲ့ထားပါတယ်။

ပုံပြင်ဆိုတဲ့အတိုင်း... ဟိုးရှေးရှေးတုန်းကပေါ့ကွယ်။ ကျန့်မိသားစုတစ်စု ရှိသတဲ့ကွယ်။ အဲဒီ မိသားစုရဲ့ အိမ်ခြံဝန်းထဲမှာ ထူးဆန်းတဲ့ ဘူးပင်ကြီးတစ်ပင် ရှိသတဲ့။ အဲဒီဘူးပင်ကြီးကနေ အလွန်ကို ကြီးမားလှတဲ့ ဘူးသီးတစ်လုံးက အိမ်နီးချင်း မန်မိသားစုရဲ့ ခြံဝန်းဘက်မှာ သွားပြီး သီးနေပါတယ်။ မန်မိသားစုက အဲဒီ ဘူးသီးကြီးကို ခွဲကြည့်လိုက်တဲ့အခါ ဘူးသီးကြီးထဲမှာ ခလေးမလေးတစ်ဦး ပျော်ပျော်ရွှင်ရွှင် ထိုင်နေတာကို တွေ့လိုက်ရပါတယ်။ ဒါနဲ့ ခလေးမလေးကို မန်ကျန့်နွီ (Meng Jiangnu)လို့ အမည်ပေးလိုက်ပါတယ်။ အဓိပ္ပါယ်က မန် နဲ့ ကျန့် အိမ်က သမီးလေးပေါ့ဗျာ။

တစ်ညမှာ မန်ကျန့်နွီရဲ့ အိမ်မက်ထဲမှာ ကွမ်ရင်မယ်တော်က သူ့ကို လာပြီး စကားပြောပါတယ်။ သူ့ရဲ့ လုံလုံခြုံခြုံ ၀တ်ထားတဲ့ ၀တ်ရုံအောက်က အသားအရေကို မြင်တွေ့ခွင့်ရခဲ့တဲ့သူကို လက်ထပ်ယူရမယ်လို့ မိန့်မှာသွားပါတယ်။ သူမကတော့ အိမ်မက်ထဲက အဲဒီစကားကို အတော်လေးကို ယုံကြည်ပါတယ်။ ဒီိလိုနဲ့ တစ်နေ့ပြီး တစ်နေ့ ကုန်ဆုံးခဲ့ရင်း ခလေးမလေး အရွယ်ရောက်လာပါတယ်။ နတ်သမီးလေး တစ်ပါးအမျှ ချောမောလွန်းလှတဲ့ သူရဲ့ အလှဂုဏ်တွေဟာ ကျော်ကြားသထက် ကျော်ကြားလာပါတယ်။

တစ်နေ့မှာ ဘုရင်က မဟာတံတိုင်းကြီး ဆောက်လုပ်ဖို့ အမိန့်တော် ချမှတ်လိုက်ပါတယ်။ သက်ဦးစံပိုင်ဘုရင် စနစ်ဖြစ်တာကြောင့် အာဏာပိုင်တွေအနေနဲ့ ရွေးချယ်စရာ လမ်းမရှိတဲ့အတွက် မဖြစ်ဖြစ်အောင် စီစဉ်ရပါပြီ။ ဒါနဲ့ပဲ အနယ်နယ် အရပ်ရပ်ကနေ လုပ်အားပေးတွေ အတင်းအဓမ္မ ဆင့်ခေါ်ခံကြရပါတယ်။ လုပ်အားပေး ပြည်သူတွေဟာ ကြမ်းတမ်းတဲ့ ရာသီဥတုအောက်မှာ မိုးလင်းမိုးချုပ် မနားတမ်းလုပ်ရပါတယ်။ ပိုက်ဆံ တစ်ပြားမှ မရတဲ့အပြင် အနှိပ်စက်ခံ အကြိမ်းမောင်းခံရတဲ့ ပြည်သူတွေခင်မျာ... ပဒေသရာဇ်ခေတ်ရဲ့ သားကောင် မြေစာပင်လေးတွေ ဖြစ်ကြရတာပေါ့။ ဒါကြောင့် ရှောင်ပြေးလို့ရရင် ရသလို လုပ်အားပေးအဖြစ် ဆင့်ခေါ်ခြင်းကို ရှောင်ပြေးကြပါတယ်။

အဲဒီလို ရှောင်ပြေးတဲ့အထဲမှာ စာပေပညာရှင် တစ်ဦးဖြစ်တဲ့ ဖန်ရှီးလန် ဆိုတဲ့ ကောင်လေးလည်း ပါတာပေါ့။ သူ့မိဘတွေကတော့ ဆုံးသွားရှာပြီဖြစ်လို့ သူ့မိသားစု ကိုယ်စား လုပ်အားပေးအနေနဲ့ သူ့ကို ဆင့်ခေါ်တာပါ။ ဒီလို ရှောင်ပြေးနေတဲ့ သူ့ကို အာဏာပိုင်တွေက ၀ရမ်းပြေးလို့ သတ်မှတ်ပြီး သူပြေးရာ လမ်းတစ်လျှောက်မှာ တောက်လျှောက် ခြေရာခံ ရှာဖွေနေတာပေါ့။ မကြာခင်မှာ သူ့ကို အာဏာပိုင်တွေက ရှာဖွေမိပြီး လိုက်လံ ဖမ်းဆီးပါတော့တယ်။

နောက်က လိုက်တဲ့လူတွေ ရှိနေသလို သူကလည်း ရှေ့ကနေ အားသွန် ပြေးတာပေါ့။ အဲဒါနဲ့ မန်မိသားစုရဲ့ ခြံဝန်းကြီး ဘေးနားက ဖြတ်ပြေးမိပါလေရော။ ခြံဝန်းကြီးက ကျယ်သလို အပင်တွေကလည်း များလှတဲ့အတွက် အာဏာပိုင်တွေ လက်ထဲက လွတ်အောင် ခဏတာ ပုန်းဖို့ အဆင်ပြေလှပါတယ်။ ဒါကြောင့် အုတ်တံတိုင်းကို ကျော်တက်ပြီး ခြံဝန်းထဲက အပင်တွေနောက်မှာ ပုန်းနေလိုက်ပါတယ်။

အဲဒီအချိန်မှာ မန်ကျန့်နွီလေးတစ်ယောက် လက်ထဲမှာ ယပ်တောင်လေးကို ကိုင်ပြီး ခြံဝန်းထဲမှာ လိပ်ပြာ လိုက်ဖမ်းနေပါတယ်။ လိပ်ပြာလေးက ရေကန်လေးကို ဖြတ်အပြေးမှာ သူမက လှမ်းဖမ်းပါတယ်။ ဒါပေမယ့် လိပ်ပြာလေးကို ဖမ်းမမိပဲ ယပ်တောင်လေးသာ ရေထဲကျသွားပါတယ်။ ဘေးပတ်ဝန်းကျင်မှာ ဘယ်သူမှ မရှိဘူး အထင်နဲ့ သူမရဲ့အင်္ကျီလက်ရှည်ကို လက်မောင်းရင်းအထိ ပင့်တင်လိုက်ပြီး ရေကန်ထဲက ယပ်တောင်လေးကို မမှီတမှီ လှမ်းဆယ်နေပါတယ်။ အပင်နောက်မှာ ပုန်းနေတဲ့ ဖန်ရှီးလန်က အဲဒါကို အစအဆုံး မြင်နေရပြီး ကောင်မလေး ရေထဲကို အရှိန်လွန်ပြီး ပြုတ်ကျသွားမှာကို စိုးရိမ်နေပါတယ်။ ဘယ်လိုမှ မနေနိုင်တဲ့အဆုံးမှာ ညီမရေ... သတိထားပါဗျို့ လို့ လှမ်းအော်မိသွားပါတယ်။

ရုတ်တရက်ဆိုတော့ မန်ကျန့်နွီလေး လန့်သွားတာပေါ့။ သေချာ ပြန်ကြည့်လိုက်တဲ့အခါမှာ ရုပ်ရောချောမော ပြေပြစ်လွန်းတဲ့ လူငယ်လေးဆိုတာ သတိထားမိခဲ့ပါတယ်။ အဲဒီ လူငယ်လေးဟာ သူမရဲ့ လက်မောင်းရင်းအထိ မြင်ထားတဲ့သူ ဖြစ်လို့ ကွမ်ရင်မယ်တော် ပြောခဲ့တဲ့အချက်နဲ့ ကိုက်ညီနေပါတယ်။ ဒီလိုနဲ့ပဲ သူတို့နှစ်ဦးဟာ မြင်မြင်ချင်းကို ချစ်မိသွားကြပါတယ်။ မိန်းခလေးရှင်ဆီကနေ ခွင့်ပန်ပြီး သူတို့နှစ်ဦး လက်ထပ်ခဲ့ပါတယ်။ မင်္ဂလာပွဲကိုလည်း ညဘက်မှပဲ တိတ်တခိုးလေး ကျင်းပဖို့ ဆုံးဖြတ်ခဲ့ကြပါတယ်။

ဒါပေမယ့်လည်း... ကံဆိုးမိုးမှောင်ကျဖို့ အချိန်ဖြစ်လာပါပြီ။ ဖန်ရှီးလန် ဘယ်မှာရှိနေသလဲဆိုတာကို သိသွားတဲ့ အာဏာပိုင်တွေဟာ မန်မိသားစုရဲ့ အိမ်ကို ညတွင်းချင်း လိုက်လာပြီး သတို့သားကို ဖမ်းဆီးပြီး မဟာတံတိုင်း ဆောက်လုပ်ရေး လုပ်ငန်းခွင်ထဲကို ပြန်သွားဖို့ ခေါ်သွားပါတော့တယ်။ ကြင်စဦး ဇနီးမောင်နှံဟာ ဒီလိုနဲ့ပဲ အခွဲခံလိုက်ရပါတယ်။ သူတို့နှစ်ယောက် အသက်ရှင်လျှက် ပြန်လည် ဆုံတွေ့ကြမယ်ဆိုတာကို ဘယ်သူ တစ်ဦးတစ်ယောက်ကမှ မမျှော်လင့်ရဲပါဘူး။ နှစ်ဦးစလုံးရဲ့ ရင်ထဲမှာ အသည်းနှလုံးတွေ တစ်စစီ ကျိုးပဲ့ ကြေမွနေသလို ဝေဒနာ မျက်ရည်မိုးတွေကလည်း ရပ်တန့်လို့ မရအောင် ရွာသွန်းဖြိုးနေခဲ့ပါတော့တယ်။

Tuesday, September 9, 2008

Bus Explosion at Yangon

ဒီနေ့ စက်တင်ဘာ ၉ ရက်နေ့ နေ့လည် ၁၁ နာရီခန့်မှာ အမှတ် ၄၅ လိုင်းက ဘတ်စ်ကားတစ်စီး ဂတ်စ်အိုး ပေါက်ပါတယ်။ လှည်းတန်း လမ်းဆုံအနားမှာရှိတဲ့ စိန်ရတုခန်းမအနားမှာ ပေါက်ကွဲတာပါ။ လူအသေအပျောက် ရှိတယ်လို့လဲ ကြားမိပါတယ်။

ဓါတ်ပုံတွေ တက်လာတာ တွေ့လို့ တဆင့် ပြန်လည် ဝေမျှလိုက်ပါရစေဗျာ။ မူရင်း ဓါတ်ပုံတင်ဆက်သူ NLL ကိုလည်း ကျေးဇူးအထူးတင်ရှိပါတယ် ခင်ဗျာ။















ဖြည့်စွက်။ ။ နိုင်ငံပိုင်သတင်းစာအရ အခုဖြစ်ရပ်မှာ လူအသေအပျောက် မရှိပါဘူးတဲ့ ခင်ဗျာ။ ဒါပေမယ့် ဘာကြောင့် ပေါက်ကွဲရသလဲဆိုတာကို ရှင်းရှင်းလင်းလင်း မဖော်ပြသေးပါဘူး။ စုံစမ်း ဖော်ထုတ်နေတယ်လို့ ပြောပါတယ်။ The Voice Journal - Vol-4/No.47 မှာ ပါတဲ့ သတင်းလေးကို ထပ်ဆင့် ဖော်ပြချင်ပါတယ်။


Monday, September 8, 2008

The Ten Brothers

တရုတ်ပြည်က မဟာတံတိုင်းကြီးကို ကြည့်ပြီး လူတွေက ရင်သပ်ရှုမော အံသားသင့်ကြမှာပါ။ တရုတ်တွေရဲ့ ချီးကျူးဖွယ် အံသြဖွယ် ရှေးယဉ်ကျေးမှု လက်ရာတစ်ခုဆိုပြီး သဘောကျ နှစ်ခြိုက်ကြပါတယ်။ ဒါပေမယ့် အဲဒီခေတ်အခါက မဟာတံတိုင်းကြီး တည်ဆောက်တဲ့ ဆောက်လုပ်ရေး လုပ်ငန်းခွင်မှာ ကိုယ်တိုင်ကိုယ်ကျ လုပ်အားပေး ချွေးတပ်စွဲခံရတဲ့ တရုတ်တွေကတော့ သဘောကျ နှစ်ခြိုက်ခြင်း မရှိခဲ့ပါဘူး။

မတရားတဲ့ အတင်းအဓမ္မ လုပ်အားပေး ခိုင်းစေမှုတွေကြောင့် ဒေါသထွက်ခဲ့ရပါတယ်။ အချိန်နဲ့အမျှ ဒုက္ခတွေ ခံစားခဲ့ရတယ်။ ကြမ်းတမ်းတဲ့ ရာသီဥတုနဲ့ နေ့ညမပြတ် တိုက်ပွဲဝင်ခဲ့ရတယ်။ မြောက်ပိုင်းက လူမျိုးခြားတွေရဲ့ မကြာခဏ ၀င်ရောက် တိုက်ခိုက်မှုတွေကို ခံခဲ့ရတယ်။ ဒါကြောင့် မဟာတံတိုင်းကြီး တည်ဆောက်စဉ် ကာလမှာ လူတွေ အများကြီး သေဆုံးခဲ့ရတယ်။ သေသွားတဲ့ လူတွေနေရာမှာ အစားထိုးဖို့ နောက်ထပ် လူတွေ အများကြီး ထပ်မံ ဆင့်ခေါ်ခံရတယ်။ အဲဒီလို မကျေနပ်မှုတွေ ခံစားချက်တွေကို ပုံပြင်ဇာတ်လမ်းတွေကနေ တဆင့် ဖော်ထုတ်ခဲ့တာကို တွေ့ရမှာပါ။ အခု ညီအစ်ကို ၁၀ ယောက်ဆိုတဲ့ ပုံပြင်လေးမှာလည်း အဲဒီခေတ်က အနေအထားကို သွယ်ဝိုက်သောနည်းနဲ့ တင်ပြထားတာကို တွေ့နိုင်ပါတယ်။ ပုံပြင်ထဲမှာ လုပ်အားပေးတွေရဲ့ ဆင်းရဲဒုက္ခတွေ၊ အာဏာပိုင်တွေရဲ့ မောက်မာမှုတွေ၊ မဟာတံတိုင်းကြီးကို ပျက်ဆီးစေလိုတဲ့ သဘောတွေ ပါနေတာကို တွေ့ရမှာပါ။

ဟိုးရှေးရှေးတုန်းက တရုတ်ပြည်မှာ ထူးဆန်းတဲ့ ညီအစ်ကို ၁၀ ယောက် ရှိပါတယ်။ နံပါတ် ၁ အစ်ကိုကြီးက အလွန်ဝေးတဲ့ နေရာက အသံကို ကြားနိုင်တဲ့ နားအကြီးကြီး ရှိတယ်။ ဒုတိယ အစ်ကိုကတော့ မိုင်ပေါင်းများစွာ ဝေးတဲ့နေရာက အရာဝတ္ထုတွေကို မြင်နိုင်တဲ့ စွမ်းအင်ရှိတယ်။ တတိယတစ်ယောက်က နွားသိုးလို ခွန်အား သန်မာတယ်။ စတုတ္ထတစ်ယောက်က သံမဏိလို မာလှတဲ့ ဦးခေါင်းရှိတယ်။ နံပါတ်ငါးမှာတော့ သံမဏိလို မာကျောတဲ့ ခန္ဓာကိုယ်ကို ပိုင်ဆိုင်ပါတယ်။ နံပါတ်ခြောက်ကျတော့ အလွန်ရှည်လျားတဲ့ ခြေထောက်တွေနဲ့ပေါ့။ နံပါတ်ခုနစ် တစ်ယောက်မှာ အလွန်ကြီးမားတဲ့ ဦးခေါင်းကြီး ရှိပြန်ရော။ နံပါတ်ရှစ်မှာတော့ အလွန်ကို ကြီးတဲ့ ခြေဖ၀ါးကြီး ရှိနေပြီး နံပါတ်ကိုးမှာတော့ အလွန်ကြီးတဲ့ ပါးစပ်ကြီး ရှိပါတယ်။ အငယ်ဆုံး ညီဖြစ်သူမှာတော့ မြင်သူတကာ ကြောက်ရွှံ့လောက်တဲ့ အလွန်ကြီးမားတဲ့ မျက်လုံးကြီး ရှိတယ်ဆိုပဲ။

တစ်နေ့ လယ်ကွင်းထဲမှာ အလုပ်လုပ်နေတုန်း နံပါတ် ၁ က ငိုနေတဲ့ အသံတစ်ခုကို ကြားလိုက်ရတယ်။ အဲဒါနဲ့ နံပါတ် ၂ က လှမ်းကြည့်လိုက်တဲ့အခါ မဟာတံတိုင်းကြီး တည်ဆောက်နေတဲ့ နေရာက အလုပ်သမားတွေ အစာရေစာ ငတ်ပြတ်လို့ ငိုယိုညည်းတွားနေတာကို တွေ့လိုက်ရတာပေါ့။ အဲဒါကို ကြားသိလိုက်ရတဲ့ နံပါတ် ၃ က အဲဒီနေရာကို ကူညီဖို့ နွားသိုးတစ်ကောင်လို ဒေါသတကြီး ဂမူးရှူးထိုး ထွက်သွားပါတယ်။ မဟာတံတိုင်း ဆောက်လုပ်ရေး လုပ်ငန်းခွင်က အာဏာပိုင် အရာရှိတွေက ဒေါသတကြီး လာနေတဲ့သူ့ကို ဘယ်အတွက် ဘာလာလုပ်သလဲ ဆိုတာကို မမေးတော့ပဲ ရန်ပြုမယ့်လူလို့ပဲ ထင်သွားကြပါတယ်။ အဲဒါနဲ့ သူရဲ့ ဦးခေါင်းကို ခုတ်ထစ်ပစ်ဖို့ အမိန့်ပေးလိုက်ပါတယ်။

ဒုတိယ အစ်ကိုက အဲဒါကို မြင်လိုက်ရပြီး ပထမအစ်ကိုက ကြားလိုက်ရပါတယ်။ ဒါနဲ့ သူတို့က တခြား ညီအစ်ကိုတွေကို ပြန်ပြောပြပါတော့တယ်။ အဲဒါနဲ့ နံပါတ် ၄ တစ်ယောက်လည်း နံပါတ် ၃ ကို ကယ်ဖို့ အပြေးအလွှား လိုက်သွားပါတော့တယ်။ အာဏာပိုင်ရဲ့တပည့်တွေ ဓါးနဲ့ ၀င်ခုတ်တဲ့အခါ သူ့ဦးခေါင်းကို ထိုးပေးလိုက်ပါတယ်။ အဆက်မပြတ် ခုတ်ချလိုက်တဲ့ ဓါးချက်တွေဟာ မာလွန်းလှတဲ့ သူ့ဦးခေါင်းကြောင့် အချည်းအနှီး ဖြစ်ကုန်ပါတယ်။ ဒါနဲ့ အာဏာပိုင်တွေကို ကိုယ်ခန္ဓာကို ဓါးနဲ့ ခုတ်ထစ်ဖို့ အမိန့်ပေးပြန်ပါတယ်။ အဲဒီအချိန်မှာ နံပါတ် ၅ တစ်ယောက် အပြေးအလွှား ရောက်ရှိလာပြီး သူတို့ရဲ့ ရိုက်နှက် ထိုးခုတ်ချက်တွေကို ကြားကနေ ၀င်ခံပေးပါတယ်။ သံမဏိလို မာလှတဲ့ သူ့ခန္ဓာကိုယ်ဟာ ရဲမက်တွေရဲ့ ထိုးခုတ် ရိုက်နှက်ချက်တွေကို သက်တောင့်သက်သာ ခံနိုင်ပါတယ်။

အဲဒါနဲ့ အာဏာပိုင်တွေက သူ့ကို ပင်လယ်ထဲ ပစ်ချလိုက်ပါတယ်။ နံပါတ် ၆ တစ်ယောက် အချိန်မှီလေး ရောက်ရှိလာပြီး ရေထဲကနေ သူတို့ကို ဆယ်ယူသွားပါတယ်။ သူ့အတွက် ပင်လယ်ဆိုတဲ့ နေရာမှာ အေးအေးဆေးဆေး မတ်တပ်ရပ်နေလို့ ရတယ်လေ။ ပင်လယ်ထဲမှာ လမ်းလျှောက်နေရင်း အလွန်ကြီးမားတဲ့ ငါးကြီးတစ်ကောင်ကို ဖမ်းမိပါတယ်။ ဒါပေမယ့် အဲဒီငါးကြီးကို သယ်လာဖို့ ခက်နေပါတယ်။ အဲဒါနဲ့ နံပါတ် ၇ တစ်ယောက် ရောက်လာပြီး သူ့ခေါင်းပေါ်က ဦးထုပ်ကြီးကို ချွတ်ပေးပါတယ်။ အဲဒီ ဦးထုပ်ထဲမှာ ငါးကြီးကို ထည့်ပြီး သယ်လာခဲ့ပါတော့တယ်။

အဲဒီလောက်ကြီးတဲ့ ငါးကြီးကို ကင်ဖို့အတွက် ထင်းတွေ အများကြီး လိုပါတယ်။ အဲဒါနဲ့ နံပါတ် ၈ က တောင်ပေါ်ကို တက်သွားပြီး သူ့ခြေထောက်အကြီးကြီးနဲ့ အပင်တွေကို နင်းခြေပြီး ထင်းအဖြစ် ပြောင်းလဲ ဖန်တီးပေးပါတယ်။ အဲဒီကနေ ရလာတဲ့ ထင်းတွေနဲ့ ငါးကြီးကို ကင်ကြတာပေါ့။ မီးကင်ထားတဲ့ ငါးကင် အနံ့က မွေးကြိုင်နေတာပဲ။ ငါးကင့်အနံ့ကြောင့် နံပါတ် ၉ တစ်ယောက်က စိတ်မထိန်းနိုင်တော့ပဲ ငါးကင်ကြီး တစ်ခုလုံးကို သူ့ပါးစပ်ကြီးထဲကို ထည့်ပြီး ၀ါးမျိုလိုက်ပါတော့တယ်။ ဘယ်သူမှ မစားလိုက်ရပဲ နံပါတ် ၉ အစ်ကိုတစ်ယောက်ပဲ စားသွားတာကို အငယ်ဆုံး နံပါတ် ၁၀ က မကျေနပ်ပါဘူး။ ဒေါသထွက်ထွက်နဲ့ ငိုလိုက်တာများ သူ့မျက်လုံးအကြီးကြီးကနေ မျက်ရည်တွေ မျက်ရည်တွေ... ဘူးသီးလုံးလောက် ကျလာပြီး ရေတွေကြီးကုန်ပါတယ်။ အဲဒီ ရေကြီးချက်က ဘယ်လောက်များ ဆိုးသလဲဆိုရင် မဟာတံတိုင်းရဲ့ တချို့အစိတ်အပိုင်းတွေကို ပြိုပျက်စေကုန်ပါတယ် သတဲ့ကွယ်။

Saturday, September 6, 2008

Merlion Statue

စင်္ကာပူကို လာရောက်လည်ပတ်တဲ့ လူတိုင်း လူတိုင်း... စင်္ကာပူရဲ့ အထင်ကရ အမှတ်အသားဖြစ်တဲ့ Merlion ရုပ်တု ရှိရာကို ရောက်ဖူးကြမှာပါ။ အဲဒီနေရာ အနားတ၀ိုက်မှာ ဓါတ်ပုံတွေ တဖျတ်ဖျတ် ရိုက်နေကြတာကို တွေ့ကြမှာပါ။ နောက်က ဒူးရင်းသီးကြီးနဲ့ ရိုက်လိုက်.. မိုးထိအောင်မြင့်တဲ့ အဆောက်အအုံကြီးတွေကို နောက်ခံထားပြီး ရိုက်လိုက်... အရုပ်ကြီး ပါးစပ်ကနေ ထွက်လာတဲ့ ရေပန်းကို အောက်ကနေ ပင့်ပြီး မော့သောက်နေတဲ့ ပုံစံမျိုး ရိုက်လိုက်... ဖြတ်သွားဖြတ်လာ အပျော်စီးလှေကို နောက်ခံထားပြီး ရိုက်လိုက်... အစုံကို တွေ့ရမှာပါ။

ခြင်္သေ့တစ်ပိုင်း ငါးတစ်ပိုင်း အရုပ်ကြီးရဲ့ သမိုင်းကြောင်းကို သိရှိပြီးသားဖြစ်တဲ့သူ ရှိသလို မသိသေးတဲ့ သူတွေလည်း ရှိကြမှာပါ။ ရိုးရိုးသားသား ၀န်ခံရရင် စင်္ကာပူကို ရောက်တာ ၁ နှစ်ကျော် ကြာပြီဖြစ်တဲ့ ကျွန်တော်လည်း အခုတလောမှ သိရတာပါ။ အရင်တုန်းက အကြောင်းမညီညွှတ်လို့ မလေ့လာဖြစ်ခဲ့ပါဘူး။ အဲဒီနေရာကိုလည်း ၂ ခါ ၃ ခါလောက်ပဲ ရောက်ဖူးပါတယ်။ Merlion ဆိုတာ Lion ဆိုတဲ့ ခြင်္သေ့နဲ့ Mermaid ဆိုတဲ့ ရေသူမ... စာလုံး ၂ ခုကို ပေါင်းစပ်ထားတာပါ။ မြန်မာလိုဆိုရင် ငါးခြင်္သေ့ပဲလို့ ပြောရမယ် ထင်ပါတယ်။ ခွေးခြင်္သေ့ဆိုတဲ့ အသုံးအနှုန်းလေး ကြားဖူးလို့ အခုဟာကို ငါးခြင်္သေ့လို့ အမည်ပေးလိုက်တာပါ။ ဒါမှမဟုတ် ဘယ်လို ပြောရမလဲပေါ့။ သိသူများရှိရင် ပြောကြပါအုံး။

Merlion logo ကို Fraser Brunner ဆိုသူက စင်္ကာပူ ခရီးသွားလုပ်ငန်းအတွက် ဒီဇိုင်းရေးဆွဲပေးခဲ့တာပါ။ ၁၉၆၄ မတ်လ ၂၆ ရက်နေ့မှာ စင်္ကာပူ ခရီးသွားလုပ်ငန်းရဲ့ အမှတ်တံဆိပ်အဖြစ် စတင် သုံးစွဲခဲ့ပါတယ်။ Trademark အနေနဲ့တော့ ၂ နှစ်ကျော်အကြာ... ၁၉၆၆ ဇူလိုင်လ ၂၀ ရက်နေ့မှာ မှတ်ပုံတင်နိုင်ခဲ့ပါတယ်။

အရုပ်ကြီးကိုတော့ the vice-chancellor of the University of Singapore and Ambassador to the Philippines ဖြစ်တဲ့ Kwan Sai Kheong က ဒီဇိုင်းရေးဆွဲခဲ့တာပါ။ အရုပ်ကြီး ပါးစပ်က ထွက်မယ့် ရေပန်းကိုပါ ထည့်သွင်းရေးဆွဲခဲ့ပါတယ်။ ၁၉၇၁ နိုဝင်ဘာလမှာ စင်္ကာပူလက်မှုပညာရှင် Lim Nang Seng က စတင် ထုဆစ်ခဲ့ပါတယ်။ နမူနာ အရုပ်အသေးလေးရယ် အရုပ်ကြီးရယ် ၂ ခုလုံးကို ထုဆစ်ခဲ့ကြတာပါ။ အဓိက အရုပ်ကြီးက အလွန်ကြီးမားတဲ့အတွက် သူတစ်ယောက်တည်း ထုဆစ်နေရင် အချိန်ကြာမှာဖြစ်လို့ သူ့ရဲ့ သားတွေကိုပါ ၀င်ရောက် ကူညီစေခဲ့ပြီး ၁၉၇၂ သြဂုတ်လမှာ ထုဆစ် ပြီးစီးခဲ့ပါတယ်။

စင်္ကာပူနိုင်ငံရဲ့ National Icon တစ်ခုဖြစ်တဲ့ Merlion အရုပ်ကြီးဟာ ၈.၆ မီတာ မြင့်ပြီး အလေးချိန် တန် ၄၀ ရှိပါတယ်။ အရုပ် အသေးလေးကိုတော့ တစ်ခါတစ်လေ ခြင်္သေ့ပေါက်စလေးလို့ ခေါ်ဝေါ်ကြပါတယ်။ သူက ၂ မီတာ မြင့်ပြီး အလေးချိန် ၃ တန် ရှိပါတယ်။ Merlion အရုပ်ကြီးရဲ့ မူလ ပထမနေရာကတော့ Merlion Park အတွင်းမှာရှိတဲ့ Elizabeth Walk ဆိုတဲ့ လမ်းကလေးရဲ့ ထိပ်ပိုင်း... စင်္ကာပူမြစ်ဝရဲ့ ကမ်းနဖူးမှာပါ။ အခုလက်ရှိနေရာနဲ့ မီတာ ၁၂၀ ခန့် ဝေးပါတယ်။ အဲဒီ အရုပ်ကြီးကို ၁၉၇၂ စက်တင်ဘာလ ၁၅ ရက် ည ၈ နာရီ ၄၅ မိနစ်မှာ စင်္ကာပူဝန်ကြီးချုပ် လီကွမ်းယူက စတင် နေရာချ တပ်ဆင်ပေးခဲ့ပါတယ်။ အဲဒီနေ့က လီကွမ်းယူရဲ့ မွေးနေ့ပါပဲ။

မူလနေရာက Merlion နဲ့ Esplanade တံတားကြောင့် အလှပျက်နေတဲ့ Merlion

ဒါပေမယ့် ၁၉၉၇ မှာ ဖွင့်လှစ်ခဲ့တဲ့ Esplanade Bridge ကြောင့် Merlionကြီး အိမ်ပြောင်းဖို့ နေရာရှာရပါပြီ။ တံတားကြောင့် မြင်ကွင်းတွေ ကွယ်ကုန်ပြီး သူရဲ့ အလှအပတွေဟာ မှေးမှိန်သွားရပါတယ်။ အဲဒီလို အိမ်ပြောင်းဖို့ နေရာသစ် ရှာတာက ၂ နှစ်လောက် ကြာပါတယ်။ Singapore Flyer ကြီး ဆောက်ထားတဲ့ နေရာကို ရွှေ့ဖို့လည်း စဉ်းစားကြပါသေးတယ်။ နောက်ဆုံးမှာ Fullerton ဟိုတယ်ရှေ့... အခုလက်ရှိနေရာကို ရွေးချယ်လိုက်ပါတယ်။ အဲဒီနေရာက ၂၅၀၀ စတုရန်းမီတာ ကျယ်ဝန်းပါတယ်။ ယခင်နေရာထက် ၄ ဆ ပိုကျယ်ပါတယ်။ အိမ်ပြောင်းတဲ့ စရိတ်က မနည်းမနှောပါပဲ။ စလုံး ဒေါ်လာ 7.5 million ကုန်ကျပါတယ်။ အရုပ်ကြီးကို ဖုန်းရွှေပညာအရ အရှေ့အရပ်ကို မျက်နှာမူစေခဲ့ပါတယ်။ အဲဒီ နေရာသစ် အိမ်သစ်တက်ပွဲကို ၂၀၀၂ စက်တင်ဘာလ ၁၅ ရက်မှာ လီကွမ်ယူ..ကပဲ ဖွင့်လှစ်ခဲ့တာပါ။ စစချင်း နေရာချ ဖွင့်လှစ်ပေးခဲ့တဲ့ ၁၉၇၂ ကနေ ရေတွက်ရင် နှစ်ပေါင်း ၃၀ အကြာပေါ့ဗျာ။

ဆန်တိုစာကျွန်းက Merlion

Merlion အရုပ်ကြီးမှာ ခေါင်းပိုင်းကတော့ ခြင်္သေ့ခေါင်းဖြစ်ပြီး ကိုယ်ပိုင်းကတော့ ငါးကိုယ်လုံးနဲ့ အမြီးပါ။ အရုပ်ရဲ့ အောက်ခြေမှာတော့ ရေလှိုင်းသဏ္ဍာန် ထုဆစ်ထားပါတယ်။ ခြင်္သေ့ခေါင်းက စင်္ကာပူကျွန်းရဲ့ ဒဏ္ဍာရီ သမိုင်းကြောင်းကို တစွန်းတစ ရည်ညွှန်းထားတာပါ။ သမိုင်းနောက်ခံအရ... အေဒီ ၁၁မှာ စင်္ကာပူကျွန်းကို ရှာဖွေတွေ့ရှိခဲ့တဲ့ မင်းသားလေး Sang Nila Utama ဟာ ကျွန်းပေါ်ကို စစရောက်ခါစမှာ ခြင်္သေ့လို့ ထင်ရတဲ့ အကောင်တစ်ကောင်ကို တွေ့လိုက်ပါတယ်။ အဲဒါနဲ့ ကျွန်းကို Singapura သို့မဟုတ် ခြင်္သေ့မြို့တော်လို့ အမည်ပေးခဲ့ပါတယ်။ ငါးကိုယ်လုံးနဲ့ အမြီးကတော့ စင်္ကာပူဟာ ပင်လယ်ထဲက ကျွန်းပိစိကွေးကလေး ဖြစ်တဲ့အလျှောက် တံငါလုပ်ငန်းနဲ့ အစပျိုးခဲ့ရတဲ့ တံငါရွာစင်္ကာပူ ဆိုတာကို ဘ၀မမေ့စေချင်တဲ့ သဘောပါပဲ။

Mount Faber ပေါ်က Merlion

အခု Merlion Park မှာရှိတဲ့ အရုပ် ၂ ခု အပါအ၀င် စင်္ကာပူမှာ ခရီးသွားလုပ်ငန်းက အသိအမှတ်ပြုထားတဲ့ Merlion အရုပ် ငါးခု ရှိပါတယ်။ ပထမတစ်ခုက Orchard Spring Lane က Tourism Court မှာရှိပါတယ်။ အဲဒါကို ၁၉၉၅ မှာ Polymarble များနဲ့ တည်ဆောက်ခဲ့ပါတယ်။ အမြင့် ၃ မီတာရှိပြီ ဖိလစ်ပိုင်ပညာရှင်တွေက တည်ဆောက်ပေးခဲ့တာပါ။ ဆန်တိုစာကျွန်းပေါ်မှာလည်း ၃၇ မီတာမြင့်တဲ့ Merlion အရုပ်ကြီးတစ်ခု ရှိပါတယ်။ အဲဒါကို သြစတေးလျ ပညာရှင် James Martin က ၁၉၉၆ မှာ တည်ဆောက်ပေးခဲ့တာပါ။ အဲဒီ အရုပ်ပေါ်ကနေ ကြည့်ရင် ဆန်တိုစာကျွန်း ပတ်ဝန်းကျင်က ရှုခင်းအလှများကို ခံစားလို့ ရပါတယ်။ နောက်တစ်ခုကတော့ Mount Faber ဆိုတဲ့ တောင်ကုန်းလေးပေါ်မှာ တည်ရှိပါတယ်။ ၃ မီတာမြင့်တဲ့ အဲဒီ Merlion ကိုတော့ ၁၉၉၈ မှာ တည်ဆောက်ခဲ့တာပါ ခင်ဗျာ။

Thursday, September 4, 2008

ICA.Sg

Immigration & Checkpoints Authority ကို အတိုကောက် ICA လို့ ခေါ်ပါတယ်။ စင်္ကာပူကို ၀င်လာတဲ့ နိုင်ငံခြားသားတိုင်း ICA က အရာရှိတွေနဲ့ စကားစမြည် ပြောဆိုဖူးကြမှာပါ။ အနီရောင်စာအုပ် ကိုင်ရတဲ့ ရွှေမြန်မာတွေအဖို့ အလုပ်ရှာဖို့အရေး သူများတိုင်းပြည် အ၀င်မှာ အဲဒီ ICA အရာရှိတွေနဲ့ ရင်ဆိုင်ရတာက ရင်ခုန်စရာ မှတ်တိုင်လေးတစ်ခုပါပဲ။ နေထိုင်ခွင့် ဗီဇာသက်တမ်း ၁ လ ရမလား၊ ၂ ပတ်ပဲ ရမလား စိုးတထိတ်ထိတ်နဲ့ မျက်နှာချိုသွေးခဲ့ရတာလေးတွေ မမေ့လောက်ပါဘူးနော်။ ပိုက်ဆံ ဘယ်လောက် ထုတ်ပြခိုင်းမလဲ။ အင်တာဗျူးအခန်းထဲကို ခေါ်သွားပြီး အသေအချာ အချိန်ယူ မေးအုံးမလား။ လေဆိပ်ကနေ ပြန်လွှတ်လိုက်ရင် ဒုက္ခပဲ။ စသည်ဖြင့် စသည်ဖြင့်...

ICA ဆိုတာ ပြည်ထဲရေးဝန်ကြီးဌာန လက်အောက်က အစိုးရအေဂျင်စီတစ်ခုပါ။ Singapore Immigration & Registration (SIR) နဲ့ Customs & Excise Department (CED) ဌာနနှစ်ခုကို ပူးပေါင်းပြီး ICA အဖြစ် ပြောင်းလဲ ဖွဲ့စည်းခဲ့ပါတယ်။ ၂၀၀၃ ခုနှစ် ဧပြီလ ၁ရက်မှာ စတင်ပြီး စင်္ကာပူနိုင်ငံရဲ့ လုံခြုံရေးအတွက် ၀င်ပေါက် ထွက်ပေါက် စခန်းတိုင်းမှာ ကုန်းလမ်း ရေလမ်း လေကြောင်းလမ်းနဲ့ လာတဲ့ ခရီးသည်နဲ့ ကုန်ပစ္စည်းများကို တာဝန်ယူ ကြီးကြပ်စစ်ဆေးပါတယ်။ လူဝင်မှုကြီးကြပ်ရေးလုပ်ငန်းနဲ့ နိုင်ငံသားတွေကို မှတ်ပုံတင်တွေ၊ ပတ်စ်ပို့စာအုပ်တွေ ထုတ်ပေးတဲ့ လုပ်ငန်းတွေကိုလည်း တာဝန်ယူပေးကြပါတယ်။ စင်္ကာပူနိုင်ငံကို လာမယ့် နိုင်ငံခြားသားတွေကို အမျိုးမျိုးသော ပြည်ဝင်ခွင့် ဗီဇာတွေကိုလည်း ထုတ်ပေးပါတယ်။

ICA ရုံးချုပ်ကတော့ တစ်ခုပဲ ရှိပါတယ်။ Student Pass လျှောက်တာတို့၊ PR လျှောက်တာတို့ကို ရုံးချုပ်မှာ လုပ်ရပါတယ်။ ကျောင်းသားကဒ်၊ ပီအာကဒ် ထုတ်တာလည်း အဲဒီရုံးချုပ်မှာပဲ လာရောက်ထုတ်ယူရပါတယ်။ ကဒ်ပျောက်ရင်လည်း အဲဒီရုံးကို လာရောက် အကြောင်းကြားရပါတယ်။ အဲဒီလိုပဲ အလည်အပတ် ဗီဇာဖြစ်တဲ့ Social Visit Pass ကိုလည်း သက်တမ်းတိုးလို့ ရပါတယ်။ ICA ရုံးချုပ်ရဲ့ လိပ်စာက...
Immigration & Checkpoints Authority
ICA Building
10 Kallang Road
(Next to Lavender MRT station)
Singapore 208718

ရုံးဖွင့်ချိန်တွေကတော့ Weekdays - 8.00 am to 5.00 pm, Saturdays - 8.00 am to 1.00 pm ပါ။ တနင်္ဂနွေနဲ့ အများပြည်သူ အားလပ်ရက်တွေမှာတော့ ရုံးပိတ်ပါတယ်။

ကုန်းလမ်းခရီးနဲ့ ၀င်လာမယ့်သူများကို Woodlands Checkpoint နဲ့ Tuas Checkpoint ကနေ စစ်ဆေးပါတယ်။ လေဆိပ်မှာ လူအ၀င်အထွက် စစ်ဆေးတဲ့တစ်ဖွဲ့နဲ့ ကုန်ပစ္စည်းတွေ စစ်ဆေးတဲ့တစ်ဖွဲ့ရှိသလို သဘောင်္ဆိပ်ကမ်းတွေမှာလည်း တစ်ဖွဲ့စီရှိပါတယ်။ အဲဒါအပြင် ကမ်းရိုးတန်းကနေ ၀င်လာမယ့်သူများကို ကိုင်တွယ်ဖို့ အဖွဲ့တွေ ရှိပါသေးတယ်။ Checkpoint တွေကတော့...
Air Checkpoints
* Changi Airport
* Seletar Airport
* Air Cargo Checkpoints

Land Checkpoints
* Tuas Checkpoint
* Woodlands Checkpoint
* Woodlands Train Checkpoint

Coastal Checkpoints
* Singapore Cruise Centre
* Tanah Merah Ferry Terminal
* Changi Point Ferry Terminal
* Changi Ferry Terminal
* Jurong Fishing Port
* Marina South Pier
* West Coast Pier

Port Checkpoints
* Pasir Panjang Scanning Station
* Tanjong Pagar Scanning Station
* Brani Gate
* Tanjong Pagar Gate
* Keppel Distripark
* Sembawang Gate
* Pasir Panjang Terminal Gate 4
* Pasir Panjang Gate 3
* Jurong FTZ Gate
* Jurong West Gate

ICAက ၀န်ထမ်းတိုင်း ယူနီဖောင်း ၀တ်ကြပါတယ်။ ရာထူးအဆင့်အတန်းပေါ် မူတည်ပြီး တပ်ဆင်ရတဲ့ ရာထူးတံဆိပ်တွေ ကွာခြားပါတယ်။ ဒါကြောင့် ကိုယ်နဲ့ ဆက်ဆံရတဲ့ ၀န်ထမ်းရဲ့ ရာထူးကို သိရှိရလေအောင် ရာထူးတံဆိပ်တွေကို ဖော်ပြချင်ပါတယ်။

Home Affairs Services - ICA Senior Scheme


Home Affairs Services - ICA Specialist Scheme


Credit: http://www.ica.gov.sg/