.:: Download Myanmar Font (WinKalaw New Version) HERE ::.

Friday, August 8, 2008

08-08-08

ဘာလိုလိုနဲ့ ၀၈-၀၈-၀၈ ကို တစ်ခါ ရောက်လာပြန်ပြီ။ ရှေ့နှစ်တုံးကတော့ ၀၇-၀၇-၀၇ ပေါ့။ ခုနစ် သုံးလုံး ဆုံတဲ့အခေါက်တုန်းက လပ်ကီးဆဲဗင်း ဆိုပြီး အနောက်နိုင်ငံတွေမှာ မင်္ဂလာပွဲတွေ ကျင်းပခဲ့ကြပါတယ်။ ဒီနှစ် ရှစ်သုံးလုံး ဆုံတဲ့နှစ်မှာ တရုတ်တွေက မင်္ဂလာပွဲတွေ လုပ်ကြပြန်ပါတယ်။ ၈ ဂဏန်းက စီးပွါးတိုးတက်တယ်လို့ ယူဆထားကြပုံပါပဲ။

ဒီနှစ်မှာ ၀၈-၀၈-၀၈ မြန်မာနိုင်ငံရဲ့ ၈ လေးလုံး အရေးတော်ပုံကတော့ နှစ် ၂၀ ပြည့်ပြီပေါ့။ ၈၈၈၈ မှာ မွေးတဲ့သူလည်း အခုဆို အသက် ၂၀ ရှိပြီပေါ့။ ၈၈ တုန်းက ၀ါးပွင့်တွေ ပွင့်တယ်တဲ့။ အခု ၂၀၀၈ မှာလည်း ချင်းပြည်မှာ ၀ါးပွင့်တွေ ပွင့်နေပြန်ပြီ။ နေကြတ်တာတွေ။ မြန်မာလကွယ်ရက် ၂ ရက် အင်္ဂလိပ်လ တစ်လထဲမှာ ရှိနေတာတွေ။ အင်း... စုံပလုံကို စိနေတာပါပဲ။ ဗေဒင်ကိန်းခန်းတွေအရ သွေးထွက်သံယိုတွေ ဖြစ်မယ်လို့ ပြောတဲ့စကားတွေ ရှိသလို အဲဒါတွေကို အယူသည်းပြီး စိုးရိမ်လွန်နေကြတဲ့ လူတွေကလည်း ရှိနေပါတယ်။ အာဏာပိုင်တွေဘက်ကလည်း ဟုတ်သော်ရှိ... မဟုတ်သော်ရှိ... လုံခြုံရေးတွေ အထူးတင်းကျပ်ထားလို့ ဓါတ်တိုင်တစ်တိုင်ခြားစီမှာ လက်နက်ကိုင် ရဲတစ်ယောက်စီ တာဝန်ချထားကြောင်း ရန်ကုန်က သူငယ်ချင်းတွေ လှမ်းပြောပြလို့ ကြားရပြန်တယ်။ ဒီမိုး ဒီလေနဲ့ ရွှေပြည်တော်ကြီး မျှော်တိုင်း ဝေး... နေအုံးမှာပါ။

ဒီနှစ် ၀၈-၀၈-၀၈ မှာတော့ ၂၀၀၈ တရုတ် ပေကျင်း အိုလံပစ်ပွဲတော် ဖွင့်ပွဲကို ကျင်းပပါတယ်။ ကမ္ဘာတစ်ဝှန်းက နိုင်ငံခေါင်းဆောင်တွေ တက်ရောက်တာကို တွေ့ရပါတယ်။ အမေရိကန်သမ္မတ ပြင်သစ်သမ္မတတို့ကိုလည်း တွေ့ရပါတယ်။ စင်္ကာပူ လီကွမ်းယူလည်း ဖွင့်ပွဲကို တက်ပါတယ်။ ၂၀၀၈ ပေကျင်း အိုလံပစ်ပွဲတော်ကို တရုတ်သမ္မတ ဟူကျင်တောင်က ဖွင့်လှစ်ပေးခဲ့ပါတယ်။ ဒီအိုလံပစ်ပွဲတော်မှာ နိုင်ငံပေါင်း ၂၀၄ နိုင်ငံက အားကစားသမားပေါင်း ၁၁၀၂၈ ဦးက အဓိက အားကစားနည်း ၂၈ မျိုးမှာ ပါဝင် ယှဉ်ပြိုင်ကြမှာပါ။ တရုတ်နိုင်ငံအနေနဲ့ အိုလံပစ်ပွဲတော် အိမ်ရှင်အဖြစ် ၂၀၀၁ ခု ဇူလိုင်လ ၁၃ ရက်နေ့မှာ ရွေးချယ်ခံရတာပါ။ အိမ်ရှင်အဖြစ် လျှောက်ထားတဲ့ တိုရန်တို၊ ပဲရစ်၊ အီစတန်ဘူးလ်၊ အိုစကာတွေနဲ့ ယှဉ်ပြိုင်ပြီး မဲအသာနဲ့ ရွေးချယ်ခံခဲ့ရတာပါ။ တရုတ်လူမျိုးတွေကတော့ ၂၀၀၈ ပေကျင်း အိုလံပစ်ပွဲတော်အတွက် အတော်လေးကို ဂုဏ်ယူနေကြတာကို တွေ့မြင်ရပါတယ်။ ဖွင့်ပွဲကိုလည်း အတော်လေး ကြီးကျယ်ခမ်းနားအောင် အစွမ်းကုန် ပြင်ဆင်ထားတာ တွေ့ရမှာပါ။

ဒီနှစ် ၀၈-၀၈-၀၈ မှာ တစ်ယောက်သောသူအတွက် အမှတ်တရ မွေးနေ့ဆုတောင်းလေး မတင်ဖြစ်ပါဘူး။ အဲဒီလိုပဲ မွေးနေ့ကဒ်လေးလည်း မပို့ဖြစ်ပါဘူး။ မွေးနေ့တိုင်း မွေးနေ့ကဒ်လေး ပို့ဖြစ်ခဲ့ပေမယ့် ဒီနှစ်မှာ မွေးနေ့ကဒ် ပို့ရမလား... မပို့ရဘူးလားပေါ့။ ချီတုံချတုံ ဒွိဟဖြစ်နေတဲ့ စိတ်အစုံမှာ ဆုံးဖြတ်ချက်ချဖို့ ခက်နေပါတယ်။ နှလုံးသားနဲ့ ဦးနှောက် လွန်ဆွဲတဲ့ပွဲမှာ ဒီတစ်ခါတော့ ဦးနှောက်ကို အနိုင်ပေးထားပါတယ်။ မွန်းကျပ်တဲ့ ခံစားချက်တွေကို အလုပ်ထဲမှာ နှစ်မြှုပ်ထားပြီး အထီးကျန် ဆန်တဲ့ ဘ၀ခရီးလမ်းကို ပဲ့ကိုင်ရှင် မရှိပဲ ရွက်လွင့်ဖြတ်သန်းဖို့ ကြိုးစားရမှာပါပဲ။ လွမ်းစရာရှိရင် နာစရာနဲ့ ဖြေဆိုလို့ ဖြေဖို့ ကြိုးစားပေမယ့် နာစရာတွေတိုင်းမှာ လွမ်းစရာလေးတွေ ရှိနေပြန်ရော။ ဘ၀ဆိုတာ ပန်းခင်းလမ်း မဟုတ်ဘူး ဆိုတော့လည်း... ရင်ဆိုင်ရဲရဲပေါ့။ မိုးရဲရင်... ဆောင်းရဲရမယ်လေ။ အဲ... သူက နှင်းဆိုတော့ ဆောင်း ပေါ့။ ကျွန်တော်က ဇူလိုင်ဆိုတော့ မိုးပေါ့။ အဲဒီတော့ ပြန်ပြောင်းလိုက်မယ်ဗျာ။ ဆောင်းရဲရင်... မိုးရဲရမယ်။ အဟက်...

ဒီနှစ် ၀၈-၀၈-၀၈ ည ၁၀ နာရီမှာ ဦးလေးအကြီး ဆုံးသွားကြောင်း ဖုန်းဝင်လာပါတယ်။ အသည်းရောင် အသားဝါ ဘီပိုးကနေ အသည်းကင်ဆာ ဖြစ်ပြီး ဆုံးပါးသွားတာပါ။ သူ ဘီပိုးကြောင့် ဆေးရုံတက်တဲ့ အချိန်က ၂၀၀၆ ခုနှစ် မှာပါ။ သူငယ်ချင်းတွေနဲ့အတူ အာရှတော်ဝင်ဆေးရုံသွား လူနာကြည့်ရင်း အပြန်လမ်းမှာ အသည်းရောင် အသားဝါ ရောဂါပိုးအကြောင်း မြန်မာပြည်လူထု သိရှိအောင် လုပ်ကြမယ်ဆိုပြီး တောကျီးကန်း အဖွဲ့လေး စတင်ဖြစ်ပေါ်လာခဲ့ပါတယ်။ တောကျီးကန်းအဖွဲ့ စတင်ဖွဲ့တည်ခဲ့ရာ ပင်မမြစ်ဖျားတစ်ခုဖြစ်ခဲ့တဲ့ ဦးလေးကတော့ အခုတော့ ဘ၀တစ်ပါး ပြောင်းသွားပါပြီ။ တောကျီးကန်းလေး ကတော့ ၂ နှစ်သားရှိသွားပါပြီ။ ၂ နှစ်ဆိုတဲ့ ကာလမှာ အခက်အခဲ အတားအဆီး အမျိုးမျိုးကို ရင်ဆိုင်ပြီး ကျော်ဖြတ်နေပါတယ်။

ဘာရယ်တော့ မဟုတ်ပါဘူး.....
၂၀၀၈ သြဂုတ်လ ၈ ရက်နေ့... ၀၈-၀၈-၀၈ မှတ်တမ်းလေးတစ်ခုပါ။

Tuesday, August 5, 2008

Olympic theme sand sculptures

တရုတ်နိုင်ငံအရှေ့ပိုင်း ရှန်ဒုန်းပြည်နယ်မှာရှိတဲ့ Haiyang International Sand Sculpture Park မှာ ပေကျင်း အိုလံပစ်ပွဲတော် အထိမ်းအမှတ် သဲပန်းပုတွေကို ထုလုပ်ခင်းကျင်း ပြသထားပါတယ်။ အဲဒီ သဲပန်းပုတွေကို ပြည်တွင်းနဲ့ ပြည်ပနိုင်ငံခြားက ပညာရှင် ၁၀ ဦးက အိုလံပစ်ပွဲတော်ကို ကြိုဆိုတဲ့အနေနဲ့ ထုလုပ်ခဲ့တာပါ။






(Photo credit: Xinhua)

Monday, August 4, 2008

Bedbug and Me

Love Bug နဲ့ ကျွန်တော်လို့ မှား မဖတ်ကြနဲ့အုံး။ ဘာမှ မရေးရခင် ကြိုပြောထားတာ။ ကြိုကာထားတာ။ တော်ကြာ... အချစ်ပိုးတွေ ကိုက်ခံနေရတယ်လို့ ထင်နေမယ်။ တကယ်တော့ အဲဒီအချစ်ပိုး မဟုတ်ဘူး။ အချစ်ပိုးလိုပဲ ဟိုနားတိုးလိုက် ဒီနား တိုးလိုက် အတော်ကို ဆိုးတဲ့ ကြမ်းပိုးပါ။

ကျွန်တော့်ဘ၀မှာ ကြမ်းပိုးနဲ့ ဆုံတွေ့တာ ၃ ကြိမ်ပဲ ရှိပါတယ်။ ပထမဆုံးအကြိမ်က အတော်လေးကို ငယ်ပါသေးတယ်။ ၃ တန်း ကျောင်းသားဘ၀ပေါ့။ ကျူရှင်တွေ ဘာတွေ တက်နေပြီဆိုတော့ သူများတကာ အိမ်တွေ ရောက်ဖြစ် သွားဖြစ်တာပေါ့။ ကာတွန်းဆိုင်တွေ ဂိမ်းဆိုင်တွေလည်း သွားတတ်နေပြီ။ ဘယ်ကနေ ဘယ်လို ပါလာမှန်း မသိတဲ့ ကြမ်းပိုးက အိမ်ကို မပင့်မဖိတ်ပဲ တိတ်တဆိတ် ကြွလာတယ်။ ကြမ်းပိုးကိုက်လို့ အဖုအပိန့်ကြီးတွေ အင်ပျဉ်ထ သလို ဖြစ်လာမှ... ခြင်ထောင် ဒေါင့်တွေမှာ ကြမ်းပိုးကို ရှာဖွေတွေ့ရှိတာပါပဲ။ အဲဒါနဲ့ ကြမ်းပိုး နှိမ်နှင်းရေးအတွက် စစ်ဆင်ရေးတစ်ခု ဆင်းရသလို တစ်အိမ်လုံး အလုပ်တွေများကုန်ရော။ ကြမ်းပိုး မျိုးပြုတ်အောင် ၂ ရက် ၃ ရက်လောက် အင်တိုက် အားတိုက် နှိမ်နှင်းလိုက်ရပါတယ်။ အဲဒါနဲ့ ကြမ်းပိုးတွေ မျိုးပြုတ်သွားရော။ ပထမဆုံးအကြိမ်... ကြမ်းပိုးတွေနဲ့ ခဏတာလေး ဆုံတွေ့လိုက်ရတဲ့ ပူလောင်ခြောက်သွေ့ နွေည ကာလတိုလေးတစ်ခုပေါ့ဗျာ။

ဒုတိယအကြိမ်က ကျွန်တော် နယူးဒေလီမှာ သင်တန်းတက်ပြီး အိမ်ကို ပြန်လာတဲ့အခါမှာ တွေ့ရတာ။ အဲဒီတုန်းက ဘဏ်တွေ စတင် ပြိုလဲတဲ့အချိန်ပေါ့။ အိမ်မှာ စအိပ်တဲ့ ညမှာပဲ ကြမ်းပိုးတွေက တခမ်းတနား ကြိုဆိုကြတာ လူတစ်ကိုယ်လုံး အဖုအပိန့်တွေနဲ့ နူနေသလားတောင် မှတ်ရတယ်။ နူတယ်ဆိုတာ တင်စားတာနော်။ တကယ် မနူဘူး။ ကြိုပြောထားတာ... အဟဲ။ ကျွန်တော် အိမ်မှာမရှိတဲ့ ကာလမှာ အဲဒီကြမ်းပိုးတွေက အိမ်ကို ဘယ်လို ရောက်လာသလဲတော့ မသိဘူး။ ကြည့်ရတာ ဒယ်ဒီက သူငယ်ချင်းတွေနဲ့ အရက်ဆိုင်တွေ သွားရင်း အဲဒီတစ်နေရာရာကနေ အိမ်ကိုပဲ ကူးလာတာလား။ ညီတွေပဲ တစ်နေရာကနေ သယ်လာမိတာလားပေါ့။ အဲဒီ ကြမ်းပိုးတွေနဲ့ ဆုံတွေတဲ့ အကြောင်းကို ဒီပို့စ်လေးမှာ ရေးဖူးပါတယ်။ အမှတ်တရပါပဲ။ ကျွန်တော့် ဟာနုမာန် ကြေးရုပ်လေး သူများကို လက်ဆောင်ပေးလိုက်ရတဲ့ အဓိက တရားခံ ကြမ်းပိုး ဇာတ်လမ်းလေးပေါ့။

တတိယအကြိမ်ကတော့ စင်္ကာပူရလို့ခေါ်တဲ့ ကျွန်းပိစိလေးမှာပါ။ သန့်ရှင်းပါတယ်လို့ ထင်ရှားကျော်ကြားတဲ့ စလုံးမှာ ကြမ်းပိုးတွေ ပေါတယ်ဆိုတာ မယုံရင် ပုံပြင်တာ မှတ်လိုက်ပါလို့ ပြောရမလားပဲ။ လမ်းအိုလေးက Emotion မမေ ဆက်သွယ် ရှာဖွေပေးတာနဲ့ စင်္ကာပူမှာ ကျွန်တော်နေဖို့ အိမ်ခန်းတစ်ခန်း ရလိုက်ပါတယ်။ တိုက်ခန်းလေးက ရန်ကုန်က အိမ်တွေထက် အပြတ်အသပ် ကွာတော့ အတော်လေးကို သဘောကျမိတယ်။ ခေတ္တတည်းနေတဲ့ သူငယ်ချင်းအိမ်ကနေ ကိုယ်နေရမယ့် အိမ်ခန်းလေးကို ပစ္စည်းတွေ ပြောင်းရွှေ့ရတာနဲ့ ရောက်ရောက်ချင်း ညမှာ အတော်လေး အိပ်လို့ ကောင်းပါတယ်။ နောက်ညတွေကျမှ ဟိုနားက ယား... ဒီနားက ယားနဲ့ ဇာတ်လမ်းက စတော့တာပါပဲ။ အိပ်ရာခင်းတွေ ခေါင်းအုံးတွေများ မသန့်လို့လားပေါ့။ သေချာစစ်ကြည့်မှ အားပါးပါး... ကြမ်းပိုး ကြမ်းပိုးတွေ...။ ရှိမယ်လို့ ထင်တောင် မထင်ထားဘူး။ တကယ်ကို ကြမ်းပိုးတွေက ကုတင်မှာရော မွေ့ယာမှာရောဗျာ။

ကြမ်းပိုး ဇာတ်လမ်းကို ခြေရာခံကြည့်တော့ တွေ့ရတဲ့အဖြေက ကိုယ်မရောက်ခင်ကတည်းက ကြမ်းပိုးက ရောက်နှင့်နေပြီ။ အိမ်က ကြမ်းပိုးတွေက ကိုယ်ထက် စီနီယာကျတယ်။ အိမ်မှာက အိမ်ရှင်ရဲ့ သူငယ်ချင်းတွေက စနေ တနင်္ဂနွေမှာ အလည်လာလေ့ ရှိတော့ လူပေါင်းစုံတယ်။ သူတို့က လူစုံရင် အရက်သောက်တယ်။ ဖဲရိုက်တယ်။ ညဉ့်နက်သွားရင် အိမ်မပြန်တော့ပဲ ဆိုဖာတွေပေါ်မှာပဲ ဖြစ်သလို နံနံစော်စော် ချွေးတွေနဲ့ အိပ်ကြတယ်။ နေရာပေါင်းစုံ အလုပ်ပေါင်းစုံက လာတဲ့လူတွေရဲ့ ဖေးမကူညီမှုကြောင့် အဲဒီလိုနဲ့ ဧည့်ခန်းမှာ ကိုရွှေကြမ်းပိုးတွေ မင်းမူခဲ့ကြပါတယ်။ အဲဒီက စပြီး တည်ရှိလာတဲ့ ကြမ်းပိုးက ကျွန်တော့်လက်ထက် အထိ စိတ်ကြိုက်ခြယ်လှယ် မင်းမူနေပါတယ်။

အဲဒီ စကာင်္ပူ ကြမ်းပိုးက အတော်လေး သတ်လို့ မနိုင်ပါဘူး။ အိမ်မှာက ကျွန်တော် တစ်ယောက်တည်း နေတာ မဟုတ်တော့ ကြမ်းပိုး နှိမ်နင်းရေးက သိပ်မအောင်မြင်ဘူး။ ကိုယ့်အခန်းမှာ မရှိအောင် လုပ်ထားပေမယ့် တစ်အိမ်လုံး အတိုင်းအတာနဲ့ ရှင်းဖို့က အခွင့်အရေး မရပြန်ဘူးလေ။ ကိုယ်က လုပ်ပေးရအောင်လည်း အဆင်မပြေပြန်ဘူး။ နောက်တစ်ချက်က အိမ်မှာ အတူနေတဲ့ တချို့သော အခန်းဖော်တွေက သူတော်ကောင်းပဲ လုပ်တယ်လို့ပဲ ပြောရမလား... ကြမ်းပိုးတွေ့ရင် မသတ်ပဲ အရှင်လိုက် ဖမ်းပြီး တိုက်အောက်ကို ပစ်ချတယ်။ ကြမ်းပိုးရှိတဲ့ ကုလားထိုင်တွေကို ဖယောင်းစက်ချပြီး ကြမ်းပိုး မထိုးနိုင်အောင် လမ်းကြောင်းတွေ ပိတ်တယ်။ အ၀တ်တွေကို သေချာ ခေါက်မသိမ်းပဲ အပုံလိုက်ကြီးတွေ ကုတင်နားမှာ ထားတယ်။ အ်ိပ်ရာပေါ်မှာ အစားအသောက်တွေ ယူစားတယ်။ နားကျပ်တဲ့ အချောင်းလေးတွေကို သုံးပြီးရင် ကုတင်အောက်မှာ ပစ်ချထားတယ်။ အဲဒီတော့ ကြမ်းပိုးက ပျော်တာပေါ့။ ကျေးဇူးရှင်တွေဆိုပြီး ညတိုင်း ညတိုင်း ရှိခိုးဦးချနေမှာ မြင်ယောင်နေတယ်။

ကျွန်တော့်အနေနဲ့တော့ ကိုယ့်မွေ့ယာနဲ့ ကိုယ်အိပ်တဲ့ ပတ်ဝန်းကျင်ကိုပဲ ကြမ်းပိုး မရှိအောင် အတော်လေး ထိန်းချုပ်ခဲ့ရပါတယ်။ အိပ်ခန်းထဲမှာ အိပ်ရင် ကြမ်းပိုး ကိုက်ခံရမှာ စိုးလို့ စာကြည့်ခန်းထဲမှာ မွေ့ယာခင်းပြီး အိပ်ပါတယ်။ အိမ်ရဲ့ ဘယ်နေရာမှာမဆို ကြမ်းပိုးမြင်ရင် ရန်သူအလား ကံငါးပါးထဲက ပထမဆုံးတစ်ပါးကို ချက်ချင်း ချိုးဖောက်ပါတယ်။ ကြမ်းပိုးသတ်တဲ့ ဆေးတွေလည်း ဗူးလိုက် ၀ယ်ပြီး အမုန်း အားပေးခဲ့ပါတယ်။ တစ်အိမ်လုံး မွန်ထူနေအောင် ဆေးတွေဖြန်းပါတယ်။ ဒါပေမယ့်လည်း... ကြမ်းပိုးကို ကာကွယ်ပေးနေတဲ့ ညစ်ပတ်အိုးတွေ အိမ်မှာ ရှိနေတော့လည်း ကိုရွှေကြမ်းပိုးတို့ လက်မထောင်နိုင်ဆဲပါ။ ဘ၀မှာ ၁ နှစ်ကျော်ကျော် အချိန်အထိ ကြမ်းပိုးနဲ့ ဆုံတွေ့နေခဲ့ရတဲ့ အိမ်မက်ဆိုး ကာလရှည်ကြီးပါပဲ။

နောက်ဆုံးတော့ ကြမ်းပိုးတိုင်းပြည်ဖြစ်နေတဲ့ အိမ်ကို အလံဖြူပြ စွန့်ခွာပြီး ကြမ်းပိုး မရှိတဲ့ အိမ်အသစ်မှာ ကြမ်းပိုးမရှိရလေအောင် သန့်သန့်ရှင်းရှင်း နေထိုင်ရင်း ကြမ်းပိုးမုန်းတဲ့ ကျွန်တော်... ကြမ်းပိုးအကြောင်း ရေးဖို့ လုပ်နေပါတယ်ခင်ဗျာ။

Saturday, August 2, 2008

The new shell

ဒီရက်ပိုင်းတွေမှာ အိမ်ရှာရတာနဲ့ အိမ်ပြောင်းရတာနဲ့ အလုပ်တွေ များနေတယ်။ စကာင်္ပူမှာ နေဖို့တစ်နေရာ ရဖို့ဆိုတာလည်း အတော်ကို မလွယ်တာပါ။ တကယ်ဆို အိမ်မှာ နေရတဲ့အချိန်က သိပ်မများပေမယ့် ကျောခင်းဖို့ တစ်နေရာကတော့ မရှိမဖြစ် လိုအပ်တော့လည်း အိမ်ဆိုတာ ရှိရမှာပါပဲ။ ဒါကြောင့် အိမ်ဆိုတဲ့ အခွံလေးတော့ လိုတယ်လေ။

အရင်ကနေတဲ့ အိမ်ရဲ့ အိမ်ရှင်က သူ့အိမ်ကို ရောင်းတော့မှာဆိုတော့ ကိုယ်တွေအနေနဲ့ ဆက်နေဖို့ အာမခံချက် မရှိတော့ပါဘူး။ သူက နောက်ထပ် အိမ်အသစ်တစ်လုံး ထပ်ဝယ်ထားတော့ လက်ရှိ အိမ်ကို ရောင်းရမှာပါ။ အိမ်ရှင်ပြောတာကတော့ မိသားစုတစ်ခုကို အိမ်တစ်လုံးထက် မပိုင်ရဘူးလို့ ပြောတာပါပဲ။ အိမ်ရှင်က အိမ်ပြောင်းပေးဖို့ မတောင်းဆိုသေးပေမယ့် အချိန်မရွေး ပြောင်းခိုင်းနိုင်တဲ့ အနေအထားဆိုတော့ နေရထိုင်ရတာ စိုးတထိတ်ထိတ်ပဲလေ။ နောက်ပြီး ပွဲစားတွေ လာလာကြည့်တာကို မခံချင်တာလည်း ပါတယ်။ ကိုယ်တွေ နေထိုင်ရတာ မလွတ်လပ်သလို ခံစားရတယ်။

အဲဒါနဲ့ ငှားဖို့ အိမ်တွေ လိုက်ကြည့်ရပါတယ်။ မိတ်ဆွေ သူငယ်ချင်းတွေလည်း အနားမနေရပါဘူး။ အိမ်သတင်း ကြားရင် လက်တို့ပါတယ်။ ဖုန်းနဲ့ မတ်ဆေ့ခ်ျ ပို့ပေးပါတယ်။ သတင်းစာကနေ အိမ်ငှားမယ့် ကြေငြာတွေကို ဖတ်ရပါတယ်။ နေရထိုင်ရ အဆင်ပြေမယ် ထင်တဲ့ အိမ်ငှားကြေငြာတွေကို စုစည်းပြီး ပွဲစားတွေ အိမ်ပိုင်ရှင်တွေဆီကို ဖုန်းဆက်ကြည့်ရပါတယ်။ ပြီးတော့ အိမ် လာကြည့်လို့ ရမယ့်အချိန်ကို ညှိရပါတယ်။ ပြီးရင် အိမ်အနေအထားကို သွားကြည့်ရတာပေါ့ဗျာ။

အိမ်ဈေးတွေက ခေါင်ခိုက်နေတာ အိမ်တွေ သွားကြည့်တော့လည်း အဆင်မပြေတာ များတယ်။ အိပ်ခန်း ၂ ခန်းထဲ ရှိတဲ့ အိမ်ကို လူ ၆ ယောက်လောက် နေရင် ဈေးကို ထပ်တိုးမယ် ဆိုတာက ရှိသေးတယ်။ အိမ်ကတော့ ကောင်းပါရဲ့ အ၀တ်လျှော်စက် ကုတင် မွေ့ယာ မပါလို့ မငှားဖြစ်တာလည်း ရှိပြန်ရော။ အဲဒါတွေ မပါလို့ ကိုယ်က ၀ယ်ထည့်တာက အရေးမကြီးဘူး။ နောက်တစ်ခါ အိမ်ထပ်ပြောင်းရင် ဒီပစ္စည်းတွေ အများကြီးနဲ့ ပြောင်းရရွှေ့ရတာ အဆင်မပြေဘူးလေ။ တချို့အိမ်တွေကျတော့ အခန်း ဖွဲ့စည်းပုံ မကြိုက်တာနဲ့ သွားရလာရ ဝေးတာနဲ့ မငှားဖြစ်ပြန်ဘူး။ အဲဒီလိုနဲ့ အိမ်ရှာရတာ အတော်ကို ကြာပြန်ရော။

အခု နောက်ဆုံးတော့ အိမ်ကို တွေ့တော့ အဆင်ပြေတာနဲ့ ယူလိုက်ပါတယ်။ အိမ်ရှင်က ချက်ချင်း ပြောင်းမှ ငှားမယ်ဆိုတော့လည်း သြဂုတ်လမှာ ချက်ချင်း ပြောင်းပေးရတာပေါ့။ နဂိုအရင် အိမ်မှာ အိမ်ပြောင်းမယ် ဆိုတာ ၁ လ ကြို မပြောထားမိတော့ တင်ထားတဲ့ Deposit ၁ လစာ အသားတင် ကုန်ရတာပေါ့။ ၁ လ ကြိုပြောဖို့ ဆိုတာကလည်း အိမ်ရလား မရလား မသေချာသေးတော့ ယတိပြတ် မပြောနိုင်ဘူးလေ။ အခု ရထားတဲ့ အိမ်ကလည်း အဆင်ပြေတယ် ဆိုတော့ ရတုန်းလေး ယူထားလိုက်ရတာ။ အချိန်ကုန် လူပန်းတဲ့ အိမ်ရှာရတဲ့ အလုပ်ကို စိတ်ကုန်တာလည်း ပါတာပေါ့ဗျာ။

အိမ်ပြောင်းရတဲ့ ဒုက္ခကလည်း မသေးပါဘူး။ လူတစ်ယောက်စာ ဘာမှမရှိဘူး မှတ်နေတာ တကယ် ထုပ်ပိုးကြည့်တော့ အားပါးပါး အထုပ်တွေ မနည်းလှပါလား။ အ၀တ်သေတ္တာတင် ၂ လုံး။ ကျန်တဲ့ စာအုပ်တွေက ခရီးဆောင်အိတ် တစ်လုံး အပြည့်။ ကျန်တဲ့ စာရွက်စာတမ်းတွေ၊ တိုလီမိုလီတွေကလည်း မနည်းမနောပါပဲ။ Taxi ကားတစ်စီးနဲ့ ဆန့်တာကိုပဲ ကျေးဇူးတင်ရပါမယ်။ Taxi တွေကလည်း မူသေးတယ်ဗျ။ ပစ္စည်းတွေ အများကြီးနဲ့ဆို သိပ်မတင်ချင်ပုံပဲ။ ၂ စီး ၃ စီးလောက်က ဟိုလိုလို ဒီလိုလိုနဲ့ အရူးကွက် နင်းသွားတယ်။ သဘောကောင်းတဲ့ Taxi ကားကျတော့လည်း ကောင်းချက်က ရှယ်ပဲဗျာ။ ပစ္စည်းတွေတောင် ၀ိုင်းသယ်ပေးသေးတယ်။ ပစ္စည်း ၀ိုင်းကူသယ်ပေးမယ့် သူငယ်ချင်းကလည်း မနက် ၇ နာရီမှ အိပ်ရာဝင်လို့ အရမ်းအိပ်ချင်တာနဲ့ မလာတော့ဘူးတဲ့။ အင်း... မွေးတုန်းကလည်း တစ်ယောက်တည်းပဲ။ အခုလည်း တစ်ယောက်တည်းပဲပေါ့။ အဲဒီလိုနဲ့ ပြောင်းရွှေ့လိုက်တာ အခုတော့ အိမ်အသစ်မှာ ဇိမ်ကျနေပါပြီ။

ပျော်ရာမှာ မနေရ... တော်ရာမှာ နေနေရတဲ့... ၀င်ကစွပ် ကျွန်တော်ဇူလိုင် အခုတော့ အခွံအသစ်လေးထဲမှာ နေ့သစ်တွေကို ခေါင်းမာစွာနဲ့ ဖြတ်သန်းဖို့ အသင့်ဖြစ်နေပါပြီ။

ဘာပဲဖြစ်ဖြစ်လေ...
မုန်တိုင်းပြီးရင် လေပြေကတော့ လာစမြဲပဲလေ။ ဟုတ်တယ် ဟုတ်...

Monday, July 28, 2008

Dōbutsu uranai

ဒီနေ့ ဟိုဟိုဒီဒီ စမ်းသပ်မိတာလေးက Dōbutsu uranai လို့ခေါ်တဲ့ ဂျပန်ရိုးရာဗေဒင်လေးပေါ့။ တိရစ္ဆာန် အကောင်လေး ၁၂ ကောင်ကို အခြေပြုပြီး ဟောတဲ့ ဗေဒင်လေးပါ။ လူတစ်ဦးချင်းစီမှာ ကိုယ်မွေးနေ့အလိုက် သက်ဆိုင်တဲ့ အကောင်လေးတွေ ရှိပါတယ်။ အဲဒီ အကောင်လေးတွေနဲ့ အရောင် အလိုက် လူတစ်ဦးချင်းစီရဲ့ ကိုယ်ရည်ကိုယ်သွေးကို ဖွင့်ဆိုထားပါတယ်။ အဓိက အုပ်စု လေးစုခွဲထားပါတယ်။

* Earth group: (self-centered, focused)
  • Tiger
  • Wolf
  • Monkey
  • Koala
* Sun group: (self-centered, easily distracted)
  • Pegasus
  • Elephant
  • Lion
  • Cheetah
* Full moon group: (mindful of others, focused)
  • Sheep
  • Panther
* New moon group: (mindful of others, easily distracted)
  • Fawn
  • Tanuki (raccoon dog)
ကျွန်တော် မွေးနေ့ကို အတိအကျထည့်ပြီး တွက်ကြည့်တော့ ဒီအကောင်လေး ထွက်လာတယ်။ အရောင်က အနီရောင်ပါ။ အကောင်လေးက သိုးလေးပါ။

မှန် မမှန်... ဟုတ် မဟုတ်တော့ ကိုယ့်ဘာသာ ကိုယ်တွက်ကြည့်ကြပေါ့ဗျာ။ ကျွန်တော်ကတော့ ပြောပြဘူး။

ကဲ... မင်းဘာကောင်လဲ ငါဘာကောင်လဲ... :P
သြော်... ဒါနဲ့ ကိုယ် ဘာကောင်လဲ ဆိုတာကို ရေးခဲ့ကြအုံးနော်။ အဲဒါလေးတော့ မမေ့ပါနဲ့ဗျာ။

  • You are Red Sheep type, who has a fortune of not having to worry about basic necessities of living.
  • Therefore, you tend to be generous and not stingy.
  • You are cautious and once you start on something, you have a will power to stick to it.
  • But you sometimes get behind others in finishing.
  • You have observant eyes.
  • You have strength to assess what is most advantageous to you and can use that tactics effectively in forming relationships.
  • You tend to be rather dependent on other people.
  • Therefore you are extremely good at being nice and compliment on those people who can be on your side and help you.
  • You will not tend to show your inner emotions.
  • You try to collect standard information and will come out with an objective opinion from there.
  • You are a person of broad knowledge, and are able to do things really well.
  • You are amiable person, and required be people.
  • Your weakness is that once you are offended, it takes time for you to recover, and you can be cynical.
  • You are timid, shy and a person who always needs somebody's company.
  • To be successful, find at least one thing that you can be confident about.
  • Don't go against the flow of the time, and then your fortune will open up by the time you get to your middle ages.
Credit: Ma Suzu & TommyGirl (Native Myanmar)