One more uneasiness

တစ်ပူပေါ် နှစ်ပူဆင့်ဆိုတာ ဒါမျိုးပဲ ထင်တယ်။ မြွေပူရာ ကင်းမှောင့်လို့ ပြောရင်လည်း ရတယ်။ ဗူးလေးရာ ဖရုံဆင့်ဆိုတာလည်း ဒါပဲလား။ ကံဆိုးမ သွားရာ မိုးလိုက်လို့ရွာ... ဆိုရင်လည်း ကိုဇူလိုင်တစ်ယောက် အရှင်လတ်လတ် ဘ၀ပြောင်းသွားအုံးမယ်။ အဲဒီတော့ ကံဆိုးထီး သွားရာ မိုးလိုက်လို့ရွာ ပြောင်းရမလားပဲ။ ခက်တာက မိုးရွာရင် ကိုဇူလိုင်က အေးဆေးပဲ။ ကံဆိုးတယ်လို့ကို မထင်ဘူး။ မိုးရေထဲမှာ လမ်းလျှောက်ရင်း ဆွေးဆွေးမြေ့မြေ့လေး ခံစားလွမ်းတတ်တာ တစ်ခုပဲရှိတာ။ ခက်တာက အခုဟာကြီးက ကံဆိုးတာလည်း ဟုတ်သေးပါဘူး။ အဲဒါလေးက ရှင်းလေ ရှုပ်လေနဲ့ လိုရင်းကို မရောက်တော့ပါဘူး။

ဒီအပတ်က ၂၄ နာရီ ၇ ရက် ဖုန်းဖြေပေးဖို့ တာဝန်ကျတဲ့ အပတ်။ ကိုယ်နဲ့ မသိတဲ့ ပရောဂျက်က ကိစ္စတွေ လာမေးရင်း အတော်လေးကို ခေါင်းစားတယ်။ ဟိုဟိုဒီဒီ ကွေ့ပတ်ပြီး ဖြေနေရတယ်။ နောက်ဆုံး ဘူတာက သက်ဆိုင်တဲ့သူဆီကို အီးမေးလ်ပို့ဖို့ ပြောယူရတာပါပဲ။ တချို့တွေက ကောင်းကောင်းမွန်မွန် ဆက်ဆံပေမယ့် တချို့တွေကျတော့ ဘာမှတောင် သေချာမပြောတဲ့ ၀ူးဝူးဝါးဝါးတွေ။ ဘာပဲဖြစ်ဖြစ် တာဝန်က တာဝန်ပဲလေ။ အဲဒီတော့ လာသမျှ ဖုန်းဖြေပေတော့။

ဒီရက်တွေမှာ မျှော်တလင့်လင့် ဖြစ်စေတဲ့ ကိစ္စတစ်ခုကို စီစဉ်နေတယ်။ အောင်မြင်ဖို့က ၅၀-၅၀ ရာခိုင်နှုန်းပဲ။ ဒါပေမယ့် အရင်ကလို ဇာတ်မျှောကြီး ဖြစ်နေရမှာထက်စာရင် ဖြူလားမဲလား တစ်ခုခု ကွဲပြားလောက်ပါရဲ့ဆိုပြီး အရဲစွန့်ထားတာ။ လောလောဆယ်မှာတော့ သောင်တင်ရေမကျပဲ။ အကောင်းဆုံးကို မျှော်လင့်ထားသလို အဆိုးဆုံးအတွက် ပြင်ဆင်ထားရမယ်။ ဒီတစ်ဆင့် အောင်မြင်ရင်တောင် ရှေ့မှာ ဆက်ရအုံးမယ့် ခရီးလမ်းက အရှည်ကြီးပဲ။ ဒါကြောင့် စိတ်ပင်ပန်းတာကတော့ အမှန်ပါပဲ။

အရေးထဲမှ အရာပေါ်ဆိုသလို ကိုယ့်ဘာသာကို အိပ်မရတဲ့ညများကို မေ့မရတဲ့စိတ်နဲ့ ကျော်ဖြတ်နေရချိန်မှာ တခြားအပူက လာကပ်နေတယ်။ ညနေပိုင်းမှာ စင်္ကာပူမှာ အလုပ်လုပ်နေတဲ့ ညီမ၀မ်းကွဲတစ်ယောက်က ဖုန်းဆက်တယ်။ နေ့လည်ကတောင် သူနဲ့ ဖုန်းပြောဖြစ်သေးတယ်။ ညနေပိုင်း ထပ်ဆက်တော့ ဘာများလဲပေါ့။ ပထမတော့ အလုပ်များ ဖြုတ်ခံလိုက်ရလားပေါ့။ အလုပ်ဖြုတ်ခံရလို့လား မေးတော့ သူက ဟုတ်တယ်ဆိုပဲ။ အဲဒါ စိတ်ညစ်တယ် ဘာညာ ပြောနေတယ်။ နေ့လည်ကတောင် အကောင်းကြီး ဘယ်လို ဖြစ်သွားပါလိမ့်ပေါ့။

နောက်မှ တခြားအသံတစ်ခု ဖုန်းထဲ ထပ်ဝင်လာတယ်။ ယောကျာ်းတစ်ယောက် အသံ။ အခုပြောနေတဲ့ ဖုန်းကို ချပစ်လိုက်ပြီး သူပြောတာကို ကျေးဇူးပြုပြီး နားထောင်ပေးပါဆိုပဲ။ သူပြောချင်တာလေး ပြောခွင့်ရပြီးရင် သူ ချက်ချင်း လှည့်ပြန်ပါမယ်တဲ့။ သဘောပေါက်လိုက်ပြီ။ ရည်းစားစကား လိုက်ပြောနေတာ။ ပြောနေတဲ့ ယောကျာ်းလေးကိုလည်း သိတယ်။ ကျွန်တော့်ညီမရဲ့ ဦးလေးဆီမှာ အလုပ်ဝင်ဖူးတဲ့ ၀န်ထမ်းတစ်ယောက်။ သူလည်း စင်္ကာပူမှာ အခြေကျလို့ ပီအာတောင် ဖြစ်နေပြီဆိုတာ သိထားတယ်။ သူက တရုတ်တန်းက ဆိုင်တစ်ဆိုင်မှာ အလုပ်လုပ်ပါတယ်။ ရှေ့တစ်ခေါက် တရုတ်နှစ်ကူးပွဲကို သွားတုန်းက အဲဒီတစ်ယောက်ပဲ လိုက်ပို့ပေးတာ။

ကျွန်တော့်ညီမကလည်း ကျွန်တော့်ညီမပဲ အေးအေးဆေးဆေး ဖြေရှင်းရမယ့်ဟာကို ဘယ်လိုဖြေရှင်းနေသလဲ မသိဘူး။ သူက ခါးခါးသီးသီး ငြင်းလေ ဟိုက စကားပြောခွင့် အတင်းတောင်းလေ။ အဲဒါနဲ့ နာရီဝက်လောက် တိုင်ပတ်နေတယ်။ ဟိုကလည်း သူသွားလေရာ နောက်ကို တကောက်ကောက် လိုက်နေတယ်။ ရုံးပေါ် ပြန်တက်ပြေးတော့လည်း ဓါတ်လှေခါးထဲအထိ လိုက်ဝင်တယ်။ တက်စီငှားတော့လည်း တံခါးဖွင့်ပြီး အတင်းဝင်ထိုင်လို့ ကားဆက်မငှားဖြစ်ပြန်ဘူး။ ရဲတိုင်ချင်လည်း တိုင်လိုက်ပါတော့တဲ့။ ရဲစခန်း ရောက်လည်း ရောက်ပါစေတော့ စကားလေးတော့ ပြောခွင့်ပေးပါဆိုပဲ။ ဖုန်းထဲမှာ အသံတွေကို အကုန်ကြားနေရတယ်။

ခက်တာက ကျွန်တော်လည်း ဘာမှ လုပ်ပေးလို့မရဘူး။ ကားငှားပြီး သူ့ရုံးကို လိုက်သွားရအောင်လည်း အဆင်မပြေပြန်ဘူး။ အဲဒါနဲ့ ဖုန်းထဲကနေပဲ အနုနည်းနဲ့ ဖြေရှင်းဖို့ တဖွဖွ ပြောယူရတယ်။ ညီမဖြစ်သူက ဒေါသထွက်နေတော့ ပိုဆိုးတယ်။ ဟိုကလည်း တောက်တဲ့ကပ်သလို ကပ်နေတယ်။ ကျွန်တော်လည်း နားတွေ ပူလွန်းလို့ စပီကာဖွင့်ပြီး နားထောင်ရတယ်။ နောက်ဆုံး ကားငှားပြီး အိမ်ပြန်ဖို့ ကောင်းကောင်းမွန်မွန် ပြောဖို့ သေချာမှာပြီး လိပ်ခဲတည်းလည်း အခြေအနေကို ဖြေရှင်းယူရတယ်။ ကားပေါ်အထိ ဆက်မလိုက်လာပဲ ပြန်သွားလို့ ဒီဇာတ်လမ်း ဒီနေ့မှာ ဒီလောက်နဲ့ ပြီးသွားတယ်။ နောက်နေ့တွေ ဘာတွေ ဆက်ဖြစ်မယ်ဆိုတာ ကျွန်တော်လည်း မသိသေးဘူး။

ဘယ်သူမှားတယ် မှန်တယ်လို့ မပြောချင်ပါဘူး။ နှစ်ယောက်စလုံးကို ရင်းရင်းနှီးနှီး သိနေထားတာကို။ အမျိုးနဲ့ အမျိုးလို ရင်းနှီးသူကြားမှာ ကျွန်တော်ဇူလိုင် စတင် ဆားညှပ်ပါတော့မယ်။ ညီမဖြစ်သူကလည်း သူ့ဦးလေးရဲ့ အလုပ်သမားလို့ သဘောထားပြီး လုံးဝ လက်မခံနိုင်ဘူးတဲ့။ ရန်ကုန်မှာတုန်းက မော်တောင် မကြည့်ရဲခဲ့သူက အခုလို လုပ်တာကို ပိုလို့တောင် စိတ်ဆိုး နာကျည်းနေလေရဲ့။ ဟိုတစ်ယောက်ကလည်း တခြားနည်းလမ်းတွေ ရှာဖွေစဉ်းစား သုံးသင့်တယ်လို့ ထင်မိတယ်။ အခုလို ရုပ်ပျက်ဆင်းပျက် ဖြစ်နေရတဲ့ အနေအထားမျိုးကို ရှောင်ကြဉ်သင့်တယ်လို့ မြင်မိတယ်။ ဘာလို ဖြေရှင်းပေးရမှန်းတောင် မသိတော့ဘူး။

ကျွန်တော့်ဘ၀မှာ အခုလို အတင်းအကျပ် ချစ်ရေးဆိုတာမျိုး တစ်ခါမှ မလုပ်ခဲ့ဖူးဘူး။ လုပ်စရာလည်း မရှိခဲ့ဘူး မဟုတ်လားလို့ စကားတင်း မဆိုကြပါနဲ့။ နူးနူးညံ့ညံ့ ရိုမန်တစ် ဖြစ်စေတဲ့ အနေအထားမျိုးတွေပဲ တကူးတက ဖန်တီးတယ်။ ကရကဋ်ပီပီ စိတ်ကူးယဉ် ဆန်လွန်းလို့ အများအားဖြင့် မအောင်မြင်တတ်ဘူး။ ထင်ထားသလို ဖြစ်မလာပါဘူး။ ဒါပေမယ့် ထင်တဲ့အတိုင်း မဖြစ်လို့ဆိုပြီး ဘယ်တော့မှ အကြမ်းနည်း မသုံးခဲ့ဘူး။ သုံးရင်လည်း ဘာအရှုပ်အရှင်းမှ မဖြစ်လောက်တဲ့ အနေအထားမှာ ရှိခဲ့ပေမယ့်လည်း လုံးဝ မလုပ်ခဲ့ဘူး။ အဓိက မာမားရဲ့ စကားတစ်ခွန်းက စိတ်ဆင်ရိုင်းကို ချွန်းအုပ် ထိန်းချုပ် လွှမ်းမိုးထားတာပါ။

အဲဒီစကားလေးက ...
ကိုယ့်မှာ ညီမအရင်းမရှိပေမယ့် ညီမအရင်းလို ကိုယ်ချင်းစာပါ...