.:: Download Myanmar Font (WinKalaw New Version) HERE ::.

Thursday, February 14, 2008

Naughty Girl

မိဆိုး

ရည်ရွယ်ထားတဲ့ ချောနှမအကြောင်းကို
လူတွေဝိုင်းပြီး ပြောပြကြတယ်
တဒင်္ဂခဏလောက် နားထိုင်းလိုက်ချင်တယ်။
ပြောပြတဲ့လူတွေကို မုန်းလိုက်ချင်တယ်
မယုံဘူးကွယ်...

ကောင်မလေးက ရည်စားများတယ်
လူတကာအသည်း လှည့်ပတ်ခွဲတယ်
အမလေး ကြောက်စရာလန့်စရာ
မင်းရဲ့ အကြောင်းတွေလည်း
ပြောပြတဲ့လူတွေသာ ရူးသွားပါမယ်
မယုံဘူးကွယ်...

မိန်းမဆိုး...
အဆိုးလေးမို့ကွယ် ကိုယ်ချစ်တယ်
ကိုယ့်အသည်း ခွဲသွားပါစေ
ချစ်နေမယ်...

လူတွေပြောတဲ့ မင်းရဲ့အကြောင်းကို
ကိုယ်လေ လက်တွေ့သိခဲ့ရတယ်
ကမ္ဘာကြီး အိုးထိန်းစက်ပမာ
သွက်သွက် လှည့်ပြီကွယ်
မင်းသတင်းကြောင့် မောင်တကယ်
အသည်းကွဲပြီဟယ် မိဆိုးရယ်...
ို
မိန်းမဆိုး...
အဆိုးလေးမို့ကွယ် ကိုယ်ချစ်တယ်
ကိုယ့်အသည်း ခွဲသွားပါစေ
ချစ်နေမယ်...

အဆိုတော်ကတော့ တူးတူး ပါ။ တေးရေးက စံသွင်(နမ္ပတူ) ပါ။ နွဲ့ယဉ်ဝင်းရဲ့ ဂျပန်ပြည်ကိုရေးတဲ့စာ ဆိုတဲ့ သီချင်းနဲ့ သံစဉ်အတူတူပါပဲ။ Without you ဆိုတဲ့ သီချင်းသံစဉ်ကို ကော်ပီကူးထားတာပါပဲ။ မူရင်းသီချင်းကို Badfinger အဖွဲ့က ၁၉၇၀ ထုတ် No Dice ဆိုတဲ့ Album မှာ သီဆိုခဲ့တာပါ။ မူရင်း တေးရေးဆရာကတော့ Peter Ham နဲ့ Tom Evans ပါ။ ဒါပေမယ့် မူရင်းသီချင်းကို နားမထောင်ဖူးခဲ့ပေမယ့် ၁၉၉၃ မှာ ထုတ်လုပ်ခဲ့တဲ့ Mariah Carey ရဲ့ Music Box Album မှာ Without you ကို နားထောင်ဖူးခဲ့ပါတယ်။ ဒါပေမယ့် ဘ၀မှာ အစောဆုံး နားထောင်ဖူးခဲ့တာက တူးတူးရဲ့ မိဆိုး ပါပဲ။

ငယ်ငယ်ကတည်းက လက်ဖက်ရည်ဆိုင်မှာ နေခဲ့ရသူဆိုတော့ ခေတ်ပေါ်စတီရီယို သီချင်းအတော်များများကို နားရည်ဝခဲ့ပါတယ်။ အဒေါ်တွေ ဦးလေးတွေ လက်ဖက်ရည်ဆိုင်မှာ ဖွင့်ခဲ့သမျှကို တကူးတက နားထောင်နေတာ မဟုတ်ပေမယ့် ကြားနေရပြန်ပါတယ်။ အဲဒီသီချင်းတွေထဲမှာ တူးတူးရဲ့ မိဆိုး ဆိုတဲ့ သီချင်းလေးရဲ့ သံစဉ်ကို အတော်လေး သဘောကျမိခဲ့တယ်။ သံစဉ် အတက်အကျ ရသစုံကို ပေးနိုင်တယ်လို့ မြင်မိပါတယ်။ သီချင်းစာသားလေးကလည်း ရည်စားများတဲ့ မိန်းမဆိုးလေး တစ်ယောက်အကြောင်းကို ရေးဖွဲ့ထားတော့ ယောကျာ်းလေး တစ်ယောက်အနေနဲ့ နားထောင်လို့ ကောင်းနေပြန်ပါတယ်။ ဒါပေမယ့် အဲဒီလို မိဆိုးမျိုးကိုတော့ ကျွန်တော့်ဘ၀မှာ မတွေ့ချင်မိပါဘူး။ အဲ... အဲဒီလို တွေ့ဖို့လည်း အခွင့်အရေးလည်း မရှိပေါင်။ စိတ်ပူစရာမရှိ စိတ်ပူတတ်တာက ကျွန်တော်ရဲ့ ကြောင်ကွက်တစ်ချို့ပါပဲဗျာ။

1 comment:

Unknown said...

တူးတူးရဲ့သီချင်းတွေကို အရင်တုန်းကတည်းက ကြိုက်ခဲ့တယ်။ MP3 တွေရှိရင် တင်ပေးပါလား။ ကူးချင်လို့ပါ။ ကျေးဇူးပဲနော်။