Marry Points to Note

၁။ စားပွဲ ကုလားထိုင် ပရိဘောဂများကို သန့်ရှင်းပြီးလျှင် သေသပ် သပ်ရပ်စွာ ထားရှိပေးပါ။

၂။ နေ့စဉ် အလုပ်များကို စနစ်တကျ အချိန်မှန် လုပ်ဆောင်ပေးပါ။

၃။ ဆိုဖာများ ပစ္စည်းများကို မ ပြီး ကြမ်းပြင်တခုလုံးကို တံမြက်စည်း လှည်းပေးပါ။

၎။ ကြမ်းတိုက်ပါက ပြောင်အောင် အားစိုက်ပြီး တိုက်ပေးပါ။

၅။ အလုပ်ခိုင်းစရာ ရှိသဖြင့် လှမ်းခေါ်လျှင် အမြန်လာပေးပါ။

၆။ လုပ်စရာရှိသော အလုပ်များကို မိမိဘာသာ ဦးဆောင် လုပ်ဆောင်ပေးပါ။ ဥပမာ၊ လှမ်းထားသော အဝတ်များ ခြောက်မခြောက် စစ်ပေးရန်၊ အဝတ်များ ခြောက်နေပါက ရုတ်ပေးရန်၊ အဝတ်များ ခေါက်ပေးရန်၊ ပြီးလျှင် ဘီရိုထဲမှာ သိမ်းဆည်းပေးရန်။

၇။ စေတနာအပြည့်ဖြင့် အလုပ် လုပ်ရင်း အရာရာကို လေ့လာသင်ယူပါ။

၈။ အင်္ဂလိပ်စာကို လေ့လာသင်ယူပါ။

၉။ အလုပ်ပေါ်မှာ အာရုံစူးစိုက်ပြီး အသေအချာ လုပ်ဆောင်ပေးပါ။

၁၀။ တီဗွီ မကြည့်ပါနှင့်။

၁၁။ ဆိုဖာခုံနှင့် အိပ်ယာကုတင်ပေါ်မှာ မထိုင်ပါနှင့်။

၁၂။ မပြီးသေးတော့ အလုပ်များကို ဆက်မလုပ်ပဲ ယောင်ခြောက်ဆယ် မလုပ်ပါနှင့်။

၁၃။ အိမ်ရှိလူများ အလုပ်ရှုပ်နေချိန်တွင် ကလေးကို ထိန်းပေးပါ။

၁၄။ နို့ဖျော်လျှင် မြန်မြန်ဖျော်ပေးပါ။ အချိန်မဆွဲပါနှင့်။

၁၅။ မနက် ၁၀ နာရီတွင် ကလေးများ စားရန်အတွက် အသီးများ ပြင်ဆင်ပေးပါ။

၁၆။ မနက်နှင့် နေ့လည်တွင် နို့မှုန့် ၅ ဇွန်းကို ရေ ၁၈၀ မီလီလီတာနှင့် ရောပြီး ဖျော်ပေးပါ။

၁၇။ ညဘက်တွင် နို့မှုန့် ၆ ဇွန်းကို ရေ ၂၄၀ မီလီလီတာနှင့် ရောပြီး ဖျော်ပေးပါ။

၁၈။ အိမ်ရှိ လူများနဲ့ ဧည့်သည်များကို မနက်ရောက်လျှင် Good Morning၊ ညဘက်တွင် Good Night ဟု နှုတ်ဆက်ပေးပါ။

၁၉။ နားမလည်တာများ ရှိပါက မေးမြန်းပါရန်။

၂၀။ ကလေး အိပ်ချင်နေလျှင် ကလေးအတွက် အိပ်ယာပြင်ပေးပါ။

၂၁။ ကြမ်းပြင်တွေ ပစ္စည်းတစုံတခု ကျနေပါက ပြန်ကောက်ပြီး သူ့နေရာတကျ ပြန်ထားပေးပါ။

၂၂။ ကြမ်းပြင်ပေါ်ကို အစားအသောက်များ ကျသွားပါက ချက်ချင်း သန့်ရှင်းရေး လုပ်ပေးပါ။

၂၃။ အိမ်ရှင်များ စားသောက်ဖို့ ပြင်ဆင်ပေးနေစဉ် ရေစိုဝတ်တခုကို အဆင်သင့် ဆောင်ထားပါ။

၂၄။ ပုရွတ်ဆိတ်များ မလာစေရန် မီးဖိုချောင်ကို အစဉ်အမြဲ သန့်ရှင်းနေအောင် ထားပေးပါ။

၂၅။ လမ်းဖြတ်ကူးပါ ကလေး၏ လက်ကို ကိုင်ဆွဲထားပြီး ဘယ်ညာနှစ်ဘက်ရှိ ကားများကို သေချာ ကြည့်ပြီးမှ လမ်းဖြတ်ကူးပါ။

၂၆။ လတ်တလော အသုံးမပြုသော လျှပ်စစ်ပစ္စည်းများကို မီးခလုတ်ပိတ်ပေးထားရန် သတိရပါ။

၂၇။ ကလေးကိုရေချိုးပေးပြီးပါက ရေချိုးခန်းထဲရှိ ပစ္စည်းများကို စနစ်တကျ ပြန်ထားပေးပါ။

၂၈။ ကိုယ်ပိုင်ရေချိုးချိန်တွင် အချိန် အကြာကြီး မချိုးပါနှင့်။

၂၉။ အမှိုက်ပုံး ပြည့်နေပါက ပလတ်စတစ်အိတ်ကို ချည်နှောင်ပြီး အမှိုက်သွားပစ်ပါ။

စင်္ကာပူမှာ အလုပ် လာလုပ်တဲ့ အိမ်ဖော်မလေးတယောက်အတွက် ဘာသာပြန်ပေးထားရတဲ့ စာလေးတွေပါ။ အသက် ၂၀ ကျော်လောက် ရှိတယ်လို့ ပြောပါတယ်။ အိမ်ရှင်က ခိုင်းချင်တာကို အင်္ဂလိပ်လို ပြောပေမယ့် သူက နားမလည်ပါဘူး။ သူ့ရဲ့အိမ်ရှင်က ကျွန်တော်ရုံးကပါ။ အဲဒီတော့ အိမ်ရှင်က Marry Points to Note When Working ဆိုတာလေး ပေးပြီး ဘာသာပြန်ပေးဖို့ အကူအညီ တောင်းပါတယ်။ ကျွန်တော်က အဲဒါတွေကို ဘာသာပြန်ပေးလိုက်ပေမယ့် အဲဒီကလေးမက မြန်မာစာ မဖတ်တတ်ပြန်ဘူး။ ကောင်းရောဗျာ။

မြန်မာပြည်က အလုပ်သမား အေဂျင်စီတွေ ပိုက်ဆံတခုပဲ မကြည့်ပဲ သားသမီးချင်း စိတ်နာစိတ်လေး ထားပေးပြီး လိုအပ်သမျှ ပြင်ဆင်ပြီးမှ နိုင်ငံခြားကို လွှတ်ဖို့ သင့်တယ်လို့ ထင်မြင်ယူဆမိပါကြောင်း ခင်ဗျာ။

The 3rd Myanmar Literature Talk -SG

ဆရာမ ခင်ခင်ထူးရဲ့ အညာဓလေ့ ရွာဓလေ့

ဆရာချစ်စံဝင်းရဲ့ အမေဟူသည် အလွမ်းသည်

ဆရာဖေမြင့်ရဲ့ ဘဝတိုးတက်ဖို့ စာဖတ်ကြစို့

ဆရာအောင်သင်းရဲ့ ရပ်ဝေးမြေခြား လူငယ်များသို့

စာပေဆွေးနွေးပွဲမှ ဆရာနေဝင်းမြင့်

စာပေဆွေးနွေးပွဲမှ ဆရာအောင်သင်း

A smile speaks them all

So many languages in the world, and a smile speaks them all.

အပြုံး...

ပကာသန မပါတဲ့ အပြုံး
အမုန်းတရား မပါတဲ့ အပြုံး
တည်ငြိမ်တဲ့ အပြုံး
ရင့်ကျက်တဲ့ အပြုံး
စစ်မှန်တဲ့ အပြုံး
ဖြူစင်တဲ့ အပြုံး
ချစ်ခင်တဲ့ အပြုံး
စေတနာအပြည့်နဲ့ အပြုံး။

Fire Fighting

အလုပ်တွေ များလွန်းလို့ ဘလော့ဘက်ကို ခြေဦးမလှည့်မိတာ အတော် ကြာလှပေါ့။ စာရေးဖို့ အချိန် မရသလို စာရေးချင်စိတ်လည်း လုံးဝကို မရှိဘူး။ ရေးစရာအကြောင်းလည်း ခေါင်းထဲမှာ မစဉ်းစားမိဘူး။ အဲဒီလို မစဉ်းစားနိုင်လောက်အောင် မြွေကိုက်ပျားတုပ် ကင်းမှောင့်ခံနေရသလိုမျိုး ပြဿနာပေါင်းစုံကို တခုပြီး နောက်တခု ဒိုင်ခံ ရှင်းပေးနေရတယ်။ တခုများ ပြီးသွားလို့ အေးသွားပြီ မထင်နဲ့ နောက်တခုက အရန်သင့် စောင့်နေတတ်တယ်။ တခါတလေဆို သုံးလေး ငါးခုကို တပြိုင်နက်တည်း ရှင်းပေးရတယ်။

အလုပ်မှာ လုပ်သက်ရင့်လာတာနဲအမျှ အေးဆေးသက်သာတဲ့ သေးသေးမွှားမွှား အလုပ်တွေက ကျွန်တော့်ဆီကို မလာဘူးခင်ဗျ။ တကယ်ကို မိုးမီးလောင်နေတဲ့ ပြဿနာမျိုးတွေ ပရောဂျက်တွေ ကျွန်တော်ဆီ လာတယ်။ အကြောင်းပြချက်က ခင်ဗျားက လွဲရင် ကျန်တဲ့သူတွေ ရှင်းတတ်မှာ မဟုတ်ဘူး ဆိုတာမျိုးတွေ။ အဲဒီလိုနဲ့ ရုံးရဲ့ လုပ်ငန်းပိုင်းဆိုင်ရာမှာ Fire fighter ဖြစ်လာတယ်။

Fire fighter ဆိုတာကလည်း တကယ်တမ်းကျတော့ လွယ်တဲ့ အလုပ် မဟုတ်ပါဘူး။ အရင်ဆုံး ရင်ဆိုင်ရတာကတော့ ပြဿနာတက်နေတဲ့ ပတ်ဝန်းကျင်ကို သည်းခံ ရင်ဆိုင်ရတာပဲ။ ဘာဖြစ်နေမှန်း မသိလို့ စုံစမ်းရင်လည်း အသေးစိတ် မသိရဘူး။ အပြစ်တွေကို လွှဲချနေတာကိုပဲ နားထောင်နေရတယ်။ သူ့ကြောင့် ဟိုဟာကြောင့် ဒီလူကြောင့်ပေါ့။ ဒီလိုနဲ့ပဲ တခါတလေ ပြဿနာရဲ့ အဓိက လိုရင်းကို မရောက်တော့ဘူး။ ဘာကြောင့် ဖြစ်နေရတယ်ဆိုတဲ့ အကြောင်းအရင်းထက် ဘာဖြစ်နေမှန်းကို မသိရတာလည်း ရှိတယ်။ မေးမြန်းရင်လည်း ဖြေတဲ့အသံတွေက ဒေါသသံတွေ စွက်နေတယ်။ အမုန်းတွေ ဝေနေတဲ့ ပတ်ဝန်းကျင် အလည်မှာ ငုတ်တုပ်လေး ထိုင်နေရတဲ့ ဘဝမျိုးပေါ့။

သည်းခံသင့်သမျှ သည်းခံ။ ပြန်အော်သင့်သမျှ ပြန်အော်၊ ခံစစ်ရော တိုက်စစ်ရော ပေါင်းစုံ ကစားရတဲ့ ကွန်မွန်ဒို ဖြစ်လာရတယ်။ ရာထူးကြီးတာတွေ ငယ်တာတွေ ဘေးချိတ်ထားလိုက်တာ ကြာပြီ။ မှားနေရင် မှားနေကြောင်း ပြောပစ်ရတယ်။ ရာထူးကြီးလို့ လုပ်သမျှ မှန်တာမျိုးမှ မဟုတ်တာလေ။ အကောင်ကြီးပြီး အချိန်မစီးတာတွေ အများသား။ ကျွန်တော်လည်း သိလွန်းလို့ တတ်လွန်းလို့ ဒီလိုသတ်ကွင်းထဲ ဝင်လာရတာမျိုး မဟုတ်ပါဘူး။ လာသမျှ ပြဿနာပေါင်းစုံကို သိထားသမျှ တတ်သမျှ အကောင်းဆုံး ဒိုင်ခံဖြေရှင်းရင်း သိသထက်သိ တတ်သထက်တက် လာရတာမျိုးပေါ့။ ပိုသိလို့ဆိုပြီး ပြဿနာတွေပဲ ထပ်ပို့တယ်။ အဲဒါနဲ့ သံသရာ လည်နေတယ်။

အခုချိန်ထိတော့ ပြဿနာရှင်းတဲ့ အကောင်ကြီးဘဝနဲ့ နေ့ရော ညရော အလုပ်တွေ ပိနေမိတယ်။ ဝင်လာသမျှ ပြဿနာအားလုံးကို စိန်ခေါ်မှုတခုလို့ ရှုမြင်ထားရတယ်။ အဲဒီစိန်ခေါ်မှုတွေက ကျွန်တော့်အတွက် အခွင့်အလမ်းတွေလည်း ဖြစ်လာနိုင်တယ်။ စိန်ခေါ်မှုတိုင်းမှာ အောင်မြင်တာတွေ ရှိသလို ကျရှုံးတာလည်း ရှိတယ်။ ယောင်လည်လည်နဲ့ အဖြေမထွက်ပဲ ပွဲပြီးသွားတာမျိုးလည်း ရှိတယ်။ ဒါပေမယ့် တိုက်ပွဲထဲက ရလိုက်တဲ့ အသိအမြင်နဲ့ အတွေ့အကြုံကတော့ ကျွန်တော့်အတွက် အမြတ်ပါပဲလေ။

They are lovely birds...

Silver-beaked tanager


Green Honey-creeper


Saffron Finch

ဒီကနေ့ ညပိုင်း RIO ဆိုတဲ့ ကာတွန်းကား သွားကြည့်ဖြစ်ပြီး အရင်တုန်းက ရိုက်ခဲ့တဲ့ ငှက်ပုံတွေကို သတိတရ ရှိတာနဲ့ ဘလော့ဂ်မှာ တင်ထားလိုက်တာပါ။ တကယ်တော့ ငှက်ကလေးတွေက ချစ်ဖို့ အလွန်ကောင်းပါတယ်။ အရောင်အသွေး စုံလင်လှတဲ့ ငှက်တွေရဲ့ အလှ၊ တီတီတျာတျာ အသံပေးနေတဲ့ ငှက်တွေရဲ့ ဘာသာစကား၊ အဲဒါတွေကို ခံစားနားဆင် ရှုမြင်နိုင်ရင် အပြစ်ကင်းတဲ့ ချစ်ခြင်းတွေနဲ့ ရိုးရိုးရှင်းရှင်းလှပနေတဲ့ ကမ္ဘာကြီးကို ပိုင်ဆိုင်နေမှာပေါ့လေ။