.:: Download Myanmar Font (WinKalaw New Version) HERE ::.

Tuesday, July 19, 2011

His story (or) History

ဖတ်ဖူးတာလေးတွေကို ခပ်ဝါးဝါး မှတ်မိသလောက် လျှောက်ရေးမယ်လို့ စဉ်းစားတော့ ဒါဟာ သမိုင်းတော့ သမိုင်းပဲ ဒါပေမယ့် သက်သေမရှိတဲ့ သမိုင်းတွေလို့ ပြောရမှာပဲ။ မှော်ဘီဆရာသိန်းရဲ့ ပါးစပ်ရာဇဝင် ဆိုတာမျိုးပေါ့။

အာဇာနည်နေ့၊ ၁၉ရက်၊ ဇူလိုင်လ၊ ၁၉၄၇ခုနှစ်

အာဇာနည်နေ့အကြောင်းကို လူတော်တော်များများသိပါတယ်။ ဗိုလ်ချုပ်အောင်ဆန်းနှင့် အာဇာနည် (၉)ဦး လုပ်ကြံခံရတယ်။ လုပ်ကြံသူများကို စေခိုင်းခဲ့သူက ဂဠုန်ဦးစောဖြစ်တယ်။ ဂဠုန်ဦးစောကို ကြိုးပေးကွပ်မျက်ခဲ့တယ်။ ဂဠုန်ဦးစောဟာ ဗိုလ်ချုပ်အောင်ဆန်းမရှိလျှင် ၀န်ကြီးချုပ်ရာထူး သူရမယ်ဆိုတဲ့ မျှော်လင့်ချက်နဲ့ အာဏာအတွက် လုပ်ကြံခဲ့တာဖြစ်တယ်။


ဗိုလ်ချုပ်ကိုဘယ်သူလုပ်ကြံခဲ့သလဲ

ငယ်ငယ်ကတော့ အတော့်ကို ရှင်းခဲ့ပါတယ်။ အပေါ်မှာ ပြောထားသလိုပေါ့။ ဗိုလ်ချုပ်ကို ဂဠုန်ဦးစောက လုပ်ကြံခဲ့တယ်။ တရေးနိုးလာမေးလည်း ဒါက အဖြေပါပဲ။ နောက်ပိုင်းတော့ ဟိုဟာလေး နည်းနည်းဖတ် ဒီဟာလေး နည်းနည်းဖတ်ကနေ အတိုအစအတော်များများကို ဦးနှောက်ထဲ စုမိသလိုဖြစ်တော့တာပါပဲ။

ဗိုလ်ချုပ်ကို လုပ်ကြံလို့ ဦးစောကို တရားရုံးက ကြိုးပေးခဲ့ပေမယ့် မရှင်းမလင်းဇာတ်လမ်းတွေ အတော်လေး ရှိနေတာကို တွေ့ရပါတယ်။ ပထမဆုံးကတော့ ဦးစောရဲ့ တရားရုံးထွက်ချက်တွေမှာ တွေ့ရပါတယ်။ ဦးစောက သူ့ကို ဗိုလ်ချုပ်က စတင်လုပ်ကြံလို့သာ သူက လက်တုံ့ပြန်ရတာပါလို့ ထွက်ဆိုခဲ့ပါတယ်။ သေဒဏ်ပေးခံရပြီးတဲ့နောက်မှာ သူ့သမီးကို နောက်ဆုံးရေးခဲ့တဲ့ နှုတ်ဆက်စာမှာလည်း ဒီအကြောင်း တစ်စွန်းတစ်စ ထည့်ရေးခဲ့ပါတယ်။ မိမိတို့အမျိုးဟာ ကိုယ့်ကိုလာထိရင် လက်တုံ့ပြန်တတ်ကြောင်းနဲ့ ယင်းကဲ့သို့ စိတ်လိုက်မာန်ပါ လုပ်မိတဲ့အတွက် ဒီအဖြစ်ဆိုးကို ကြုံရတာဖြစ်တယ်။ သမီးအနေနဲ့ ဘယ်သူ့ကိုမှ လက်တုံ့မပြန်ပါနဲ့တော့လို့ ရေးထားပါတယ်။

အဲဒီမှာ ကျွန်တော့်စိတ်ထဲ ၀င်သွားတာက ဦးစောကို ဗိုလ်ချုပ်က တကယ်လုပ်ကြံခဲ့သလားပေါ့။ ဒါနဲ့ ဟိုရှာ ဒီရှာ ရှာရပါတော့တယ်။ ဒီမှာ တွေ့ရတာက ဗိုလ်ချုပ်ဟာ ဦးစောကို လုပ်ကြံခဲ့တာမဟုတ်ဘဲ ပြည်သူ့ရဲဘော်တချို့က ဦးစောကို လုပ်ကြံခဲ့တာဖြစ်ကြောင်းပါ။

ဒါပေမယ့် ပြည်သူ့ရဲဘော်ဆိုတာတွေက ဗိုလ်ချုပ်အောင်ဆန်းရဲ့ ဗမာ့လွတ်လပ်ရေးတပ်မတော်ကို အင်အားလျှော့တဲ့အထဲ ပါသွားရှာတဲ့ ရဲဘော်တွေနဲ့ ပြန်ဖွဲ့ထားတဲ့ လက်နက်ကိုင်မထားသော စစ်မှုထမ်းဟောင်းတွေ ဖြစ်နေလေတော့ မပြေးသော်ကန်ရာရှိ ဗိုလ်ချုပ်ခမျာ တပည့်မကောင်း ဆရာ့ခေါင်း ဖြစ်ခဲ့ရတာပါလားလို့ သုံးသပ်မိရပါတယ်။


ဦးစောလုပ်ကြံခံရခြင်း

ဦးစောကို သေနတ်နဲ့ ပစ်ခဲ့တာက ၁၉၄၆ခုနှစ် စက်တင်ဘာလ ၂၁ ရက်နေ့မှာဖြစ်ပါတယ်။

မြေနီကုန်းရှိ စမ်းချောင်း အ.ထ.က(၂) စိန့်ဖလိုးကျောင်းအနီး၊ ပြည်လမ်းမပေါ်တွင် ဦးစောစီးလာသော အနက်ရောင်ဗင်ကားအား ပြည်သူ့ရဲဘော်ဝတ်စုံဝတ်ထားသည့် လူလေးဦးပါသော ဂျစ်ကားတစ်စီးမှ သေနတ်နှင့် ပစ်ခတ်ခဲ့ခြင်းဖြစ်ပါတယ်။ ပစ်ခတ်မှုကြောင့် ကားမှန်ကွဲသွားပြီး ဦးစောရဲ့ မျက်စိထဲကို မှန်ကွဲစတချို့ ထိမှန်ဒဏ်ရာရခဲ့ပါတယ်။ ဦးစောကို ဆေးရုံတင်ပြီး ကုသခဲ့ပါတယ်။

ပြည်သူ့ရဲဘော်တွေလက်ချက်မို့ ဦးစောကတော့ ဒါဟာ ဗိုလ်ချုပ်အောင်ဆန်းခိုင်းတာလို့ တစ်ထစ်ချ တွက်ခဲ့ပါတယ်။

ဦးစောဆေးရုံတက်နေတုန်းမှာ ဗိုလ်ချုပ်အောင်ဆန်းက သတင်းသွားမေးခဲ့ပါတယ်။

ဒီအကြောင်းကို သခင်တင်မြရဲ့ (ဘုံဘ၀မှာဖြင့်ထပ်ကြပ်မကွာ)မှာဖတ်နိုင်သလို သခင်တင်မြရဲ့ (ဘုံဘ၀မှာဖြင့်ဒုတိယပိုင်း အမှားနှင့်အမှန်)မှာလည်း ဖတ်နိုင်ပါတယ်။

တစ်ခါ ကိုကိုမောင်ကြီးရဲ့ (ကျွန်တော်သိသော တစ်ရံရောအခါများ)ထဲမှာလည်း ဒီအကြောင်းကို ထပ်ဖတ်ရပါတယ်။ ကိုကိုမောင်ကြီးကတော့ နာမည်အတိအကျနဲ့ ဘယ်သူတွေပါဝင်တယ်လို့ကို ပြောပါတယ်။

ဗိုလ်ကျော်ဇံလို့ နာမည်နှင့်တကွ ထုတ်ရေးခဲ့သလို လုပ်ကြံမယ်ဆိုတဲ့အကြောင်းကိုလည်း သူ့ကို ပြောခဲ့တယ်လို့ အတိအကျ ရေးထားပါတယ်။ လုပ်ကြံမှုဖြစ်တဲ့နေ့ကလည်း ဗိုလ်ကျော်ဇံကို ဦးစောကားနောက်မှာ ဆိုင်ကယ်ဖြင့် လိုက်ပါသွားတာ တွေ့လိုက်ရတယ်ဆိုပါတယ်။ ဗိုလ်ကျော်ဇံဟာ ကိုကိုမောင်ကြီးနှင့်အသက်တူပြီး၊ မင်္ဂလာဒုံဗိုလ်သင်တန်း တတိယပတ်မှဖြစ်ပါတယ်။ ဘီဒီအေတွင် ၀င်ရောက်ခဲ့ပြီး ဖက်ဆစ်တော်လှန်ရေးတွင်ပါဝင်ခဲ့သူဖြစ်ပါတယ်။ ပြန်ကြားရေးဝန်ကြီးဖြစ်ခဲ့သူ ဦးအောင်ကျော်မြင့်၊ ၀န်ကြီးချုပ်ဖြစ်ခဲ့သူ သူရဦးထွန်းတင်တို့နှင့် ၀မ်းကွဲညီအစ်ကိုတော်သူဖြစ်ပါတယ်။ ဒါပေမယ့် ပစ်ခတ်ခဲ့တဲ့ ကားပေါ်က လူတွေက ဘယ်သူတွေဆိုတာတော့ မပြောထားပါဘူး။ ဗိုလ်ကျော်ဇံကလည်း မပြောပါဘူး။ ဗိုလ်ကျော်ဇံရဲ့ စကားမှာတော့ သူလည်းသေနတ်နဲ့ပစ်မလို့လိုက်သွားတာ ဟိုလူတွေက ပစ်ပြီး ကားက ကွေ့ထွက်သွားတယ်လို့ ပြောထားတဲ့အတွက် ဟိုလူတွေနဲ့ သူနဲ့ဟာ အတူတူပဲလား တစ်ဖွဲ့စီလားမရှင်းပါဘူး။

တစ်နေရာမှာ ကျွန်တော်ဖတ်ရတာကတော့ ဂဠုန်ဦးစောကို လုပ်ကြံဖို့ ကြိုးစားခဲ့တာဟာ စာရေးဆရာ ရန်ကုန်ဘဆွေဦးဆောင်တဲ့ ပြည်သူ့ရဲဘော်တွေလို့ သိရပါတယ်။ ရန်ကုန်ဘဆွေဆိုတာက ကလောင်နာမည်ဖြစ်ပြီး သူ့ရဲ့ အပြင်ကနာမည်ကို ကျွန်တော် မမှတ်မိတော့ပါ။ ဒီအတွက် ကိုကိုမောင်ကြီးပြောသော ဗိုလ်ကျော်ဇံနဲ့ ရန်ကုန်ဘဆွေဟာ တစ်ဦးတည်းလား တစ်ဦးစီလား ကျွန်တော် မသိပါ။ သိသူများ ဖြည့်ပေးစေချင်ပါတယ်။

အဆိုအားလုံးက မငြင်းတာကတော့ ဦးစောကို ပြည်သူ့ရဲဘော်တွေက လုပ်ကြံခဲ့တယ်ဆိုတာပါပဲ။

တလောက စာလေးတစ်ပုဒ်ဖတ်ရပြန်ပါတယ်။ အဲဒီထဲမှာတော့ ဗိုလ်ချုပ်အောင်ဆန်းက ဦးစောကို လုပ်ကြံမှုနောက်ကွယ်မှာ သူမပါဘူးလို့ တွေ့ဆုံရှင်းလင်းကြောင်း ရေးထားတာလေးပါ။ ဘေးမှာ ပါတဲ့လူတစ်ယောက်က ပြန်ရေးထားတာပါ။ သမိုင်းမှာ သက်သေတော့ မရှိပါဘူး။ အဲဒီတုန်းက ဗိုလ်ချုပ်အောင်ဆန်းက သူမဟုတ်ကြောင်း သုံးကြိမ်တိတိ ငြင်းဆိုခဲ့ပေမယ့် ဦးစောက တစ်ထစ်ချ စွပ်စွဲနေလို့ နောက်ဆုံးမှာ ခင်ဗျားဘယ်လိုထင်ထင် ကျုပ်ဂရုမစိုက်တော့ဘူးလို့ ဗိုလ်ချုပ်က ပြန်ပြောခဲ့တယ် ဆိုပါတယ်။ ဒါဟာလည်း ဗိုလ်ချုပ်ကို လုပ်ကြံမှုဖြစ်စေခဲ့တဲ့ အကြောင်းတွေမှာ ထည့်စဉ်းစားမယ်ဆိုရင် စဉ်းစားရမယ့်အချက်တစ်ခုပါပဲ။

အင်္ဂလိပ်တို့၏ပါဝင်ပတ်သက်မှု

အင်္ဂလိပ်တွေရဲ့ ပါဝင်ပတ်သက်မှုကတော့ အတော်လေး ရှိခဲ့ပါတယ်။ ဦးစောကို လက်နက်ထုတ်ပေးခဲ့တာ။ ဦးစောရဲ့ ထောင်တွင်းပေးစာများမှာ အကြံပေးတဲ့အတိုင်း ဆောင်ရွက်ခဲ့တယ်လို့ အင်္ဂလိပ်အရာရှိကြီးတစ်ဦးကို နာမည်မတပ်ဘဲ အရပ်မြင့်မြင့်လူလို့ ညွှန်းဆိုခဲ့တာ စတာတွေဟာ သက်သေများဖြစ်ပါတယ်။

ထူးခြားသောအချက်များ

ဗိုလ်ချုပ်ကို ဦးစောလုပ်ကြံကြောင်း ဘာကြောင့် ချက်ချင်း ရဲ က သိပြီး သွားဖမ်းတယ်ဆိုတာကို ထင်ထင်ရှားရှား ရေးသားဖော်ပြတာ မဖတ်ဖူးပါဘူး။ ထင်စရာလူတွေ အများကြီးထဲမှာ ဦးစောတစ်ယောက်တည်းကို ကိန်းသေစွပ်စွဲပြီး ခြံမှာ သွားရောက်ဖမ်းဆီးစေခဲ့တာဟာ စိတ်ဝင်စားစရာကောင်းပါတယ်။

တစ်ခါက သမိုင်းသုတေသီလို့ သူ့ဘာသာနာမည်တပ်ထားတဲ့ ဆရာဝန်တစ်ယောက်ကလည်း ဗိုလ်ချုပ်လုပ်ကြံမှုမှာ ဦးနေ၀င်းပါဝင်ခဲ့သယောင် ပြောဆိုရေးသားဖူးတာလည်း ဖတ်ဖူးပါတယ်။ သူလည်း သက်သေတော့ မရှိပါဘူး။

သေချာတာက ဗိုလ်ချုပ်အောင်ဆန်းနှင့်အဖွဲ့ လုပ်ကြံခံခဲ့ရပါတယ်။ ဂဠုန်ဦးစောဆိုတဲ့ နိုင်ငံရေးသမား၊ ၀န်ကြီးချုပ်ဟောင်းက လုပ်ကြံခဲ့တာဖြစ်ပါတယ်။ ဦးစောဟာ ရှေ့နေတစ်ယောက်ဖြစ်ပါတယ်။ ဂဠုန်ဆရာစံအမှုမှာ သူ့ဆရာ ဟိုက်ကုတ်ရှေ့နေကြီး ဦးသူတော်ကို ရုံးအလုပ်တွေ ကူညီခဲ့ရသူသာဖြစ်တယ်။ နိုင်ငံရေးထဲဝင်တော့မှ လူအထင်ကြီးအောင် ဂဠုန်ကို သူ့နာမည်ရှေ့တပ်ခဲ့တာလို့ သခင်မြက ပြောကြောင်း သခင်တင်မြက ရေးဖူးပါတယ်။

နောက်ထပ်ထူးခြားတဲ့ သတင်းတစ်ခုကို ကျွန်တော်ကြားဖူးခဲ့ပါသေးတယ်။ အဲဒါကတော့ မှုန်ကြီးဆိုတဲ့ ဦးစောတပည့်ဟာ အခု မြန်မာပြည်က သူဌေးကြီးတစ်ဦးရဲ့ ယောက္ခမနဲ့ သမီးရည်းစားဖြစ်ခဲ့ကြောင်းနဲ့ အဲဒီ သူဌေးသမီးကို လက်ထပ်ချင်တာနဲ့ ဒီလုပ်ကြံမှုမှာ ပါဝင်ခဲ့တယ်ဆိုတာပါပဲ။ ဒါလည်း ကျွန်တော့်မှာတော့ သက်သေအထောက်အထား မရှိပါကြောင်း။
~~~

မှတ်ချက်။ အာဇာနည်နေ့ အထိမ်းအမှတ်အနေနဲ့ ကိုမင်းအို ရေးသားထားတဲ့ Facebook က Note ကို ပြန်လည် ကူးယူ ဝေမျှ ဖော်ပြခြင်းသာ ဖြစ်ပါတယ်။

Saturday, July 16, 2011

Radio for Blood Mobile Organizer





သွေးလှူပွဲတွေ ကျင်းပပြုလုပ်တဲ့ လူတွေကို စင်္ကာပူကြက်ခြေနီက အမှတ်တရလက်ဆောင်အနေနဲ့ ပေးလိုက်တဲ့ ရေဒီယိုလေးပါ။

Friday, July 8, 2011

Birthday Cake



ရုံးက လုပ်ပေးတဲ့ မွေးနေ့ပွဲက ချော့ကလက် ကိတ်မုန့်ကြီးပါ။ အလုပ် လုပ်ခဲ့တဲ့ ၄ နှစ်ကျော် ကာလမှာ ဒုတိယအကြိမ်မြောက် လုပ်ပေးတဲ့ မွေးနေ့ပွဲပါ။ အလုပ်ဝင်တဲ့ နှစ်တုန်းက မွေးနေ့ပွဲ လုပ်ပေးပါတယ်။ အခုနှစ်မှာလည်း မွေးနေ့ပွဲ လုပ်ပါတယ်။ ကြားထဲက ၂ နှစ်မှာတော့ မေ့ထားတာလား မေ့နေတာလား မအားတာလား မသိပါဘူး။ ရုံးမှာ မွေးနေ့ပွဲ မလုပ်တာတော့ အတော်ကြာပါပြီ။

မွေးနေ့ပွဲအတွက် ကျေးဇူးတင်ထိုက်တဲ့ သူတွေကို ကျေးဇူးတင်တဲ့အနေနဲ့ အမှတ်တရ မှတ်တမ်းတင် သိမ်းထားလိုက်ပါရစေဗျာ။

Sunday, July 3, 2011

By the way - 04

ဘာရယ်တော့ မဟုတ်ဘူး။ စာမရေးဖြစ်တာ အတော်ကြာပေါ့။ မိန်းမ ရပြီးကတည်းက စာအရေးကျဲနေတာကို သတိထားမိတဲ့လူတွေ ရှိနေနိုင်ပါတယ်လေ။ မသိရင် ချစ်ချစ်က စာမရေးခိုင်းလို့ စာမရေးဖြစ်တာလို့ ထင်နေအုံးမယ်။ အမှန်ကတော့ ကိုယ်တိုင်လည်း မအားတာ ပါသလို စာရေးဖို့ စိတ်မပါတာလည်း ရှိတယ်။ စာရေးဖို့ စိတ်မပါတာက မထူးဆန်းပါဘူး။ သူများရေးတဲ့ စာတွေ မဖတ်နိုင်မှတော့ ကိုယ်တိုင်လည်း စာရေးချင်စိတ် မရှိတော့ပါဘူး။ ဟိုဟိုဒီဒီ ရေးဖို့ အကြောင်းတွေလည်း ခေါင်းထဲမှာ ခဏလေးပေါ် ခဏလေး ပျောက် ဖြစ်နေတယ်။ စာမရေးဖြစ်တာ တခြား မဟုတ်တာတွေ လုပ်ပြီး ရှုပ်နေတာလည်း ပါတယ်။ မဟုတ်တာ လုပ်တယ်ဆိုတာကို တခြား မတွေးပါနဲ့။ မျက်နှာစာအုပ်မှာ ဂိမ်းဆော့နေတာမျိုးကို ပြောတာပါ။ အခုတလော မဆိုသလောက်လေး အားလာလို့ စာလေး ရေးပါအုံးမယ်လေ။

ဘာရယ်တော့ မဟုတ်ဘူး။ ရုံးမှာ အပြောင်းအလဲတွေ အရမ်းများတယ်။ အုပ်ချုပ်ရေးက လူကြီးပိုင်းတွေ အလုပ်ထွက်တာတွေ ရှိတယ်။ သက်တော်ရှည်ကြီးတွေ အလုပ်ထွက်တော့ ကိုယ်တွေလို ငမြောက်ငခြောက်တွေ ဘာရယ်မဟုတ် မျက်ခုံးလှုပ်တာမျိုးပါ။ ခေါင်ချုပ်အသစ်လည်း ခန့်ထားတယ်။ ခေါင်ချုပ်အသစ်ဆိုတော့ ထုံးစံအတိုင်း ရက်ပေါင်း ၁၀၀ အတွင်းမှာ တော်လှန်ရေးတွေ လုပ်ကြသည်ပေါ့။ ပြုပြင် ပြောင်းလဲရေးတွေ အများကြီး လုပ်ဖို့ တာစူထားပုံပဲ။ ဟိုလူကို ဒီပြောင်း ဒီလူကို ဟိုပြောင်း၊ ဟိုဌာနနဲ့ ဒီဌာန ပေါင်း၊ အဲဒီလိုပဲ ဌာနအသစ်တွေ မန်နေဂျာအသစ်တွေ မြင်ရအုံးမယ်။ အလိုက်သင့်လေး ပြောင်းလဲနိုင်ဖို့ ပြင်ဆင်ရင်းနဲ့ အပြောင်းအလဲ ဆိုတာ သိပ်မကြိုက်တတ်တဲ့ ကျွန်တော်အတွက်တော့ ဘာတွေ ဖြစ်လာမလဲ ဆိုတာကို ရင်ခုန်ဖင်တုန် စောင့်စားရင်းပေါ့ဗျာ။

ဘာရယ်တော့ မဟုတ်ဘူး ဘုန်းကြီးအမှု ရွာပတ်နေတယ်။ ရုံးမှာ ကျွန်တော့်အဖွဲ့ထဲက ဝန်ထမ်းတယောက် အိန္ဒိယပြန်ဖို့ဆိုပြီး ၂ ပတ် ခွင့်တိုင်ထားပြီး ခွင့်ရက်ပြည့်တဲ့အချိန် ရုံးပြန်မတက်ဘူး။ တနလာင်္နေ့ ရုံးတက်ရမှာကို မတတ်နိုင်တဲ့ အကြောင်း အိန္ဒိယကနေ ဖုန်းဆက်ပြီး အကြောင်းကြားတယ်။ သူ့ ယောက်ခမက ပတ်စ်ပို့ သိမ်းထားလို့ ပြန်လာလို့ မရတဲ့အကြောင်း ပြောပြတယ်။ လိမ်တာလား အမှန်လား ဆိုတာတော့ ကျွန်တော်လည်း မသိဘူး။ အဲဒီလိုနဲ့ ၃ ပတ်ကြာတော့လည်း ပြန်မလာ၊ ၁ လ ကြာတော့လည်း ပေါ်မလာ၊ စာမလာ သတင်းမကြား။ စင်္ကာပူမှာ ငှားနေတဲ့ အိမ်ကို သူ့အသိ သူငယ်ချင်းတွေ သွားစုံစမ်းတော့ စင်္ကာပူကို ပြန်လာပြီး ၃ ရက်လောက် နေပြီး ခရီး ပြန်ထွက်သွားတယ်တဲ့။ အိန္ဒိယက သူ့မိန်းမကို ဖုန်းဆက်ကြည့်တော့ ကျွန်တော်တို့ရုံးက သူ့ကို အလုပ်ကိစ္စအတွက်နဲ့ အင်ဒိုနီးရှားကို သွားရမယ်လို့ ပြောထားတယ်တဲ့။ ကိုယ်တော်က ကြားထဲမှာ နှစ်ပင်လိမ်ပြီး ပျောက်နေပြီ။ အိန္ဒိယမှာလည်း မရှိ၊ စင်္ကာပူက အိမ်မှာလည်း မနေ၊ တကယ်ပဲ အင်ဒိုနီးရှားကို ထွက်သွားလား ဆိုတာလည်း မသိ။ အလုပ်မတက်ပဲ ခွင့်မဲ့ပျက်တာ ၃ ရက် ကျော်သွားရင် ရုံးရဲ့ စည်းကမ်းအတိုင်း အလုပ် ထုတ်ရတယ် ဆိုတော့ သူ့ အလုပ် လုပ်ခွင့် ပါမစ်ကို ဖျက်သိမ်းရတာပေါ့။ အခုလို မပြောမဆို အလုပ်ပြုတ်သွားတာ သူ့အတွက် နစ်နာနိုင်သလို ကျွန်တော်အတွက်လည်း လက်မောင်း ပြုတ်ပါတယ်။ အစစအရာရာ လက်လွှဲလို့ရတဲ့ ဝန်ထမ်းတယောက် မရှိတော့ သူ့အလုပ်တွေ ကျွန်တော်ဆီကို ရောက်လာသတည်းပေါ့ဗျာ။

ဘာရယ်တော့ မဟုတ်ပါဘူး။ ဟိုရေး ဒီရေးပါ။ နောက်များမှာ အခွင့်သင့်ရင် သင့်သလို စိတ်ပါရင် ပါသလို စာတွေ ရေးပါအုံးမယ်လေ။