.:: Download Myanmar Font (WinKalaw New Version) HERE ::.

Thursday, February 22, 2018

Pressure Cooker Work Environment

Pressure Cooker Work Environment ဆိုတာမျိုးကို စင်္ကာပူရဲ့ အလုပ်ခွင် အများစုမှာ တွေ့ရနိုင်ပါတယ်။ အများစုလို့ ပြောထားတာက တချို့ လုပ်ငန်းခွင်တွေကတော့ အမေရိကန်စံနှုန်း ဥရောပစံနှုန်းတွေနဲ့ အေးဆေးသက်သာ အလုပ် လုပ်ကြတာမျိုးလည်း ရှိပါတယ်။

အများစုကတော့ အလုပ်ပြီး နောက်အလုပ်... အလုပ်ပေါ် အလုပ်ဆင့် တောက်လျှောက် လုပ်ရတာမျိုးပါ။ အလုပ်မရှိရင် အလုပ်ရှိအောင် ရှာလုပ်ရပါတယ်။ ရှိပြီးသားအလုပ်အပြင် နောက်ထပ် အလုပ်တွေကိုလည်း ထပ်ယူရပါတယ်။ ကျောက်ခဲကို ရေညှစ်ထုတ်ချင်တဲ့ တိုင်းပြည်ပါ။

အလုပ်တွေကို လူနည်းနည်းနဲ့ ကျဲကျဲဝိုင်းပါတယ်။ ၅ ယောက် လုပ်ရမယ့် အလုပ်ကို ၁ ယောက်တည်းနဲ့ ပြီးအောင် လုပ်ခိုင်းကြပါတယ်။ ပြီးအောင် ဆိုတာမှာ ပြီးလည်း ပြီးရမယ်... ကောင်းလည်း ကောင်းရမယ်။ ပြီး ပြီးရော လုပ်လို့လည်း မရပြန်ပါဘူး။ မှန်လည်း မှန်ရမယ်။ မြန်လည်း မြန်ရမယ်။ ပြီးရင် ကုန်ကျစရိတ်လည်း သက်သာချင်သေးတယ်။

၅ ယောက်စာအလုပ်ကို ၁ ယောက်တည်းက လုပ်နိုင်အောင်လည်း လိုအပ်တဲ့ သင်တန်းတွေ နည်းပညာတွေ ပစ္စည်းကိရိယာတွေ ထောက်ပံ့ပေးထားပါတယ်။ လက်ကြီးဗလာ ထားခဲ့ပြီး နင် မပြီးရင် နင့်ကိစ္စလို့... လုပ်တာမျိုးလည်း တချို့နေရာတွေမှာ ရှိနိုင်ပါတယ်။ ဒါပေမယ့် နည်းပါတယ်။

ပြောပြချင်တာက... အလုပ်ကို ကုန်းရုန်း လုပ်ကြရပါတယ်။ တာဝန်ယူ တာဝန်ခံရပါတယ်။ ညှိနှိုင်းဖြေရှင်းရပါတယ်။ အဲဒီလို လုပ်တဲ့အတွက်လည်း တန်ရာတန်ကြေး လခကောင်းကောင်း ပေးထားပြီး အရည်အသွေးရှိတဲ့ ဝန်ထမ်းတွေကို ထိန်းထားနိုင်ပါတယ်။ ဒါကြောင့်လည်း စင်္ကာပူဟာ ချမ်းသာဖွံ့ဖြိုးတဲ့ နိုင်ငံဖြစ်နေတာပါ။

အလုပ်တွေကို ကောင်းသထက် ကောင်းအောင် မြန်သထက် မြန်အောင်... ကြိုးစားလုပ်ကိုင်ပြရင်း စင်္ကာပူဟာ နိုင်ငံတကာက စီးပွါးရေးလုပ်ငန်းတွေရဲ့ ယုံကြည်မှုကို ရယူနိုင်ခဲ့ပြီး စီးပွါးရေးအခွင့်အလမ်းတွေ အများကြီး ရရှိနေတာ သက်သေထူနေပါပြီ။

ကိုယ်တွေအနေနဲ့ အလုပ်ကို တာဝန်ကျေလုပ်နေရင် ရပြီလို့ ထင်ထားရင်တော့ ရှေ့ရေးအတွက် ခက်ပါသေးတယ်။ တာဝန်ကျေဖို့အပြင် ကောင်းသထက် ကောင်းအောင် စေတနာထည့် ကြိုးစားဖို့လည်း လိုပါသေးတယ်။ အဲဒီလို ကြိုးစားမှုတွေက ကိုယ့်ရဲ့အလုပ်အတွက်တင် မဟုတ်ပါဘူး... နိုင်ငံအတွက်လည်း တနည်းအားဖြင့် အထောက်အကူ ဖြစ်စေပါတယ်။

မယုံရင် စင်္ကာပူကို ကြည့်လိုက်ပါ။

Monday, February 12, 2018

Act with Kindness

နေ့လည်ထမင်းစားချိန်မှာ သတင်းတွေ နည်းနည်းလောက် ဖတ်ပြီးတဲ့နောက်တော့
♪♬ စိတ်ဓါတ်များရဲ့အင်အား တဖြည်းဖြည်း နည်းသွားပြီလား♫♩ ဆိုတဲ့ ထူးအိမ်သင်ရဲ့ "စိတ်ဓါတ်ကင်ဆာ" သီချင်းလေးကို နားထောင်မိနေတယ်။

အဲဒီသီချင်းလေးထဲကအတိုင်း ကိုယ်တွေရဲ့ ချစ်လှစွာသောတိုင်းပြည်မှာ စိတ်ဓါတ်ကင်ဆာလည်း အဖြစ်များနေတာကို သတိထားမိတယ်။ မယုံဘူးလား... မယုံရင် သတင်းတွေအောက်က မြန်မာလိုရေးထားတဲ့ မှတ်ချက် (ကွန့်မန့်)တွေကို လိုက်ဖတ်ကြည့်ပါလေ။

ကောင်းတာတွေကို လိုက်မကြည့်ပဲ မကောင်းတာတွေပဲ လိုက်ကြည့်နေရင် မကောင်းတာတွေပဲ တွေ့ရတာ မဆန်းပါဘူးလို့ ဆိုချင်တဲ့သူတွေ ရှိနိုင်ပါမယ်။ လိုက်ကြည့်နေတာ မဟုတ်ပဲ... ကြုံဆုံတုန်းလေး လမ်းကြုံးတုန်းလေး ဝင်ဖတ်ကြည့်မိရင် တချို့တချို့တွေမှာ ဘယ်လို ဆိုးဝါးတဲ့ သဘောထားတွေ... ဘယ်လို ကောက်ကျစဉ်းလဲတဲ့ အမြင်တွေ ရှိနေသလဲ ဆိုတာ ခြုံငုံမြင်မိပါမယ်။
မှိုင်းတိုက်ခံထားရတဲ့ ဦးနှောက်တွေမှာ ဖြူစင်တာတွေ ပျောက်ဆုံးကုန်ပြီ။ ဘာသာခြားရင် မကောင်းဘူး။ လူမျိုးခြားဆို မကောင်းဘူးလို့ မြင်တဲ့သူတွေ ရှိလာကြပြီ။ ဒီဘာသာခြားတွေ လူမျိုးခြားတွေကို ကိုယ့်ဘာသာ ကိုယ့်လူမျိုးကို ဝါးမြိုမယ်လို့ ရူးရူးမိုက်မိုက် ထင်လာကြတယ်။

အမျိုး ဘာသာ သာသနာအတွက် မှန်ကန်တဲ့ လမ်းကြောင်း ဖြောင့်မတ်တဲ့ အမြင်မျိုး မရှိရင် ကိုယ့်အမျိုး ကိုယ့်ဘာသာ သာသနာကို ကိုယ်တိုင် နင်းချေဖျက်ဆီးနေတာမျိုး ဖြစ်နေဦးမှာပါ။ ကိုယ့်အမျိုး ကိုယ့်ဘာသာကို ကိုယ်ချစ်ရင် မြတ်နိုးရင် တခြားလူမျိုး တခြားဘာသာကို စော်ကားပြောနေစရာ... တိုက်ခိုက်နေစရာ မလိုပါဘူး။ ကိုယ်တိုင် ကြိုးစား တည်ဆောက်ယူရမယ့်အစား သူတပါးပျက်စီးဖို့ပဲ ကြိုးစားနေရင် အမှားကြီး မှားပါလိမ့်မယ်။

ပြည်တွင်းနေ တရုတ် ကုလားတွေ ကြီးပွါးချမ်းသာလာအောင် မိသားစုမျိုးရိုးစဉ်ဆက် နှစ်ကာလရှည်ကြာစွာ ဘယ်လိုတည်ဆောက် ကြိုးစားယူခဲ့တယ် ဆိုတာမျိုးကို အတုယူရမယ့်အစား ပျက်စီးရာပျက်စီးကြောင်း ဘေးထိုင်ဘုပြော နေရင်တော့ ဒီဘဝကနေ တက်လာမှာ မဟုတ်ဘူး။ ကိုယ့်ဘဝကို ကိုယ်တိုင် တည်ဆောက်ယူမှပဲ ရမယ်။ သူတပါးဘဝ ပျက်စီးသွားရင် ကိုယ့်ဘဝ အလိုလို တိုးတက်လာမယ် ထင်နေရင်တော့ အမှားကြီး မှားပြန်တယ်။

တရုတ် ကုလားတွေထဲမှာ ကောင်းတဲ့သူ ရှိသလို မကောင်းတဲ့သူလည်း ရှိမယ်။ ဘာသာတူတဲ့သူ ရှိသလို ဘာသာမတူတဲ့သူလည်း ရှိမယ်။ တိုင်းပြည်နဲ့ နေထိုင်ရာ ပတ်ဝန်းကျင်၊ လူနေမှုပတ်ဝန်းကျင်ကို အကျိုးပြုတဲ့သူ ရှိသလို အကျိုးယုတ်စေတဲ့သူလည်း ရှိမယ်။ ဒါဟာ တဦးချင်းစီနဲ့ပဲ ဆိုင်တယ်။ တရုတ်ဖြစ်လို့ ကုလားဖြစ်လို့ ဘာသာတူလို့ ဘာသာခြားလို့ ဆိုတာနဲ့ မဆိုင်ဘူး။ အဲဒီလို ဆိုင်လား မဆိုင်လား ဆိုတာ ခွဲခြားမြင်တတ်တဲ့ အသိဥာဏ်တွေ မရှိကြတာကိုလည်း မြင်တွေ့လာရတာဟာ တကယ်ကို စိတ်ပျက်ဖို့ ကောင်းပါတယ်။

ကိုယ့်အမျိုးကို ကိုယ်ချစ်ရင် ကိုယ့်မိသားစုနဲ့ ကိုယ့်ဘဝကို အရင်မြှင့်တင်ပါ။ ကိုယ်တွေ ဆင်းရဲခဲ့သလို ကိုယ့်ရဲ့ နောက်မျိုးဆက် မဆင်းရဲရအောင် အလုပ်ကို ကြိုးစားပါ။ မလိုအပ်တာတွေမှာ မဖြုန်းတီးမိအောင် နေပါ။ ကိုယ်တွေ မှားခဲ့သလိုမျိုး ကိုယ့်ရဲ့ နောက်မျိုးဆက် မမှားရအောင် ဘဝသင်ခန်းစာတွေကို မျှဝေပြီး သွန်သင်ဆုံးမပါ။ ကိုယ်တွေ မသိခဲ့ မတတ်ခဲ့လို့ ဘဝတွေ အောက်ကျနောက်ကျ ဖြစ်ရတာမျိုး ကိုယ့်နောက်မျိုးဆက်တွေ မဖြစ်ရလေအောင် ပညာကို တကယ် သိအောင် တတ်အောင် လေ့လာခိုင်းပါ။ ကိုယ်တွေ စာမဖတ်ခဲ့လို့ စဉ်းစားချင့်ချိန်မှု အားနည်းတာမျိုး မဖြစ်ရအောင် ကိုယ့်မျိုးဆက်တွေကို စာများများ ဖတ်ခိုင်းပါ။ ရွှေကျောင်းပြောင်ပြောင် ဝမ်းခေါင်ခေါင်ဘဝတွေကနေ ရုန်းထွက်ကြပါ။

ဒါမျိုးဆိုတာက မျိုးဆက်အလိုက် အဆင့်ဆင့် ပုခုံးထမ်း လုပ်ခဲ့မှပဲ နောက်မျိုးဆက်တွေမှာ အဲဒီအသီးအပွင့်တွေကို ခံစားရမှာပါ။ ချက်ချင်းလက်ငင်းကြီး ဖြစ်လာမှာတော့ မဟုတ်ဘူးပေါ့။ ရောမမြို့ကို တရက်တည်းနဲ့ အပြီးတည်ခဲ့တာ မဟုတ်ဘူးလေ။

ကိုယ်တွေရဲ့ အဘိုးအဘွားတွေ သူစိမ်းတို့အလည်မှာ နဖူးကချွေး ခြေမ ကျအောင် ရုန်းကန်ခဲ့ကြတယ်။ ကိုယ့်မိဘတွေ ဦးလေးအဒေါ်တွေ ပညာတတ်ဘွဲ့ရ ဖြစ်အောင် ပုခုံးထမ်း တင်ပေးခဲ့တယ်။ ကိုယ့်မိဘတွေကလည်း ကိုယ်တွေကို နိုင်ငံရပ်ခြားမှာ ပညာနဲ့ အသက်မွေးဝမ်းကြောင်းအလုပ် လုပ်နိုင်တဲ့ဘဝမျိုး ရောက်အောင် ခြိုးခြံချွေတာပြီး ပုခုံးထမ်း တင်ပေးခဲ့တယ်။ ကိုယ်တွေလည်း ကိုယ်တိုင်လည်း ကြိုးစားသင်ယူနေရင်း ကိုယ်ရဲ့ နောက်မျိုးဆက်ကို ကိုယ့်ထက်သာတဲ့ဘဝ ချစ်ခြင်းမေတ္တာအပြည့်နဲ့ လူသားဆန်တဲ့ လူသားတွေ ဖြစ်လာဖို့ ပုခုံးထမ်း တင်ပေးနေတယ်။

ရွှေပြည်ကြီးဟာ ကိုယ်ရဲ့ မွေးဖွားရာမြေပါ။ ဘယ်လိုပဲဖြစ်ဖြစ် ကိုယ်မွေးဖွားရာမြေကို ကိုယ်တွေ ချစ်သလို သံယောဇဉ်ရှိသလို ကိုယ့်တိုင်းပြည်က လူတွေကိုလည်း အခြေမြင့်တဲ့ ဘဝမျိုးတွေကို ရောက်စေချင်မိတယ်။ ဆင်းရဲတဲ့ဘဝမှာ နေကြမယ့်အစား ချမ်းသာတဲ့ဘဝမှာ အတူပျော်ရွှင်ရတာ မကောင်းဘူးလား။
ဒါကြောင့် မျက်ကန်းမျိုးချစ်စိတ် မှိုင်းဝနေတဲ့အတွက် ကောက်ကျစ်မှုများနေတဲ့ လူဆိုးတွေကြားထဲမှာ ဖြူစင်စိတ်ထားရှိနေသေးတဲ့ ကိုယ့်သူငယ်ချင်း မိတ်ဆွေ ရောင်းရင်းတွေဆီကနေ ကိုယ် မျှော်လင့်နေမိတာကတော့...

သီချင်းစာသားလေးအတိုင်းပေါ့...
♫♩ရက်စက်မှုများအလယ် ကြင်နာစိတ်ကလေး ထားရှိနိုင်မလား...♪♬

Wednesday, February 7, 2018

Result of True Learning

ကိုယ်တွေ ဒီ Logistics နယ်ပယ်ထဲကို ရောက်ပြီး အလုပ် လုပ်နေပေမယ့် တကယ်တမ်း စလုပ်တုန်းက ဘာဆိုဘာမှ မသိခဲ့သူပါ။ ဒီအလုပ်နဲ့ သက်ဆိုင်တဲ့ ကျောင်းတွေ ဘာသာရပ်တွေ ဆိုတာလည်း မြန်မာပြည်မှာ မရှိခဲ့ဘူး။ လေ့လာစရာ အခွင့်အရေးလည်း ကိုယ့်အနေနဲ့ မကြုံခဲ့ဘူး။ Logistics ဆိုတဲ့ အင်္ဂလိပ်စာလုံးကိုလည်း သိတောင် မသိခဲ့ဘူး။

အဲဒီလိုနဲ့ အလုပ်မှာ လုပ်ရင်းကိုင်ရင်း လေ့လာခဲ့ရတယ်။ လုပ်ငန်းနဲ့သက်ဆိုင်တဲ့ အသုံးအနှုန်းတွေကို ဆိုရင် မကြားဖူးလို့ ဘာပြောမှန်းလည်း မသိဘူး။ အဲဒါကို မရှက်မကြောက် စာလုံးပေါင်းပါ မေးကြည့်တယ်။ ပြောပြရှင်းပြတဲ့သူရှိရင် နားထောင်ခဲ့တယ်။ အစပိုင်းတွေမှာ ဘယ်နေ့ အလုပ်ပြုတ်မလဲ ဆိုတာတောင် ခေါင်းထဲထည့် စဉ်းစားနေရတာ။ ဘာဖြစ်လို့လဲဆိုတော့ ဘာမှ မသိသေးဘူးလေ။ အဲဒီတော့ ကိုယ့်ရဲ့ အလုပ်ရလဒ်တွေကိုလည်း ကောင်းကောင်းမွန်မွန် ပြစရာလည်း မရှိဘူး။

တရက်မှာ ကိုယ်တွေရုံးရဲ့ ဌာနမှုးတယောက်ရဲ့အခန်းထဲကို အလုပ်ကိစ္စ အစည်းအဝေး တက်ရတဲ့အခါမှာ ဘာတွေ့မိသလဲ ဆိုတော့ သူ့အခန်းထဲမှာ ပိုစတာတခု ကပ်ထားတယ်။ အဲဒီပိုစတာလေးက ရေနွေးခွက်ထဲမှာ ထည့်ထားတဲ့ လက်ဖက်ခြောက်အထုပ်လေးပုံပဲ။ အဲဒီမှာ စာလေး ရေးထားတယ်။ ရေနွေးပူပူနဲ့ တွေ့လေ လက်ဖက်ခြောက်အနံ့ ပိုမွှေးလေပဲတဲ့။ အဲဒီစာလေးကို ဖတ်မိပြီး အလုပ်နဲ့ပတ်သက်တဲ့ ကြိုးစားမှုတွေ ပြောင်းလဲလာတယ်။ အကောင်းဘက်ကို ပြောင်းလာတာမျိုးပေါ့။

သူများ မလုပ်ချင်တဲ့အလုပ်... ပင်ပန်းတဲ့အလုပ် (ဥပမာ ညဂျူတီ) အဲဒါမျိုးတွေကို ကိုယ့်ဆီကို လာပေးပြီး လုပ်နိုင်မလား မေးတဲ့အခါကျရင် စမ်းလုပ်ကြည့်တယ်။ ရုံးပိတ်ရက်တွေ နှစ်သစ်ကူးညတွေမှာ အလုပ်တာဝန် ချထားရင်လည်း လုပ်ပေးခဲ့တယ်။ မလုပ်ဖူးတာတွေ လာခိုင်းတော့ အဆင်ပြေတာတွေ ရှိသလို မပြေတာတွေလည်း ရှိခဲ့တယ်။ ဒါပေမယ့် လုပ်ကြည့်ဖူးသွားတယ်။

အပေါက်ဆိုးတဲ့ လူကြီးတွေနဲ့ တွေ့ရမယ့် အစည်းအဝေးတွေကို ရှောင်ချင်ကြတဲ့ တချို့တွေက အဲဒီလို အစည်းအဝေးထဲကို ကိုယ့်ကို ထိုးထည့်ကြတယ်။ အဲဒါမျိုးတွေလည်း သွားတက်လိုက်တာပဲ။ မေးသမျှကို သိသမျှ ဖြေတယ်။ မသိတာတွေကို ပြန်မေးပေးမယ်ဆိုပြီး ယူလာတယ်။ ပြန်မေးပြီးရင် လူကြီးတွေကို ပြန်ဖြေပေးတယ်။

အဲဒီလိုတွေ လုပ်ရင်းကနေ အထက်လူကြီးတွေက တာဝန်တွေ ပေးလာတယ်။ အလုပ် လုပ်ခိုင်းတယ်ပေါ့။ လွန်ခဲ့တဲ့ ၉ နှစ်တုန်းက ပရောဂျက်တခု ရှိနေတယ်။ မင်း ပရောဂျက်မန်နေဂျာ ဝင်လုပ်ပါလား ဆိုပြီး အလွတ်တာဝန်ပေးတယ်။ အဲဒီဟာကို မေးမြန်းစုံစမ်း လေ့လာပြီး လုပ်လိုက်ရင်း လုပ်လိုက်ရင်း နောက်ပိုင်းမှာ တကယ်ကို တရားဝင် ပရောဂျက်မန်နေဂျာ ဖြစ်လာတယ်။ လိုင်းပြောင်းလာတဲ့ သဘောပေါ့။

ပရောဂျက်မန်နေဂျာ အလုပ် စလုပ်တဲ့အချိန်ကနေ ၉ နှစ်ကျော်အကြာမှာတော့ ရုံးချုပ်ရော ရုံးခွဲတွေက ပရောဂျက်မန်နေဂျာ အားလုံးကို ကိုယ်က ဦးစီးလာရတယ်။ ပရောဂျက်တွေ အားလုံးကို ကိုယ်က တာဝန်ခံပေးရတယ်။ ပြီးတော့ မဲခေါင်မြစ်ဝမ်းဒေသမှာ ပါဝင်တဲ့ ကမ္ဘောဒီးယား၊ လာအို၊ မြန်မာ၊ ထိုင်း၊ ဗီယက်နမ်ရုံးတွေက IT ဌာနတွေကို ကိုယ်ကို့ ဦးစီးခိုင်းတယ်။ ဒီတခေါက်မှာ ဖိလစ်ပိုင်က IT ဌာနကိုလည်း ကိုယ့်ကို ဦးစီးဖို့အတွက် ပေးလာပြန်တယ်။

ပြောချင်တာက... အစတုန်းက တကယ်ကို ဘာမှ မသိပါဘူး မတတ်ပါဘူး။ အဲဒီလို မသိတဲ့ မတတ်တဲ့ နယ်ပယ်ကြီးမှာ သိအောင်တတ်အောင် အလုပ်ကနေ ကြိုးစားသင်ယူလို့ ရပါတယ်ဆိုတာကို ဝေမျှပြောပြချင်တာပါ။