.:: Download Myanmar Font (WinKalaw New Version) HERE ::.

Sunday, September 21, 2008

Treasure Hunt - Facebook

အခုရက်ပိုင်း အချိန်အားရင် အားသလို ကျွန်တော် ဇူလိုင်တစ်ယောက် ပင်လယ်ဒမြလုပ်ပြီး ရတနာ ရှာပုံတော် ဖွင့်နေပါတယ်။ ပင်လယ်ဒမြ လုပ်တယ်ဆိုလို့ ပင်လယ်ကြီးက ကျယ်တယ်... ဒမြက တိုက်တယ်... ကျယ်တိုက် ကြိုက်တယ်ဆိုပြီး ဘယ်တရုတ်မလေးကို သွယ်ဝိုက်သောနည်းနဲ့ တိုးတိတ် ချစ်ခွင့်ပန်နေသလဲလို့ ထင်တော် မမူကြပါနဲ့အုံး။ အထင်တွေ ကြီးပြီးမှ ဖြစ်မလာရင် ရင်မောရတာပဲ အဖတ်တင်မယ်လေ။ အဲဒီလိုဖြစ်သွားရင် အားနာလွန်းလို့ပါဗျာ။

Facebook ထဲမှာ ပါတဲ့ fluff friends ဂိမ်းကလေးတစ်ခုကို ဆော့နေတာပါ။ fluff friends က အကောင်မွေးတဲ့ ဂိမ်းလေးပါ။ အဲဒီထဲမှာ ကိုယ်ကြိုက်တဲ့ အကောင်ကို ရွေးပြီး မွေးထားရပါတယ်။ အဲဒီ အကောင်လေးကို အစာကျွေးရတယ်။ အလှဆင်ရတယ်။ တခြား သူငယ်ချင်းတွေ မွေးထားတဲ့ အကောင်တွေနဲ့ အပြေးပြိုင်ပြီး ပိုက်ဆံရှာလို့ရတယ်။ ရတဲ့ပိုက်ဆံနဲ့ အစာဝယ်ပြီး ကိုယ်အကောင် အားရှိအောင် အပြေးမြန်အောင် အစာတွေ ထပ်ကျွေးရပါတယ်။
အဲဒီ fluff friends ထဲမှာပဲ ရာသီအလိုက် ဂိမ်းလေးတွေ စီစဉ်ပေးပါတယ်။ အခုတစ်ခေါက်ကတော့ International Talk Like A Pirate Day - Sep 19th အထိမ်းအမှတ်နဲ့ Pirate Treasure Hunt ဆိုတာလေးကို လုပ်ပေးထားပါတယ်။ ဂိမ်းအရ ညသန်းခေါင်အချိန်မှာ ပင်လယ်ဒမြ မျောက်က သူ့သဘောင်္မှာ ပါလာတဲ့ ရတနာတွေကို ခိုးလာပြီး Facebook ထဲက fluff friends တွေထဲမှာ လိုက်ထည့်ပေးထားပါတယ်။
ကျွန်တော်တို့က ကိုယ်အကောင်လေးရဲ့ သေတ္တာထဲမှာ ရတနာ ရှာလို့ရသလို အခြား အကောင်တွေဆီကို လှည့်ပတ်သွားရင်း ရတနာသေတ္တာတွေ လိုက်ဖွင့်လို့ ရပါတယ်။ ပထမဦးဆုံး တွေ့ရမှာက ပိတ်ထားတဲ့ သေတ္တာလေးပါ။ အဲဒီ သေတ္တာလေးကို ဖွင့်လိုက်ရင် တစ်ချို့သေတ္တာထဲမှာ ဘာတစ်ခုမှ မပါပဲ ဗလာကြီး ဖြစ်နေတတ်သလို ကံကောင်းတဲ့ ဖေကံကောင်းအဖို့ ရတနာတွေပါတဲ့ သေတ္တာနဲ့လည်း ကြုံနိုင်ပါတယ်။ ရတနာတွေ့တိုင်းလည်း ချက်ချင်း ယူလို့ရတယ် မထင်ပါနဲ့။ သေတ္တာပိုင်ရှင် အိမ်ရှင်ဖြစ်တဲ့ အကောင်လေးကို လက်ဆောင်ပေးတာတို့ အစာကျွေးတာတို့ကို လုပ်ပေးရပါသေးတယ်။ ပြီးမှ ရတနာကို ယူခွင့်ရှိပါတယ်။
စရှာတဲ့အချိန်မှာ ရတနာ တွေ့ရတာ များပါတယ်။ တဖြည်းဖြည်းနဲ့ ရှာရတာ ပိုပို ခက်လာပါတယ်။ ၁၀ လုံးလောက် တွေ့ပြီးတဲ့နောက်ဆို အတော်ရှာရခက်ပါတယ်။ သေတ္တာတွေ အများကြီး ဖွင့်ကြည့်တာတောင် တစ်ခုတစ်လေ မတွေ့ရပါဘူး။ စည်းကမ်းအရ တစ်နေ့ကို ရတနာ ၆ လုံးပဲ သိမ်းထားခွင့် ရှိပါတယ်။ အကယ်လို့များ ၆ လုံး ထက် ကျော်ပြီး ဆက်တူးရင် ရတနာကို အပိုင်မရပေမယ့် အမှတ်တွေတော့ ရပါတယ်။ အဲဒီရတဲ့ အမှတ်နဲ့ တခြားပစ္စည်းတွေ အကောင်တွေ ၀ယ်လို့ရပါတယ်။ အခု Pirate Treasure Hunt မှာတော့ မိကျောင်းနဲ့ ဝေလငါး ကို ၀ယ်လို့ရပါတယ်။ အမှတ် ၁၀၀ ရရင် ဝေလငါး ၀ယ်လို့ရပြီး အမှတ် ၂၀၀ ရရင် မိကျောင်း ၀ယ်လို့ရပါတယ်။ အမှတ် ၅၀၀ အထိ ရတဲ့သူဆိုရင် ပင့်ကူတစ်ကောင် အလကား ရပါတယ်။
တူးစုထားတဲ့ ရတနာတွေနဲ့ ရထားတဲ့ အမှတ်ပေါ် မူတည်ပြီး အခြားပစ္စည်းလေးတွေ လုပ်လို့ ရပါတယ်။ ကြယ်တွေနဲ့ လည်ဆွဲလေးတွေ လုပ်လို့ရပါတယ်။ အမှတ် ၅၀ နဲ့ ရတနာ ၄ ခု ပေါင်းပြီး ပင်လယ်ဒမြ ကိုင်တဲ့ ဓါးကောက်ကြီးလည်း လုပ်လို့ရပါတယ်။ အမှတ် ၁၀၀ နဲ့ ရတနာ ၄ ခု ပေါင်းရင်တော့ သရဖူ လုပ်လို့ ရပါတယ်။ ဒီပစ္စည်းလေးတွေက အခုကာလအတွင်းမှာပဲ လုပ်လို့ ရမှာပါ။ ဒီလကုန်သွားရင် အဲဒီဂိမ်းလည်း မရှိတော့ပါဘူး။ အဲဒါဆို အဲဒီပစ္စည်းတွေက Limited Edition တွေ ဖြစ်သွားမှာပါ။ ဒါကြောင့်လည်း Facebook ထဲက လူတွေ နေ့ရောညပါ အသည်းအသန် တူးကြဆွကြနေတာပေါ့ဗျာ။ ကိုးနတ်ရှင် သဘောကောင်းတဲ့ နေရာမှာ လတ်တလော နေနေတဲ့ ကျွန်တော်လည်း အဲဒီ စာရင်းထဲမှာ ပါတယ်ဆိုတာကို ဗေဒင်မေးနေရင် ဆန်ကုန်နေပါမယ်လေ။

Wednesday, September 17, 2008

Teresa Teng

Yue liang dai biao Wo de xin သီချင်းလေးကို လိုချင်တာနဲ့ အင်တာနက်မှာ ရှာဖြစ်ပါတယ်။ Youtube မှာလည်း အများကြီးပါ။ Mp3 တွေလည်း ရှိပါတယ်။ အဲဒီ သီချင်းကို ပြန်ဆိုထားတာ Versionမျိုးစုံ ရှိပေမယ့် မူရင်း အဆိုတော်ကို လုံးဝ မမှီပါဘူး။ ရော့ခ်ပဲ ဆိုဆို... ရက်ပ်ပဲ ဆိုဆို... တန်လွှီကျွင်း ဆိုခဲ့သလောက် မကောင်းပါဘူး။ Tian Mi Mi, A Small Town Story, Hai Long, Good Bye My Love စတဲ့ သီချင်းကောင်းတွေလည်း အများကြီးပါ။ သူ့သီချင်းတွေကို မြန်မာပြည်က နွဲ့ယဉ်ဝင်း၊ စိုင်းဆိုင်မော့ဝ်တို့ ကော်ပီပြန်ဆိုထားတာ ရှိကြပါတယ်။ မောင်ပေးတဲ့အချစ် ပြန်ဆပ်ခဲ့ပါ ဆိုတာ Ni Zenme Shuo ဆိုတဲ့သီချင်းကို ပြန်ဆိုထားတာပါပဲ။

ဒါကြောင့် အသံချိုအေးလေးနဲ့ ဆိုတတ်တဲ့ သူ့အကြောင်းကို သိချင်တာနဲ့ Internet မှာ ဟိုဟိုဒီဒီ ရှာဖတ်ဖြစ်ပါတော့တယ်။ ကိုယ်ဖတ်ခဲ့တာကိုလည်း မှတ်တမ်းတင်တဲ့ အနေနဲ့ရော... တခြား စာဖတ်သူတွေကို သိရှိစေချင်တဲ့ အနေနဲ့ရော အခုလို စာတစ်ပုဒ် တင်ဖြစ်သွားခဲ့ပါတယ်။

သူမကို ၁၉၅၃ ဇန်န၀ါရီလ ၂၉ ရက်နေ့မှာ ထိုင်ဝမ်ကျွန်း ယွီလင်မြို့မှာ မွေးဖွားခဲ့ပါတယ်။ သူမရဲ့ မိဘတွေကတော့ တရုတ်ပြည်မကြီး ဟာဘေးပြည်နယ်ကနေ ဆင်းသက် ပေါက်ဖွားလာခဲ့တဲ့ သူတွေပါ။ ငယ်စဉ်တောင်ကျေး ကလေးဘ၀ကတည်းက သူမဟာ အဆိုပြိုင်ပွဲတွေမှာ ဆုများစွာ ချိတ်ခဲ့ပါတယ်။ ၁၉၆၄ မှာ အော်ပရာဇာတ်လမ်း တစ်ခုဖြစ်တဲ့ "The Love Eterne" မှာ နောက်ခံသီချင်း သီဆိုခွင့်ရခဲ့ပါတယ်။ သူမအဖေရဲ့ ပံ့ပိုးအားပေးမှုနဲ့ သူမဟာ အထက်တန်းကျောင်းကနေ ကျောင်းထွက်ခဲ့ပြီး ဂီတလောကထဲကို ခြေစုံပစ် ၀င်ခဲ့ပါတော့တယ်။

ထိုင်ဝမ်မှာ ထုတ်လွှင့်ခဲ့တဲ့ တေးဂီတအစီအစဉ်တွေကြောင့် သူမဟာ ၁၉၆၈ နောက်ပိုင်းမှာ တဖြည်းဖြည်း ကျော်ကြားလာခဲ့ပါတယ်။ ၁၉၇၃ မှာ စတင်ပြီး ဂျပန် အနုပညာလောကကို ထိုးဖောက် နေရာယူခဲ့ပြီး "Best New Singing Star" ဆုကို ရရှိခဲ့ပါတယ်။ တရုတ်လို ဂျပန်လို ဆိုတတ်တဲ့အပြင် ကန်တုံလို အင်္ဂလိပ်လိုလည်း ဆိုတတ်ပါတယ်။ ဒါကြောင့် ကန်တုံစကားပြော တရုတ်တွေရှိတဲ့ မလေးရှား အင်ဒိုနီးရှားနိုင်ငံတွေအထိ အမည်ကျော်ကြားခဲ့ပါတယ်။

ထိုင်ဝမ်နဲ့ တရုတ်ပြည်မကြီး နိုင်ငံရေးတင်းမာမှုတွေကြောင့် သူမရဲ့ သီချင်းခွေတွေကို ၁၉၈၀ ခုနှစ် ရှေ့ပိုင်းတွေမှာ တရုတ်ပြည်မကြီးမှာ ဖြန့်ချီခွင့် မပြုခဲ့ပါဘူး။ ဒါပေမယ့် သူမရဲ့ ဂုဏ်သတင်းတွေ၊ သူမရဲ့ သီချင်းတွေကို ကန့်သတ် ချုပ်ချယ်နိုင်ခြင်း မရှိခဲ့ပါဘူး။ တရုတ်ပြည်ရဲ့ အိမ်တိုင်း၊ ရွာတိုင်း၊ ဆိုင်တိုင်းကို မှောင်ခိုဈေးကွက်ကနေ တဆင့် သူမရဲ့ သီချင်းလေးတွေ ပျံ့နှံ့ရောက်ရှိလာခဲ့ပါတယ်။ နောက်ဆုံးမှာတော့ အာဏာပိုင်တွေအနေနဲ့ တားမြစ်ထားတဲ့ ကန့်သတ်ချက်ကို ရုပ်သိမ်းပေးခဲ့ရပါတော့တယ်။

တရုတ်ခေါင်းဆောင် တန်ရှောင်ဖိန် (Deng Xiaoping)နဲ့ မိသားစုမျိုးရိုးစာလုံး အတူတူဖြစ်တဲ့ တန်လွှီကျွင်းကို "Little Deng" လို့ ခေါ်ဆိုကြပါသေးတယ်။ တရုတ်ပြည်မကြီးက တိန်အန်မန်ရင်ပြင်မှာ သီဆို ဖျော်ဖြေခွင့်ပြုဖို့ တရားဝင် ကမ်းလှမ်းခဲ့ပေမယ့် အဲဒီအခွင့်အရေးကို မရှိခဲ့ပါဘူး။ တိန်အန်မန် ကျောင်းသား အရေးတော်ပုံ ဖြစ်ပွါးခဲ့တဲ့ ၁၉၈၉ မှာ ဒီမိုကရေစီရရှိဖို့အတွက် လှုပ်ရှားတဲ့ ကျောင်းသားတွေကို အားပေးတဲ့အနေနဲ့ ပဲရစ်မြို့မှာ ဂီတဖျော်ဖြေပွဲ ပြုလုပ်ခဲ့ပါတယ်။ စစ်တပ်မိသားစုကနေ ပေါက်ဖွားလာတဲ့ သူမဟာ ၁၉၇၀ နဲ့ ၁၉၈၀ ကာလကြားမှာ တပ်ရင်းတပ်ဖွဲ့တွေဆီကို မကြာခဏ သွားရောက်ပြီး သီဆို ဖျော်ဖြေခဲ့ပါတယ်။ ဒါကြောင့် တပ်မတော်သားတွေရဲ့ အသည်းကျော် "Soldier's Sweetheart" တစ်ယောက်အဖြစ်လည်း လူသိများ ထင်ရှားပါတယ်။ သူမရဲ့ သီချင်းတွေဟာ တစ်ကမ္ဘာလုံးက တရုတ်လူမျိုးတွေရဲ့ အသဲနှလုံးကို လှုပ်ခတ်နိုင်စွမ်း ရှိပါတယ်။

၁၉၉၅ မေလ ၈ ရက်နေ့မှာ ထိုင်းနိုင်ငံ ချင်းမိုင်မြို့ကို အားလပ်ရက်ခရီးအဖြစ် အလည်အပတ်လာရင်း အသက်ရှုလမ်းကြောင်းဆိုင်ရာ ရောဂါတစ်ခုကြောင့် အသက် ၄၂ နှစ်အရွယ်မှာ ကြွေလွင့်ခဲ့ရပါတယ်။ အဲဒီ ရောဂါကို လူလတ်ပိုင်း အရွယ်ကတည်းက ခံစားနေခဲ့ရတာပါ။ တစ်ခေတ်မှာ တစ်ယောက်သာ ရှိခဲ့တဲ့ သူမကို ထိုင်ဝမ်နိုင်ငံက နိုင်ငံတော် ဈာပနအဖြစ် ကျင်းပပေးပြီး ဂုဏ်ပြုခဲ့ပါတယ်။ သူမရဲ့ အခေါင်းမှာ ထိုင်ဝမ်အလံကို အုပ်မိုး လွှမ်းခြုံပေးခဲ့ပါတယ်။ ထိုင်ဝမ်နိုင်ငံ သမ္မတ Lee Teng-hui ကိုယ်တိုင် ထောင်ပေါင်းများစွာသော ပရိသတ်နဲ့အတူ ဈာပနအခမ်းအနားကို တက်ရောက် ဂါရ၀ပြုခဲ့ပါတယ်။

သူမရဲ့ ရုပ်အလောင်းကို ထိုင်ဝမ်ကျွန်း မြောက်ပိုင်းက တောင်ကုန်းလေးအပေါ်မှာ တည်ရှိတဲ့ Chin Pao San သင်းချိုင်းမှာ ဂူသွင်းခဲ့ပါတယ်။ အဲဒီ ဂူမှာ သူမရဲ့ ပုံတူ ရုပ်တုကို ထားရှိထားပါတယ်။ စတိတ်ရှိုးတွေမှာ သီဆိုစဉ်က ၀တ်ဆင်ခဲ့တဲ့ အ၀တ်အစားများကိုလည်း ပြသထားရှိသလို သူမရဲ့ သီချင်းတွေကိုလည်း လွှင့်ထုတ်ပေးထားပါတယ်။ သူမရဲ့ အုတ်ဂူဟာ သူမရဲ့ ပရိသတ်တွေ လာရောက် လည်ပတ်တဲ့နေရာအဖြစ် ထိုင်ဝမ်ကျွန်းမှာ ထင်ရှားလှပါတယ်။

Monday, September 15, 2008

The moon represents my heart

ဒီသီချင်းလေးက ၁၉၉၅ မေလ ၈ ရက်နေ့မှာ ဆုံးပါးခဲ့တဲ့ ထိုင်ဝမ်အဆိုတော် တန်လွှီကျွင်းရဲ့ ကျော်ကြားတဲ့ သီချင်းလေး တစ်ပုဒ်ပါ။ အဲဒီသီချင်းလေးကို တရုတ်လိုဆိုထားတာပါ။ သိတဲ့အတိုင်း ကျွန်တော် တရုတ်စာကို သိပ်မတတ်ပါဘူး။ ဒီသီချင်းလေးကို နှစ်ပေါင်းများစွာ နားယဉ်ခဲ့ပေမယ့် အဓိပ္ပါယ်ကို အသေအချာ မသိခဲ့ပါဘူး။ ဟိုတစ်စ ဒီတစ်စလေးပဲ သိထားပါတယ်။ အသေအချာ သိတာတစ်ခုကတော့... "လမင်းကြီးဟာ ငါ့အချစ်ကို ကိုယ်စားပြုတယ်" ဆိုတဲ့ ခေါင်းစဉ်လေးပါပဲ။

စနေနေ့ညက Red Cross Home for the Disabled (RCHD) ဂေဟာမှာ အဘွား ၂ ဦးက ကာရာအိုကေ အစီအစဉ်မှာ အဲဒီသီချင်းလေးကို ဆိုသွားပါတယ်။ သူတို့တွေ မပီကလာ ဆိုနေတာကို နားထောင်နေရင်း ဖန်သားပြင်က တရုတ်လိုရေးထားတဲ့ သီချင်းစာတန်းကို သိသလောက်လေး လိုက်ဖတ်ရင်း... တိုးတိုးလေး သီချင်း ညည်းမိပါတယ်။ အဲဒီည တစ်ညလုံး အဲဒီသီချင်း စာသား ဟိုတစ်ပိုင်း ဒီတစ်ပိုင်းတွေ ကျွန်တော် ပါးစပ်ဖျားမှာ ဟီးလေးခိုလို့ပေါ့။ နောက်ရက်တွေမှာလည်း သီချင်းညည်းမိရင် အဲဒီသီချင်းပဲ ဖြစ်နေပြန်ရော။ ဒါနဲ့ပဲ အင်တာနက်ကနေ သီချင်းဖိုင်လေး ရဖို့... သီချင်းစာသားတွေ ရဖို့... အသိမိတ်ဆွေတွေကို မေးမြန်းပြီး ရှာရဖွေရတာပေါ့ဗျာ။ အခုတော့ သီချင်းလေးကို အလွတ်နီးပါး ရသွားပါပြီဗျာ။ သီချင်းစာသားရဲ့ အနက် အဓိပ္ပါယ်ကိုလည်း ပြည့်ပြည့်စုံစုံ ခံစားနားလည်သွားပါပြီ။

ဒီသီချင်းလေးက တကယ်ကို Heart ထိတယ်ဗျာ။ တကယ် တကယ်ပါ... ဗျာ။

Yue liang dai biao wo de xin
By - Teresa Tang

ni wen wo ai ni you duo shen
wo ai ni you ji fen
wo de qing ye zhen
wo de ai ye zhen
yue liang dai biao wo de xin

ni wen wo ai ni you duo shen
wo ai ni you ji fen
wo de qing bu yi
wo de ai bu bian
yue liang dai biao wo de xin

* qing qing de yi ge wen
yi jin da dong wo de xin
shen shen de yi duan qing
jiao wo si nian dao ru jin

* ni wen wo ai ni you duo shen
wo ai ni you ji fen

* ** ni qu xiang yi xiang
ni qu kan yi kan
yue liang dai biao wo de xin

Repeat *
Repeat **


English Translation

You ask me how deep my love for you is,
How much I really love you…
My affection is real.
My love is real.
The moon represents my heart.

You ask me how deep my love for you is,
How much I really love you…
My affection does not waver,
My love will not change.
The moon represents my heart.

* Just one soft kiss
is enough to move my heart.
A period of time when our affection was deep,
Has made me miss you until now.

* You ask me how deep my love for you is,
How much I really love you.

* ** Go think about it.
Go and have a look [at the moon],
The moon represents my heart.

Repeat *
Repeat **

Saturday, September 13, 2008

Together for humanity

စင်္ကာပူကြက်ခြေနီမှာ လုပ်အားပေး စ၀င်တဲ့ ရုံးက ဖိလစ်ပိုင်တစ်ယောက်က ခေါ်တာနဲ့ အဲဒီနေရာလေးကို ပထမဆုံးအကြိမ် ရောက်ဖြစ်ခဲ့တယ်။ အဲဒီနေရာလေးဆိုတာ Red Cross Home for the Disabled (RCHD) ဆိုတဲ့ ဂေဟာလေးပါ။ Disabled ဆိုလို့ မျက်စိမမြင် နားမကြား ကိုယ်လက်အင်္ဂါ မသန်စွမ်းတဲ့သူတွေကို ထားတဲ့နေရာမျိုး မဟုတ်ပါဘူး။ Down Syndrome လို့ခေါ်တဲ့ မျိုးရိုးဗီဇ ဖွဲ့စည်းပုံ ချို့ယွင်းနေတဲ့ လူသားတွေကို ပြုစုစောင့်ရှောက်နေတဲ့ နေရာတစ်ခုပါ။ Down Syndrome တွေပဲတင် မဟုတ်ပါဘူး။ Cerebral palsy, Spastic quadriplegia, Muscular dystrophy, Epilepsy စတဲ့ ဝေဒနာရှင်တွေကိုလည်း ပြုစုစောင့်ရှောက်ထားပါတယ်။

သူတို့လေးတွေက မွေးရာပါရောဂါတစ်ခုကို လူ့လောကထဲ သယ်ဆောင်လာခဲ့ရပြီး လူသားတစ်ယောက်၊ ကလေးတစ်ယောက်အနေနဲ့ အပြည့်အ၀ ရပ်တည်ခွင့် မရရှာတဲ့သူတွေပါ။ သူတို့ရဲ့ ပုံပန်းသဏ္ဍာန်ကလည်း ပုံမှန်လူသားတစ်ဦးနဲ့ မတူကြပါဘူး။ သူတို့ရဲ အရပ်အမောင်းဟာ သာမန်ကလေးတွေထက် ပိုပုကြပါတယ်။ အသားအရေက ပျော့တိပျော့တွဲကြီးတွေ ဖြစ်နေတတ်ပါတယ်။ လျှာက ပါးစပ်ထက် ကြီးနေပြီး အပြင်ကို တစ်လစ်ကလေး ထွက်နေလေ့ရှိပါတယ်။ ကိုယ်ခန္ဓာ ဖွံ့ဖြိုးမှု အားနည်းပါတယ်။

အဲဒီ ဂေဟာလေးကို ၁၉၈၈ ခုနှစ်မှာ စတင်ခဲ့တာပါ။ ဂေဟာမှာ အမြဲတမ်း နေထိုင်တဲ့ ဦးရေကတော့ ၈၈ ဦးရှိပါပြီ။ အသက် ၆ နှစ်ကနေ ၅၅ နှစ် အထိ အရွယ်မျိုးစုံ ရှိကြပါတယ်။ အများစုကတော့ ပြုံးတာ ရီတာလေးနဲ့ ပြန်လည် ဆက်သွယ် တုံ့ပြန်နိုင်ပါတယ်။ ၀ူးဝူးဝါးဝါး မပီကလာတွေ အော်နိုင်ပါတယ်။ တချို့တလေကျတော့ သူတို့ ခေါင်းကလေး၊ ကျောကလေး၊ လက်ကလေးကို ပွတ်သပ်နေတာလေးပဲ ခံစားနားလည်ပါတယ်။ တချို့တွေကတော့ အရောင် လင်းလင်းလက်လက် တောက်တောက်လေးတွေကိုပဲ ခံစားနိုင်ရှာတယ်။ တချို့တွေမှာ ဂီတအသံလေးတွေကိုပဲ ကြားသိခံစားရှာရတယ်။ သူတို့တွေကို ဘယ်လို အဆက်အသွယ် လုပ်ရမယ်ဆိုတာကို တစ်ဦးချင်းစီရဲ့ အမည်ကဒ်ပြားတွေမှာ အမည်၊ မွေးနေ့နဲ့အတူ ဖော်ပြထားပါတယ်။ အဲဒီကဒ်ပြားလေးကို ကုတင်ခြေရင်းမှာ ကပ်ထားပေးပါတယ်။

သက်ရှိလောကကြီးမှာ အထီးကျန်ဆန်ဆန် ဖြတ်သန်းနေရတဲ့ သူတို့လေးတွေအတွက် အကြင်နာ မေတ္တာတွေ၊ အားပေးမှုတွေ၊ ဂရုစိုက်မှုတွေ လိုအပ်နေပါတယ်။ တစ်နေ့တစ်နေ့ ဘီးတပ်ကုလားထိုင်လေးပေါ်မှာပဲ ကုတင်ပေါ်မှာပဲ သူများလုပ်ပေးမှ ကျွေးမှ စားရနေရတဲ့ ဘ၀လေးတွေဟာ တကယ်ကို အထီးကျန်ဆန် ခြောက်သွေ့လွန်းလှပါတယ်။ သီးခြားကမ္ဘာလေးမှာ နေရတဲ့ သူတို့လေးတွေဟာ လူတွေနဲ့ ထိတွေ့ ဆက်ဆံချင်ကြပါတယ်။ ကိုယ်တွေရဲ့ အပြုံးလေးတွေဟာ သူတို့ဘ၀လေးတွေမှာ အလွန်ကို တန်ဖိုးရှိပါတယ်။ ကိုယ်တွေက သူတို့ကို စကားတွေ ပြောနေရင် မျက်လုံးလေး အ၀ိုင်းသားနဲ့ ကြည့်နေတတ်ပါတယ်။ ကိုယ်တွေက သူတို့ လက်ကလေးတွေကို ဆုပ်ထားရင် ငြိမ်ငြိမ်လေးနဲ့ ပြန်ဆုပ်ထားတတ်ပါတယ်။
ကျွန်တော် ရောက်ခဲ့တဲ့အချိန်က ဂေဟာမှာ လမုန့်ပွဲတော် မီးထွန်းပွဲတော် ပြုလုပ်ပေးတဲ့အချိန် ဖြစ်နေပါတယ်။ အခြေအနေ အတော်လေး ကောင်းမွန်တဲ့သူတွေကို ဘီးတပ်ကုလားထိုင်တွေနဲ့ ပွဲကျင်းပတဲ့နေရာမှာ ထားရှိပေးထားပါတယ်။ ပထမဆုံး အစီအစဉ်အနေနဲ့ ဂေဟာမှာ နေထိုင်တဲ့ အဘွား ၂ ယောက်က သီချင်းဆိုပါတယ်။ သူတို့ ဆိုတာကတော့ မပီကလာပေါ့။ ဘေးကနေ ၀ိုင်းပြီး ထောက်ကူပြီး ဆိုပေးရတာပေါ့။ ဒုတိယ အစီအစဉ်ကတော့ RCHD က သူနာပြု ဆရာမလေးတွေနဲ့ ဂေဟာက တချို့ ပါဝင်တဲ့ အကအဖွဲ့က ကပြပါတယ်။ ဂေဟာက လူတွေကတော့ လက်ထဲမှာကိုင်ထားတဲ့ ပန်းပွါးလေးတွေပဲ လှုပ်ပြီးကနိုင်တာပါ။ ဘီးတပ်ကုလားထိုင်ပေါ်ကနေ ကြည့်နေတဲ့သူတွေကလည်း ၀ူးဝူးဝါးဝါးတွေ အော်ပြီး အားပေးကြရှာတယ်။ လက်တွေ ခြေတွေ မြှောက်ကြတယ်။ လှုပ်ကြတယ်။

နောက် မီးထွန်းပွဲတော် ကျင်းပပါတယ်။ ဓါတ်ပုံတွေ ရိုက်ကြပါတယ်။ ပြီးရင် ဓါတ်ပုံတွေကို ချက်ချင်းကူးပြီး ဂေဟာမှာ နေထိုင်တဲ့သူတွေကို ပေးပါတယ်။ သူတို့တွေ အတော်လေး ပျော်ကြပါတယ်။ ကျွန်တော်တို့လို လုပ်အားပေး လာတဲ့သူတွေ အများကြီးပါ။ အနောက်နိုင်ငံက အဖိုးကြီး အဖွားကြီးတွေလည်း ပါပါတယ်။ သူတို့တွေက ဂေဟာကလူတွေကို ကိုယ့်သားသမီးလိုပဲ ယုယုယယ ဆက်ဆံကြပါတယ်။ ပါးကလေးတွေ နမ်းလိုက်၊ ရင်ချင်းအပ်လိုက်နဲ့ ပခုံးလေး ဖက်လိုက် ကြင်နာကြပါတယ်။ မီးပုံးလေးတွေ လိုက်ပြ၊ အစားတွေ ကျွေးလိုက် လုပ်ကြတာပေါ့။ သီချင်းဆိုတဲ့ အဖွဲ့က သီချင်းဆိုပြီး ဖျော်ဖြေသလို ဂီတပညာရှင်တွေကလည်း သူတို့ရဲ ဂီတပညာနဲ့ ပေးဆပ်ကြပါတယ်။

တကယ်ဆို ဂေဟာကလူတွေဟာ ကမ္ဘာလောကကြီးအတွက် ဘာတစ်ခုမှ အကျိုးမပြုနိုင်ရှာတဲ့ လူသားတွေပါ။ ဒါပေမယ့် အဲဒီလို လူတွေကို ၀န်ထုပ်ဝန်ပိုးတစ်ခုလို မပစ်ပယ်ထားပဲ လူပီသစွာ အကြင်နာ မေတ္တာတွေနဲ့ ဖေးကူနေတာကို ကြည်နူးစွာ မြင်တွေ့ခွင့်ရခဲ့ပါတယ်။ လူသားဆန်မှုဆိုတဲ့ ခံစားမှုကို အားလုံး အတူတကွ ခံစား နားလည် ပီတိဖြာခဲ့ရတဲ့ အချိန်ကလေးပေါ့။ ကျွန်တော်အနေနဲ့ လူပီသတယ် လူသားဆန်တယ် ဆိုတာ ဘာလဲဆိုတာကို အဲဒီအချိန်မှာ နက်နက်နဲနဲ ခံစား နားလည် သိရှိသွားခဲ့ရပါတော့တယ်။

Thursday, September 11, 2008

The power of tears - 2

ခင်ပွန်းဖြစ်သူ ပြန်အလာကို မန်ကျန့်နွီလေး စောင့်နေခဲ့တာ အချိန်တွေ တစ်လပြီး တစ်လ ကုန်ဆုံးခဲ့ပါပြီ။ မဟာတံတိုင်းကြီး ဆောက်လုပ်ရေး လုပ်ငန်းခွင်မှာ ဆောင်းရာသီရဲ့ ကြမ်းတမ်းမှုတွေ၊ အစာရေစာ ရှားပါးမှုတွေ စတာတွေကို ရွာကလူတွေ တဆင့် ပြန်ပြောပြလို့ သူမ ကြားသိခဲ့ရပါတယ်။ ဒါကြောင့် ကြမ်းတမ်းလှတဲ့ ရာသီဥတုအောက်မှာ ပင်ပန်းကြီးစွာ အလုပ်လုပ်နေရတဲ့ ချစ်ခင်ပွန်းအတွက် စိုးရိမ်သောက ရောက်နေရရှာတဲ့ မန်ကျန့်နွီလေးဟာ သူ့ခင်ပွန်းဆီ ကိုယ်တိုင်ကိုယ်ကျ သွားပြီး အ၀တ်တွေ အစားအစာတွေ သွားပို့မယ်လို့ ဆုံးဖြတ်လိုက်ပါတယ်။ အဲဒီ ခရီးက တကယ်တော့ နီးနီးလေး မဟုတ်ပါဘူး။ ဒါပေမယ့် သူမရဲ့ ဆုံးဖြတ်ချက်ကို ဘယ်သူမှ မပြင်နိုင်ခဲ့ပါဘူး။ ဒါနဲ့ သူမရဲ့အဖေဟာ သူမကို သွားခွင့်ပြုလိုက်ပြီး အိမ်က အစေအပါးတွေကို အဖော်အဖြစ် ထည့်ပေးလိုက်ပါတယ်။

မန်ကျန့်နွီလေးဟာ တောအထပ်ထပ် တောင်အသွယ်သွယ်ကို အဆင့်ဆင့် ကျော်ဖြတ်လာရသလို မြစ်တွေ ချောင်းတွေကိုလည်း ကူးဖြတ်ရင်း မဟာတံတိုင်းကြီး ဆောက်လုပ်နေတဲ့ တရုတ်ပြည်မြောက်ပိုင်းကို လာခဲ့ရပါတယ်။ ခရီးလမ်းမှာ ဆာလောင်မွတ်သိပ်မှုတွေ၊ ဆောင်းရာသီရဲ့ အအေးဒဏ်တွေ၊ ခြေထောက် နာကျင်မှုတွေကို အံတုရင်း ခရီးဆက်ခဲ့ပါတယ်။ နောက်ဆုံးတော့ မဟာတံတိုင်း ဆောက်လုပ်ရေး လုပ်ငန်းခွင်ထဲကို ရောက်သွားပါတယ်။ ဒါနဲ့ ဟိုလူကို မေး... ဒီလူကို မေးနဲ့ သူ့ခင်ပွန်းအကြောင်းကို စုံစမ်းရှာပါတယ်။ ဒါပေမယ့် သတင်းကောင်း မကြားရရှာပဲ သတင်းဆိုးကြီးကသာ သူမကို ဆီးကြိုနေပါတယ်။ ပင်ပန်းဆင်းရဲတဲ့ ဒဏ်ကို မခံနိုင်တဲ့ သူမရဲ့ခင်ပွန်းဟာ ဆုံးပါးခဲ့တာ ကြာလှပါပြီဆိုပဲ။ မဟာတံတိုင်းကြီးရဲ့ အောက်တစ်နေရာမှာ သူ့ခင်ပွန်း အလောင်းကို မြှုတ်နှံထားကြောင်း အလုပ်သမားတွေက ပြောပြကြပါတယ်။

ဒါနဲ့ မန်ကျန့်နွီဟာ သူ့ခင်ပွန်းအလောင်းကို မြှုပ်ထားတဲ့နေရာကို လိုက်ပြပေးဖို့ တောင်းဆိုပါတယ်။ အဲဒီ နေရာကို ရောက်တဲ့အခါမှာ သူမဟာ ၀မ်းနည်းလွန်းလို့ အူလိုက်သည်းလိုက် ငိုကြွေးရှာပါတယ်။ ငိုပြီးရင်း ဆက်ငို... ငိုပြီးရင်း ဆက်ငိုတာ ၃ ရက်တိတိတောင် ဖြစ်လာပါပြီ။ အဲဒီအချိန်မှာ နှင်းမုန်တိုင်းကြီး တိုက်ခတ်ပြီး သူမရဲ့ခင်ပွန်းကို မြှုပ်နှံထားတဲ့အပေါ်က မဟာတံတိုင်းကြီးရဲ့ အစိတ်အပိုင်းအချို့ ပြိုကျပျက်စီးကုန်ပါတယ်။ အဲဒီအောက်မှာ အရိုးတွေက အများကြီးဆိုတော့ ဘယ်အရိုးက သူမရဲ့ ခင်ပွန်းမှန်း မခွဲနိုင်ပါဘူး။ မန်ကျန့်နွီက လက်ညှိုးထိပ်ကို ပါးစပ်နဲ့ ကိုက်ဖြတ်ပြီး သွေးစက်တွေကို အရိုးတွေပေါ်က လိုက်ချတဲ့အခါမှာ သူမရဲ့ ခင်ပွန်းဖြစ်သူရဲ့ အရိုးတွေအထဲကို သွေးတွေ ထိုးဖောက် စီးဝင်သွားတာကို တွေ့ရပါတယ်။ အဲဒီလိုနဲ့ပဲ သူမခင်ပွန်းရဲ့ အရိုးတွေကို ရရှိခဲ့ပါတော့တယ်။

"မိန်းခလေးတစ်ယောက် ငိုလိုက်တဲ့ မျက်ရည်တွေကြောင့် မဟာတံတိုင်းကြီး ပြိုကျသွားတယ်ဟေ့" ဆိုတဲ့ သတင်းက တိုင်းပြည်အနှံ့မှာ ချက်ချင်း ပျံ့နှံ့သွားပါတော့တယ်။ မဟာတံတိုင်းကြီး ပြိုကျတဲ့ သတင်းဟာ လွှတ်တော်အထိ ရောက်ရှိသွားပြီး ဘုရင်မင်းမြတ် ကိုယ်တော်တိုင် အံ့အားသင့်ပြီး မယုံကြည်နိုင်လောက်အောင် ဖြစ်သွားစေပါတယ်။ ဒါကြောင့် မျက်မြင် ကိုယ်တွေ့ဖြစ်အောင် ဆိုပြီး အဲဒီ မဟာတံတိုင်းကြီး ပြိုကျတဲ့နေရာကို ကြွချီတော်မူလာပါတယ်။ မျက်ရည်များနဲ့ တံတိုင်းကြီးကို ပြိုလဲစေနိုင်တဲ့ အစွမ်းထက်တဲ့ မိန်းခလေးကိုလည်း တွေ့ချင်တာလည်း ပါတာပေါ့ကွယ်။

မန်ကျန့်နွီကို တွေ့လိုက်တဲ့အချိန်မှာ သူမရဲ့ အလှထဲမှာ ယစ်မူးသွားရှာပါတယ်။ ဘုရင်က ပြောရှာပါတယ်... "အရမ်းလှတာပဲကွယ်။ နတ်သမီးလေး တစ်ပါးလား မှတ်ရတယ်။ ငါ့ကိုယ်တော်ကို လက်ထပ်ပါလားကွယ်။"

မန်ကျန်နွီက စဉ်းစားသုံးသပ်လိုက်ပြီး ချက်ချင်း တုံ့ပြန်ပါတယ်။ သူမလိုချင်တာတွေကို ပေးနိုင်ရင် ဘုရင်ကို လက်ထပ်မယ်ပေါ့။ ဘုရင်ကလည်း ဆု ၃ ဆု တောင်းစေဆိုပြီး ခွင့်ပြုပါတယ်။ ပထမဆုံး တောင်းတဲ့ဆုက သူမခင်ပွန်းရဲ့ အလောင်းကို ထည့်ဖို့ အကောင်းစား ခေါင်းတစ်လုံးပါ။ ဒုတိယ တောင်းတဲ့ဆုက ဘုရင်အနေနဲ့ သူမခင်ပွန်းအတွက် နိုင်ငံတော်အဆင့် အသုဘအခမ်းအနားကို ကျင်းပပြုလုပ်ပေးဖို့ပါ။ တတိယဆုကတော့ ဘုရင်အပါအ၀င် မှူးကြီးမတ်ရာ စစ်သည်ဗိုလ်ပါ နန်းတွင်းသူ နန်းတွင်းသား အားလုံး ၀မ်းနည်းခြင်း အထိမ်းအမှတ် ၀တ်စုံတွေကို ၀တ်ဆင်ပေးဖို့ တောင်းဆိုပါတယ်။ တောင်းထားတဲ့ ဆုတွေက အတော်လေး တရားလွန်နေပေမယ့် ဘုရင်က လက်ခံသဘောတူလိုက်ပါတယ်။

အသုဘအခမ်းအနားကို သူမ ပြောသလို အတိအကျ ပြုလုပ်ပေးပါတယ်။ အကောင်းစား အခေါင်းကြီးကို တင်ထားတဲ့ လှည်းရဲ့နောက်ကနေ ဘုရင်ကိုယ်တိုင် ဦးဆောင်ပြီး အားလုံးသော ၀န်ကြီးတွေ ဗိုလ်ချုပ်တွေ လိုက်လာပါတယ်။ ဂူသွင်းမယ့်နေရာအဖြစ် သူမရွေးချယ်ထားတာက ရေစီးကြမ်းလွန်းလှတဲ့ မြစ်ကြီးအပေါ်က ချောက်ကမ်းပါးတစ်ခုမှာပါ။

ဖန်ရှီးလန်ရဲ့ အသုဘကို လိုက်ပို့တဲ့ တစ်ဖွဲ့လုံး ချောက်ကမ်းပါးပေါ်ကို ရောက်လာကြပါပြီ။ ဘုရင်အပါဝင် အမှုထမ်း အရာထမ်းတွေ အားလုံး ဖန်ရှီးလန်ရဲ့ ဂူကြီးဘေးနားမှာ ထုံးတမ်းစဉ်လာအရ မတ်တပ်ရပ်နေကြပါပြီ။ ဖန်ရှီးလန်ကို ဂူသွင်းပြီးတဲ့အခါမှာ မန်ကျန့်နွီတစ်ယောက် အငိုတိတ်သွားပါတယ်။ ဒူးထောက် ထိုင်နေရာကနေ ဖြည်းဖြည်းချင်း မတ်တပ်ရပ်လိုက်ပါတယ်။ ပြီးတော့ နောက်ဆုံးနှုတ်ဆက်တဲ့အနေနဲ့ သူမရဲ့ခင်ပွန်းဖြစ်သူကို ဦးညွှတ်ပြီး ဂါရ၀ါပြု အရိုအသေပေးပါတယ်။ အရိုအသေ ပေးပြီးတာနဲ့ ချက်ချင်းဆိုသလို ပြေးထွက်သွားပြီး ချောက်ကမ်းပါးပေါ်ကနေ ရေစီးသန်တဲ့ မြစ်ထဲကို ခုန်ချပြီး ဘ၀ကို အဆုံးစီရင်သွားပါတော့တယ်။

ကဲ... ပုံပြင်လေးကတော့ ဒါပါပဲကွယ်။ တရုတ်တွေရဲ့ ပါးစပ်ဖျားမှာတော့ အချစ်ကြီးတဲ့ သစ္စာရှင် မန်ကျန့်နွီရဲ့ မျက်ရည်အစွမ်းကို သတိတရ ရှိနေမှာတော့ အမှန်ပါပဲကွယ်။