.:: Download Myanmar Font (WinKalaw New Version) HERE ::.

Monday, November 9, 2009

Sun and Moon

ဒီနှစ်ရက်မှာ နေနဲ့လ အကျိုးမပေးပါ။ ရွှေနဲ့မြတော့ ဘယ်လိုနေမလဲ မသိသေးပါ။

နေထွက်ချိန် ရှုခင်းအလှ ဓါတ်ပုံရိုက်မယ်ဆိုပြီး ခဲလေသမျှ သဲရေကျရပါတယ်။ မနက်စောစောထပြီး လမ်းပြကို စောင့်ပေမယ့် ဆရာသမားက အိပ်ယာထ နောက်ကျပါတယ်။ နေထွက်ချိန် ကျော်သွားမှ ရောက်လာတော့ ဘာမှ လုပ်လို့ မရတော့ဘူး။ မထစဖူး မနက်စောစော ၅ နာရီမှာ အိပ်ယာထလိုက်ရတာပဲ အဖတ်တင်ပါတယ်။ ငွေပြန်အမ်းဖို့ အဆင်မပြေရှာတဲ့ လမ်းပြက နောက်ရက် မနက်မှာ ပြန်ပို့ပေးမယ် ဆိုလို့ အဲဒီမနက်ခင်းမှာ မနက်စာ စားပြီး အချိန်ကုန်လိုက်ရတယ်။ လူကတော့ အိပ်ချင်မူးတူးရုပ်နဲ့ လှနေရတာပေါ့။ ကိုယ့်ဓါတ်ပုံတောင် မရိုက်ရဲဘူး။ ဓါတ်ပုံ ပြန်ကြည့်ရင် လန့်မှာ စိုးလို့။

လရောင်အောက်မှာ လမ်းလျှောက်မယ် ဆိုလို့ ညကြီးမိုးချုပ် တောင်ပေါ်တက် တောထဲဝင်ခဲ့တယ်။ ဒါပေမယ့် ညနေစောင်းမှာ မိုးတွေ သည်းကြီးမည်းကြီး ရွာထားတယ်။ အဲဒီတော့ ညဦးပိုင်းမှာက တိမ်ဖုံးပါလို့ လမသာ ဖြစ်ခဲ့ရတယ်။ လမသာတာ အရေးမကြီးပေမယ့် မိုးရွာထားတာက ပြဿနာပါပဲ။ မိုးရေတွေနဲ့ ချောနေတဲ့ တောင်ကမ်းပါးယံ မညီမညာလျှောက်လမ်းတွေမှာ လှမ်းလျှောက်ရတဲ့ ခြေလှမ်းတွေက တန်ဖိုးကြီးလှပါတယ်။ ခြေတစ်လှမ်းမှာ သစ်မြစ်တစ်ခုကို တက်နင်းမိလို့ ခြေချော်ပြီး ဘေးနားက ချောက်ထဲကို ၀မ်းလျားမှောက်လေး လျှောဆင်းသွားတာ ကံသီပေလို့ သစ်မြစ်ကြီးကြီးတစ်ခုကို လက်နဲ့ ဖမ်းတွယ်ထားနိုင်ခဲ့တယ်။ သစ်မြစ်ကို ဖမ်းမိလို့ အောက်ထဲအထိ ဆက်မဆင်းသွားတာပါ။ စမ်းချောင်းတွေကို ဖြတ်ကူးတော့လည်း ကျောက်ခဲ မညီမညာတွေနဲ့ စမ်းရေထဲမှာ ကိုးယို့ကားယားပါပဲ။ လရောင်အောက်မှာ လျှောက်လှမ်းရတဲ့ စွန့်စားခန်း ရလဒ်ကတော့ လက်ဖ၀ါးနဲ့ ခြေသလုံးတွေ ပွန်းပဲ့ကုန်တာပါပဲ။ သေနှစ်တော့ မစေ့သေးဘူးပေါ့။

ညက ရထားတဲ့ လမင်းဒဏ်ရာတွေကြောင့် အီစိမ့်နေပေမယ့် နေထွက်ချိန် ရှုခင်းအလှကို ကြည့်ဖို့အတွက် နောက်နေ့ မနက်မှာ စောစောထပြီး တောင်ပေါ်ကို တက်ခဲ့သေးတယ်။ မနက် ၆ နာရီခွဲလောက်ကတည်းက စောင့်နေပေမယ့် မနက် ၇ နာရီခွဲအထိ ရှင်နေမင်းက ကိုယ်ရောင်ကိုယ်ဝါ မပြရှာပါဘူး။ ညက ရွာထားတဲ့ မိုးကြောင့် တောင်ပတ်လည်မှာ မြူခိုးတွေ ဝေနေရှာတယ်။ ကမ္ဘာလောကကြီးမှာ အလင်းတွေ တဖြည်းဖြည်း ဖြန့်ကျက်လာပေမယ့် နေမင်းကတော့ ပုန်းကွယ်နေတုန်းပဲ။ ဖြစ်နိုင်ရင် မြူခိုးတွေကို ပါးစပ်နဲ့ ဖူး... ဖူး... ဆိုပြီး မှုတ်ထုတ်လိုက်ချင်တယ်။

အခုတော့ နေမင်း နှိပ်စက်လို့ အိပ်ရေးပျက်ထားတဲ့ ဒဏ်ကြောင့် ဇီးကွက်မျက်လုံးလေး ဖြစ်နေတယ်။ လမင်း နှိပ်စက်လို့ ကိုယ်တွေလက်တွေ နာနေတယ်။ အတွေ့အကြုံဆိုတာ တန်ဖိုးကြီးကြီး ပေးရတာ သဘာဝပါပဲလေ။

7 comments:

ကောင်းကင်ပြာ said...

စိတ်ချမ်းသာခဲ့တယ်ဆို တန်ဖိုးကြီးကြီး ပေးရတဲ့ အတွေ့အကြုံတွေ အတွက် တန်မှာပါ..

khin oo may said...

10 Nov 09, 01:40
kom: ဒါလဲအမှတ်တရပါဘဲ။

mae said...

တောင်သွားတက်တာလား? ပျော်စရာကြီး

ဓာတ်ပုံ မရိုက်ဖြစ်လဲ အတွေ့အကြုံတစ်ခုပေါ့

နန်းညီ said...

ဖြစ်ရမယ်...
(ဖြစ်ကိုဖြစ်ရမယ်)

ရွှန်းမီ said...

ပြန်ရောက်လာပြီပဲလေ =)

Angel Shaper said...

အတွေ့အကြုံဆိုတာ တန်ဖိုးကြီးကြီး ပေးရတာ သဘာဝပါပဲလေ။
မှန်တယ်နော်။

sweetpeony said...

ပန်ဒါမျက်လုံး မဟုတ်ဘူးလားးးးးး
း)