The more you love someone

မိုးတိမ်ဖျားက မာနတွေ
ဘယ်ရောက်နေသလဲ မသိပေမယ့်
အချစ်ကြီးသူက ရှုံးတာပါပဲလေ။

Spring Roll and Samusa

ဖုန်းဆက်မရလို့ အိပ်မရတဲ့ညတွေ
ဗိုက်ဆာဆာနဲ့ ရန်ကုန်အလွမ်းပြေ
ငါးခြောက်ဖုတ်တော့ မဟုတ်ဘူးကွယ်
ဘာလဲဆိုတာ စာတန်းထိုးပေးရမယ်ဆိုရင်
အမည်မသိလူကြီးမင်းများ လက်ခုပ်တီးပေးပါ။

Reflect on the past

ဖြတ်သန်းခဲ့တဲ့ဘ၀တလျှောက်မှာ တံဆိပ်ကပ်ခံရတာ ကြုံဖူးကြမှာပါ။ ကိုယ်က သူများကို တံဆိပ်ကပ်ခဲ့သလို ကိုယ်တိုင်လည်း တံဆိပ်အကပ်ခံဖူးကြမယ် ထင်ပါတယ်။ Click...

ဇူလိုင်အိပ်မက်ဆိုတာ ဘာလဲ... မသိလို့ မေးတာလား။ သိရဲ့နဲ့ မေးတာလား။ Click...

လိမ္မာတယ် တော်တယ် ကောင်းတယ် မြင်နေတဲ့သူတွေအတွက်ပါ။ ကျွန်တော် အမောင်ဇူလိုင် ဆိုးသွမ်းတာတွေ အများကြီးပါ။ အူကြောင်ကြောင်လည်း လုပ်တတ်ပါတယ်။ ဂွတီးဂွကျနေတာလည်း ရှိပါတယ်။ ဘုကလန့်နဲ့ ရိုက်ချင်စရာ ကောင်းအောင်လည်း ပြောတတ်ပါတယ်။ ဒါကြောင့် အသားလွတ် အထင်ကြီးတော် မမူကြပါနဲ့။ Click...

လူဆိုးလေးလားပေါ့။ ကိုယ့်ဘာသာကိုယ် ခေါင်းစဉ်ပေးပြီး ပြန်ကြည့်မိတော့ မသတီလိုက်တာ။ ဒီအသက် ဒီအရွယ်နဲ့ လူဆိုးလေးတဲ့ အဟက်။ အမှန်ဆိုး လူဆိုးအဖိုးကြီးလားလို့ ရေးရမယ် ထင်တယ်။ Click...

ကျေးဇူးပြုပြီး ကျွန်တော့်အပေါ်မှာ အများကြီး မတွေးထားပါနဲ့။ အများကြီး မမျှော်လင့်ပါနဲ့။ ကျွန်တော်ဟာ လူတွေထဲက သာမန်လူတစ်ယောက်ပါ။ ကျွန်တော်မှာ ခေါင်းနှစ်လုံး မပါပါဘူး။ Click...

ကျွန်တော့်အတွင်းစည်းထဲမှာ ကျွန်တော်ဟာ လူကြမ်းတစ်ယောက်ပါပဲ။ အပြင်စည်းမှာတော့ အေးဆေးပါ။ လူကြမ်း ဆိုတဲ့အတိုင်း လူမုန်းများပါတယ်။ လူမုန်းများတဲ့အတွက် မကြာခဏ အဆော်ခံထိပါတယ်။ မြို့မေတ္တာ ခံယူရပါတယ်။ Click...

~~~~~~

မေ့နေတဲ့သူတွေအတွက်ရော... မသိသေးတဲ့သူတွေအတွက်ရော... ရည်စူးပြီး ချီးခြောက်ရေနူးတာပါ။ ဒီပို့စ်ကို ပါးစပ်ဟပြီး မဖတ်ဖို့ ကြိုတင် မပြောမိတာကိုတော့ ခွင့်လွှတ်ပါဗျာ။ စာဖတ်တဲ့အချိန်မှာ နှာခေါင်းလေးကိုတော့ အုပ်ထားသင့်ပါတယ်လေ။ အမြင်မတော်တာရှိရင် ခွင့်လွှတ်ပါနော်။

Sweet Chilli

လက်သီးပုန်းပြတဲ့ကောင်တွေကို ကျွေးမလို့...

ချိုမြိန်ဒုက္ခတွေ ပါးစပ်ကနေ မ၀င်တော့ရင်
ကျန်တဲ့ဒွါရပေါက်တွေကနေ ထောင်းပြီးထည့်ပေးမယ်...

စေတနာဗလပွနဲ့ အများကြီးတော့ မကျွေးပါဘူး
ဝမ်းကိုက်တယ်ဆိုရုံလောက်ပဲ မေတ္တာထားပါတယ်...

Snow from winter

ဆောင်းရယ် နှင်းရယ် ကိုယ့်ချစ်သူရယ်

ဆောင်းမှာ မွေး၍ နှင်းမှာ သန္ဓေတည်
ကိုယ်ချစ်သော ဆောင်းမင်းသမီးရယ်ကွယ်
ဆောင်းရယ် နှင်းရယ်
ကိုယ့်ချစ်သူရယ် အတူတူပါပဲကွယ်...

ဆောင်းရယ် နှင်းရယ်
ကိုယ့်ချစ်သူရယ် အတူတူပါပဲ
အသည်းမှာအမြဲ တင်စားကမ္ပည်းခြယ်...

ဆောင်းဆိုသည်က
အေးမြခြင်းကို သရုပ်ဆောင်တယ်
ငွေနှင်းမြူက
သန့်စင်တယ်လို့ အဓိပ္ပါယ်ကိုယူမယ်
ချစ်သူကကွယ်
ဆောင်းနှယ်အေး၍ နှင်းလိုဖြူတယ်
ဆောင်းရယ် နှင်းရယ်
ကိုယ့်ချစ်သူရယ် အတူတူပါပဲကွယ်...

နှင်းမြူနှယ် အဆင်းဖြူတယ် ယမင်းနှယ်
အချစ်ရဲ့အသည်းနှလုံးက နှင်းလိုဖြူစင်တယ်
ပုလဲလိုကွယ် အမြဲကိုယ် တကယ်
အသည်းဝယ် ယုယချစ်မယ်
ချစ်သူရယ် လှစ်ကြူတယ် စကားရယ်
ဆောင်း၌သွေး ညင်းလေပြေနှယ်
ကိုယ့်ရွှေဘ၀င် အသည်းမှာကွယ်
အမြဲတကယ် အေးမြလှတယ်...

ဆောင်းဆိုသည်က
အေးမြခြင်းကို သရုပ်ဆောင်တယ်
ငွေနှင်းမြူက
သန့်စင်တယ်လို့ အဓိပ္ပါယ်ကိုယူမယ်
ချစ်သူကကွယ်
ဆောင်းနှယ်အေး၍ နှင်းလိုဖြူတယ်
ဆောင်းရယ် နှင်းရယ်
ကိုယ့်ချစ်သူရယ် အတူတူပါပဲကွယ်...

တေးရေးဆရာက စန္ဒရားလှထွတ်ပါ။ ဆိုတဲ့သူက တွံတေးသိန်းတန်လည်း ဆိုဖူးသလို စန္ဒရားလှထွတ်လည်း ဆိုပါတယ်။ တစ်ယောက် တစ်မျိုးစီ နားထောင်လို့ ကောင်းပါတယ်။ အဲဒါကို အမေတို့ခေတ်က သီချင်းလို့ ပြောရမလားပဲ။ ငယ်ငယ်တုန်းက ညီအငယ်ကို ပုခက်ထဲ ထည့်သိပ်ရင် မာမားက အဲဒီသီချင်း ဆိုလေ့ရှိတာ မှတ်မိနေတယ်။ တခါတလေ သနပ်ခါး သွေးရင်းနဲ့လည်း ဆိုလေ့ရှိပြန်တယ်။ ထမင်းအိုး ငှဲ့ရင်းနဲ့လည်း အဲဒီသီချင်း ငြီးတတ်ပြန်တယ်။

လမ်းထိပ်က ဆွမ်းလောင်းဓမ္မာရုံလည်း ၀ါတွင်းကာလ အာရုံဆွမ်းလှူဖို့အတွက် ဥပုသ်နေ့တိုင်း အလှူခံမဏ္ဍပ် ဖွင့်လေ့ရှိတယ်။ လော်စပီကာ အော်လံကြီး ၂ ခုကို ဟိုဘက်ထိပ် ဒီဘက်ထိပ်မှာ ချိတ်ပြီး အဲဒီလို သီချင်းတွေကို တနေကုန် နေစောင်းတဲ့အထိ ဖွင့်ထားကြတယ်။ အော်လံတစ်ခုက အိမ်ရှေ့တည့်တည့်ကို ချိန်ထိုးထားသလို ဖြစ်နေတော့ ဥပုသ်ရက်လေး ကျောင်းပိတ်လို့ အိမ်ထဲမှာများ အေးအေးလူလူ ဆော့ရမလား မှတ်တယ်။ သီချင်းသံကြားမှာ ကုန်းအော်တောင် အသံမကြားရဘူး။ မဆော့ရလို့ တီဗွီဖွင့်တော့လည်း အသံဂိတ်ဆုံး ဖွင့်ပေမယ့် အော်လံအသံကို မကျော်နိုင်ရှာပါဘူး။ အဲဒါကြောင့် ငယ်ငယ်တုန်းကတော့ တောသီချင်းတွေဆိုပြီး အတော့်ကို နားငြီးခဲ့ အမြင်ကပ်ခဲ့မိပါတယ်။

အခုတလော အဲဒီ ဆောင်းရယ် နှင်းရယ် ကိုယ့်ချစ်သူရယ်ကို ပြန်နားထောင်ဖြစ်မိနေတယ်။ စန္ဒရားလှထွတ် ဆိုထားတဲ့ သီချင်းက စက်ထဲမှာ ရှိနေတော့ အိမ်မှာ ရှိနေတဲ့အချိန် ဖွင့်ဖြစ်တယ်။ စာသားတွေကို သေချာ ဂရုစိုက်မိရင် ဂွတ်ရှယ်ပဲလို့ ပြောမိမှာပဲ။ အဲဒီသီချင်းကို နားထောင် ကောင်းလို့ ကြိုက်မိပါတယ်။ စာသားတွေ လှလွန်းလို့ သဘောကျမိပါတယ်ဗျာ။

Hungry Ghost Festival

ဆေးလိပ်အနံ့ရရင် ကိုယ်ဝန်သည်လား ထင်မှတ်မှားရလောက်အောင် အော့အန်သလိုမျိုး ဖြစ်တတ်လွန်းလို့ ဆေးလိပ်သောက်တတ်တဲ့ သူငယ်ချင်းတွေ ခပ်လှမ်းလှမ်းမှာသွားပြီး ဆေးလိပ် သောက်ကြရတယ်။ ရန်ကုန်က ပြန်လာတဲ့နောက်ပိုင်း ကျန်းမာရေးအတွက် ညတိုင်းနီးပါး ဟိုဟိုဒီဒီ ပတ်ပြေးဖြစ်ပေမယ့် ဒီလထဲမှာ ပြေးရတာ အဆင်မပြေလှပါဘူး။ အခုလ တစ္ဆေကြီးပွဲတော်မှာ ရှို့လိုက်ကြတဲ့ ရွှေစက္ကူ ငွေစက္ကူတွေ၊ ထွန်းလိုက်ကြတဲ့ အမွေးတိုင်တွေ မီးခိုးတွေ တလူလူပါပဲ။ နဂိုကတည်းက မီးခိုးအနံ့ရရင် အသက်ရှုရတာ မ၀တဲ့သူဆိုတော့ ဒုက္ခလှလှကြီး တွေ့တော့တာပါပဲ။ အဲဒါကြောင့် အဲဒီပွဲတော်ကို အတော်လေး အမြင်ကပ်ပါတယ်။

တရုတ်ပြက္ခဒိန်ရဲ့ ခုနစ်လပိုင်း ၁၅ ရက်နေ့ဟာ တစ္ဆေကြီးနေ့ပါပဲ။ ဒါကြောင့် ခုနစ်လပိုင်းကို တစ္ဆေသရဲတွေရဲ့ လလို့ ပြောလို့ရပါတယ်။ အဲဒီလမှာ ၀ိဥာည်လောကရဲ့ ဂိတ်တံခါးကြီး ဖွင့်တယ်လို့ ပြောကြတယ်။ အဲဒီတော့ သရဲ တစ္ဆေတွေ လူ့လောကထဲကို ဗီဇာမလိုပဲ အလည်လာလို့ ရကြတယ်တဲ့။ လူ့လောကထဲကို အားလပ်ရက် အပန်းဖြေခရီး ထွက်သလိုမျိုးပေါ့။ အဲဒီလို သရဲ တစ္ဆေတွေ အလည်လာတော့ လူ့လောကမှာ ရှိနေသေးတဲ့ သားသမီးတွေ ဆွေမျိုးတွေက အစားအသောက်တွေကို အိမ်အပြင်မှာထုတ်ပြီး ဧည့်ခံကျွေးမွေးကြပါတယ်။ အိမ်ထဲမှာတော့ မကျွေးပါဘူး။ အိမ်ထဲဝင်လာမှာကို ကြောက်ပုံပဲ။ သိပ်ချစ်ကြတာပဲ။

တစ္ဆေကြီးပွဲမှာ လူတွေက ရွှေစက္ကူ ငွေစ​က္ကူတွေကို မီးရှို့ကြပါတယ်။ မီးရှို့စက္ကူမှာ ဒေါ်လာပုံစံတွေတောင် ပါလိုက်သေးတယ်။ အဲဒီလို မီးရှို့ပေးရင် အဲဒီဟာတွေက ၀ိဥာည်လောကမှာ သုံးလို့ရတယ်ဆိုပဲ။ ရွှေစက္ကူတွေ ငွေစက္ကူတွေ များများရှို့ပေးရင် ချမ်းသာမယ်လို့ ဆိုကြတယ်။ သေသွားတဲ့ အမျိုးတွေကို ၀ိဥာည်လောကမှာ ပိုက်ဆံတွေ အများကြီးရစေချင်လို့ မီးရှို့စက္ကူတွေ အင်တိုက်အားတိုက် ရှို့နေကြတာလား။ လာဘ်ကောင်းဖို့ စီးပွါးရေးအဆင်ပြေဖို့ လောဘဇောတိုက်ပြီး ရှို့နေတာလား။ စက္ကူတွေကို မီးရှို့နေတဲ့သူပဲ သိကြမှာပါ။ အဲဒီလို စက္ကူကို မီးရှို့တိုင်း ၀ိဥာည်လောကကို ရောက်တယ်ဆိုရင် ပိုက်ဆံပုံစံတွေ ရှို့မနေတော့ပါဘူး။ လက်နက်တွေ ဒုံးကျည်တွေ တိုက်လေယာဉ်တွေ သံချပ်ကားတွေ စက္ကူနဲ့ ပုံစံတူလုပ်ပြီး မီးရှို့ပေးလိုက်ပါမယ်။ အဲဒါမျိုးတွေ ပေးလိုက်နိုင်ရင် အနည်းဆုံးတော့ ၀ိဥာည်လောကမှာ အာဏာရှင် လုပ်လို့ရတာပေါ့။ လောကမှာ အာဏာရှိရင် ငွေဆိုတာ မလိုတော့ဘူးလားလို့ပါ။ အထင်အမြင်တွေ မှားကောင်း မှားနိုင်ပါတယ်လေ။

တစ္ဆေကြီးပွဲနဲ့ သင်းချိုင်းကန်တော့ပွဲကို လူတွေက ရောနေတတ်ပါတယ်။ တကယ်တော့ ရှင်းရှင်းလေးပါ။ သင်းချိုင်းကန်တော့ပွဲမှာလည်း သေသွားပြီဖြစ်တဲ့ ဘိုးဘွားမိဘတွေရဲ့ ဂူသင်းချိုင်းတွေဆီ အရောက်သွားပြီး အစားအသောက်တွေနဲ့ ကန့်တော့ကြရပါတယ်။ အဲဒါကြောင့် သင်းချိုင်းကန်တော့ပွဲဆိုတာ လူလောကမှာ အသက်ရှင်နေဆဲဖြစ်တဲ့ လူတွေက သေသွားပြီဖြစ်တဲ့ လူသေအလောင်းတွေဆီကို သွားပြီး ဂါရ၀ပြုတာပါ။ တစ္ဆေကြီးပွဲကတော့ သေသွားပြီဖြစ်တဲ့ လူတွေရဲ့ ၀ိဥာည်က အသက်ရှင်နေသေးတဲ့ လူတွေဆီကို လာလည်ပြီး ဂါရ၀အပြုခံတာပါ။

တစ္ဆေကြီးပွဲကာလမှာတော့ တရုတ်လူမျိုးတွေအနေနဲ့ စေ့စပ်ပွဲတွေ၊ မင်္ဂလာဆောင်တွေ၊ အိမ်ပြောင်းတာတွေ ရှောင်လေ့ရှိပါတယ်။ စီးပွါးရေးလုပ်ငန်းတွေ စတင်တာမျိုးလည်း ရှောင်ကြပါတယ်။ အဲဒီလမှာ ရေကူးတာလည်း လျှော့ကြတယ်ဆိုပဲ။ ရေထဲ ဆွဲနစ်ခံရမှာ ကြောက်လို့ထင်တယ်။ ညဘက်အပြင်ထွက်ရင်လည်း သတိဝိရိယနဲ့ သွားလာကြတယ်တဲ့။ တစ္ဆေကြီးပွဲကာလဖြစ်နေတဲ့ ၀၉-၀၉-၀၉ မှာပဲ လက်ထပ်မင်္ဂလာပွဲ ကျင်းပသွားကြတဲ့ တရုတ်စုံတွဲတွေ များမှများ။ စီးပွါးရေးတွေလည်း လုပ်နေကြတာပါပဲ။ ကိုယ်မလုပ်ရင် သူများ လုပ်သွားမှာပေါ့။ ရေကူးကန်မှာလည်း တရုတ်မလေးတွေ ပေါင်တံလေးတွေများ ဖွေးလို့။ ညဘက်ဆိုရင်လည်း လူတွေ လူတွေ လှုပ်စိလှုပ်စိနဲ့ ဟိုနေရာတွေ့ ဒီနေရာတွေ့ မျက်စိတောင် နောက်မိတယ်။

သြော်... တရုတ်ပွဲတော်ကို အပုတ်ချနေလို့ တခြားလူမျိုးများလားလို့ ထင်နေကြအုံးမယ်။ ကျွန်တော်ဇူလိုင် တရုတ်လူမျိုး စစ်စစ်ပါ။ တရုတ်စစ်လို့ မရေးထားပါဘူး။ လူမျိုးဆိုတာ ထည့်ရေးထားပါတယ်။ အဖေလည်း တရုတ်၊ အမေလည်း တရုတ်ပါ။ အိမ်သူသက်ထား ဇနီးမယားအဖြစ် ရည်ရွယ်ထားတဲ့ ချစ်သူလေးလည်း တရုတ်ပါ။ ဒါပေမယ့် စက္ကူမီးရှို့လို့ ချမ်းသာမယ် ဆိုတာကြီးကိုတော့ အာဟိ ခွိခွိလို့ ကလိထိုးရမယ့်ကိန်း ဖြစ်နေတာနဲ့ အမြင်မတော်လို့ ပေါ်တင် ဆော်ပါတယ်။ လောလောဆယ်တော့ မီးခိုးငွေ့ကြောင့် အသက်ရှုရ ခက်ပါတယ်။ အဲဒါကို သရဲတွေက လည်ပင်းညစ်နေတာဆိုပြီး ပြောကြအုံးမှာ မြင်ယောင်နေသေးတယ်။

A part of the team

ဖော်မြူလာဝမ်း ကားပြိုင်ပွဲမှာ စင်္ကာပူကြက်ခြေနီ ရံပုံငွေအတွက် ဈေးရောင်းတဲ့နေရာမှာ လုပ်အားပေးအနေနဲ့ အရွေးခံရကြောင်း ဒီနေ့ညနေမှာ စာဝင်လာပါတယ်။ ဘ၀မှာ အတွေ့အကြုံ အသစ်တစ်ခုအနေနဲ့ ပါဝင်ကူညီ ဆင်နွှဲလိုက်ပါအုံးမယ်လေ။

စင်္ကာပူကြက်ခြေနီက ပို့လိုက်တဲ့ စာလေးကိုလည်း ဒီပို့စ်မှာ မှတ်တမ်းယူထားလိုက်ပါမယ်။

~~~~

Dear Volunteer,

Thank you for your interest in supporting the Singapore Red Cross through the sale of Race Survival Kits for the upcoming Formula 1 SingTel Grand Prix. We are please to inform you that you have been selected to be a part of the sales team on the following days:

Confirmed date: Saturday 26th September 2009
Reserved date: NA

Due to overwhelming responses, we apologize if we are unable to assign you for all your selected dates.

Please be reminded that the duties and responsibility of the sales team include:

1. Selling of Race Survival kits at allocated areas/ zones
2. Assisting in moving of kits stocks/ sales logistics to allocated zones
3. Handling donations and payment for the Kits
4. Upholding the image of Singapore Red Cross Society

We will be creating your security passes for admission during the Race and we would like to seek your kind co-operation by submitting your digital passport size photo to susan.chua@redcross.org.sg by Friday 18th September 2009.

Envy eats nothing

“Envy eats nothing but its own heart”
... ဆိုတဲ့ ဂျာမန်စကားပုံတစ်ခုရှိတယ်။
အားကျမနာလိုဖြစ်တယ် ဆိုတာ ဒါမျိုးတွေပေါ့။

Stay up and fight

ဒီတစ်ပတ်လုံး နေ့ရောညပါ စိတ်ရောကိုယ်ပါ အားသွန်ခွန်စိုက် ကြိုးစားပမ်းစား စီစဉ်ထားသမျှ အနားကပ်မှ တေ့ဖြုတ်ခံလိုက်ရတယ်။ ဖေ့စ်ဘွတ်ခ်မှာလည်း ကွန့်မန့်တစ်ခုကို စ နောက်ပြီး ရေးခဲ့မိတာနဲ့ ဆွမ်းခံရင်း ငှက်သင့်ခံလိုက်ရတယ်။ ချစ်သူလေးခမျာ သွေးလွန်တုပ်ကွေးဖြစ်လို့ ဆေးရုံတင်ထားရပြန်တယ်။ ဗူးလေးရာ ဖရုံဆင့်၊ မြွေပူရာ ကင်းမှောက်သလိုမျိုး စိုးရိမ်စိတ်တစ်ဝက် နှောက်ကျိနေတဲ့ စိတ်တစ်ဝက်နဲ့ ပေါက်ကွဲခါနီး ယမ်းအိုးကြီးကို စနက်တံ ဆွဲဖြုတ်ပေးတဲ့ သတင်းက ၀င်ချလာတော့ ဒေါသလှိုင်းလုံးကြီးတွေ ဆူနာမီထက် မြင့်သွားတယ်။

ကိုယ်ကျိုးလည်း မရှိ အများအတွက် အကျိုးလည်း မရှိ... ဘာလို့များ ဖျက်လိုဖျက်ဆီး လုပ်ချင်သလဲ မသိဘူး။ မျောက်ပြပြီး ဆန်တောင်းတယ် ဆိုပဲ။ တတိယကြိမ်မြောက် တိုင်ကြပြန်ပြီ။ ကြိုးစားစီစဉ်ထားတဲ့ ပွဲက ဘာလို့ ပျက်သွားသလဲဆိုတာ အဲဒီတော့မှ ဇာတ်ရည်လည်တော့တယ်။ စေတနာ ထားမိတော့ ပိုပြီး စိတ်နာရတယ်။ အကျိုးခံစားရမှာက တို့သွေးလည်းမဟုတ် တို့သားလည်းမဟုတ်ပါ။ မွေးရပ်မြေဆိုတဲ့ နှောင်ဖွဲ့မှုတစ်ခုကြောင့် ရုန်းမထွက်နိုင်တာပါ။ ကိုယ့်ပိုက်ဆံနဲ့ ကျွန်ခံနေတယ်ဆိုပြီး အသိုင်းအ၀ိုင်းက လှောင်နေတာ ကြာလှပြီ။

အွန်လိုင်းမှာရှိနေတဲ့ ကိုမင်းအိုနဲ့ ပြဿနာတွေကို ရင်ဖွင့်ဖြစ်တယ်။ သူက ကျွန်တော်နဲ့ စကားပြောနေရင်း ဖေ့စ်ဘွတ်ခ်မှာ စာတွေ တင်နေပြန်တယ်။ မင်းဖတ်ဖို့အတွက် တင်နေတာလို့ ပြောသေးတယ်။ သူပေးထားတဲ့ အကြံအတိုင်း ခံစစ်ကနေ တိုက်စစ်တွေ ပြန်ဖွင့်ရမယ်။ ထာဝရ ရန်သူဖြစ်နိုင်လား ဆိုတာ ဆန်းစစ်ရပါမယ်။ ဒီလိုပဲ မိတ်ဆွေတွေကို ရန်သူ မဖြစ်အောင် စီစဉ်ရပါပြီ။ မနက်ဖြန်မှာ တိုက်ပွဲတွေ စပါပြီ။

ဖေ့စ်ဘွတ်ခ်မှာ သူရေးတင်ထားတဲ့ စာတွေကို ပြန်ဖတ်နိုင်ဖို့အတွက် အခုလိုပဲ သိမ်းထားလိုက်ပါတယ်။

မိတ်ဆွေများနဲ့ နီးအောင်နေ... ရန်သူနဲ့တော့ ပိုနီးအောင်နေပါ...။

နည်းလမ်းရှာလို့ ကုန်တာမှ ဖြေရှင်းလို့မရသေးရင် ပြသနာကို ပိုကြီးအောင် လုပ်ရတယ်...။

သူရဲကောင်းလိုချင်ရင် စစ်ပွဲတော့ တိုက်ရမှာပဲ။ တိုက်ပွဲမရှိဘဲ သူရဲကောင်းဘွဲ့ပေးချင်ရင် လူရယ်စရာပဲဖြစ်မယ်။

ခံစစ်ကြောင်းက နောက်ဆုံးအဆင့်ကို ရောက်နေပြီလို့ ပြောလာရင် သေချာရဲ့လား မေးမနေပါနဲ့။ တိုက်စစ်ကို စပါတော့...။

ကိုယ့်အစီအစဉ်အတိုင်း မဖြစ်တော့ဘူးဆိုရင် သူ့အစီအစဉ်အတိုင်း မသွားမိအောင် အရင်ကြိုးစားဖို့ မမေ့ပါနဲ့။

ရန်သူနဲ့ ပူးပေါင်းတော့မယ်ဆိုရင် မိတ်ဆွေတွေကို ရန်သူမဖြစ်လာစေဖို့ အရင် စီစဉ်ထားပါ...။

ရန်သူကို အပြီးသတ်ချေမှုန်းဖို့ စဉ်းစားရင် သူဟာ ထာဝရ ရန်သူဟုတ်ရဲ့လားကို အရင်စုံစမ်းပါ...။

ကိုယ့်ပြိုင်ဘက်က ကိုယ့်အရပ်မှာ ကိုယ်နဲ့အတူကြီးပြီး ကိုယ်နဲ့အတူ နှစ်ပေါင်းများစွာ နေခဲ့တာဆိုရင် သူလည်း ကိုယ့်ထက်ပိုပြီး မဟာဗျူဟာတွေ တတ်မနေဘူးဆိုတာ သဘောပေါက်ထားပါ...။

သြော် ဒါနဲ့ ဒီနေ့ဟာ World First Aid Day ပါ။ ဒီနှစ် ၂၀၀၉ အတွက် ဆောင်ပုဒ်က...
"First Aid skills should be available to all and not only for those who can afford it"

Hemoglobin

လူနာက သွေးသွင်းဖို့ လိုနေတယ်။ သွေးလာလှူပေးပါဆိုလို့ ဆေးရုံမှာ သွေးသွားလှူကြတယ်။ လိုအပ်တဲ့ သွေးအမျိုးအစားလည်း တူအောင် စီစဉ်ကြတယ်။ ဘီသွေးလိုတယ်ဆိုလို့ ဘီသွေးအလှူရှင် ခေါ်လာတယ်။ အေသွေးလိုတယ်ဆိုရင် အေသွေးသမား ပါလာတယ်။ ခေါ်လာတဲ့ သွေးလှူရှင်မှာ ယောကျာ်းလေးတွေလည်း ပါတယ်။ မိန်းခလေးတွေလည်း ပါတယ်။ ဓါတ်ခွဲခန်းကနေ သွေးစစ်ပြီးတော့ ထွက်လာကြတဲ့ တချို့က ခေါင်းခါပြတယ်။ တချို့က ခေါင်းငိုက်စိုက်နဲ့။ အေဘီစီများလား။ ဘာများဖြစ်ကြသလဲ ဆိုပြီး စိုးစိတ်တိုးတိတ် မေးရမြန်းရပြီပေါ့။ သူတို့ရဲ့ အဖြေက သွေးလှူလို့ မရဘူးတဲ့။

သွေးဘဏ်ကို သွေးလှူရှင်တွေ လိုက်ပို့ပေးခဲ့ဖူးတဲ့ သက်တမ်းတလျှောက် သွေးလှူခွင့်မရတဲ့ ကြုံခဲ့ရသမျှမှာ အများစုက သွေးမှာ ဟေမိုဂလိုဗင် မပြည့်လို့ပါတဲ့။ အဲဒီ ဟေမိုဂလိုဗင်ဆိုတာကို ကြားဖူးကြမယ် ထင်ပါတယ်။ မကြားဖူးသေးတဲ့သူတွေလည်း ရှိကြပါမယ်။ တချို့က သွေးလှူဖူးပေမယ့် ဟေမိုဂလိုဗင် စစ်တယ်ဆိုတာကို မသိလိုက်တာလည်း ရှိနိုင်တယ်။ တချို့က ဟေမိုဂလိုဗင်ဆိုတာ ကြားဖူးကြပေမယ့် ဘာမှန်းဆိုတာကို မသေချာ မရေရာတာလည်း ဖြစ်နိုင်ပြန်တယ်။

၁၈၄၀ ခုနှစ်မှာ စတင်တွေ့ရှိခဲ့ကြတဲ့ ဟေမိုဂလိုဗင်ဆိုတာ သွေးနီဥထဲမှာရှိတဲ့ ပရိုတင်းပါတဲ့ဓါတ်တစ်မျိုးပါ။ သူက သွေးကို အနီရောင်ဖြစ်စေတဲ့ အရာလေးပဲပေါ့။ ပြီးတော့ သူက အဆုတ်တွေကနေ အောက်ဆီဂျင်ကို သယ်ပေးသေးတယ်။ ဟေမိုဂလိုဗင် မပြည့်ဘူးဆိုတာ သွေးထဲမှာ သွေးနီဥ အရေအတွက် နည်းနေတာလည်း ဖြစ်နိုင်သလို သံဓါတ်ချို့တဲ့တာလည်း ဖြစ်နိုင်ပါတယ်။ တခြားအကြောင်းတွေလည်း ရှိနိုင်ပါသေးတယ်။

သွေးမလှူခင်မှာ ဟေမိုဂလိုဗင်ကို အမြဲစစ်ပါတယ်။ လက်ထိပ်က ဖောက်ထုတ်လိုက်တဲ့ သွေးစက်လေးကို အပြာရောင် ဓါတုဆေးရည် ထည့်ထားတဲ့ ဖန်ခွက်ထဲ ချကြည့်ပါတယ်။ သွေးစက်လေးက အပေါ်ကနေ ကျလာတဲ့ အရှိန်ကြောင့် ဖန်ခွက်ထဲက အရည်ထဲကို တိုးဝင် နှစ်မြှုပ်သွားပေမယ့် ဖန်ခွက်အောက်ခြေထိ မရောက်ခင်မှာ သံဓါတ် အားမကောင်းတဲ့ သွေးစက်တွေဟာ အရည်မျက်နှာပြင်ပေါ်ကို ပြန်တက်လာပါတယ်။ ဟေမိုဂလိုဗင် ပြည့်တဲ့ သွေးစက်တွေပဲ အောက်ခြေအထိ ဆင်းသွားပါတယ်။ ဖန်ခွက် အောက်ခြေအထိ မရောက်တဲ့ သွေးကို ဟေမိုဂလိုဗင် တိုင်းတာတဲ့စက်နဲ့ တစ်ခါပြန်စစ်ပါတယ်။ အနိမ့်ဆုံး သတ်မှတ်ချက်ကို ပြည့်မီတယ်ဆိုရင် သွေးလှူခွင့် ပေးပါတယ်။

ဘယ်လို အကြောင်းအရာကြောင့် ဟေမိုဂလိုဗင် အားနည်းရတာလဲဆိုရင် အဓိကအဖြေကတော့ သံဓါတ်ပါတဲ့ အစားအစာတွေ စားသုံးမှု နည်းလို့ပါ။ အသားမစားရင်၊ နို့ထွက်ပစ္စည်း စားသုံးတာ နည်းလွန်းရင် သံဓါတ် ချို့တဲ့နိုင်ပါတယ်။ သတ်သတ်လွတ် စားတဲ့သူတွေ၊ ကိုယ်အလေးချိန် လျှော့ချဖို့ အစားရှောင်နေတဲ့ သူတွေမှာ သံဓါတ် အားနည်းတာကို တွေ့ရနိုင်ပါတယ်။ သံဓါတ်ပါတဲ့ အစားအစာတွေကို စားသောက်ပေမယ့်လည်း နေထိုင်မကောင်းတဲ့အချိန်၊ ကိုယ်ထဲမှာ ဗီတာမင်စီဓါတ် နည်းနေတဲ့အချိန် ခန္ဓာကိုယ်မှာ သံဓါတ်စုတ်ယူမှု အားနည်းနိုင်ပါတယ်။ ခန္ဓာကိုယ်အတွင်း သွေးယိုစီးမှုတွေကြောင့်လည်း သံဓါတ် အားနည်းတတ်ပါတယ်။ လိပ်ခေါင်းဖြစ်နေတဲ့သူတွေလည်း ဟေမိုဂလိုဗင် အားနည်းနိုင်ပါတယ်။ မိန်းခလေးတွေ ရာသီဓမ္မတာလာတဲ့ ကာလမှာ ဟေမိုဂလိုဗင် အားနည်းနိုင်ပါတယ်။ကိုယ်ဝန်ဆောင်တဲ့အချိန်မှာလည်း ဖွံ့ထွားလာတဲ့ သန္ဓေသားက မိခင်ဆီကနေ သံဓါတ်ကို ရယူတဲ့အတွက် မိခင်မှာ သံဓါတ် အားနည်းစေပါတယ်။ ဒါကြောင့် မိန်းခလေးတွေကို ရာသီလာနေတဲ့အချိန်၊ ကိုယ်ဝန်ဆောင်တဲ့ အချိန်၊ မီးဖွားပြီးတဲ့ အချိန်တွေမှာ သွေးလှူဒါန်းခွင့် မပြုပါဘူး။

ဟေမိုဂလိုဗင် အားကောင်းအောင် ဘယ်လို လုပ်ရမလဲဆိုရင် အဖြေကတော့ သံဓါတ်ပါတဲ့ အစားအစာတွေကို များများ စားသောက်ပေးပါလို့ပဲ ဖြေရပါမယ်။ ပဲအမျိုးမျိုး၊ အသည်း၊ အသားတွေဟာ သံဓါတ် အားကောင်းတဲ့ အစားအစာတွေပါပဲ။ သစ်သီးတွေထဲမှာဆိုရင် ငှက်ပျောသီး၊ ထောပတ်သီး၊ သခွါးမွှေး၊ စတော်ဘယ်ရီနဲ့ စပျစ်သီးတွေက သံဓါတ် အားတိုးစေပါတယ်။ ဟင်းသီးဟင်းရွက်ထဲမှာဆိုရင် ဟင်းနုနွယ်၊ ကိုက်လန်၊ ပန်းဂေါ်ဖီ၊ မုန့်လာဥ၊ ခရမ်းချဉ်သီး၊ အာလူး၊ ကန်စွန်းဥ၊ ပြောင်းဖူးတို့ကို များများ စားသင့်ပါတယ်။

ဗီတာမင်စီပါတဲ့ အစားအစာကို အတူတွဲပြီး စားပေးရင် သံဓါတ်စုတ်ယူမှုကို ပိုမို အားကောင်းစေတဲ့အတွက် ဗီတာမင်စီပါတဲ့ ကီဝီသီး၊ လိမ္မော်သီးတွေကို သံဓါတ်ပါတဲ့ အစားအစာတွေနဲ့အတူ စားပေးသင့်ပါတယ်။ စားလိုက်တဲ့အစာကနေ သံဓါတ်တွေ စုတ်ယူမှုကို လက်ဖက်ရည်က အနှောင့်အယှက်ပေးတဲ့အတွက် သံဓါတ် အားနည်းတဲ့သူတွေ လက်ဖက်ရည် လျှော့သောက်သင့်ပါတယ်။ လက်ဖက်လည်း လျှော့စားသင့်ပါတယ်။ တစ်ခု သတိပေးချင်တာကတော့ ခန္ဓာကိုယ်ထဲမှာ သံဓါတ်တွေ အရမ်းများနေရင်လည်း မကောင်းပါဘူး။ ဒါကြောင့် ဘယ်အရာမဆို တရားလွန် မစားကြဖို့ သတိထားစေလိုပါတယ်။

သြော်... လူသားတွေရဲ့ သွေးထဲက ဟေမိုဂလိုဗင် ဘယ်လိုပုံစံမျိုး ရှိသလဲဆိုတာ ပြောဖို့ ကျန်ခဲ့တော့မလို့။ ကဲ... မြင်ဖူးသွားရအောင် ဘယ်လိုပုံစံလေးလဲဆိုတာ ပုံကိုပဲ ကြည့်လိုက်ပါတော့ဗျာ။

Photo Credit: Wikipedia

Myths about blood donation

သွေးလှူတာနဲ့ ပတ်သက်ပြီး အယူအဆအမှားတွေ အတွေးအမှားတွေ အများကြီး ကြုံဖူးကြားဖူးခဲ့ပါတယ်။ ကျွန်တော့်မှာလည်း အတွေးမှား အမြင်မှားတွေ ဟိုတချိန်တုန်းက ရှိခဲ့ဖူးပါတယ်။ အဲဒီလို အယူအဆအမှား အမြင်အမှားတွေကြောင့် သွေးလှူနိုင်ရဲ့သားနဲ့ သွေးမလှူဖြစ်တဲ့လူတွေ အများကြီးပါပဲ။ မွန်မြတ်ဖြူစင်လှတဲ့ လှူဒါန်းမှုတစ်ခုကို လူတွေက လုပ်ချင်ပေမယ့် ဘယ်လိုအချက်တွေက တားဆီးထားသလဲ။

၁။ သွေးလှူပြီးရင် ၀ လာမယ်။
တကယ်တော့ သွေးလှူတာကြောင့် ခန္ဓာကိုယ်အလေးချိန် တိုးလာပြီး ၀ လာတာမျိုး မရှိပါဘူး။ အသားအရည် စိုပြေပြီး အလှတိုးတာပဲ ရှိပါတယ်။ သွေးလှူထားတာကြောင့် အားပြန်ဖြည့်ဖို့ဆိုပြီး ပုံမှန် စားသောက်တာထက် ပိုပြီး စားဖို့သောက်ဖို့လည်း မလိုပါဘူး။ ဒါကြောင့် ပုံမှန်အတိုင်းပဲ စားသောက်နေထိုင်ပါ။ အဲဒီလိုဆို အရင်ကထက် ပိုပြီး ၀ လာစရာ မရှိပါဘူး။

၂။ သွေးလှူတာကြောင့် ရောဂါကူးမယ်။
တကယ်တော့ သွေးဖောက်ယူတဲ့နေရာမှာ အသုံးပြုတဲ့ အပ်တွေ၊ သွေးအိတ်တွေ၊ ပစ္စည်းကိရိယာတွေဟာ သန့်ရှင်းပါတယ်။ သွေးဖောက်တဲ့အခါမှာ တစ်ခါသုံးအပ်တွေကို သုံးထားပါတယ်။ သွေးဖောက်ပေးတဲ့ သူနာပြုတွေကလည်း တစ်ခါသုံး လက်အိတ်တွေကို အသုံးပြုပါတယ်။ အစအဆုံး စနစ်တကျ ရှိလှတဲ့အတွက် သွေးလှူရှင်တွေအနေနဲ့ ရောဂါပိုး ကူးစက်ဖို့ဆိုတာ မဖြစ်နိုင်ပါဘူး။

၃။ သွေးလှူပြီးရင် ကျန်းမာရေး ထိခိုက်မယ်။
တကယ်တော့ သွေးမလှူခင်မှာတင် ဆရာဝန်က သွေးလှူရှင်ရဲ့ ကျန်းမာရေးကို အရင်စစ်ဆေးပေးပါတယ်။ သွေးလှူဒါန်းဖို့ သင့် မသင့်ကို ဆုံးဖြတ်ပေးပါတယ်။ ကျန်းမာရေး ကောင်းမွန်မှ သွေးပေးလှူတာပါ။ ဒါပေမယ့် သွေးလှူပြီးရင်တော့ ကုတင်ပေါ်မှာ မိနစ် အနည်းငယ်လောက်တော့ အနားယူသင့်ပါတယ်။

၎။ သွေးဖောက်တဲ့အခါ အပ်ကြီးကြီးကြောင့် နာမယ်။
တကယ်တော့ နာတယ်ဆိုတာ အရမ်းနာတာ မဟုတ်ပါဘူး။ နားဖောက်တာလောက် သွားနှုတ်တာလောက် မနာပါဘူး။ ပုရွတ်ဆိတ် ကိုက်ရင်တောင် ဒီထက်ပိုနာပါတယ်။ တစ်ခုလောက် သတိရစေချင်တာက သွေးလှူဖို့ အပ်ထိုးတဲ့အချိန် နာတဲ့ နာကျင်မှုဒုက္ခက သွေးလိုနေတဲ့ လူနာရဲ့ သွေးမရရင် ခံစားရမယ့် နာကျင်မှုဒုက္ခနဲ့ နှိုင်းယှဉ်ရင် ဘာမှ မဟုတ်ဘူး ဆိုတာပါပဲ။

၅။ သွေးလှူရတာ အချိန်ကုန်မယ်။
တကယ်တော့ သွေးလှူတာ အစအဆုံးက အလွန်ဆုံး တစ်နာရီ ပတ်ဝန်းကျင်ပဲ ကြာပါတယ်။ အဲဒီ တစ်နာရီမှာ လိုအပ်တဲ့ ကိုယ်ရေးအချက်အလက်တွေ ဖြည့်ရတာတွေ၊ မေးခွန်းတွေ ဖြေရတာတွေ၊ ကျန်းမာရေး စစ်ဆေးမှု ခံယူရတာတွေက အချိန်အများဆုံး ယူသွားပါတယ်။ သွေးလှူတဲ့အချိန်က ၁၀မိနစ် ပတ်ဝန်းကျင်ပဲ ရှိပါတယ်။

၆။ သွေးလှူတဲ့အခါ သွေးအများကြီး ဖောက်ယူခံရမယ်။
တကယ်တော့ သွေးအများကြီး ဖောက်မယူပါဘူး။ သွေးလှူရှင်ရဲ့ ကိုယ်အလေးချိန်အပေါ် မူတည်ပြီး ၄၀၀ မီလီလီတာကနေ ၄၅၀ မီလီလီတာကြားပဲ ယူပါတယ်။ အဲဒီထုတ်ယူလိုက်တဲ့ သွေးပမာဏကို ခန္ဓာကိုယ်က အချိန်ပိုင်းအတွင်း ပြန်လည် ဖြည့်ဆည်းပေးပါတယ်။

၇။ ကျွန်တော် သွေးလှူဖို့ မလိုဘူး။ သွေးလှူရှင်တွေက အများကြီးပဲလေ။
တကယ်တော့ လူနာတွေအတွက် သွေးလှူရှင် လိုနေပါတယ်။ သွေးလှူလို့ရနိုင်တဲ့ လူဦးရေ စုစုပေါင်းရဲ့ ၅ ရာခိုင်နှုန်းကပဲ သွေးလှူနေကြတာပါ။ မြန်မာနိုင်ငံမှာဆို ဒီထက်နည်းပါတယ်။ သွေးကို အစားထိုးဖို့အရာ မပေါ်သေးပါဘူး။ သက်ရှိလူသားဆီကပဲ ရနိုင်တဲ့အတွက် သွေးလှူရှင်တွေ အများကြီး လိုနေပါတယ်။

၈။ သွေးဆိုတာ အကြာကြီး အထားခံတယ်။ တစ်ခါ လှူပြီးရင် လုံလောက်တယ်။
တကယ်တော့ အေးခဲထားတဲ့ သွေးရည်ကြည်ဟာ ၁ နှစ်တိတိ သိမ်းထားလို့ရပါတယ်။ သွေးနီဥကို သာမာန် အခြေအနေမှာ ၄၂ ရက်တိတိ သိုလှောင်နိုင်ပါတယ်။ သွေးဥမွှားကတော့ ၅ ရက်ပဲ အထားခံပါတယ်။ အဲဒီလို အထားခံပေမယ့် လူနာတွေရဲ့ သွေးလိုအပ်ချက်က များလွန်းတဲ့အတွက် လှူထားတဲ့သွေးတွေ သွေးဘဏ်မှာ အဲဒီလောက်တောင် ကြာကြာမထားလိုက်ရပဲ လူနာတွေဆီကို သွေးသွင်းကုသပေးလိုက်ရတာ များပါတယ်။ ဒါကြောင့် သွေးဘဏ်မှာ သွေးအိတ်တစ်ခုကို အကြာကြီး မမြင်ရပါဘူး။

၉။ ဘာသာတရားကြောင့် သွေးလှူလို့မရဘူး။
တကယ်တော့ ကိုးကွယ်တဲ့ ဘာသာတရားတိုင်းလိုလို ကုသိုလ်ဒါနပြုမှုကို အားပေးချီးမြှောက်ထားပါတယ်။ သွေးလှူတယ်ဆိုတာ ထပ်ခါတလဲလဲ ပြုလုပ်လို့ရတဲ့ မွန်မြတ်ဖြုစင် ဇီဝတဒါန လှူဒါန်းမှုတစ်ခုပါ။

အခုပြောသွားတဲ့ အချက်တွေကြောင့် သွေးမလှူဖြစ်ခဲ့တာပါဆိုရင် နောက်ရက်တွေက စပြီး လူ့အသက်တွေကို ကယ်ဖို့အတွက် ဒီစာကို တစ်ခါလောက် အစအဆုံး ပြန်ဖတ်ပေးပါလို့ တောင်းဆိုချင်ပါတယ်။

Blood facts in general

သွေးကို အစားထိုးလို့ရတဲ့အရာ မပေါ်သေးပါဘူး။

သွေးဟာ လူ့ကိုယ်ခန္ဓာအလေးချိန်ရဲ့ ခုနစ်ရာခိုင်နှုန်းနီးပါး ရှိပါတယ်။

သွေးဟာ အောက်ဆီဂျင်နဲ့ အာဟာရဓါတ်တွေကို သယ်ဆောင်ပေးပါတယ်။

သွေးဟာ ကာဗွန်ဒိုင်အောက်ဆိုဒ်နဲ့ အညစ်အကြေးဓါတ်များကို စွန့်ထုတ်ဖျက်ဆီးစေဖို့အတွက် အဆုတ်၊ ကျောက်ကပ်နဲ့ အသည်းတွေဆီကို သယ်ဆောင်ပေးသွားပြန်တယ်။

သွေးဟာ ရောဂါတွေကို တိုက်ထုတ်ပေးပြီး ဒဏ်ရာတွေ အနာတွေ ကျက်စေဖို့ ကူညီပေးသေးတယ်။

အေ၊ဘီ၊ အေဘီ၊ အို ဆိုပြီးတော့ အဓိက သွေးအမျိုးအစားအုပ်စုကြီး လေးခုရှိပါတယ်။

သွေးအမျိုးအစားတိုင်းမှာ မျောက်သွေးလို့ခေါ်တဲ့ RH အပေါင်း အနုတ် ဆိုတာလည်း ရှိပြန်သေးတယ်။

သွေးထဲမှာ သွေးနီဥ၊ သွေးဖြူဥ၊ သွေးဥမွှားနဲ့ သွေးရည်ကြည်ဆိုပြီး အဓိက ၄ မျိုး ပေါင်းစပ်ပါဝင်နေတယ်။

သွေးဖြူဥဟာ သွေးဆဲလ်ထဲမှာ အကြီးဆုံးပါပဲ။ ရောဂါပိုးမွှားတွေကို တိုက်ထုတ်ဖို့ တာဝန်ယူပေးထားပါတယ်။ သွေးဖြူဥတွေရဲ့ သက်တမ်းဟာ တိုလွန်းလှပါတယ်။ ရက်အနည်းငယ် ဒါမှမဟုတ် တစ်ပတ်လောက်ပဲ သက်တမ်းရှိပါတယ်။ သွေးစက်လေးတစ်စက်မှာ သွေးဖြူဥဆဲလ်ပေါင်း ခုနစ်ထောင်ကနေ နှစ်သောင်းခွဲအထိ ရှိတတ်ပါတယ်။ ကိုယ်ထဲကို ၀င်လာတဲ့ ရောဂါပိုးက ပြန်လည်ခုခံတယ်ဆိုရင် သွေးဖြူဥဆဲလ် အရေအတွက် ဒီထက်မက များပြားလာတတ်ပါတယ်။

သွေးနီဥဟာ သွေးပမာဏရဲ့ ၄၀ ရာခိုင်နှုန်းနီးပါး ရှိပါတယ်။ အောက်ဆီဂျင်နဲ့ အာဟာရဓါတ်တွေကို အဓိက သယ်ဆောင်ပေးပါတယ်။ ကာဗွန်ဒိုင်အောက်ဆိုဒ်ဓါတ်တွေကို အဆုတ်ကို ပြန်လည် သယ်ယူပေးပြန်တယ်။

သွေးဥမွှားက အသေးငယ်ဆုံး သွေးဆဲလ်လေးတွေပါ။ သွေးပမာဏရဲ့ ၅ ရာခိုင်နှုန်းက ၇ ရာခိုင်နှုန်းအထိဟာ သွေးဥမွှားလေးတွေပါ။ သွေးဥမွှားတွေက ဒဏ်ရာ အနာတရဖြစ်တဲ့အခါမှာ သွေးခဲစေပြီး သွေးယိုထွက်ခြင်းကို လျှော့ချပေးပါတယ်။

သွေးရည်ကြည်က စေးကပ်ကပ်ရှိလှတဲ့ အ၀ါရောင်ဖျော့ဖျော့ အရည်လေးပါ။ သွေးပမာဏ စုစုပေါင်းရဲ့ ၅၅ ရာခိုင်နှုန်းဟာ သွေးရည်ကြည်တွေပါ။ သွေးရည်ကြည်ထဲမှာ ရေဓါတ်၊ ဆားဓါတ်နဲ့ ပရိုတင်းဓါတ်တွေ ပေါင်းစပ် ပါဝင်နေပါတယ်။ သွေးရည်ကြည်ရဲ့ ၉၅ ရာခိုင်နှုန်းက ရေတွေပါ။ ကျန်တဲ့ ၅ ရာခိုင်နှုန်းက ဟိုမုန်းဓါတ်တွေ၊ ဆားဓါတ်နဲ့ ပရိုတင်းဓါတ်တွေပေါ့။

သွေးနီဥဟာ လူ့ခန္ဓာကိုယ်ထဲမှာ ရက်ပေါင်း ၁၂၀ အထိ သက်တမ်းရှိပါတယ်။

သွေးနီဥကို သာမာန်အခြေအနေမှာ ၄၂ ရက်တိတိ သိုလှောင်ထားလို့ရပါတယ်။

အေးခဲထားတဲ့ သွေးနီဥတွေဆိုရင် ၁၀ နှစ်နဲ့ အထက် သိမ်းထားလို့ရပါတယ်။

သွေးဥမွှားကတော့ ၅ ရက်အတွင်း အသုံးပြုရပါတယ်။

သွေးဥမွှားကို သွေးကင်ဆာနဲ့ တခြားကင်ဆာရောဂါတွေရဲ့ သွေးသွင်းကုသမှုမှာ အသုံးပြုပါတယ်။

သွေးရည်ကြည်ဟာ သွေးပေါင်ချိန်ကို ထိန်းတဲ့နေရာမှာ ကူညီပေးပါတယ်။ သွေးဆဲလ်တွေ၊ ဟိုမုန်းဓါတ်တွေ၊ အင်ဇိုင်းတွေကိုလည်း သယ်ဆောင်ပေးပါတယ်။ သွေးခဲစေဖို့အတွက်နဲ့ ကိုယ်ခံအားစနစ်အတွက် လိုအပ်တဲ့ ပရိုတင်းဓါတ်ကိုလည်း သယ်ဆောင်ပေးပါတယ်။

အေးခဲထားတဲ့ သွေးရည်ကြည်ဟာ ၁ နှစ်တိတိ ထားလို့ရပါတယ်။

လူရဲ့သွေးထဲမှာ ပါဝင်တဲ့ သွေးနီဥ၊ သွေးဖြူဥ၊ သွေးဥမွှားနဲ့ သွေးရည်ကြည်တွေကို ရိုးတွင်းခြင်ဆီကနေ သဘာဝအလျှောက် ထုတ်လုပ်ပေးတာပါ။

The 10th time VNRBD

စင်္ကာပူကျွန်းမှာ ကျွန်းစံနေရတဲ့ ဘ၀အတွင်းမှာ ၁၀ ကြိမ်မြောက် သွေးလှူဖြစ်ပါတယ်။ သွေးလှူပြီးတော့ စလုံးကြက်ခြေနီရဲ့ 09-09-09 သွေးလှူပွဲကိစ္စအတွက် လက်ကမ်းစာစောင် လိုက်ဝေဖြစ်တယ်။ သွားရလာရတာ များပြီး ပင်ပန်းသွားလို့ အိမ်ပြန်ရောက်တော့ မှောက်သွားပါတယ်။ ဖျားတော့ မဖျားပါဘူး။

ဒါပေမယ့် အဲဒီနေ့က ချစ်သူလေး ဖျားနေပါတယ်။ သူကတော့ မာလာဟင်း သွားစားရင်း မိုးကြီးလေကြီးနဲ့ ကြုံဆုံတွေ့ပြီး အအေးမိတာပါ။ ဆရာဝန် မပြပဲ ခေါင်းမာနေလို့ အဝေးကနေ စိတ်ပူနေရတယ်။

သြော်... VNRBD ဆိုတာ ဘာလဲဆိုတာ မသိတဲ့သူလည်း ရှိနိုင်ပါတယ်။
Voluntary Non-Remunerated Blood Donation ကို ပြောတာပါ။

Volunteers needed for F1

စင်္ကာပူကြက်ခြေနီအသင်းက ၂၀၀၉ စင်းတဲလ် ဖော်မြူလာဝမ်းကားပြိုင်ပွဲမှာ စကာင်္ပူကြက်ခြေနီ ရံပုံငွေအတွက် ဈေးရောင်းပေးဖို့ စေတနာ့ဝန်ထမ်း လုပ်အားပေးတွေ ခေါ်နေပါတယ်။ အသက် ၁၈ နှစ်နဲ့အထက် ဖြစ်ရင် လျှောက်ထားလို့ရပါတယ်။ ဒါပေမယ့် စင်္ကာပူကြက်ခြေနီ အသင်းဝင်ဖြစ်ရပါမယ်။ လျှောက်လွှာကို စက်တင်ဘာ ၈ ရက်နေ့ မတိုင်ခင် စင်္ကာပူကြက်ခြေနီရုံးကို ပို့ပေးရမှာပါ။ လူဦးရေ ကန့်သတ်ထားတဲ့အတွက် ရွေးချယ်မှု စည်းမျဉ်းစည်းကမ်းတွေကို ဖော်ပြထားပါတယ်။

Event Details:

Race days: 25 - 27 September (Friday to Sunday)
Sales Shifts: 2pm – 10pm (Fri & Sat), 2pm – 10:30pm (Sun)
Duty Attire: T-shirt (provided), Bermudas/ Jeans and Covered Shoes
Briefing: To be conducted on the event day at the reporting location
(Reporting details will be advice upon confirmation)
Meals: Dinner Coupon will be issued to every volunteer

Monkey food

လဆန်းနှစ်ရက် အလုပ်တွေပိ ညဂျူတီနဲ့အိပ်ရေးတွေပျက်
နောက်ဆုံးတော့လည်း ဘောနပ်စ်က ငှက်ပျောသီးပဲဖြစ်မှာပါ
တကယ်တော့ ရုံးကမန်နေဂျာကြီးဆိုတာ ကုလားကြီးဗျ
ဘာပဲဖြစ်ဖြစ် ငှက်ပျောသီးစားကြည့်တော့ အားရှိပါ၏။

Reflection in the mirror

မှန်တစ်ချပ်ရှေ့မှာ အချိန်အတော်ကြာကြာ ကြည့်ဖူးကြသလား... ဘာတွေ တွေ့မယ် ထင်သလဲ။ ဘာတွေကို ခံစား ဆင်ခြင် သုံးသပ်မိသလဲ။ ပြန်ရမယ့်အဖြေက မှန်ထဲမှာ ကိုယ့်ပုံ ကိုယ်ပြန်မြင်မှာပေါ့။ ကိုယ့်ရူပကာအပေါ် ဆင်ခြင်သုံးသပ်မိမှာပေါ့။ ၀မ်းနည်း ၀မ်းသာ ခံစားမိမှာပေါ့။ အဲဒါတွေပဲလား။

မှန်ရှေ့မှာ ပြုံးပြလိုက်ရင် မှန်ထဲမှာ အပြုံးပုံလေး မြင်နေရမယ်။ မှန်ရှေ့မှာ မဲ့ပြလိုက်ရင်တော့ မဲ့နေတဲ့ ပုံလေး ထွက်လာမယ်။ မှန်ရှေ့မှာ တည်တည်ကြီးနေရင် မှန်ထဲမှာလည်း တည်တည်ကြီးပဲ တွေ့ရမယ်။ မှန်ရှေ့မှာ မှုန်ကုပ်နေရင် မှန်ကလည်း မှုန်ကုပ်ကုပ်ပုံလေး ပြလိမ့်မယ်။ မှန်ရှေ့မှာ ကုန်းပြ ကွပြ ကားပြလည်း လုပ်သမျှ ပုံစံအတိုင်း မှန်က အချိန်နဲ့ တပြေးညီ လိုက်ပြနေလိမ့်မယ်။

ကျွန်တော်တို့ နေ့စဉ်လိုလို မှန်ကြည့်ကြပေမယ့် မှန်အကြောင်းကို ဟိုဟိုဒီဒီ တွေးမိခဲ့ကြရဲ့လား။ မှန်ဆိုတာ သက်မဲ့အရာဝတ္ထုတစ်ခုပါ။ နူးညံ့တဲ့ ၀ါဂွမ်းစလိုမျိုး မှန်တွေ မရှိပါဘူး။ မှန်ရဲ့မျက်နှာပြင်က မာကြောနေတာ သဘာဝပါပဲ။ ဒါကြောင့်လည်း ကွဲလွယ်ရှလွယ်တဲ့ ပစ္စည်းတစ်ခုပေါ့။

မှန်တွေဟာ သစ္စာရှိပါတယ်။ မှန်တဲ့အတိုင်းပဲ ပြတယ်။ ပြုံးနေတာကို မဲ့နေတယ်လို့ မပြဘူး။ အိုမင်းနေတာကို နုပျိုတယ်လို့ မပြဘူး။ မဲတူးနေတာကို ဖြူဝင်းနေတယ်လို့ မပြဘူး။ လှတဲ့သူကို အကျည်းတန်သူလို့ မပြဘူး။ ပုံပြင်ဇာတ်လမ်းတွေမှာတောင် မှန်တွေ သစ္စာရှိတဲ့အကြောင်းကို ဖွဲ့နွဲ့ရေးသားကြတယ်။ စနိုးဝှိုက်ပုံပြင်ထဲက စုန်းမကြီးရဲ့ မှော်တန်ခိုးနဲ့ စီရင်ဖန်တီးထားတဲ့မှန်တောင် ကမ္ဘာပေါ်မှာ ဘယ်သူအလှဆုံးလဲ ဆိုတာကို မေးလိုက်တိုင်း အမြဲတမ်း အမှန်တရားကိုပဲ ပြလေ့ရှိတယ်။ ပိုင်ရှင်သခင်ဖြစ်တဲ့ စုန်းမကြီးရဲ့ အလိုကိုလိုက် အကြိုက်ဆောင်ပြီး မုသားမသုံးခဲ့ဘူးတာ ဖတ်ဖူးကြမယ် ထင်ပါတယ်။

မှန်တွေဟာ မှန်တွေရဲ့ သဘာဝအတိုင်းပဲ မှန်မှန်လေးနေလေ့ရှိပါတယ်။ ဒါပေမယ့် မှန်ကြည့်တဲ့လူတွေက အမှန်ကို မြင်ရတဲ့အခါမှာ တခါတလေ လက်မခံတတ်ကြပါဘူး။ လက်မခံဝံ့တာလည်း ဖြစ်နိုင်တယ်။ မှန်က အရှိကို အရှိတိုင်းပဲ ပြနေတယ်။ ဒါကြောင့် မှန်မှာ အပြစ်မရှိပါဘူး။ တချို့လူတွေကသာ မှန်က ပြတဲ့ပုံရိပ်ကို လက်မခံနိုင်ကြဘူး ဖြစ်နေတာ။ အဲဒါကိုက မှန်ရဲ့ ပြဿနာဖြစ်နေတယ်။

အပြစ်မရှိတဲ့ မှန်ကို ဒေါသစိတ်နဲ့ ထိုးခွဲပစ်ကြတယ်။ ချခွဲပစ်ကြတယ်။ ရိုက်ခွဲပစ်ကြတယ်။ အဲဒီအခါမှာ မှန်တွေ တစ်စစီ ကွဲသွားပါပြီ။ အစိတ်စိတ် အမွှာမွှာလည်း ဖြစ်နိုင်ပါတယ်။ မှန်ကွဲစမှာ အချွန်အတက်တွေလည်း ထွက်နေနိုင်တယ်။ အဲဒီလို ကွဲနေတဲ့ မှန်တွေထဲကို လှမ်းကြည့်လိုက်ရင် ဘာတွေ ပြနေမယ် ထင်သလဲ။ မှန်ကွဲတွေက အမှန်တွေပဲ ပြနေသေးတယ်။ ဒါပေမယ့် ပြည့်ပြည့်စုံစုံ လှလှပပတော့ မဟုတ်တော့ဘူးပေါ့။

လောကမှာ မှန်တွေရဲ့ တန်ဖိုးကို နားလည်ခံစားတတ်တဲ့လူတွေ ရှိသေးတာကိုက မှန်တွေအတွက် ဖြေသိမ့်စရာ ကျေနပ်စရာလေးပေါ့။ မှန်တွေအတွက် ကျွန်တော်လည်း မှန်တစ်ချပ်ကို တန်ဖိုးထားပါတယ်။