.:: Download Myanmar Font (WinKalaw New Version) HERE ::.

Sunday, January 11, 2009

Poem for Bogyoke


ဇာနည်ဖွား

အမိမြေမှ သန့်စင်ကြရာ
သူကထူးခြား ဇာနည်ဖွါး၏။

သူငယ်ဘာဝ ဆော့မြူးကြလျှင်
သူကငေးကာ တနေရာမှ
မျက်လွှာမယှက်၊ အတွေးနက်၏။

ကျောင်းသားတကာ ဖွေရှာသိပ္ပ
အရွယ်စက ခေါ်တုန်ကြလည်း
သူကသတ္တိ ရဲရဲငြိလျက်
အမိမြန်မာ ရတနာသား
ဇာနည်ဖွားဟု ထင်ရှားပီပီ
ရှေ့သို့ချီ၏။

သြော်...ဇာနည်သတ္တိ တိုင်းမရှိ၍
သူ၏မေတ္တာ အထုမှာလည်း
နှိုင်းရာမရ ကြီးမားစွာကို
ကြုံရဘေးရန် အတန်တန်၌
နောက်ပြန်မတွန့် ရဲရဲဝင့်သည်
သက်စွန့်ခန္ဓာ ကြွေသည့်တိုင်။

နုယဉ်

ကျွန်တော့်အိမ်က အဖျော်ဆရာမလေး မေသူက နှစ်သက်မိသောကဗျာလေး ရေးပေးပါဆိုပြီး Tag ထားတာ ကြာလှပါပြီ။ အကြွေးက နှစ်တောင် ကူးသွားပြီ။ တကယ်ဆို ကျွန်တော်က ကဗျာတွေနဲ့ သိပ်ပြီး အကျွမ်းတ၀င် မရှိလှပါဘူး။ ကျောင်းသင်ခန်းစာမှာပါတဲ့ ကဗျာလောက်ပဲ ဖတ်ဖြစ်ခဲ့တယ်။ ကဗျာဖတ်ရတာထက် စကားပြေ ဖတ်ရတာကို ပိုပြီး နှစ်ခြိုက်ပျော်ဝင်မိခဲ့တယ်။ ဒါပေမယ့် ခင်မင်မှုကို လေးစားတဲ့အနေနဲ့ ကျွန်တော် ဒီစာကို ရေးဖြစ်အောင် ရေးမယ်လို့ ဆုံးဖြတ်ထားခဲ့ပါတယ်။ အဲဒါနဲ့ ကျွန်တော် ကဗျာတွေ ပြန်ဖတ်ရတော့တာပေါ့။

တော်လှန်ရေးအစိုးရခေတ်၊ ယဉ်ကျေးမှုဌာန ဗိုလ်ချုပ်အောင်ဆန်းပြတိုက်ထိန်းသိမ်းရေးကော်မတီက ၁၉၆၄ ခုနှစ် အာဇာနည်နေ့ အထိမ်းအမှတ်အဖြစ် ထုတ်ဝေခဲ့တဲ့ ဗိုလ်ချုပ်အောင်ဆန်း ကဗျာများ ဆိုတဲ့ စာအုပ်လေးက လက်ထဲမှာ ရောက်နေတာ ကြာလှပါပြီ။ ဒါပေမယ့် အထူးတလည် သေချာမဖတ်ဖြစ်ခဲ့ဘူး။ အဲဒီစာအုပ်ထဲမှာ စုစုပေါင်းကဗျာ ၁၀ ပုဒ်ပါပါတယ်။ သခင်ကိုယ်တော်မှိုင်း၊ ဟံသာဝတီဦးဘရင်ကအစ ဇော်ဂျီ၊ မင်းသုဝဏ်၊ နုယဉ်အလည်၊ ဘုတလင် ချစ်လေးအဆုံး ကဗျာဆရာ အစုံအလင် ပါဝင်ရေးသားခဲ့ပါတယ်။

အားလုံးထဲမှာ ဆရာမကြီးနုယဉ်ရေးတဲ့ ဇာနည်ဖွား ကဗျာလေးကို သဘောကျမိပါတယ်။ စကားပြေ ပြန်စရာ မလိုလောက်အောင် ကဗျာလေးက အနက်အဓိပ္ပါယ် ကျစ်လစ်ခိုင်မာ ထိမိရှင်းလင်းလှပါတယ်။ ဒါကြောင့် ကျွန်တော်ရဲ့ နှစ်သက်မိသောကဗျာလေးအဖြစ် ရွေးချယ်ဖော်ပြလိုက်ပါရစေဗျာ။

အစဉ်အလာအရ လက်ဆင့်ကမ်းရမယ်ဆိုရင်...
တူးတူးသာ
ကေသွယ်
နှင်းဆီနီ

1 comment:

အိမ် said...

ကဗျာလေးကို အရမ်းသဘောကျတယ်ဗျာ
ဘယ်တော့မှ မေ့မရတဲ့ ဗိုလ်ချုပ်အောင်ဆန်း
ရဲ့ အကြောင်းကတော့ ရေးဖွဲ့မကုန်တော့ဘူး
မကုန်သလောက်လဲ ဘယ်အချိန်ဖတ်ဖတ်ရိုးမသွားပါဘူးဗျာ