.:: Download Myanmar Font (WinKalaw New Version) HERE ::.

Wednesday, July 1, 2009

Be flu free

အစကတော့ ၀က်တုပ်ကွေး။ ၀က်တွေမှာတွေ့ရတဲ့ တုပ်ကွေးမိုလို့ ၀က်တုပ်ကွေး။ နောက်တော့ လူတွေဆီ ရောက်လာပြီ။ အခုချိန်မှာတော့ လူတွေကနေ လူအချင်းချင်းကို ကူးကုန်ကြပြီ။ စဖြစ်တဲ့ နိုင်ငံက မက္ကဆီကို။ အဲဒီဗိုင်းရပ်စ် စကာင်္ပူကို ရောက်လာတာက မေလ ၂၇ ရက်နေ့မှာ။ အခုတော့ ရန်ကုန်ကို ဆက်ရောက်သွားပြီ။

ရန်ကုန်ကို ၀က်တုပ်ကွေး ရောက်ပြီဆိုတာ နိုင်ငံပိုင်သတင်းစာက ကြေညာတော့ လူတွေလည်း ဘုမသိဘမသိ အလန့်တကြားတွေဖြစ် ခြောက်ခြားကုန်ပြီ။ နှစ်ပေါင်းများစွာ သတင်းအမှောင်ချခံရတာ များလွန်းတော့လည်း လူတွေလည်း ဟုန်သွား ထုံသွားကုန်တာလား။ ဒါမှမဟုတ် ရေစစ်ဇကာတွေ များလွန်းတဲ့ ပြည်တွင်းမီဒီယာက ပေးသမျှ သတင်းကို မယုံရဲတာလား။ တစ်ခုခုတော့ တစ်ခုခုပါပဲ။

ဝယ်လိုက်ကြတဲ့ နှာခေါင်းစည်းတွေ ပင်ရင်းဒိုင်တွေမှာတောင် ပစ္စည်းပြတ်ကုန်တယ်ဆိုပဲ။ ဈေးတွေကလည်း ခုန်တက်သွားပြီ။ ထုံးစံအတိုင်း ခေတ်ပျက်သူဌေးကြီးတွေ ပေါ်လာအုံးမယ်။ ပွဲလန့်တုန်း ဖျာဝင်ခင်းကြမယ့် အလှူရှင်ကြီးတွေ လာကြအုံးမယ်။ အလှူ့လက်ဖက်နဲ့ မျက်နှာလုပ်ပြီး မဏ္ဍပ်တိုင် တက်ပြမယ့် လူကြီးမင်းတွေ တွေ့ရအုံးမယ်။ အော့နှလုံးနာ စိတ်ပျက်စရာတွေက ခြောက်ခြားစရာထက် ပိုမယ်လို့ မြင်နေမိပါတယ်။

စင်္ကာပူကျွန်းမှာ အဲဒီတုပ်ကွေးဗိုင်းရပ်စ် ရောက်နေတာ ၁ လ ကျော်နေပါပြီ။ ကူးစက်တဲ့ ဦးရေလည်း ၈၀၀ နီးပါး ဖြစ်နေပါပြီ။ ကျွန်တော် တွေ့သလောက်တော့ အများစုမှာ တုန်လှုပ်ခြောက်ခြားတဲ့ ပုံစံမျိုး မတွေ့ရပါဘူး။ နေ့စဉ်ဓူဝ ဖြတ်သန်းနေတဲ့ ပုံစံလေးအတိုင်း ပုံမှန်လေးပဲ သွားလာလှုပ်ရှားနေကြပါတယ်။ မီဒီယာတွေမှာ နေ့စဉ်လိုလို အဲဒီဗိုင်းရပ်စ်အကြောင်း၊ ကူးစက်ခံနေရတဲ့ဦးရေကို သတင်းပေး ဖော်ပြနေလို့ပဲလား။ ဒါမှမဟုတ် စင်္ကာပူရဲ့ ကျန်းမာရေးဝန်ဆောင်မှု အဆင့်အတန်းကို ယုံကြည်အားထားလို့ပဲလား။ အများပြည်သူမြင်ကွင်းမှာ နှာခေါင်းစည်းတွေနဲ့ သွားလာ လှုပ်ရှားနေတာကို တွေ့ရတာ ရှားလွန်းလှပါတယ်။

အဲဒီတုပ်ကွေးဗိုင်းရပ်စ် ကူးစက်ပျံ့နှံ့ပုံကို နားလည်သဘောပေါက်ထားခဲ့ရင် နှာခေါင်းစည်းတစ်ခုတည်းနဲ့ ကာကွယ်လို့ မရဘူးဆိုတာ သဘောပေါက်ကြမှာပါ။ ကူးစက်ပုံက... ဗိုင်းရပ်စ်ရှိနေတဲ့ အရာဝတ္ထုတစ်ခုခုကို လက်နဲ့ကိုင်မိပြီး အဲဒီလက်နဲ့ပဲ နှာခေါင်း၊ ပါးစပ်ကို ထိမိရင် ကူးစက်သွားနိုင်ပါတယ်။ နှာခေါင်းစည်းကြီး ကာထားပြီး ဗိုင်းရပ်စ်ရှိတဲ့လက်နဲ့ ထမင်းစား ရေသောက်ချိန်မှာ နှာခေါင်းတွေ ပါးစပ်တွေကို ထိမိရင်လည်း ကူးနိုင်တာပါပဲ။ အဲဒီတော့ လက်ကို ဆပ်ပြာနဲ့ စင်ကြယ်အောင် ဆေးဖို့က ပိုပြီး အရေးကြီးပါတယ်။

ကောင်းမွန်မှန်ကန်တဲ့ ကျန်းမာရေး အမူအကျင့်တွေ ရှိရင် ရောဂါကူးစက်မှာကို သိပ်ပြီး တွေးပူစရာ မလိုပါဘူး။ အစာ မစားမီ၊ အိမ်သာက ဆင်းလာတိုင်း၊ နှာချေ၊ ချောင်းဆိုးပြီးတိုင်း လက်ကို ဆပ်ပြာနဲ့ သေသေချာချာ ဆေးသင့်ပါတယ်။ နှာချေ၊ ချောင်းဆိုးတဲ့အချိန်မှာ တစ်ရှူးစက္ကူ၊ ဒါမှမဟုတ် လက်ကိုင်ပုဝါနဲ့ ကာပြီးမှ နှာချေ ချောင်းဆိုးသင့်ပါတယ်။ နေမကောင်းဘူးလို့ ခံစားနေရရင် ဆရာဝန်ပြ ကုသသင့်ပါတယ်။ အဲဒီအချိန်မှာ ကိုယ့်ဆီကနေ သူများဆီကို မကူးရအောင် ကျောင်းသွားတာတို့၊ အလုပ်သွားတာတို့၊ ဈေးဝယ်ထွက်တာတို့ ရှောင်သင့်ပါတယ်။ အဲဒီအချိန်မှာ နှာခေါင်းစည်းကိုလည်း မဖြစ်မနေ သုံးသင့်ပါတယ်။

အသီးအနှံတွေ၊ ဟင်းသီးဟင်းရွက်တွေ နေ့တိုင်းလိုလို စားသင့်ပါတယ်။ ရေများများ သောက်ဖို့လည်း မမေ့သင့်ပါဘူး။ ကိုယ်ခံအားကောင်းဖို့အတွက် အိပ်ရေးဝဖို့ကလည်း အရေးကြီးလှပါတယ်။ အဲဒါကြောင့် အလုပ်ကြီးပဲ ဖိမလုပ်ပဲ အနားယူကြပါ။ သွေးလေလည်ပတ်မှု ကောင်းဖို့အတွက် ကိုယ်လက်လှုပ်ရှားမှု လေ့ကျင့်ခန်း ၁ နာရီစာကို တစ်ပတ်မှာ ၅ ရက်လောက် လုပ်သင့်ပါတယ်။ ဆေးလိပ်သောက်တာကလည်း ဗိုင်းရပ်စ်ကူးစက်ဖို့ အခွင့်အရေး ပိုများတဲ့အတွက် ဆေးလိပ်သောက်တတ်တဲ့သူတွေ ဆေးလိပ်သောက်တာကို လျှော့သင့်ပါတယ်။

အဲဒီလိုမှန်ကန်တဲ့ ကျန်းမာရေး အမူအကျင့်တွေ ရှိနေရင် ဒီဗိုင်းရပ်စ် ကူးစက်မှာကို တုန်လှုပ်ခြောက်ခြားစရာ မလိုတော့ပါဘူး။ အဲဒီတော့... ဘုမသိဘမသိ ကြောက်လန့်နေမယ့်အစား တစ်ကိုယ်ရေသန့်ရှင်းရေးနဲ့ မျှတကောင်းမွန်တဲ့ စားသောက်နေထိုင်မှုတွေနဲ့အတူ ကျန်းမာရေးကို ထိန်းသိမ်း စောင့်ရှောက်ကြပါလို့ တိုက်တွန်းချင်ပါတယ် ခင်ဗျာ။

Monday, June 29, 2009

My dream town

စိတ်ကူးထဲမှာ နေချင်မိတဲ့မြို့ကလေး... ရှိလားလို့ မေးလာရင် ၂၀၀၅ ခုနှစ်အထိ ရန်ကုန်လို့ပဲ ဖြေမိနေမှာ အသေအချာပဲ။ ရန်ကုန်သား ရန်ကုန်ကို ချစ်လှချည်လား ထင်ရင် တက်တက်စင် လွဲပါလိမ့်မယ်။ တကယ်တော့ ရန်ကုန်ကလွဲပြီး တခြားနေရာကို အရောက်အပေါက် မရှိလို့ ရန်ကုန်မှာပဲ နေချင်မိတာမျိုးပါ။ ၀ါးလုံးခေါင်းထဲ လသာတယ်ဆိုတာ အဝေးကြီး သွားမရှာကြပါနဲ့။ အပေါက်ဆိုးတဲ့ ကျွန်တော့်ကိုပဲ ကြည့်လိုက်ပါ။ တကယ့်ကို လသာနေတာ တွေ့ရပါမယ်။

၂၀၀၆ ဇွန်လ ရောက်တော့ ယူနီဆက်ဖ်က ဖွင့်တဲ့ ဆရာဖြစ်သင်တန်းကို တက်ဖို့ ဌာနချုပ်ကိုယ်စား ၄ ယောက် ရွေးတဲ့အထဲမှာ ပါသွားတယ်။ စီဒိုးနားမှာ ဖွင့်တဲ့ သင်တန်းလည်း ဆင်းရော ယူနီဆက်ဖ်က ကလေးသူငယ် ကာကွယ်စောင့်ရှောက်ရေးဌာနမှာ လုပ်အားပေး နည်းပြဆရာဖြစ်သွားပါလေရော။ လုပ်အားပေးဆိုတာ လခစား မဟုတ်ဘူးပေါ့။ လမ်းစရိတ်တော့ ပေးပါတယ်။ အဲဒီလိုနဲ့ မြန်မာပြည်ထဲက မရောက်ဖူးတဲ့ နေရာဒေသတွေကို ရောက်ဖို့ အခွင့်အရေးတွေ ရလာတယ်။ ၀ါးလုံးခေါင်းထဲကနေ ခေါင်းကလေး ပြူထွက်လာပြီ။

သင်တန်းတွေ ဖွင့်ဖို့ သက်ဆိုင်ရာနဲ့ ရက်တွေ အတည်ပြုနေတာ အတော်ကို ကြာပါတယ်။ ဟိုလိုလို ဒီလိုလိုနဲ့ လူလည်း ဂိမ်းဆော့လိုက် လက်ဖက်ရည်ဆိုင် ထိုင်လိုက် အီးဘောလောကြီး ဖြစ်နေတယ်။ တကယ်တမ်း သွားမယ့် သွားရတော့ နိုဝင်ဘာတဲ့။ နေရာက မင်းဘူးနဲ့ ငဖဲတဲ့။ မကွေးမြသလွန်ဘုရားကနေ လှမ်းကြည့်ရင် မြင်ရတဲ့ တစ်ဘက်ကမ်းက မြို့ဆိုတာ မင်းဘူးမှန်း သိထားတယ်။ ငဖဲမြို့ကတော့ ဘယ်နားမှာ ဘယ်လိုရှိမှန်း သေချာကို မသိထားခဲ့ဘူး။ ငဖဲနဲ့ ပတ်သတ်ပြီး သိထားတာက ငှက်ဖျားရှိတယ် ဆိုတာပဲ။

ဝန်ကြီးဌာနနဲ့ ယူနီဆက်ဖ် ပူးပေါင်းပြီး လုပ်တာဆိုတော့လည်း တည်းခိုနေထိုင်ရတာ အဆင်ပြေပါတယ်။ စားရေး သောက်ရေးလည်း စီစဉ်ပေးကြပါတယ်။ မင်းဘူးမှာနေတော့ လယ်/ဆည်က ဘိုတဲမှာ တည်းရတယ်။ ဧရာဝတီ မြစ်ကမ်းဘေးမှာဆိုတော့ ညနေရှူခင်းတွေက ရှယ်ပဲ။ ထမီရင်လျားတွေနဲ့ ရေချိုးဆင်းတဲ့ အပျိုအအို အစုံအလင် တွေ့ရတယ်။ မင်းဘူးမှာ သင်တန်း ၁၀ ရက်ပေးပြီးတော့ ငဖဲကို ဆက်ထွက်ခဲ့တယ်။ ငဖဲကို ကားအတော်လေး စီးရတယ်။ နေ့လည် ၁၁ နာရီ မင်းဘူးကနေ ထွက်လာတာ ငဖဲကို ညနေ ၅ နာရီခွဲမှ ရောက်တယ်။ ဖုန်ထူထူလမ်းမှာ ကားနောက်က တွယ်စီးခဲ့တော့ လူလည်း မျောက်ရုပ်ကို ထွက်ရောပဲ။

ငဖဲရောက်တော့ မယက အတွင်းရေးမှူး အိမ်မှာ တည်းရတယ်။ အဖွဲ့မှာပါတဲ့ တခြားသူတွေက မိန်းခလေးတွေ ဆိုတော့ မြို့ထဲက အိမ်ကြီးတစ်အိမ်မှာ ထားတယ်။ ရောက်ရောက်ချင်း ခဏနားပြီး မိုးမချုပ်ခင် ရေချိုးဖို့ ရေချိုးကန်ဘက် ထွက်လာလိုက်တယ်။ အတွင်းရေးမှူးရဲ့ ရုံးအကူ ကောင်လေးကတောင် အစ်ကို... အရမ်း အေးတယ်နော်တဲ့။ ပထမ တစ်ခွက်ပဲ လောင်းလိုက်ရတယ်။ ရှိသမျှ အကြောအခြင် အကုန် တောင့်သွားတယ်။ အေးလိုက်တာမှ ရေခဲရေတောင် ဆရာကြီး ခေါ်ရလောက်တယ်။ ရေမချိုးလို့လည်း မဖြစ်တော့တဲ့ ရုပ်ဆိုတော့ အံကိုကြိတ်ပြီး တဗွမ်းဗွမ်း ချိုးလိုက်ရတယ်။ အိမ်အပေါ် ပြန်တက်လာတော့ မေးတွေ ရိုက်ပြီး နှုတ်ခမ်းတွေ ပြာနေပြီ။

အဲဒီမြို့မှာ ငှက်ဖျားကလည်း ရှိတယ်ဆိုတော့ ညအိပ်ရာဝင်ရင် ခြင်ထောင်ကို အသေအချာ ဖျာအစွန်းတွေနဲ့ ဖိထားရတယ်။ မတော်တဆ ခြင်ထောင် ပွင့်သွားမှာ စိုးလို့ ခြင်ထောင် ပတ်ပတ်လည်မှာလည်း စောင်တွေနဲ့ ခုထားသေးတယ်။ ညဘက် ရောက်လေ ချမ်းလေလေဆိုတော့ ရန်ကုန်သား ခံနိုင်ရည်ရှိမှာ မဟုတ်ဘူးဆိုတာ သိတဲ့ ရုံးအကူလေးက စောင်ကို ၇ ထည်လောက် ထုတ်ပေးထားတယ်။ လူလည်း အီဂျစ်က မံမီလို စောင်တွေနဲ့ လုံးထွေးပြီး အိပ်လိုက်ရတယ်။ ခရီးပန်းလို့ အိပ်ပျော်သွားပေမယ့် ညဘက်မှာ ချမ်းလွန်းလို့ ခဏခဏ နိုးလာသေးတယ်။

သင်တန်းပြီးတဲ့ ညနေပိုင်းတွေဆို ရုံးက စက်ဘီးတစ်စီး ငှားပြီး မြို့ပတ်ခရီး ထွက်တယ်။ မြို့လို့ခေါ်ပေမယ့် အိမ်ခြေက နည်းနည်းလေး။ မြို့တပတ်ကို နာရီဝက်တောင် မကြာဘူး။ ဈေးဘေးနားမှာ အိမ်ကြီးကြီးတွေ ရှိမယ်။ အဲဒီဈေးကို ဗဟိုပြုထားတဲ့ ရပ်ကွက်လေးတွေထဲမှာ အိမ်တွေရှိမယ်။ အဲဒီကနေ ဆက်ထွက်သွားရင် အိမ်တွေ မရှိတော့ဘူး။ လယ်ကွင်းတွေကြီးပဲ။ လယ်ကွင်းထဲမှာတော့ လယ်စောင့်တဲတွေ ရှိတာပေါ့။ ဆေးရုံက ကုန်းထိပ်ပေါ်မှာ။ ဆေးရုံကုန်းနားမှာပဲ အစိုးရရုံးတွေ ရှိတယ်။ သစ်တောက စိမ်းစိုဦးစီးရုံးတို့၊ စည်ပင်ရုံးတို့၊ သမဦးစီးရုံးတို့၊ စိုက်ပျိုးရေးဘဏ်တို့ အစီအရီပါပဲ။ မယကရုံးလည်း အဲဒီနားမှာပဲ။


အတွင်းရေးမှူးအိမ်က မြို့အစွန်နားမှာ။ သူ့အိမ်ကနေ ၅ အိမ်ကျော်လောက် သွားရင် မန်းစက်တော်ရာကို ရောက်တဲ့ မုန်းချောင်း ရှိတယ်။ အဲဒီမှာ ဆည်းဆာအချိန် ရှုခင်းတွေက ရင်သပ်ရှုမောပဲ။ ချောင်းဆိုပေမယ့် ရေစီးသန်တယ်။ ရေတွေကလည်း ကြည်ပြီး ချောင်းထဲက ကျောက်စရစ်ခဲတွေကိုတောင် လှမ်းမြင်နေရတယ်။ ချောင်းရေက ရေခဲရေလို အေးစိမ့်နေတာပဲ။ အေးလွန်းလှတယ်ဆိုပေမယ့် ချောင်းစပ်မှာ ရေချိုးနေတဲ့သူတွေ အများသား။ အားလုံးက ယောကျာ်းသားတွေပါ။ ဧရာဝတီမြစ်ကမ်းလို မိန်းခလေးတွေ ရေချိုးဆင်းတာ ငဖဲမှာ မတွေ့ရဘူး။ အဲဒီဘက်ကို မကြာခဏ ရောက်ပေမယ့် ရေတော့ မချိုးဖြစ်ဘူး။ ဒါပေမယ့် ဟိုငေး ဒီငေးတော့ လုပ်ဖြစ်တယ်။

ဆောင်းလေတဖြူးဖြူး ချမ်းအေးအေးမှာ အနွေးထည် ဆွယ်တာလေး ၀တ်ပြီး မြို့ထဲမှာ တစ်ယောက်တည်း လမ်းလျှောက်ထွက်သေးတယ်။ သီချင်းလေး နားထောင်ရင်းပေါ့။ မြို့ထဲက လက်ဖက်ရည်ဆိုင်တွေမှာ ထိုင်၊ မြို့ခံတွေနဲ့ အာလူးဖုတ်။ တကယ်ကို လွတ်လပ် ပေါ့ပါးနေတယ်။ ငဖဲမြို့ကလေးက မချမ်းသာဘူး။ ဒါပေမယ့် စိတ်မဆင်းရဲဘူး။ ရှိတာလေးနဲ့ ရောင့်ရဲတင်းတိမ်တယ်။ အပျော်အပါးဆိုလည်း ဗီဒီယိုရုံလောက်ပဲ ရှိတယ်။ လျှပ်စစ်မီးကလည်း ညဆို အမြဲမှန်တယ်။ မီးမှန်တာကို အတော် သဘောကျမိတယ်။ မီးက ဘယ်လိုကြောင့် မှန်သလဲဆိုရင်... စစ်လက်နက်ထုတ်စက်ရုံက အဲဒီမြို့အနားမှာ ရှိလို့ စက်ရုံပိတ်တဲ့အချိန် ညပိုင်းဆို မြို့ကို မီးပေးထားတယ် ဆိုပဲ။ လုံခြုံရေးလည်း ကောင်းတယ်။ လေကြောင်းရန် ကာကွယ်ရေး ဒုံးခွင်းစခန်းတွေတောင် မြို့နားမှာ ဆိုပဲ။ ရှယ်ပဲနော်။

မြို့လေးမှာပဲ လူတွေက အဆင်ပြေပေမယ့် မြို့အနားက ရွာလေးတွေမှာ အတော့်ကို ဆင်းရဲကြပါသေးတယ်။ ထုံးစံအတိုင်း အငြိမ်မနေတတ်တဲ့ ကျွန်တော်... ရုံးအကူလေးကို ဆိုင်ကယ်မောင်းခိုင်းပြီး အနားနီးစပ်က ရွာတွေကို ညကြီးမိုးချုပ် လျှောက်သွားပါသေးတယ်။ အဲဒီဘက်က ရွာတွေမှာ ကလေးတွေဆို အနွေးထည် မပါပဲ ညမိုးချုပ်တဲ့အထိ အချမ်းအအေးဒဏ်ကို ကျိတ်မှိတ်ခံပြီး မြေပဲခွံ ချွေကြပါတယ်။ ငှက်ဖျားပေါတဲ့ ဒေသမှာ ခြင်ကိုက်ခံပြီး အလုပ်လုပ်နေရတဲ့ သူတို့တွေ လုပ်အားခ ဘယ်လောက်ရသလဲ မေးကြည့်တော့ နို့ဆီဗူး တစ်ဗူးစာ ချွေပြီးတိုင်း ၅ ကျပ်ရတယ်တဲ့။ ကျောင်းက ပေးလိုက်တဲ့ အိမ်စာတွေတောင် မလုပ်နိုင်ပဲ ညဘက်မှာ အလုပ် ထွက်လုပ်နေရတဲ့ ကလေးတွေရဲ့ အနာဂတ်က ဘယ်မှာလဲ။ ရွာကနေ အပြန်ခရီး တစ်လမ်းလုံးမှာ စဉ်းစားခဲ့ရတာက... ဆင်းရဲ ချမ်းသာ ကွာခြားချက်ရဲ့ အဓိက တရားခံက ဘယ်သူလဲပေါ့။ အဲဒီငဖဲမြို့မှာ ကျွန်တော် လက်ဖက်ရည်ဆိုင် တစ်ခါထိုင်ရင် ရှင်းရတဲ့ ပိုက်ဆံက တစ်ထောင် ကျော်တယ်လေ။ အဲဒါလည်း ကံပဲလား ခင်ဗျ။

တကယ်လို့ ဘ၀မှာ စိတ်ကြိုက် နေခွင့်လေးသာ ရမယ်ဆိုရင် မှတ်မှတ်ရရ အခိုက်အတန့်လေးတွေ ရှိခဲ့ဖူးတဲ့ အဲဒီငဖဲမြို့လေးမှာ အေးအေးဆေးဆေး နေချင်မိပါတယ်။ သဘာဝ ရှုခင်းတွေ ကောင်းတယ်။ ရာသီဥတု ဆိုးပေမယ် နေပျော်တယ်။ ဆေးရုံ၊ ဆရာဝန် အစုံအလင် ရှိတယ်။ ညဘက်ဆို မီးမှန်တယ်။ ဆက်သွယ်ရေး ကောင်းတယ်။ အင်တာနက် ရှိတယ်။ ဒါပေမယ့် အဲဒါတွေက အဲဒီမြို့မှာ နေချင်မိတဲ့ အဓိက ဆွဲဆောင်မှု မက်လုံးတွေ မဟုတ်ပါဘူး။

တကယ်တမ်း အဲဒီငဖဲမြို့မှာ နေချင်မိတဲ့အကြောင်းရင်းက... ကလေးတွေရဲ့ အနာဂတ်ကို ဖျက်ဆီးနေတဲ့ ဆင်းရဲမွဲတေမှုနဲ့ ငှက်ဖျားကို တိုက်ထုတ်ချင်လို့ပါ။ ခါချဉ်ကောင် မာန်ကြီးလှချည်လား ထင်ကြအုံးမှာပါ။ ထင်ချင်သလို ထင်ကြပါစေ။ ၀ါးလုံးခေါင်းထဲမှာ လသာနေတာထက် မာန်ကြီးရတာ သာပါတယ်လေ။

ပြောမယ့်သာ ပြောတာ... ကျွန်တော်လည်း တကျွန်းပို့ခံထားရတာ ကြာလှပေါ့။ အခြေအနေနဲ့ အချိန်အခါအရ တကျွန်းစံ ဇူလိုင်ကြီး ဖြစ်နေအုံးမယ် ထင်ပါတယ်။ ဘယ်တော့များ... အိပ်မက်တွေ တကယ်ဖြစ်လာမလဲလေ။

မိုးခါး ရေးခိုင်းတဲ့ Tag ကို ထုံးစံအရ လက်ဆင့်ကမ်းရမယ်ဆိုရင်...
အိပ်မက် မက်ပါရစေဆိုတဲ့ မအယ်လ်ကြီး...

Saturday, June 27, 2009

Idle Moment



လောကဓံ လှိုင်းတံပိုးတွေကြား
ရွက်စုံလွှင့်နေရတဲ့ ဘ၀ထဲ
တခါတလေ
ဘာဆို ဘာမှမလုပ်ပဲ
ငြိမ်ငြိမ်လေးပဲ နေချင်မိတယ်။

Friday, June 26, 2009

R.I.P King of Pop

တစ်ကမ္ဘာလုံးမှာ ပရိသတ် သိန်းသန်းချီရှိခဲ့တဲ့
သမ္မတရီဂင် ဂုဏ်ပြုတဲ့ဆုကို အိမ်ဖြူတော်မှာ လက်ခံရရှိခဲ့ဖူးတဲ့


We are the World နဲ့ အာဖရိကနဲ့ အမေရိကန်ကို ပေါင်းကူးပေးခဲ့တဲ့

ကလေးတွေအတွက် Heal the World သီချင်း သီဆိုပေးခဲ့တဲ့

Hollywood Walk of Fame က ကြယ်ပွင့်တစ်ပွင့်
ရှေ့ကို လျှောက်သလိုလိုနဲ့ နောက်ကိုရွေ့သွားတဲ့ Moonwalk အကပိုင်ရှင်

The King of Pop Michael Jackson



(August 29, 1958 – June 25, 2009)

Rest In Peace, Michael Jackson.


In our heart, your music will live forever.

Wednesday, June 24, 2009

Dear Yesterday - 11

မနေ့က ရုံးတက်မလို့ ပြင်နေပြီးမှ မသွားတော့ပါဘူးကွာဆိုပြီး အလုပ်ပြုတ်ထားတဲ့ အိမ်ကအစ်ကိုနဲ့ ကော်ဖီ ထွက်သောက်လိုက်တယ်။ ရုံးမလာတော့ဘူးဆိုတာ ကော်ဖီဆိုင်အသွား လမ်းမှာပဲ မန်နေဂျာဆီ မတ်ဆေ့ခ်ျ ပို့လိုက်တယ်။ နေ့လည်ပိုင်းမှာ ဆေးရုံသွားစရာရှိလို့အိမ်ကနေ မနက်ပိုင်းမှာ အလုပ် လုပ်ပေးလိုက်တယ်။ ရေချိုးပြီးတော့ အိမ်မှာ ချက်ထားတဲ့ ဘူးသီးနဲ့ကြက်သားဟင်းကို ငပိရည်ဆမ်းပြီး အားပေးလိုက်တယ်။

ထမင်းစားပြီးတော့ အ၀တ်အစားလဲပြီး ဘူတာဘက်ကို ထွက်လာခဲ့လိုက်တယ်။ စင်္ကာပူ အထွေထွေဆေးရုံကို သွားဖို့ပေါ့။ သူငယ်ချင်းက စအိုဝမှာ ကင်ဆာဖြစ်လို့ ဖြတ်ထုတ်ဖို့ အဲဒီမှာ ဆေးရုံတင်ထားတယ်။ မနေ့က ခွဲစိတ်ခန်း ၀င်မယ့်နေ့ပေါ့။ သူက ခွဲစိတ်ခန်းကို မနက် ၉ နာရီခွဲကတည်းက စ ၀င်တာပါ။ ခွဲခန်းအထွက် အခြေအနေ အကျိုးအကြောင်း သိရအောင်ဆိုပြီး ကျွန်တော်က နေ့လည်ပိုင်းမှာ ထွက်လာခဲ့လိုက်တာပါ။ ခွဲနေတဲ့အချိန် ထိုင်စောင့်နေလည်း အကျိုးမှ မထူးတာလေ။

ရထားပေါ်ရောက်တော့ ဆေးရုံကို လာမယ်လို့ ပြောထားတဲ့ သူငယ်ချင်းတစ်ယောက်ကို ဖုန်းလှမ်းဆက်တော့ ကျေးဇူးရှင်က နေ့လည် ၂ နာရီကျော်မှ ရောက်မယ်တဲ့။ အဆောင်နဲ့ အခန်းနံပါတ်တွေကို သိပေမယ့်လည်း တစ်ခါမှ မရောက်ဖူးတဲ့ နေရာကြီး။ ဆင်းရမယ့် ဘူတာပဲ သိတော့ ဟိုစမ်းစမ်း ဒီစမ်းစမ်းနဲ့ သွားရပြီပေါ့။ နောက်ဆုံးတော့လည်း ခွဲခန်းရှိတဲ့ အဆောင်ကို ရောက်သွားပါတယ်။ ဆေးရုံ အပေါ်တက်ဖို့ကို ကောင်တာမှာ မှတ်ပုံတင်ရသေးတယ်။ လူနာကို ဆေးရုံမှာ မှတ်ပုံတင်ကတည်းက လာလည်မယ့် ဧည့်သည်စာရင်းကို ကြိုပေးထားရတယ်။ ဒါတောင် လူနာရှင် အပါအ၀င် ၈ ယောက်ပဲ လက်ခံတယ်။ အမည်တွေ၊ မှတ်ပုံတင်တွေ၊ ဖုန်းနံပါတ်တွေ ပေးထားရတယ်။

မှတ်ပုံတင်ပြီးတော့ လက်မှာ မင်နဲ့ ရာဘာတုံး ထုပါတယ်။ ဘယ်အဆောင်ကနေ အပေါ်ကို တက်သလဲဆိုတာ သိရအောင်ပေါ့။ ပြီးရင် စတေကာ ကပ်ပါတယ်။ အဲဒီမှာ ဂွကျတာက တစ်ကြိမ်ကို ဧည့်သည် ၂ ယောက်ပဲ ခွင့်ပြုတယ်။ အပေါ်မှာ သူငယ်ချင်းရဲ့ အစ်မနဲ့ အခန်းဖော် သူငယ်ချင်းမတွေ ရှိနေနှင့်ပြီ။ အပေါ်က ၂ ယောက် ပြန်ဆင်းလာမှ သူတို့ စတေကာတွေနဲ့ လဲပြီး အပေါ်တက်ပါတဲ့။ အခုတော့ တက်ခွင့် မရှိပါဘူးတဲ့။ အပေါ်က နှစ်ယောက်ကို အောက်ပြန်ခေါ်ပြီး စတေကာ လဲရအောင်လည်း ကျွန်တော့်အလုပ်က အပေါ်မှာ ဘာမှ လုပ်စရာ မရှိဘူး။ ပြီးတော့ သူတို့ မိန်းခလေး အချင်းချင်း အဖော်တောင် ရသေးတယ်။ အဲဒီတော့ ဆေးရုံအပေါ်ကို တက်မနေတော့ဘူး။

ခွဲစိတ်တာက ပြီးသွားပေမယ့် ခွဲခန်းထဲမှာပဲ လူနာကို ထားထားသေးတယ်။ နာလွန်းလို့ အော်နေတယ်ဆိုပဲ။ အဲဒီတော့ အပြင်ထုတ် မလာသေးပဲ ဆေးစုံ ပစ္စည်းစုံတဲ့ ခွဲခန်းထဲမှာ ဆက်ထားလိုက်တယ်။ ကျွန်တော်လည်း ဆေးရုံအောက်မှာ ယောင်ချာချာ မဖြစ်ချင်တာနဲ့ အဲဒီဆေးရုံဝင်းထဲမှာ အရင်းနှီးဆုံး နေရာတစ်ခုဖြစ်တဲ့ သွေးဘဏ်ဘက်ကို ပြန်သွားလိုက်တယ်။ သတင်းစာလည်း ၀ယ်လာခဲ့တာ ဆိုတော့ အတော်ပဲဖြစ်သွားတယ်။ သွေးဘဏ်ထဲမှာက ရေသောက်ဖို့လည်း အဆင်ပြေတယ်။ အပေါ့အပါး သွားဖို့လည်း အိုခေတယ်။ အ၀င်ဝမှာ ဧည့်သည်အနေနဲ့ မှတ်ပုံတင်တော့ ဘာလာ လုပ်သလဲ မေးရော။ စင်္ကာပူကြက်ခြေနီကို ကိစ္စရှိလို့ လာတာပါ ပြောပြီး မှတ်ပုံတင်လိုက်တယ်။ ပြီးတော့ ခပ်တည်တည်နဲ့ အထဲမှာဝင်ထိုင် ရေသောက်ပြီး သတင်းစာ ဖတ်နေလိုက်တယ်။

လာမယ်ဆိုတဲ့ သူငယ်ချင်းက နေ့လည် ၂ နာရီကျော်မှ ရောက်ချလာတယ်။ သူလည်း ထမင်း မစားရသေးဘူး ဆိုတာနဲ့ ဆေးရုံဝင်းထဲက စားသောက်ဆိုင်တန်းဘက်ကို ချီတက်လာခဲ့တယ်။ ဆေးရုံဝင်းထဲမှာ ဆိုပေမယ့် ကုန်တိုက်ထဲက စားသောက်ဆိုင်တွေလို သန့်ရှင်းသပ်ရပ်ပါတယ်။ ကိုရီးယား ကင်ချီထမင်းကြော် မှာပြီး ကင်ချီတွေ ထပ်တောင်းလိုက်တာ သွားတွေကိုတောင် အားနာမိတယ်။ ချဉ်ပြုံးနေတာပဲ။ စားပြီးတော့ ဧည့်ချိန် မရောက်သေးတာနဲ့ ထိုင်စောင့်နေလိုက်တယ်။ ဧည့်ချိန်က ၅ နာရီမှ ဆိုတော့ ကြားထဲမှာ ၂ နာရီလောက် လိုနေသေးတယ်။ အဲဒါနဲ့ ဆိုင်ထဲမှာပဲထိုင်ပြီး ဟိုကောင်မလေး ငမ်း၊ ဒီနပ်စ်မလေး ငမ်း၊ ဟိုအကြောင်းပြော ဒီအကြောင်းပြော အချိန်ဖြုန်းနေလိုက်တယ်။

ညနေ ၅ နာရီထိုးတော့ အပေါ်တက်ခွင့်ရတယ်။ ဖွဲ့စည်းပုံကတော့ ရန်ကုန်က ဆေးရုံကြီးလိုပါပဲ။ အထဲက အပြင်အဆင်တွေ ကွာတာပဲ ရှိပါတယ်။ ရန်ကုန်ဆေးရုံကြီးကတော့ ရှေးအမွေအနှစ်ကို ထိန်းသိမ်းထားတာ နှစ်ပေါင်းများစွာ ကြာခဲ့တာတောင် အပြောင်းအလဲ မရှိသေးဘူး။ ပိုတောင် ဟောင်းမှန်း သိအောင် တမင် လုပ်ထားသလား မှတ်နေရတယ်။ ဆေးရုံအပေါ် ရောက်တော့ အခန်း လိုက်ရှာတယ်။ အခန်းထဲမှာ လူနာက တစ်ယောက်တည်း ရှိသေးတယ်။ ကျန်တဲ့ ကုတင်တွေ လွတ်နေသေးတယ်။ ခွဲစိတ်ပြီးကာစ လူနာတွေကို ခဏထားတဲ့ အခန်းဆိုပဲ။ ပိုးသတ်ဖို့အတွက်တဲ့။

လူနာက ခွဲထားတဲ့အရှိန်နဲ့ နာနေလို့ စကားတောင် ကောင်းကောင်း မပြောနိုင်ဘူး။ နာတာ ပျောက်ဖို့ မော်ဖိန်း ထိုးပေးထားတယ်။ အဲဒီတော့ ရီဝေေ၀လေး ဖြစ်နေရော။ ခွဲစိတ်မှုကတော့ အောင်မြင်ပါတယ်။ ခွဲထုတ်သွားတဲ့ အသားစကို ဓါတ်ခွဲပြီးမှ ကင်ဆာအဆင့် ဘယ်လောက်ရှိနေသလဲဆိုတာ သိရမှာ။ လောလောဆယ်တော့ မသိရသေးဘူး။ ကင်ဆာအဆင့် ၂ အထိဆို ဓါတ်ကင်ဖို့ မလိုဘူးလို့ ဆရာဝန်ကတော့ ပြောပြပါတယ်။ လူနာလည်း အိပ်ချင်သလိုလို ဖြစ်နေတာနဲ့ ခဏတဖြုတ်ပဲ စကားပြောလိုက်တယ်။ လူနာ နားချင်ရင် နားလို့ရအောင် ကျွန်တော်တို့လည်း အလိုက်သိစွာနဲ့ နေပေးလိုက်တယ်။ အပေါ် ရောက်တာကလည်း မကြာသေး... ချက်ချင်း ပြန်သွားရင်လည်း မကောင်းတတ်တော့ အဲဒီအဆောင်မှာ တာဝန်ကျနေတဲ့ နပ်စ်မ ချောချောလေးတွေကို ငေးနေလိုက်တော့တယ်။ တရုတ်မလေးတွေလည်း ချစ်စရာ၊ မလေးမလေးတွေလည်း ချစ်စရာ။ ဒါတောင် တချို့တွေက မျက်နှာဖုံးတွေ စွပ်ထားတော့ နှဖူးနဲ့ မျက်လုံးလောက်ပဲ မြင်ရတာဗျ။

နောက်တော့ လူနာရှင်ကို နှုတ်ဆက်ပြီး ပြန်လာခဲ့လိုက်တယ်။ အစိုးရဆေးရုံမှာက နိုင်ငံသားတွေပဲ သက်သာတဲ့ စရိတ်နဲ့ ကုလို့ရတော့ နိုင်ငံခြားသားဖြစ်နေတဲ့ သူငယ်ချင်းခမျာ ဆေးဖိုး အတော်ကုန်မှာ။ လောလောဆယ် သိထားသလောက်က ခွဲစိတ်ခနဲ့ အခန်းခ အပါအ၀င် စပေါ်တင်ထားရတာက စလုံး ဒေါ်လာ ၃ သောင်းနီးပါး ရှိတယ်တဲ့။ ကျန်းမာရေးဆိုတာ လာဘ်တစ်ပါးဆိုတာ သိတော့ သိပေမယ့် အခုတော့ ပိုသိသွားပါပြီလေ။

ဆေးရုံမှာ အချိန်ကုန်ခဲ့တဲ့ မနေ့ကပေါ့...