.:: Download Myanmar Font (WinKalaw New Version) HERE ::.

Tuesday, April 19, 2011

Fire Fighting

အလုပ်တွေ များလွန်းလို့ ဘလော့ဘက်ကို ခြေဦးမလှည့်မိတာ အတော် ကြာလှပေါ့။ စာရေးဖို့ အချိန် မရသလို စာရေးချင်စိတ်လည်း လုံးဝကို မရှိဘူး။ ရေးစရာအကြောင်းလည်း ခေါင်းထဲမှာ မစဉ်းစားမိဘူး။ အဲဒီလို မစဉ်းစားနိုင်လောက်အောင် မြွေကိုက်ပျားတုပ် ကင်းမှောင့်ခံနေရသလိုမျိုး ပြဿနာပေါင်းစုံကို တခုပြီး နောက်တခု ဒိုင်ခံ ရှင်းပေးနေရတယ်။ တခုများ ပြီးသွားလို့ အေးသွားပြီ မထင်နဲ့ နောက်တခုက အရန်သင့် စောင့်နေတတ်တယ်။ တခါတလေဆို သုံးလေး ငါးခုကို တပြိုင်နက်တည်း ရှင်းပေးရတယ်။

အလုပ်မှာ လုပ်သက်ရင့်လာတာနဲအမျှ အေးဆေးသက်သာတဲ့ သေးသေးမွှားမွှား အလုပ်တွေက ကျွန်တော့်ဆီကို မလာဘူးခင်ဗျ။ တကယ်ကို မိုးမီးလောင်နေတဲ့ ပြဿနာမျိုးတွေ ပရောဂျက်တွေ ကျွန်တော်ဆီ လာတယ်။ အကြောင်းပြချက်က ခင်ဗျားက လွဲရင် ကျန်တဲ့သူတွေ ရှင်းတတ်မှာ မဟုတ်ဘူး ဆိုတာမျိုးတွေ။ အဲဒီလိုနဲ့ ရုံးရဲ့ လုပ်ငန်းပိုင်းဆိုင်ရာမှာ Fire fighter ဖြစ်လာတယ်။

Fire fighter ဆိုတာကလည်း တကယ်တမ်းကျတော့ လွယ်တဲ့ အလုပ် မဟုတ်ပါဘူး။ အရင်ဆုံး ရင်ဆိုင်ရတာကတော့ ပြဿနာတက်နေတဲ့ ပတ်ဝန်းကျင်ကို သည်းခံ ရင်ဆိုင်ရတာပဲ။ ဘာဖြစ်နေမှန်း မသိလို့ စုံစမ်းရင်လည်း အသေးစိတ် မသိရဘူး။ အပြစ်တွေကို လွှဲချနေတာကိုပဲ နားထောင်နေရတယ်။ သူ့ကြောင့် ဟိုဟာကြောင့် ဒီလူကြောင့်ပေါ့။ ဒီလိုနဲ့ပဲ တခါတလေ ပြဿနာရဲ့ အဓိက လိုရင်းကို မရောက်တော့ဘူး။ ဘာကြောင့် ဖြစ်နေရတယ်ဆိုတဲ့ အကြောင်းအရင်းထက် ဘာဖြစ်နေမှန်းကို မသိရတာလည်း ရှိတယ်။ မေးမြန်းရင်လည်း ဖြေတဲ့အသံတွေက ဒေါသသံတွေ စွက်နေတယ်။ အမုန်းတွေ ဝေနေတဲ့ ပတ်ဝန်းကျင် အလည်မှာ ငုတ်တုပ်လေး ထိုင်နေရတဲ့ ဘဝမျိုးပေါ့။

သည်းခံသင့်သမျှ သည်းခံ။ ပြန်အော်သင့်သမျှ ပြန်အော်၊ ခံစစ်ရော တိုက်စစ်ရော ပေါင်းစုံ ကစားရတဲ့ ကွန်မွန်ဒို ဖြစ်လာရတယ်။ ရာထူးကြီးတာတွေ ငယ်တာတွေ ဘေးချိတ်ထားလိုက်တာ ကြာပြီ။ မှားနေရင် မှားနေကြောင်း ပြောပစ်ရတယ်။ ရာထူးကြီးလို့ လုပ်သမျှ မှန်တာမျိုးမှ မဟုတ်တာလေ။ အကောင်ကြီးပြီး အချိန်မစီးတာတွေ အများသား။ ကျွန်တော်လည်း သိလွန်းလို့ တတ်လွန်းလို့ ဒီလိုသတ်ကွင်းထဲ ဝင်လာရတာမျိုး မဟုတ်ပါဘူး။ လာသမျှ ပြဿနာပေါင်းစုံကို သိထားသမျှ တတ်သမျှ အကောင်းဆုံး ဒိုင်ခံဖြေရှင်းရင်း သိသထက်သိ တတ်သထက်တက် လာရတာမျိုးပေါ့။ ပိုသိလို့ဆိုပြီး ပြဿနာတွေပဲ ထပ်ပို့တယ်။ အဲဒါနဲ့ သံသရာ လည်နေတယ်။

အခုချိန်ထိတော့ ပြဿနာရှင်းတဲ့ အကောင်ကြီးဘဝနဲ့ နေ့ရော ညရော အလုပ်တွေ ပိနေမိတယ်။ ဝင်လာသမျှ ပြဿနာအားလုံးကို စိန်ခေါ်မှုတခုလို့ ရှုမြင်ထားရတယ်။ အဲဒီစိန်ခေါ်မှုတွေက ကျွန်တော့်အတွက် အခွင့်အလမ်းတွေလည်း ဖြစ်လာနိုင်တယ်။ စိန်ခေါ်မှုတိုင်းမှာ အောင်မြင်တာတွေ ရှိသလို ကျရှုံးတာလည်း ရှိတယ်။ ယောင်လည်လည်နဲ့ အဖြေမထွက်ပဲ ပွဲပြီးသွားတာမျိုးလည်း ရှိတယ်။ ဒါပေမယ့် တိုက်ပွဲထဲက ရလိုက်တဲ့ အသိအမြင်နဲ့ အတွေ့အကြုံကတော့ ကျွန်တော့်အတွက် အမြတ်ပါပဲလေ။

Sunday, April 10, 2011

They are lovely birds...


Silver-beaked tanager


Green Honey-creeper


Saffron Finch

ဒီကနေ့ ညပိုင်း RIO ဆိုတဲ့ ကာတွန်းကား သွားကြည့်ဖြစ်ပြီး အရင်တုန်းက ရိုက်ခဲ့တဲ့ ငှက်ပုံတွေကို သတိတရ ရှိတာနဲ့ ဘလော့ဂ်မှာ တင်ထားလိုက်တာပါ။ တကယ်တော့ ငှက်ကလေးတွေက ချစ်ဖို့ အလွန်ကောင်းပါတယ်။ အရောင်အသွေး စုံလင်လှတဲ့ ငှက်တွေရဲ့ အလှ၊ တီတီတျာတျာ အသံပေးနေတဲ့ ငှက်တွေရဲ့ ဘာသာစကား၊ အဲဒါတွေကို ခံစားနားဆင် ရှုမြင်နိုင်ရင် အပြစ်ကင်းတဲ့ ချစ်ခြင်းတွေနဲ့ ရိုးရိုးရှင်းရှင်းလှပနေတဲ့ ကမ္ဘာကြီးကို ပိုင်ဆိုင်နေမှာပေါ့လေ။