.:: Download Myanmar Font (WinKalaw New Version) HERE ::.

Monday, September 8, 2008

The Ten Brothers

တရုတ်ပြည်က မဟာတံတိုင်းကြီးကို ကြည့်ပြီး လူတွေက ရင်သပ်ရှုမော အံသားသင့်ကြမှာပါ။ တရုတ်တွေရဲ့ ချီးကျူးဖွယ် အံသြဖွယ် ရှေးယဉ်ကျေးမှု လက်ရာတစ်ခုဆိုပြီး သဘောကျ နှစ်ခြိုက်ကြပါတယ်။ ဒါပေမယ့် အဲဒီခေတ်အခါက မဟာတံတိုင်းကြီး တည်ဆောက်တဲ့ ဆောက်လုပ်ရေး လုပ်ငန်းခွင်မှာ ကိုယ်တိုင်ကိုယ်ကျ လုပ်အားပေး ချွေးတပ်စွဲခံရတဲ့ တရုတ်တွေကတော့ သဘောကျ နှစ်ခြိုက်ခြင်း မရှိခဲ့ပါဘူး။

မတရားတဲ့ အတင်းအဓမ္မ လုပ်အားပေး ခိုင်းစေမှုတွေကြောင့် ဒေါသထွက်ခဲ့ရပါတယ်။ အချိန်နဲ့အမျှ ဒုက္ခတွေ ခံစားခဲ့ရတယ်။ ကြမ်းတမ်းတဲ့ ရာသီဥတုနဲ့ နေ့ညမပြတ် တိုက်ပွဲဝင်ခဲ့ရတယ်။ မြောက်ပိုင်းက လူမျိုးခြားတွေရဲ့ မကြာခဏ ၀င်ရောက် တိုက်ခိုက်မှုတွေကို ခံခဲ့ရတယ်။ ဒါကြောင့် မဟာတံတိုင်းကြီး တည်ဆောက်စဉ် ကာလမှာ လူတွေ အများကြီး သေဆုံးခဲ့ရတယ်။ သေသွားတဲ့ လူတွေနေရာမှာ အစားထိုးဖို့ နောက်ထပ် လူတွေ အများကြီး ထပ်မံ ဆင့်ခေါ်ခံရတယ်။ အဲဒီလို မကျေနပ်မှုတွေ ခံစားချက်တွေကို ပုံပြင်ဇာတ်လမ်းတွေကနေ တဆင့် ဖော်ထုတ်ခဲ့တာကို တွေ့ရမှာပါ။ အခု ညီအစ်ကို ၁၀ ယောက်ဆိုတဲ့ ပုံပြင်လေးမှာလည်း အဲဒီခေတ်က အနေအထားကို သွယ်ဝိုက်သောနည်းနဲ့ တင်ပြထားတာကို တွေ့နိုင်ပါတယ်။ ပုံပြင်ထဲမှာ လုပ်အားပေးတွေရဲ့ ဆင်းရဲဒုက္ခတွေ၊ အာဏာပိုင်တွေရဲ့ မောက်မာမှုတွေ၊ မဟာတံတိုင်းကြီးကို ပျက်ဆီးစေလိုတဲ့ သဘောတွေ ပါနေတာကို တွေ့ရမှာပါ။

ဟိုးရှေးရှေးတုန်းက တရုတ်ပြည်မှာ ထူးဆန်းတဲ့ ညီအစ်ကို ၁၀ ယောက် ရှိပါတယ်။ နံပါတ် ၁ အစ်ကိုကြီးက အလွန်ဝေးတဲ့ နေရာက အသံကို ကြားနိုင်တဲ့ နားအကြီးကြီး ရှိတယ်။ ဒုတိယ အစ်ကိုကတော့ မိုင်ပေါင်းများစွာ ဝေးတဲ့နေရာက အရာဝတ္ထုတွေကို မြင်နိုင်တဲ့ စွမ်းအင်ရှိတယ်။ တတိယတစ်ယောက်က နွားသိုးလို ခွန်အား သန်မာတယ်။ စတုတ္ထတစ်ယောက်က သံမဏိလို မာလှတဲ့ ဦးခေါင်းရှိတယ်။ နံပါတ်ငါးမှာတော့ သံမဏိလို မာကျောတဲ့ ခန္ဓာကိုယ်ကို ပိုင်ဆိုင်ပါတယ်။ နံပါတ်ခြောက်ကျတော့ အလွန်ရှည်လျားတဲ့ ခြေထောက်တွေနဲ့ပေါ့။ နံပါတ်ခုနစ် တစ်ယောက်မှာ အလွန်ကြီးမားတဲ့ ဦးခေါင်းကြီး ရှိပြန်ရော။ နံပါတ်ရှစ်မှာတော့ အလွန်ကို ကြီးတဲ့ ခြေဖ၀ါးကြီး ရှိနေပြီး နံပါတ်ကိုးမှာတော့ အလွန်ကြီးတဲ့ ပါးစပ်ကြီး ရှိပါတယ်။ အငယ်ဆုံး ညီဖြစ်သူမှာတော့ မြင်သူတကာ ကြောက်ရွှံ့လောက်တဲ့ အလွန်ကြီးမားတဲ့ မျက်လုံးကြီး ရှိတယ်ဆိုပဲ။

တစ်နေ့ လယ်ကွင်းထဲမှာ အလုပ်လုပ်နေတုန်း နံပါတ် ၁ က ငိုနေတဲ့ အသံတစ်ခုကို ကြားလိုက်ရတယ်။ အဲဒါနဲ့ နံပါတ် ၂ က လှမ်းကြည့်လိုက်တဲ့အခါ မဟာတံတိုင်းကြီး တည်ဆောက်နေတဲ့ နေရာက အလုပ်သမားတွေ အစာရေစာ ငတ်ပြတ်လို့ ငိုယိုညည်းတွားနေတာကို တွေ့လိုက်ရတာပေါ့။ အဲဒါကို ကြားသိလိုက်ရတဲ့ နံပါတ် ၃ က အဲဒီနေရာကို ကူညီဖို့ နွားသိုးတစ်ကောင်လို ဒေါသတကြီး ဂမူးရှူးထိုး ထွက်သွားပါတယ်။ မဟာတံတိုင်း ဆောက်လုပ်ရေး လုပ်ငန်းခွင်က အာဏာပိုင် အရာရှိတွေက ဒေါသတကြီး လာနေတဲ့သူ့ကို ဘယ်အတွက် ဘာလာလုပ်သလဲ ဆိုတာကို မမေးတော့ပဲ ရန်ပြုမယ့်လူလို့ပဲ ထင်သွားကြပါတယ်။ အဲဒါနဲ့ သူရဲ့ ဦးခေါင်းကို ခုတ်ထစ်ပစ်ဖို့ အမိန့်ပေးလိုက်ပါတယ်။

ဒုတိယ အစ်ကိုက အဲဒါကို မြင်လိုက်ရပြီး ပထမအစ်ကိုက ကြားလိုက်ရပါတယ်။ ဒါနဲ့ သူတို့က တခြား ညီအစ်ကိုတွေကို ပြန်ပြောပြပါတော့တယ်။ အဲဒါနဲ့ နံပါတ် ၄ တစ်ယောက်လည်း နံပါတ် ၃ ကို ကယ်ဖို့ အပြေးအလွှား လိုက်သွားပါတော့တယ်။ အာဏာပိုင်ရဲ့တပည့်တွေ ဓါးနဲ့ ၀င်ခုတ်တဲ့အခါ သူ့ဦးခေါင်းကို ထိုးပေးလိုက်ပါတယ်။ အဆက်မပြတ် ခုတ်ချလိုက်တဲ့ ဓါးချက်တွေဟာ မာလွန်းလှတဲ့ သူ့ဦးခေါင်းကြောင့် အချည်းအနှီး ဖြစ်ကုန်ပါတယ်။ ဒါနဲ့ အာဏာပိုင်တွေကို ကိုယ်ခန္ဓာကို ဓါးနဲ့ ခုတ်ထစ်ဖို့ အမိန့်ပေးပြန်ပါတယ်။ အဲဒီအချိန်မှာ နံပါတ် ၅ တစ်ယောက် အပြေးအလွှား ရောက်ရှိလာပြီး သူတို့ရဲ့ ရိုက်နှက် ထိုးခုတ်ချက်တွေကို ကြားကနေ ၀င်ခံပေးပါတယ်။ သံမဏိလို မာလှတဲ့ သူ့ခန္ဓာကိုယ်ဟာ ရဲမက်တွေရဲ့ ထိုးခုတ် ရိုက်နှက်ချက်တွေကို သက်တောင့်သက်သာ ခံနိုင်ပါတယ်။

အဲဒါနဲ့ အာဏာပိုင်တွေက သူ့ကို ပင်လယ်ထဲ ပစ်ချလိုက်ပါတယ်။ နံပါတ် ၆ တစ်ယောက် အချိန်မှီလေး ရောက်ရှိလာပြီး ရေထဲကနေ သူတို့ကို ဆယ်ယူသွားပါတယ်။ သူ့အတွက် ပင်လယ်ဆိုတဲ့ နေရာမှာ အေးအေးဆေးဆေး မတ်တပ်ရပ်နေလို့ ရတယ်လေ။ ပင်လယ်ထဲမှာ လမ်းလျှောက်နေရင်း အလွန်ကြီးမားတဲ့ ငါးကြီးတစ်ကောင်ကို ဖမ်းမိပါတယ်။ ဒါပေမယ့် အဲဒီငါးကြီးကို သယ်လာဖို့ ခက်နေပါတယ်။ အဲဒါနဲ့ နံပါတ် ၇ တစ်ယောက် ရောက်လာပြီး သူ့ခေါင်းပေါ်က ဦးထုပ်ကြီးကို ချွတ်ပေးပါတယ်။ အဲဒီ ဦးထုပ်ထဲမှာ ငါးကြီးကို ထည့်ပြီး သယ်လာခဲ့ပါတော့တယ်။

အဲဒီလောက်ကြီးတဲ့ ငါးကြီးကို ကင်ဖို့အတွက် ထင်းတွေ အများကြီး လိုပါတယ်။ အဲဒါနဲ့ နံပါတ် ၈ က တောင်ပေါ်ကို တက်သွားပြီး သူ့ခြေထောက်အကြီးကြီးနဲ့ အပင်တွေကို နင်းခြေပြီး ထင်းအဖြစ် ပြောင်းလဲ ဖန်တီးပေးပါတယ်။ အဲဒီကနေ ရလာတဲ့ ထင်းတွေနဲ့ ငါးကြီးကို ကင်ကြတာပေါ့။ မီးကင်ထားတဲ့ ငါးကင် အနံ့က မွေးကြိုင်နေတာပဲ။ ငါးကင့်အနံ့ကြောင့် နံပါတ် ၉ တစ်ယောက်က စိတ်မထိန်းနိုင်တော့ပဲ ငါးကင်ကြီး တစ်ခုလုံးကို သူ့ပါးစပ်ကြီးထဲကို ထည့်ပြီး ၀ါးမျိုလိုက်ပါတော့တယ်။ ဘယ်သူမှ မစားလိုက်ရပဲ နံပါတ် ၉ အစ်ကိုတစ်ယောက်ပဲ စားသွားတာကို အငယ်ဆုံး နံပါတ် ၁၀ က မကျေနပ်ပါဘူး။ ဒေါသထွက်ထွက်နဲ့ ငိုလိုက်တာများ သူ့မျက်လုံးအကြီးကြီးကနေ မျက်ရည်တွေ မျက်ရည်တွေ... ဘူးသီးလုံးလောက် ကျလာပြီး ရေတွေကြီးကုန်ပါတယ်။ အဲဒီ ရေကြီးချက်က ဘယ်လောက်များ ဆိုးသလဲဆိုရင် မဟာတံတိုင်းရဲ့ တချို့အစိတ်အပိုင်းတွေကို ပြိုပျက်စေကုန်ပါတယ် သတဲ့ကွယ်။

Saturday, September 6, 2008

Merlion Statue

စင်္ကာပူကို လာရောက်လည်ပတ်တဲ့ လူတိုင်း လူတိုင်း... စင်္ကာပူရဲ့ အထင်ကရ အမှတ်အသားဖြစ်တဲ့ Merlion ရုပ်တု ရှိရာကို ရောက်ဖူးကြမှာပါ။ အဲဒီနေရာ အနားတ၀ိုက်မှာ ဓါတ်ပုံတွေ တဖျတ်ဖျတ် ရိုက်နေကြတာကို တွေ့ကြမှာပါ။ နောက်က ဒူးရင်းသီးကြီးနဲ့ ရိုက်လိုက်.. မိုးထိအောင်မြင့်တဲ့ အဆောက်အအုံကြီးတွေကို နောက်ခံထားပြီး ရိုက်လိုက်... အရုပ်ကြီး ပါးစပ်ကနေ ထွက်လာတဲ့ ရေပန်းကို အောက်ကနေ ပင့်ပြီး မော့သောက်နေတဲ့ ပုံစံမျိုး ရိုက်လိုက်... ဖြတ်သွားဖြတ်လာ အပျော်စီးလှေကို နောက်ခံထားပြီး ရိုက်လိုက်... အစုံကို တွေ့ရမှာပါ။

ခြင်္သေ့တစ်ပိုင်း ငါးတစ်ပိုင်း အရုပ်ကြီးရဲ့ သမိုင်းကြောင်းကို သိရှိပြီးသားဖြစ်တဲ့သူ ရှိသလို မသိသေးတဲ့ သူတွေလည်း ရှိကြမှာပါ။ ရိုးရိုးသားသား ၀န်ခံရရင် စင်္ကာပူကို ရောက်တာ ၁ နှစ်ကျော် ကြာပြီဖြစ်တဲ့ ကျွန်တော်လည်း အခုတလောမှ သိရတာပါ။ အရင်တုန်းက အကြောင်းမညီညွှတ်လို့ မလေ့လာဖြစ်ခဲ့ပါဘူး။ အဲဒီနေရာကိုလည်း ၂ ခါ ၃ ခါလောက်ပဲ ရောက်ဖူးပါတယ်။ Merlion ဆိုတာ Lion ဆိုတဲ့ ခြင်္သေ့နဲ့ Mermaid ဆိုတဲ့ ရေသူမ... စာလုံး ၂ ခုကို ပေါင်းစပ်ထားတာပါ။ မြန်မာလိုဆိုရင် ငါးခြင်္သေ့ပဲလို့ ပြောရမယ် ထင်ပါတယ်။ ခွေးခြင်္သေ့ဆိုတဲ့ အသုံးအနှုန်းလေး ကြားဖူးလို့ အခုဟာကို ငါးခြင်္သေ့လို့ အမည်ပေးလိုက်တာပါ။ ဒါမှမဟုတ် ဘယ်လို ပြောရမလဲပေါ့။ သိသူများရှိရင် ပြောကြပါအုံး။

Merlion logo ကို Fraser Brunner ဆိုသူက စင်္ကာပူ ခရီးသွားလုပ်ငန်းအတွက် ဒီဇိုင်းရေးဆွဲပေးခဲ့တာပါ။ ၁၉၆၄ မတ်လ ၂၆ ရက်နေ့မှာ စင်္ကာပူ ခရီးသွားလုပ်ငန်းရဲ့ အမှတ်တံဆိပ်အဖြစ် စတင် သုံးစွဲခဲ့ပါတယ်။ Trademark အနေနဲ့တော့ ၂ နှစ်ကျော်အကြာ... ၁၉၆၆ ဇူလိုင်လ ၂၀ ရက်နေ့မှာ မှတ်ပုံတင်နိုင်ခဲ့ပါတယ်။

အရုပ်ကြီးကိုတော့ the vice-chancellor of the University of Singapore and Ambassador to the Philippines ဖြစ်တဲ့ Kwan Sai Kheong က ဒီဇိုင်းရေးဆွဲခဲ့တာပါ။ အရုပ်ကြီး ပါးစပ်က ထွက်မယ့် ရေပန်းကိုပါ ထည့်သွင်းရေးဆွဲခဲ့ပါတယ်။ ၁၉၇၁ နိုဝင်ဘာလမှာ စင်္ကာပူလက်မှုပညာရှင် Lim Nang Seng က စတင် ထုဆစ်ခဲ့ပါတယ်။ နမူနာ အရုပ်အသေးလေးရယ် အရုပ်ကြီးရယ် ၂ ခုလုံးကို ထုဆစ်ခဲ့ကြတာပါ။ အဓိက အရုပ်ကြီးက အလွန်ကြီးမားတဲ့အတွက် သူတစ်ယောက်တည်း ထုဆစ်နေရင် အချိန်ကြာမှာဖြစ်လို့ သူ့ရဲ့ သားတွေကိုပါ ၀င်ရောက် ကူညီစေခဲ့ပြီး ၁၉၇၂ သြဂုတ်လမှာ ထုဆစ် ပြီးစီးခဲ့ပါတယ်။

စင်္ကာပူနိုင်ငံရဲ့ National Icon တစ်ခုဖြစ်တဲ့ Merlion အရုပ်ကြီးဟာ ၈.၆ မီတာ မြင့်ပြီး အလေးချိန် တန် ၄၀ ရှိပါတယ်။ အရုပ် အသေးလေးကိုတော့ တစ်ခါတစ်လေ ခြင်္သေ့ပေါက်စလေးလို့ ခေါ်ဝေါ်ကြပါတယ်။ သူက ၂ မီတာ မြင့်ပြီး အလေးချိန် ၃ တန် ရှိပါတယ်။ Merlion အရုပ်ကြီးရဲ့ မူလ ပထမနေရာကတော့ Merlion Park အတွင်းမှာရှိတဲ့ Elizabeth Walk ဆိုတဲ့ လမ်းကလေးရဲ့ ထိပ်ပိုင်း... စင်္ကာပူမြစ်ဝရဲ့ ကမ်းနဖူးမှာပါ။ အခုလက်ရှိနေရာနဲ့ မီတာ ၁၂၀ ခန့် ဝေးပါတယ်။ အဲဒီ အရုပ်ကြီးကို ၁၉၇၂ စက်တင်ဘာလ ၁၅ ရက် ည ၈ နာရီ ၄၅ မိနစ်မှာ စင်္ကာပူဝန်ကြီးချုပ် လီကွမ်းယူက စတင် နေရာချ တပ်ဆင်ပေးခဲ့ပါတယ်။ အဲဒီနေ့က လီကွမ်းယူရဲ့ မွေးနေ့ပါပဲ။

မူလနေရာက Merlion နဲ့ Esplanade တံတားကြောင့် အလှပျက်နေတဲ့ Merlion

ဒါပေမယ့် ၁၉၉၇ မှာ ဖွင့်လှစ်ခဲ့တဲ့ Esplanade Bridge ကြောင့် Merlionကြီး အိမ်ပြောင်းဖို့ နေရာရှာရပါပြီ။ တံတားကြောင့် မြင်ကွင်းတွေ ကွယ်ကုန်ပြီး သူရဲ့ အလှအပတွေဟာ မှေးမှိန်သွားရပါတယ်။ အဲဒီလို အိမ်ပြောင်းဖို့ နေရာသစ် ရှာတာက ၂ နှစ်လောက် ကြာပါတယ်။ Singapore Flyer ကြီး ဆောက်ထားတဲ့ နေရာကို ရွှေ့ဖို့လည်း စဉ်းစားကြပါသေးတယ်။ နောက်ဆုံးမှာ Fullerton ဟိုတယ်ရှေ့... အခုလက်ရှိနေရာကို ရွေးချယ်လိုက်ပါတယ်။ အဲဒီနေရာက ၂၅၀၀ စတုရန်းမီတာ ကျယ်ဝန်းပါတယ်။ ယခင်နေရာထက် ၄ ဆ ပိုကျယ်ပါတယ်။ အိမ်ပြောင်းတဲ့ စရိတ်က မနည်းမနှောပါပဲ။ စလုံး ဒေါ်လာ 7.5 million ကုန်ကျပါတယ်။ အရုပ်ကြီးကို ဖုန်းရွှေပညာအရ အရှေ့အရပ်ကို မျက်နှာမူစေခဲ့ပါတယ်။ အဲဒီ နေရာသစ် အိမ်သစ်တက်ပွဲကို ၂၀၀၂ စက်တင်ဘာလ ၁၅ ရက်မှာ လီကွမ်ယူ..ကပဲ ဖွင့်လှစ်ခဲ့တာပါ။ စစချင်း နေရာချ ဖွင့်လှစ်ပေးခဲ့တဲ့ ၁၉၇၂ ကနေ ရေတွက်ရင် နှစ်ပေါင်း ၃၀ အကြာပေါ့ဗျာ။

ဆန်တိုစာကျွန်းက Merlion

Merlion အရုပ်ကြီးမှာ ခေါင်းပိုင်းကတော့ ခြင်္သေ့ခေါင်းဖြစ်ပြီး ကိုယ်ပိုင်းကတော့ ငါးကိုယ်လုံးနဲ့ အမြီးပါ။ အရုပ်ရဲ့ အောက်ခြေမှာတော့ ရေလှိုင်းသဏ္ဍာန် ထုဆစ်ထားပါတယ်။ ခြင်္သေ့ခေါင်းက စင်္ကာပူကျွန်းရဲ့ ဒဏ္ဍာရီ သမိုင်းကြောင်းကို တစွန်းတစ ရည်ညွှန်းထားတာပါ။ သမိုင်းနောက်ခံအရ... အေဒီ ၁၁မှာ စင်္ကာပူကျွန်းကို ရှာဖွေတွေ့ရှိခဲ့တဲ့ မင်းသားလေး Sang Nila Utama ဟာ ကျွန်းပေါ်ကို စစရောက်ခါစမှာ ခြင်္သေ့လို့ ထင်ရတဲ့ အကောင်တစ်ကောင်ကို တွေ့လိုက်ပါတယ်။ အဲဒါနဲ့ ကျွန်းကို Singapura သို့မဟုတ် ခြင်္သေ့မြို့တော်လို့ အမည်ပေးခဲ့ပါတယ်။ ငါးကိုယ်လုံးနဲ့ အမြီးကတော့ စင်္ကာပူဟာ ပင်လယ်ထဲက ကျွန်းပိစိကွေးကလေး ဖြစ်တဲ့အလျှောက် တံငါလုပ်ငန်းနဲ့ အစပျိုးခဲ့ရတဲ့ တံငါရွာစင်္ကာပူ ဆိုတာကို ဘ၀မမေ့စေချင်တဲ့ သဘောပါပဲ။

Mount Faber ပေါ်က Merlion

အခု Merlion Park မှာရှိတဲ့ အရုပ် ၂ ခု အပါအ၀င် စင်္ကာပူမှာ ခရီးသွားလုပ်ငန်းက အသိအမှတ်ပြုထားတဲ့ Merlion အရုပ် ငါးခု ရှိပါတယ်။ ပထမတစ်ခုက Orchard Spring Lane က Tourism Court မှာရှိပါတယ်။ အဲဒါကို ၁၉၉၅ မှာ Polymarble များနဲ့ တည်ဆောက်ခဲ့ပါတယ်။ အမြင့် ၃ မီတာရှိပြီ ဖိလစ်ပိုင်ပညာရှင်တွေက တည်ဆောက်ပေးခဲ့တာပါ။ ဆန်တိုစာကျွန်းပေါ်မှာလည်း ၃၇ မီတာမြင့်တဲ့ Merlion အရုပ်ကြီးတစ်ခု ရှိပါတယ်။ အဲဒါကို သြစတေးလျ ပညာရှင် James Martin က ၁၉၉၆ မှာ တည်ဆောက်ပေးခဲ့တာပါ။ အဲဒီ အရုပ်ပေါ်ကနေ ကြည့်ရင် ဆန်တိုစာကျွန်း ပတ်ဝန်းကျင်က ရှုခင်းအလှများကို ခံစားလို့ ရပါတယ်။ နောက်တစ်ခုကတော့ Mount Faber ဆိုတဲ့ တောင်ကုန်းလေးပေါ်မှာ တည်ရှိပါတယ်။ ၃ မီတာမြင့်တဲ့ အဲဒီ Merlion ကိုတော့ ၁၉၉၈ မှာ တည်ဆောက်ခဲ့တာပါ ခင်ဗျာ။

Thursday, September 4, 2008

ICA.Sg

Immigration & Checkpoints Authority ကို အတိုကောက် ICA လို့ ခေါ်ပါတယ်။ စင်္ကာပူကို ၀င်လာတဲ့ နိုင်ငံခြားသားတိုင်း ICA က အရာရှိတွေနဲ့ စကားစမြည် ပြောဆိုဖူးကြမှာပါ။ အနီရောင်စာအုပ် ကိုင်ရတဲ့ ရွှေမြန်မာတွေအဖို့ အလုပ်ရှာဖို့အရေး သူများတိုင်းပြည် အ၀င်မှာ အဲဒီ ICA အရာရှိတွေနဲ့ ရင်ဆိုင်ရတာက ရင်ခုန်စရာ မှတ်တိုင်လေးတစ်ခုပါပဲ။ နေထိုင်ခွင့် ဗီဇာသက်တမ်း ၁ လ ရမလား၊ ၂ ပတ်ပဲ ရမလား စိုးတထိတ်ထိတ်နဲ့ မျက်နှာချိုသွေးခဲ့ရတာလေးတွေ မမေ့လောက်ပါဘူးနော်။ ပိုက်ဆံ ဘယ်လောက် ထုတ်ပြခိုင်းမလဲ။ အင်တာဗျူးအခန်းထဲကို ခေါ်သွားပြီး အသေအချာ အချိန်ယူ မေးအုံးမလား။ လေဆိပ်ကနေ ပြန်လွှတ်လိုက်ရင် ဒုက္ခပဲ။ စသည်ဖြင့် စသည်ဖြင့်...

ICA ဆိုတာ ပြည်ထဲရေးဝန်ကြီးဌာန လက်အောက်က အစိုးရအေဂျင်စီတစ်ခုပါ။ Singapore Immigration & Registration (SIR) နဲ့ Customs & Excise Department (CED) ဌာနနှစ်ခုကို ပူးပေါင်းပြီး ICA အဖြစ် ပြောင်းလဲ ဖွဲ့စည်းခဲ့ပါတယ်။ ၂၀၀၃ ခုနှစ် ဧပြီလ ၁ရက်မှာ စတင်ပြီး စင်္ကာပူနိုင်ငံရဲ့ လုံခြုံရေးအတွက် ၀င်ပေါက် ထွက်ပေါက် စခန်းတိုင်းမှာ ကုန်းလမ်း ရေလမ်း လေကြောင်းလမ်းနဲ့ လာတဲ့ ခရီးသည်နဲ့ ကုန်ပစ္စည်းများကို တာဝန်ယူ ကြီးကြပ်စစ်ဆေးပါတယ်။ လူဝင်မှုကြီးကြပ်ရေးလုပ်ငန်းနဲ့ နိုင်ငံသားတွေကို မှတ်ပုံတင်တွေ၊ ပတ်စ်ပို့စာအုပ်တွေ ထုတ်ပေးတဲ့ လုပ်ငန်းတွေကိုလည်း တာဝန်ယူပေးကြပါတယ်။ စင်္ကာပူနိုင်ငံကို လာမယ့် နိုင်ငံခြားသားတွေကို အမျိုးမျိုးသော ပြည်ဝင်ခွင့် ဗီဇာတွေကိုလည်း ထုတ်ပေးပါတယ်။

ICA ရုံးချုပ်ကတော့ တစ်ခုပဲ ရှိပါတယ်။ Student Pass လျှောက်တာတို့၊ PR လျှောက်တာတို့ကို ရုံးချုပ်မှာ လုပ်ရပါတယ်။ ကျောင်းသားကဒ်၊ ပီအာကဒ် ထုတ်တာလည်း အဲဒီရုံးချုပ်မှာပဲ လာရောက်ထုတ်ယူရပါတယ်။ ကဒ်ပျောက်ရင်လည်း အဲဒီရုံးကို လာရောက် အကြောင်းကြားရပါတယ်။ အဲဒီလိုပဲ အလည်အပတ် ဗီဇာဖြစ်တဲ့ Social Visit Pass ကိုလည်း သက်တမ်းတိုးလို့ ရပါတယ်။ ICA ရုံးချုပ်ရဲ့ လိပ်စာက...
Immigration & Checkpoints Authority
ICA Building
10 Kallang Road
(Next to Lavender MRT station)
Singapore 208718

ရုံးဖွင့်ချိန်တွေကတော့ Weekdays - 8.00 am to 5.00 pm, Saturdays - 8.00 am to 1.00 pm ပါ။ တနင်္ဂနွေနဲ့ အများပြည်သူ အားလပ်ရက်တွေမှာတော့ ရုံးပိတ်ပါတယ်။

ကုန်းလမ်းခရီးနဲ့ ၀င်လာမယ့်သူများကို Woodlands Checkpoint နဲ့ Tuas Checkpoint ကနေ စစ်ဆေးပါတယ်။ လေဆိပ်မှာ လူအ၀င်အထွက် စစ်ဆေးတဲ့တစ်ဖွဲ့နဲ့ ကုန်ပစ္စည်းတွေ စစ်ဆေးတဲ့တစ်ဖွဲ့ရှိသလို သဘောင်္ဆိပ်ကမ်းတွေမှာလည်း တစ်ဖွဲ့စီရှိပါတယ်။ အဲဒါအပြင် ကမ်းရိုးတန်းကနေ ၀င်လာမယ့်သူများကို ကိုင်တွယ်ဖို့ အဖွဲ့တွေ ရှိပါသေးတယ်။ Checkpoint တွေကတော့...
Air Checkpoints
* Changi Airport
* Seletar Airport
* Air Cargo Checkpoints

Land Checkpoints
* Tuas Checkpoint
* Woodlands Checkpoint
* Woodlands Train Checkpoint

Coastal Checkpoints
* Singapore Cruise Centre
* Tanah Merah Ferry Terminal
* Changi Point Ferry Terminal
* Changi Ferry Terminal
* Jurong Fishing Port
* Marina South Pier
* West Coast Pier

Port Checkpoints
* Pasir Panjang Scanning Station
* Tanjong Pagar Scanning Station
* Brani Gate
* Tanjong Pagar Gate
* Keppel Distripark
* Sembawang Gate
* Pasir Panjang Terminal Gate 4
* Pasir Panjang Gate 3
* Jurong FTZ Gate
* Jurong West Gate

ICAက ၀န်ထမ်းတိုင်း ယူနီဖောင်း ၀တ်ကြပါတယ်။ ရာထူးအဆင့်အတန်းပေါ် မူတည်ပြီး တပ်ဆင်ရတဲ့ ရာထူးတံဆိပ်တွေ ကွာခြားပါတယ်။ ဒါကြောင့် ကိုယ်နဲ့ ဆက်ဆံရတဲ့ ၀န်ထမ်းရဲ့ ရာထူးကို သိရှိရလေအောင် ရာထူးတံဆိပ်တွေကို ဖော်ပြချင်ပါတယ်။

Home Affairs Services - ICA Senior Scheme


Home Affairs Services - ICA Specialist Scheme


Credit: http://www.ica.gov.sg/

Wednesday, September 3, 2008

My recent viewpoint

သမီးငယ်လေး ရွှန်းတီ (အမှန်က ရွှန်းမီ)က ဦးဦးဇူလိုင်ကို ဘယ်အချိန် ချောက်ချလိုက်မှန်း မသိအောင် တိုးတိုးတိတ်တိတ်လေး ချောက်ချထားပါတယ်။ ဒါပေမယ့် Tag ထားကြောင်းကို ကိုယ်တိုင်ကိုယ်ကျ cboxမှာ သတင်းလာမပို့လို့ Tag ထားမှန်း မသိဘူး ဖြစ်နေတယ်။ ဒီနေ့ သူ့ဘလော့ကို ရောက်မှ Tag ထားကြောင်း သတိထားမိတယ်။ ချင်းမလေးကလည်း ဒီနေ့မှ cboxမှာ Tag ကြောင်း လာအော်သွားတယ်။

ငယ်စဉ် ကလေးဘ၀ ကျောင်းတက်တုန်းကလည်း စာသင်နှစ်တွေ ကုန်ခါနီးရင် အခန်းထဲက သူငယ်ချင်းတွေနဲ့ အဲဒီလို စာလေးတွေ ရေးဖူးတာကို ပြန်သတိရမိပါတယ်။ အခုလို အိုကြီးအိုမ ဒီအသက်အရွယ် ရောက်တော့မှ တစ်ခါ ပြန်ရေးခိုင်းတော့လည်း သူငယ်ပြန်ချင်တာနဲ့ အတော်ပဲဆိုပြီး ချော်လဲရောထိုင်ရင်း လတ်တလော ခံယူချက် အမြင်လေးတွေကို အမှတ်တရအနေနဲ့ ရေးပေးလိုက်ပါမယ်။

ကိုယ့်ရဲ့နာမည် - ကိုဇူလိုင်။
ကိုယ်ကိုသူငယ်ချင်းတွေက ဒီလိုခေါ်တယ် - ဟေ့ယောင်၊ ကျန်ဇီမင်း၊ ကော်ဂျူဒိုင်း။
ကိုယ်ဒီမှာနေတယ် - ၃၁ ဘုံထဲက လူ့ပြည်လူ့လောက။
ကိုယ့်ဆီဖုန်းဆက်ချင်ရင် - ဆက်မှာလည်း မဟုတ်တော့ ပေးမနေတော့ပါဘူး။

ကိုယ့်ရဲ့အကြိုက်ဆုံးတွေက
အရောင်ဆိုရင် - အဖြူရောင်။
အ၀တ်အစားဆိုရင် - လည်ကတုံးနဲ့ ပုဆိုး။
အစားအစာဆိုရင် - ဗမာအစားအစာတွေ (တရုတ်စာ သိပ်မကြိုက်)။
ပစ္စည်းဆိုရင် - ၀ယ်မယ့်ဝယ် အကောင်းဆုံးဆိုတာပဲ ၀ယ်ချင်တယ်။

သီချင်းဆိုရင် - ရွှေလည်တိုင် (ခိုင်ထူး)၊ ဒီမိုး (ဂျေညီညီ)။
စာရေးစာဆရာ - အများကြီးပဲ။
စာအုပ် - ကျွန်တော့်ကမ္ဘာကို ပြောင်းပစ်သူများ...။
Life style – ရိုးရိုးရှင်းရှင်း ဘ၀လေးတစ်ခု။

ကိုယ့်ရဲ့ဝါသနာ - ကွက်လပ်ဖြည့်တာ...။
အလိုချင်ဆုံးလက်ဆောင် - Henry Dunant Medal ဆုတံဆိပ်ကြီး...။
ကိုယ့်ရဲ့ အချစ်ဆုံးသူက - သူလေ...။
ကိုယ့်ရဲ့ အလေးစားဆုံးသူက - ယုံကြည်ရတဲ့ လူသားတစ်ဦး နဲ့ ဟင်နရီဒူးနန့်...။
ကိုယ့်ရဲ့ အခင်ဆုံးသူငယ်ချင်းက - သူငယ်ချင်း လူမှုကရုဏာရှင်တွေ...။
ကိုယ့်ကို အများဆုံးနားလည်မှုပေးနိုင်သူက - အရိပ်စစ်...။
ကိုယ့်ရဲ့ အမုန်းဆုံးသူက - ဒင်းတို့ပေါ့ဗျာ။
ရင်အခုန်ဆုံးအချိန် - မိတ်ဆက်ကြွားနေတဲ့ အချိန်တုန်းကပေါ့။
အကြောက်ဆုံးအချိန် - များများစားစား မရှိပေမယ့် နည်းနည်းလေးလည်း မဟုတ်ပါဘူး။
အပျော်ဆုံးအချိန် - ကြယ်ငါးကောက်နေတဲ့ အချိန်။
အမှတ်တရနေ့ - ကျွန်တော်ရဲ့ကမ္ဘာ ၀၇ ၀၇...။
ဆုတောင်းတိုင်းသာ ပြည့်မယ်ဆိုရင်တောင်းမဲ့ဆု - ဒီအိပ်မက်လေးကို အကောင်အထည် ဖော်ချင်တယ်။

အချစ်ဆိုတာ - အသက်နဲ့အမျှ ပေးဆပ်ခြင်းတစ်ခုပေါ့။
အမုန်းဆိုတာ - အချစ်ရဲ့ နံရံတစ်ဘက်ခြားလေးပါ။
အလွမ်းဆိုတာ - အတွေးပန်းချီ တစ်ခုပါပဲ။
သံယောဇဉ်ဆိုတာ - ငယ်သူမို့ မသိခဲ့ဘူးလေ။
ဘ၀ဆိုတာ - ငွေနဲ့ပဲ အချိန်မကုန်သင့်ဘူး။ တန်ဖိုးတစ်ခု ရှိသင့်တယ်။
သူငယ်ချင်းဆိုတာ - ပြသနာပေါင်း သောင်းခြောက်ထောင်
ချစ်သူဆိုတာ - မပန်ခင်မှာ မခြွေရက်ဘူးလေ။

ကိုယ့်ကိုကိုယ်ဒီလိုထင်တယ် - လူ့ဂွစာ တစ်ယောက်... ဂျစ်ပစီ တစ်ယောက်...။
ကိုယ့်ရဲ့လက်ဆွဲဆောင်ပုဒ်က - "တကယ်ဖြစ်ချင် တကယ်လုပ် အဟုတ်ဖြစ်ရမည်"
အပြောချင်ဆုံးစကားတစ်ခွန်း - ကိုယ့်အတွက်ပဲ မကြည့်ပါနဲ့။ အဲဒါဆို ဘ၀က ပျင်းစရာကြီးဗျာ။

ကဲ... အစဉ်အလာအရ ဆက်ပြီး လက်ဆင့်ကမ်း Tag ပါမယ်။
အစ်မ ခင်မင်းဇော်...
မခင်မမမျိုး...
မနှင်းဆီနီနီ...
အနီရောင်နှင်းဆီအိမ်မက်...
အတွေးရပ်ဝန်းထဲက ဆုဝေ...
သံယောဇဉ်ကြီးတဲ့ အလွမ်းပြေ...
ကဗျာချစ်သူ မြေးမလေး ကြေးအိုး...
နားခိုရာ ကိုလပိစိကွေး...
ရွာသားလေး (YTU)... အချိန်ရရင် ရေးပေးတော်မူကြပါခင်ဗျာ။

Tuesday, September 2, 2008

Bloodbank@HSA

စင်္ကာပူမှာ နေထိုင်ခွင့်တစ်မျိုးမျိုးနဲ့ (ဥပမာ... Work Permit, Student Pass, EP, PR) နေထိုင်ခွင့်ရသူတိုင်း ကျန်းမာရေး ကောင်းမွန်ရင် သွေးလှူဒါန်းနိုင်ပါတယ်။ သွေးလှူဒါန်းချင်ပေမယ့် သွေးဘဏ် ဘယ်မှာရှိတယ် ဘယ်လို သွားရမလဲ... ဆိုတာကို မသိသေးတဲ့သူများ ရှိပါတယ်။ ဒါကြောင့် သွေးဘဏ်ကို ဘယ်လို သွားမလဲ ဆိုတာကို ပြောပြချင်ပါတယ်။

စင်္ကာပူမှာ သွေးဘဏ်တစ်ခုပဲ ရှိပါတယ်။ လိပ်စာက 11 Outram Road, Singapore 169078 ပါ။ Outram Park MRT Stationနဲ့ မျက်နှာချင်းဆိုင်မှာ တည်ရှိပါတယ်။ အစိမ်းရောင်လိုင်းကနေ သွားတာ ကောင်းပါတယ်။ ခရမ်းလိုင်းက လာမယ်ဆိုရင် အစိမ်းလိုင်း ထွက်ပေါက်ကနေ ထွက်ပါ။ အနီလိုင်းမှာ နေတဲ့သူတွေအဖို့ Jurong East MRT ကနေ အစိမ်းလိုင်းကို ရထားပြောင်းစီးလို့ရသလို City Hall MRT ကနေလည်း အစိမ်းလိုင်းပေါ် တက်လာလို့ ရပါတယ်။


ဘူတာကနေ ထွက်လိုက်တာနဲ့ ကားလမ်းတစ်ခုခြား မျက်နှာချင်းဆိုင်မှာ Health Sciences Authority (HSA) ဆိုတဲ့ အဆောက်အဦးကြီးကို မြင်ရမှာပါ။ အဲဒီမှာ Blood Bank ဆိုတဲ့ နဖူးစီးကြီးကိုလည်း မြင်ရမှာပါ။ ကားလမ်းကို လူကူးမျဉ်းကြား မီးပွိုင့်က ကူးလို့ရသလို ဂုန်းကျော်တံတားကနေ ကူးရင်လည်း ရပါတယ်။ ဂုန်းကျော်တံတားက ကူးရင် နေပူပူ မိုးရွာရွာ အမိုးအကာအောက်က သွားရတာဖြစ်လို့ အဆင်ပြေပါတယ်။ ပြီးတော့ ဂုန်းကျော်တံတားမှာ စက်လှေခါး တပ်ပေးထားတော့ အတက်မှာ သိပ်မပင်ပန်းဘူးပေါ့။ သွေးလှူမယ့် လူအနေနဲ့ အင်အားစိုတ်ထုတ်မှု နည်းနိုင်သမျှ နည်းအောင် လုပ်ထားတာ အကောင်းဆုံးပဲလေ။

သွေးဘဏ်က ကျန်းမာရေး ၀န်ကြီးဌာန လက်အောက်က Centre for Transfusion Medicine (CTM) ရဲ့ အုပ်ချုပ်မှုအောက်မှာ ရှိပါတယ်။ အဲဒီ CTM က သွေးစုဆောင်းမှုတွေ၊ သွေးမှာ ရောဂါ ရှိမရှိ စစ်ဆေးမှုတွေ၊ သွေးလိုအပ်တဲ့ ဆေးရုံတွေကို သွေးဖြန့်ဝေမှုတွေကို အဓိက တာဝန်ယူ လုပ်ဆောင်ရပါတယ်။ ဆေးရုံဆိုတာမှာ နိုင်ငံပိုင်ဆေးရုံတွေအပြင် ပုဂ္ဂလိကဆေးရုံတွေမှာ သွေးလိုအပ်ရင်လည်း သွေးဘဏ်ကနေတဆင့် ဖြန့်ဖြူး ကူညီပေးပါတယ်။



သွေးဘဏ် ဖွင့်တဲ့အချိန်ကတော့ အောက်မှာ ဖော်ပြထားပါတယ်။
  • Tuesdays to Thursdays: 9.00am – 6.30 pm
  • Fridays: 9.00am – 8.00pm
  • Saturdays: 9.00am – 4.30pm
  • Sundays: 9.00am – 2.00pm
  • Mondays & Public Holidays: Closed
တနင်္လာနေ့နဲ့ အများပြည်သူ ရုံးပိတ်ရက်မှာ သွေးဘဏ် ပိတ်ပါတယ်။ စနေနေ့နဲ့ တနင်္ဂနွေနေ့မှာ လာလှူတဲ့သူက အများဆုံးပါပဲ။ ရုံးဖွင့်တဲ့ ကြားရက်တွေလည်း လှူတဲ့လူတွေ ရှိပါတယ်။ တချို့က မွေးနေ့ အထိမ်းအမှတ်အနေနဲ့ လာရောက် လှူဒါန်းကြပါတယ်။

ဒီမှာက သုံးလ တစ်ကြိမ် သွေးလှူဒါန်းခွင့်ပေးပါတယ်။ မြန်မာပြည်မှာက လေးလ တစ်ကြိမ်ပါ။ ကြည့်ရတာ အစားအသောက်တွေမှာ အစာအာဟာရဓါတ် ပြည့်ဝမှုနဲ့ နေ့စဉ် အလုပ်တွေမှာ အင်အား စိုက်ထုတ်ရမှု နည်းတဲ့အတွက် အခုလို သုံးလ တစ်ကြိမ် လှူဒါန်းခွင့်ပြုတာ ဖြစ်မယ်လို့ ထင်မိပါတယ်။ သွေးလှူရှင်ရဲ့ ကိုယ်အလေးချိန်ပေါ် မူတည်ပြီး သွေး မီလီလီတာ ၃၀၀ ကနေ ၄၅၀ ကြား ထုတ်ယူပါတယ်။ သွေးလှူဒါန်းမှု ကြာချိန်က လူတစ်ယောက်နဲ့ တစ်ယောက် မတူညီပါဘူး။ ပိုက်ကနေ သွေးစီးဆင်းမှု အားကောင်းရင် ကောင်းသလို အချိန်မြန်ပါတယ်။ ပျဉ်းမျှအားဖြင့် ၁၀ မိနစ်ထက် ပို မကြာပါဘူး။ သွေးလှူဒါန်းမှု အစအဆုံးက နာရီဝက်လောက်ပဲ အချိန်ပေးရတာပါ။ ကိုယ်ရဲ့ နာရီဝက် အချိန်လေး ပေးဆပ်မှုက တစ်ပါးသူရဲ့ အသက်ကို ကယ်တင်နိုင်တာကြောင့် သွေးလှူဒါန်းကြပါလို့ တိုက်တွန်းချင်ပါတယ် ခင်ဗျာ။