.:: Download Myanmar Font (WinKalaw New Version) HERE ::.

Sunday, July 29, 2007

Small irony of past YIT

ဝိုင်အိုင်တီခေတ်က ကျောင်းသူများနဲ့ ကျောင်းသားများ တစ်ဘက်နဲ့တစ်ဘက် နောင်ပြောင်ကျီစယ်တဲ့ ရယ်မောစရာ သံချပ်ကလေးတွေကို မစန္ဒာရဲ့ ဂျီဟောသူ စာအုပ်ထဲက ကူးယူဖော်ပြလိုက်ပါတယ်။ အဲ့ဒီလို ပျော်စရာတွေကို မကြုံလိုက်ကြတဲ့ လှိုင်သာယာကျောင်းမှ ၀ိုင်တီယူ မောင်နှမတွေအတွက် လွမ်းစရာ အမှတ်တရတစ်ခုပါ။ ဘ၀အမော စိတ်သောကတွေကို ရယ်မောခြင်းနဲ့ ပြေပျောက်ပါစေဗျာ။

စက်မှုကျောင်းသား ဂေါ်ငမ်းပွေ၊
မိန်းမရှာတောင် ရှောင်ဘူးဆိုပဲ။

------------------

(အနှစ်နှစ်အလလက ဆောက်နေပြီး မပြီးနိုင်သေးသော စက်မှုရေကူးကန်ကို)

ဟိုရှေ့က ကန်သာ ကန်သာ၊ စက်မှုကန်သာ
ကမ္ဘာမှာ စံတင်ထား၊ အံ့ဖွယ်တစ်ပါး၊
ဘိုးဘွားမှ မြေးမြစ်တီ ပြီးလုပါပြီ
ရာပြည့်မီ ဒီကန်ထဲ ကူးရမလွဲ။

------------------

(စားမကောင်းသော အဆောင်ဟင်းများကို)

ဘဲဥခြမ်း ဖြူတူတူ ... ဆားရေနဲ့ကူ၊
စက်မှုသူ အမူတုံး၊ ဘဲဥနဲ့ ဖုံး။

ဟိုမလေ ဒီမလေ ဟင်းချိုရေ ပန်းကန်ထဲ
ပိုက်ကျရေ ပူပူနွေး ဆားကလေးနဲ့တဲ့။

အရိရယ် အရွဲရယ် ခြေရိုးတဲ့ကွယ် ...
လည်ချောင်းသွယ်၊ တောင်ပန်ကား၊ စက်မှုကြက်သား။

ဟော ဒီမှာ ဟော ဒီမှာ အခေါက်မှာ အဆီထွေး
မွှေးညိုညို၊ ပင်ချင်းယှက်၊ ၀က်ဟင်းတဲ့လေး။

------------------

(လာသမျှလူနာကို ဆေးထိုးလွှတ်သော ကျောင်းမှ ဆရာဝန်ကို)

မမှုပါ အို ငါ့ရှင်၊ အားနည်းလာရင် ...
ဗီတာမင် အေ တူ ဇက်၊ ဆေးရုံကထွက်၊
ဝမ်းကို့စ်တဲ့ လုံးတစ်ရာ၊ ဆေးလာထိုးပါ၊
ဒို့ ဒေါက်တာကိုလူဖြောင့် အပ်ကြီးနဲ့စောင့်။
ဝမ်းကို့စ်တဲ့ လုံးတစ်ရာ၊ ဆေးလာထိုးပါ၊
တင်ပါးမှာ ဘယ်ညာယှက်၊ ထိုင်ရခက်ခက်။

------------------

နှာခေါင်းပိတ် မခံနိုင်၊ ငုတ်တုတ်ရင်ဆိုင်၊
ရနံ့ ကြိုင် ထိုင်မရ၊ ဒို့ အိမ်သာဗျ။

------------------

ကျောင်းသား။ တံခါးပိတ်လို့ ၊ ဖျာလိပ်ကာ ... နတ်မေးတာဟာ သူတို့အကျင့်။
ကျောင်းသူ။ တိုးတိုးတိတ်တိတ် ကျိတ်လို့သာ ... ဂဏန်းတွက်တာ သူတို့အကျင့်။

ကျောင်းသား။ ငါးပိကြော် ဆယ်ပြားဖိုး၊ ဆယ်ယောက်တိုးတာ ကြည့်မကောင်းဘူး။
ကျောင်းသူ။ ထမင်းစားခန်း ယောင်မှားဝင်၊ ငွေမသွင်းရင် ပြန်ထွက်ပြန်ထွက်။

ကျောင်းသား။ စိတ်မဆိုးပါနဲ့ ဆွေကလျာ ... ဒို့တတွေဟာ မောင်နှမတွေပဲ။
ကျောင်းသူ။ မောင်နှမတွေမို့၊ ပျော်ပျော်ရွှင်ရွှင် ... ခင်မင်တာတွေ၊ ပြောလို့မဆုံး။

2 comments:

Anonymous said...

I miss all the events.............

khin oo may said...

ဖတ်အားကောင်းသလို မှတ်အားလဲကောင်းလှတယ်။