Proud of being a Myanmar

မြန်မာတစ်ယောက်ဖြစ်ရတာ ဂုဏ်ယူပါသလား .....

မြန်မာဆိုတာ ဗမာလူမျိုးကိုပဲ ဆိုလိုတာ မဟုတ်ဘူးနော်။ မြန်မာပြည်သား အားလုံးကို ဆိုလိုတယ်။ မြန်မာမှာ မွေး၊ မြန်မာမှာ ကြီးလာခဲ့တဲ့ လူအားလုံးကို အကျုံးဝင်တယ်။ မြန်မာပြည်ပေါက် ပန်ဂျာပီရော၊ မြန်မာပြည်မွေး ပေါက်ဖော်လေးရော အကုန်ပါတယ်။

ကဲ ... မြန်မာဖြစ်ရတာ ဂုဏ်ယူပါသလား တဆိတ်လောက် ဖြေပေးကြပါဦးဗျာ။

လူအမျိုးမျိုး စိတ်အထွေထွေ ရှိတာကို သိပါတယ်။ နားလည်ပါတယ်။ အမြင်တွေ မတူရင်လည်း လွတ်လပ်စွာ ကွဲလွဲနိုင်ကြပါတယ်။ အမြင်မတူတိုင်း ရန်သူမဖြစ်ပါဘူး။

မြန်မာပြည်သည် တို့ပြည် ...
မြန်မာစာသည် တို့စာ ...
မြန်မာစကားသည် တို့စကား ...
ငယ်ငယ်တုန်းက အလယ်တန်းကျောင်းမှာ အမျိုးသားနေ့အကြောင်း သင်ခဲ့တုန်းက သင်ခဲ့ရတဲ့ ရွတ်ခဲ့ရတဲ့ စာသားလေးပါ။

ဒီပြည်မှာမွေး ဒီပြည်မှာကြီးခဲ့တာမို့ မြန်မာပြည်သည် တို့ပြည်လို့ ဆိုဝံ့ပါတယ်။ ဒါပေမယ့် မြန်မာစာနဲ့ မြန်မာစကားကတော့ တို့စကား မဟုတ်ပါဘူး။ သို့ပေမယ့် မြန်မာစာနဲ့ မြန်မာစကားကိုတော့ အလွန်လေးစား၊ မြတ်နိုး၊ တန်ဖိုးထားပါတယ်။ ဒီစကားကိုပဲ ပြောဖြစ်နေတယ်။ ဒီစကားနဲ့ပဲ ရေးဖြစ်နေတယ်။

ဒီမြေဒီရေမှာ မွေးပြီး ကြီးပြင်းလာခဲ့လို့ ဒီမြေဒီရေကို အရမ်းချစ်မိပါတယ်။ ဒါကြောင့် နိုင်သလောက် ပြန်ပေးဆပ်နေတာပါ။ ဆက်လက်လဲ ကြိုးစားနေဆဲပါ။ တမြေခြားကို ရောက်ခဲ့ပေမယ့်လဲ အပြီးအပိုင် ခေါင်းချနေထိုင်ဖို့အထိ မရည်ရွယ်ထားပါဘူး။ မြန်မာပြည်ကိုပဲ တကူးတက ပြန်လာပြီး ခေါင်းချမယ်လို့ စိတ်ကူးထားပါတယ်။

ဘာဖြစ်လို့လဲဆိုတော့ မြန်မာပြည်က အရမ်းချစ်စရာ ကောင်းလွန်းလို့ပါ။ ဘာအရောင်တွေမှ မဆိုးထားတဲ့ အဖြူရောင် နှလုံးသားလေးနဲ့ ခံစားကြည့်လိုက်ပါ။ အရိုးခံမျက်စိနဲ့ပဲ ကြည့်လိုက်ရင် မြန်မာဟာ တကယ်လှပါတယ်ဗျာ။

ကြမ်းကျွံရင် နှုတ်လို့ရပေမယ့် စကားကျွံရင် နှုတ်လို့မရဘူးဆိုတာကို ကျွန်တော်သိလျှက်သားနဲ့ အပေါ်ကစကားတွေကို အခါခါ ပြောနေမိတယ်။

မြန်မာဖြစ်ရတာ ဂုဏ်ယူစရာဆိုလို့ တောတောင်ရေမြေ သဘာဝအလှတွေပဲ ရှိပါတယ်လို့ မဆိုလိုဘူးနော်။ ရိုးသားမှုတွေ၊ ချစ်ခင်စဖွယ် အပြုံးတွေ၊ ဖြူစင်တဲ့ စေတနာတွေ၊ ယဉ်ကျေး သိမ့်မွေ့တာတွေ၊ ရိုင်းပင်းကူညီမှုတွေကလည်း ချစ်ဖို့ကောင်းပါတယ်။ အခုနောက်ပိုင်းတော့ တချို့သောသူတွေကြောင့် အဲဒီအလှတွေ အနည်းငယ် ပျောက်ဆုံးနေသလို ခံစားရပါတယ်။ မြန်မာဖြစ်ရတာကို ရှက်မိတယ်ဆိုတဲ့ သူတွေလည်း တွေ့လာခဲ့ရပါတယ်။

မြန်မာဆိုတာ ရွှေကျောင်းပြောင်ပြောင် ၀မ်းခေါင်ခေါင်လား။

ကမ္ဘာမီးလောင် သားကောင်ချနင်းလို့ပဲလား။ လွမ်းရေးထက် ၀မ်းရေးက ခက်နေလို့ပဲလား။
မြန်မာတွေ ဘနဖူး သိုက်တူးနေကြတာလား။ မြန်မာတွေ သားရေနားအိပ် သားရေနား စားတာလား။

ဒါပေမယ့် လက်ရှိ စုန်းပြူးလေးတွေကြောင့် ငါးခုန်းမလေးတွေကြောင့် မြန်မာတွေ ဒီလိုမျိုးအလှ မရှိဘူးလို့ ယူဆလိုက်ရင် မှားသွားမှာပေါ့ဗျာ။ အဲဒီ အလှဖျက်နေတဲ့ အမျိုးဂုဏ်မထောက်တဲ့ မြန်မာတစ်ချို့ရဲ့ မျက်တောင်တစ်ထောက်စာ လုပ်ရပ်တွေကို မကြည့်ဘဲ အရိုးခံမြန်မာစစ်စစ်တွေကို အသေအချာ တစ်ခေါက်လောက် ပြန်လှည့်ကြည့်လိုက်ပါအုံး။ တကယ်လှတဲ့ မြန်မာကို တွေ့လာပါလိမ့်မယ်။

ကဲ .... နောက်တစ်ခါ ထပ်ပြောအုံးမယ်။ ကျွန်တော် မြန်မာတစ်ယောက်ဖြစ်ရတာ ဂုဏ်ယူမိပါတယ်ဗျာ။