.:: Download Myanmar Font (WinKalaw New Version) HERE ::.

Thursday, December 31, 2009

2009 Summary

၂၀၀၉ ခုနှစ်အတွက် အကျဉ်းချုပ်မှတ်တမ်းလေးပါ။ ဖြစ်ခဲ့တာတွေ ရှိခဲ့တာတွေကို အချိန်ကာလတစ်ခု အကြာမှာ မေ့သွားနိုင်တဲ့ သဘောရှိနေလို့ အရှိကို အရှိအတိုင်း မှတ်မိသလောက် ရေးမှတ်ထားလိုက်ပါမယ်။


ဒီနှစ်အတွင်းမှာ နိုင်ငံရပ်ခြားကို ခရီးနှစ်ခါ ထွက်ဖြစ်တယ်။ နီးနီးနားနား မလေးရှားပေါ့။ တစ်ခုက ရှေးလက်ရာ အဆောက်အဦးတွေရှိတဲ့ မလက္ကာ၊ နောက်တစ်ခုက စတော်ဘယ်ရီခြံ၊ လက်ဖက်ခင်းတွေနဲ့ အေးချမ်းလှတဲ့ ကင်မရွန်းကုန်းမြင့်။ အဲဒီလိုပဲ မြန်မာပြည်ကို နှစ်ခေါက်တောင် ပြန်ဖြစ်ခဲ့တယ်။ ပထမတစ်ခေါက်က သူငယ်ချင်း မင်္ဂလာဆောင်မှာ ဓါတ်ပုံပြန်ရိုက်ပေးတာပါ။ ကျိုက်ထီးရိုးဘုရားလည်း ဖူးဖြစ်လိုက်တယ်။ နောက်တစ်ခေါက်က ကိုယ်ရေးကိုယ်တာ ကိစ္စနဲ့ ခဏလေးပဲ ပြန်ဖြစ်ခဲ့တယ်။ အဲဒီတစ်ခေါက်က ရန်ကုန်မှာပဲ အချိန်ကုန်ခဲ့တယ်။


ဒီနှစ်မှာ ပီတိတွေနဲ့ ပျော်ခဲ့ရတဲ့အချိန်တွေ ရှိခဲ့တယ်။ အွန်လိုင်းကမ္ဘာက သူငယ်ချင်းတွေရဲ့ ပံ့ပိုးမှု အကူအညီနဲ့ မြန်မာပြည်အတွက် လူမှုရေးကူညီမှုနှစ်ခု လုပ်ပေးဖြစ်ခဲ့တယ်။ တစ်ခုက ခြင်ဆေးမှုတ်တာ။ ရန်ကုန်မှာ သွေးလွန်တုပ်ကွေးတွေ ဖြစ်လွန်းလို့ သက်သာရာ ရပါစေကြောင်း စာသင်ကျောင်းတွေမှာ ခြင်ဆေးမှုတ်၊ ခြုံရှင်း၊ မြောင်းဖော်ဖို့အတွက် အကူအညီတွေ ပေးဖြစ်ခဲ့တယ်။ နောက်တစ်ခုက အရုပ်လက်ဆောင်ပေးတာ။ သုခရိပ်မြုံဂေဟာက မိဘမဲ့ကလေးတွေ ပျော်ရွှင်ပါစေကြောင်း ခရစ်စမတ်နေ့မှာ အားဆေးတွေ မုန့်တွေ ကစားစရာအရုပ်တွေ လက်ဆောင်ပေးနိုင်ဖို့အရေး အဝေးကနေ စီစဉ်ပံ့ပိုးကူညီပေးခဲ့တယ်။ ပျော်ရွှင်မှုတွေ ဝေမျှနိုင်ခဲ့တယ်။


ဒီနှစ်အတွင်းမှာ ရင်ဘတ်တစ်ခုအပြည့် နာကျည်းစရာတွေ ရှိခဲ့တယ်။ တိုးလို့တန်းလန်း မပြတ်သားခဲ့တဲ့ အရာတွေကို သမင်လည်ပြန် ကြည့်စရာ မလိုလောက်အောင် ပြတ်သားတဲ့အဖြေတွေကို မျှော်လင့်ထားသလို ရခဲ့လိုက်တယ်။ သံယောဇဉ် လက်ကျန်တွေကြောင့် အရာရာကို အလျှော့ပေးပြီး အပြောင်းအလဲတစ်ခုကို စောင့်မျှော်ခဲ့ပေမယ့် ပြန်ရလာတဲ့ ရလဒ်ကတော့ အစိမ်းလိုက်ကွဲတဲ့ အသည်းနှလုံးတစ်ခုပါပဲ။ အတူပါလာတဲ့ သူငယ်ချင်းတွေရဲ့ တောက်ခေါက်သံတွေ ကြားကနေ မဲ့တဲ့တဲ့ အပြုံးတစ်ပွင့် ဖျတ်ခနဲ လင်းလက်သွားတယ်။ အချိန်က ကုစားမှာပါ။


ဒီနှစ်အတွင်းမှာ အွန်လိုင်းကမ္ဘာမှာ ကျပ်မပြည့်တဲ့လူတွေကြောင့် ဒေါသအလိပ်လိုက် ထိန်းမနိုင် သိမ်းမရ ထွက်ခဲ့ရတယ်။ ပုဆိုးခြုံထဲက လက်သီးပုန်းပြကြတဲ့ ဟိုမရောက် ဒီမရောက် ဘယ်လိုဟာမျိုးနဲ့ နှိုင်းရမှန်း မသိရလောက်အောင် အောက်တန်းစား ကလေက၀ထက် အဆင့်အတန်း နိမ့်ကျတဲ့လူတွေကို ကြုံခဲ့ရတယ်။ တို့မီး ရှို့မီးနဲ့ မဟုတ်မမှန် ပလီပလာ လုပ်ကြံဇာတ်လမ်းတွေ ဖန်တီးပြီး အပုတ်ချတာ နောက်ဆုံးမှာတော့ အပုပ်ချခံရတဲ့သူတွေခမျာ အပူအပုပ်တွေ ကင်းသွားရှာတယ်။ ၀မ်းနှုတ်ဆေးရဲ့ ရလဒ်ကတော့ ခင်မင်ရင်းစွဲ ရှိနေတဲ့သူအချင်းချင်း အရင်ကထက် ပိုပြီး စည်းလုံးသွားတယ်။ မိတ်ဆွေအသစ်တွေ ရလိုက်တယ်။


ဒီနှစ်မှာ ရွှေရုပ်ကလေး ကောက်ရတယ်။ ရင်မောရတဲ့ ဒုက္ခကို ခံစားဖူးသူတိုင်း သိကြမှာပါ။ ဦးဘညွှန့်ရဲ့ ချစ်ဒုက္ခ ဆိုတာ တကယ် ရှိတယ်။ အိပ်မရ စားမရ ငေးမှိုင်ရတဲ့ ဘ၀မျိုးပါ။ မုန်တိုင်းပြီးရင် လေပြေ လာလို့ တော်ပါသေးရဲ့။ နှလုံးသား ဟောက်ပက် ဇရပ်အိုကနေ အခုတော့ ဘ၀က မိုးဆန်းပန်းလို စိုစိုပြေပြေပါပဲ။ ကြော်ငြာထိုးတယ်လို့ မြင်ကုန်ကြတာကိုတော့ အားနာမိပါတယ်။ ဖြူစင်တဲ့ မြင့်မြတ်တဲ့ မေတ္တာတရားတွေကို ဘယ်အရာတွေနဲ့မှ အစားမထိုးနိုင်ဘူး ဆိုတာ အသေအချာပါပဲ။ အားကျ မနာလို မဖြစ်ကြပါနဲ့။


ဒီနှစ်အတွင်းမှာ အလုပ်အရမ်းများတယ်။ ဖိအားတွေလည်း အရမ်းများတယ်။ အလုပ်မှာလည်း ဗုံလုံတစ်လှည့် ငါးပျံတစ်လှည့် ဆိုသလိုမျိုး ချီးမွန်းခုနစ်ရက် ကဲ့ရဲ့ခုနှစ်ရက် ဖြစ်နေရတယ်။ စီးပွါးရေး မကောင်းဘူးဆိုတဲ့ ကာလမှာ ခန့်လိုက်တဲ့ ၀န်ထမ်းတွေကလည်း မန်နေဂျာရာထူးတွေကြီးပဲ။ ဗိုလ်တစ်ထောင်မှာ တပ်သားက တစ်ယောက် ဖြစ်နေရတယ်။ ဆရာများတော့ သားသေ ဆိုသလိုပဲ ဂျာများတော့လည်း ကားပါတယ်။ ရုံးကနေ ဘလော့ရေးဖို့ အချိန်ရတဲ့ အရင်လို ဘ၀မျိုးကိုတောင် ပြန်လည် တောင့်တမိတယ်။ အခုတော့များ စိန်ဗေဒါလို လက်မလည်တော့ဘူး။ ဒီညလည်း မိုးလင်းပေါက် အလုပ် လုပ်ရအုံးမယ်။


ဒီနှစ်လည်မှာ ကျန်းမာရေးကို စောင့်ရှောက်မှ ဖြစ်တော့မယ် ဆိုတဲ့ အသိတရား နိုးကြားလာလို့ အနေအထိုင် အစားအသောက် ဆင်ခြင်လာတယ်။ အသီးအရွက်တွေ ပိုစားဖြစ်ခဲ့တယ်။ ကျန်းမာရေး လေ့ကျင့်ခန်းတွေကို အချိန်ပေး လုပ်ဖြစ်လာတယ်။ အသက်ကို ဥာဏ်စောင့်တယ်။ ဒါပေမယ့် သိရဲ့နဲ့ မိုက်နေတာ ခက်လှတယ်။ ဒီလိုသာ မိုက်လုံးကြီးရင်တော့ ကမ္ဘာလုံးကားကြီး စီးရတော့မှာ မြင်လာပြီလေ။


ဒီနှစ်အတွင်းမှာ ဂီတနဲ့ ပိုပြီးနီးနီးစပ်စပ် နေဖြစ်လာတယ်။ အရင်ကတော့ ပွဲမှန်သမျှ ရှောင်ခဲ့တယ်။ အခုတော့ ဒူးရင်းသီးထဲက ဂီတပွဲတွေကို အချိန်ပေး နားထောင်ဖြစ်တယ်။ တေးသွား ကင်းမဲ့နေရင် ကမ္ဘာကြီးက ပျင်းဖို့ အတော်ကောင်းမယ်လေ။ အခုတော့ ဂီတပိုးလေး ၀င်လာတဲ့ သဘောပေါ့။ တယော ထိုးရင် ကောင်းမလား။ ကီးဘုတ် တီးရင် ကောင်းမလား စဉ်းစားလာပြီ။ အချိန်ပေးနိုင်ဖို့ အရင်ကြိုးစားရအုံးမယ်။ ကောက်ရိုးမီးတော့ မဖြစ်ချင်ဘူး။


ကျောင်းစာ မဖတ်ဖြစ်တာ အတော်ကြာပြီ။ လျှောက်သမျှ ကျောင်းတွေမှာ ၀င်ခွင့် မရတာလည်း ပါတာပေါ့။ စလုံးက ကျောင်းတွေတက်ဖို့ကို အရည်အချင်း မမှီသေးဘူး။ ဒီလိုနဲ့ ဦးနှောက်လည်း သံချေးတက်နေပြီ။ ဒီနှစ်ကုန်ပိုင်းမှာတော့ သင်တန်းတစ်ခု တက်ဖြစ်တယ်။ သင်တန်းဈေးက မနည်းလှဘူး။ တက်ရတဲ့ ရက်လည်း နည်းနည်းလေးပါ။ ဒါပေမယ့် အီးတစ်ပေါက်ပါပဲ။ အလုပ် မအားတာနဲ့ ကျောင်းပျက်ရတယ်။ စာမေးပွဲဖြေဖို့ စာကြည့်ရမယ် ဆိုတဲ့ အသိတရားတော့ ၀င်လာတယ်။ စမိမှတော့ ဆုံးအောင် လုပ်ရတော့မှာပေါ့။


ဘာပဲဖြစ်ဖြစ် ၂၀၀၉ ခုနှစ်ဆိုတာ ထားခဲ့ရတော့မှာပါ။ ရှေ့ဆက်ရမယ့် နှစ်သစ်မှာ အတ္တဟိတ ပရဟိတ မျှတတဲ့ ရိုးရိုးရှင်းရှင်း လူသားတစ်ယောက်အဖြစ်..... တစ်နေ့တစ်လံ ပုဂံ ဘယ်ရွေ့မလဲ ဆိုတဲ့ ထုံးကို နှလုံးမူပြီး ရည်ရွယ်ရာ ပန်းတိုင်ဆီကို ရောက်ဖို့ တရွေ့ရွေ့ မရပ်မနား လျှောက်လှမ်းနေအုံးမယ်။ နှစ်သစ်မှာ ဖြစ်ချင်လှတဲ့ ဆန္ဒတစ်ခုကတော့ သံသရာမှာ ကျင်လည်နေသမျှ ဘ၀တလျှောက်မှာ အပြုံးတုတွေကို မမြင်ချင်မိပါဘူး။

Image Credit: Mood Weather Report - Facebook

23 comments:

pandora said...

ရိုးရိုးရှင်းရှင်းလူသားတယောက်အတွက် ဖြူစင်အေးချမ်းတဲ့ အောင်မြင်ပျော်ရွှင်မှုတွေကို ၂၀၁၀ က သယ်ဆောင်လာပါစေ။

ShwunMi- said...

တစ်နေ့တစ်လံ ပုဂံက ရွေ့တော့မရွေ့ပေမယ့် ပုံစံပြောင်းသွားပြီ..ဆိုတော့ . . .
ဘာပဲဖြစ်ဖြစ် ဆုတောင်းတွေ ပြည့်ပါစေ =)

ကိုလူထွေး said...

တနေ့တလံ ပန်းကန် မီးဖိုချောင်ထဲမှာမို့

အလုပ်လုပ်ရင်း...
ထမင်းစားရင်း...
စာမေးပွဲဖြေရင်း...
တယောထိုးရင်း...
မုန်တိုင်းပြီးအောင်စောင့်ရင်း...

ပျော်ရွှင်ဖွယ် နှစ်သစ်မင်္ဂလာဖြစ်ပါစေလို့ ဆုတောင်းပေးပါတယ် ကိုဂျူလိုင်ရေ...

းဝ)

ခြေလှမ်းသစ် said...

အပြုံးတု တွေ မရှိမဲ့ နှစ်သစ်ကို ဖြတ်သန်းနိုင်ပါစေလို့

နေ့အိပ်မက် said...

၂၀၁၀ကုန်လို့ ဒီစာမျိုးထပ်ရေးရင် ပျော်ရွှင်တွေ့အပြည့်၊ အောင်မြင်မှုတွေ့အပြည့်နဲ့ စာမျိုးရေးနိုင်ပါစေလို့ လှိုက်လှိုက်လှဲလှဲ ဆုတောင်းပေးပါတယ် ကိုဂျူလိုင်

mae said...

၂၀၁၀ မှာ စိတ်ချမ်းသာမှုတွေများများ ရနိုင်ပါစေ

ကလူသစ် said...

Happy new year!!!!!!!!!!

Rita said...

ကွဲတဲ့ အသည်း ချက်ချင်းဆိုသလို ပြန်ဆက်လိုက်နိုင်တာ cheers! ပါ

ချစ်သမီး said...

julyDream: The object of a new year is not that we should have a new year. It is that we should have a new soul.
~~
G. K. Chesterto

ဒီစာသားလေး အရမ်းကောင်းတယ်.
လက်ခံတယ်.
စကားမစပ်
ငါလည်း
အပြုံးတုတွေကို မမြင်ချင်ဘူး။
အထူးသဖြင့် ငါ ချစ်ခင်သူတွေဆီကပေါ့။
အပြုံးတုလည်း မပြုံးချင်ဘူး။
အထူးသဖြင့် ငါ ချစ်တဲ့သူတွေအတွက်ပေါ့။
နောက်ဆုံးတော့
နှစ်နှစ်ခြိုက်ခြိုက် ပြုံးတတ်လာတယ်။
ဟိ

ချစ်သမီး said...

အဲ
မေ့တော့မလို့ 
ကျေးဇူးတင်ပါတယ် ဂျေဒီ။

may16 said...

2009 Summary ကို ကဏ္ဍစုံလင်စွာနဲ့ ရေးထားတာ အားကျပါတယ် . . ကိုယ့်ကိုယ်ကို လည်း ပြန်သုံးသပ်ရအုံးမှာ..

သုခုမလေဒီ said...

၂၀၁၀မှာ ဆန္ဒတွေပြည့်ပါစေ။
အပြုံးတုတွေနဲ့လည်းဝေးပါစေ။

Waing said...

ခရီးသွားခဲ့တာတွေ အလှူအတန်းလုပ်ခဲ့တာတွေအတွက် ၀မ်းသာကြည်နူးမိပါတယ် ဘ၀တလျှောက် အပြုံးတုတွေနဲ့ ကင်းဝေးနိုင်ပါစေ

မေကဆုန် said...

၂၀၁၀ နှစ်မှာလဲ ပျော်ရွှင်ချမ်းမြေ့ပါစေ

:P said...

happy new year !!

ရီမိုးပြည့်  said...

မင်္ဂလာနှစ်သစ်ပါ...

အပြုံးတုတွေနဲ့ ကင်းဝေးပါစေ......

Flower said...

နှစ်သစ်မှာပျော်ရွှင်ပါစေဂျူလိုင်ရေ...
ရဲရဲရင့်ရင့် အတွေးတွေနဲ့ အမြဲတမ်း လန်းဆန်း လတ်ဆတ်နေနိုင်ပါစေ....

ခင်တဲ့

Nge Naing said...

အပြုံးတုတွေနဲ့ ကင်းဝေးပါစေ။

khin oo may said...

ငွေမျောရင်ငွေနဲ့လိုက်ရတယ်ဆိုဘဲ။ အချစ်မျောတော့အချစ်နဲ့လိုက်ပေါ့။ အားကျမနာလို မဖြစ်. မုဒိတာဖြစ်ပါ၏။ အပြုံးတစ်ပွင့် ဖျတ်ခနဲ လင်းလက်သွားတယ်။ ဆိုတော့ အသားမဲလို့ဖြစ်ရမယ်။ တယောထိုးရင်တော့ပိုကောင်းပါတယ်။ အိမ်ပြောင်းရမှာပေါ့။ သုံးခါမြောက်လာဖတ်သည်။ အပြုံးအစစ်ဖြင့်လာပါသည်။ ၂၀၀၉ ခံစားချက များစွာနဲ့မို့လို့။က အကျယ်ချဲ့ရင်တော့မကုန်ထင်ရဲ့။ နစ်သစ်မှာ ချမ်းမြေ့ပါစေ ဂျုလိုင်။ိ

tg.nwai said...

၂၀၀၉ အနှစ်ချုပ်လေးရေးထားတာ သဘောကျသွားပါတယ်။ ရွှေရုပ်လေး ကောက်ရသွားတဲ့အတွက်တော့ ကြားကနေ ၀မ်းသာနေမိပြန်တယ်..:)

ကိုဂျူလိုင်ရေ..နှစ်သစ်မှာ အပြုံးတုများနဲ့ ကင်းဝေးပြီး ဖြူစင်တဲ့ မြင့်မြတ်တဲ့ မေတ္တာတရားတွေနဲ့ နွေးထွေးပျော်ရွှင်ပါစေလေ..

ရွှေပြည်သူ (ShwePyiThu) said...

သပ်ရပ်တိကျတဲ့ 2009 Summary ကို ဖတ်ရှုသွားပါတယ်။ 2009 ထဲက လှုမှုရေးကူညီမှုတွေမှာ ပါဝင်ခွင့်ပေးခဲ့လို့ အရမ်းကျေးဇူးတင်တဲ့အကြောင်း ထပ်ပြောပါရစေ ကို July ရေ။ 2010 က အောင်မြင်မှုနဲ့ ပျော်ရွှင်ချမ်းမြေ့မှုတွေကိုပဲ သယ်ဆောင်လာပါစေ...

PAUK said...

နှစ်သစ်မှာ ရွှေရုပ်ကလေးနဲ့ ပျော်ရွှင်နိုင်ပါစေ။။

juli said...

'အပုပ်ချခံရတဲ့သူတွေခမျာ အပူအပုပ်တွေ ကင်းသွားရှာတယ်' ဆိုလို့ ရယ်မိတယ်..

၂၀၁၀ ဆုတောင်းကတော့ မတောင်းပေးတော့ပါဘူး ၁လတောင် ကုန်သွားပြီပဲ..